«Հայաստանի նկատմամբ հավատարմությունը նշանակում է նաև համարձակ լինել՝ խոսելու անարդարության մասին»
Ալմելո, 2025 թ․ նոյեմբերի 8 - Անդրադառնալով Հաագայում գործող Հայաստանի դեսպանության աշխատանքի ձևին և համայնքի հետ ունեցած սահմանափակ կապին Գելիջին հաստատել է, որ վերջին ամիսներին մի քանի պաշտոնական նամակներ է ուղարկել Նիդեռլանդներում Հայաստանի դեսպանությանը, սակայն մինչ օրս բովանդակային պատասխան չի ստացել։
Նրա խոսքով՝ իր քննադատությունը չի վերաբերում Հայաստանի Հանրապետությանը կամ կառավարությանը, այլ՝ դեսպանության թափանցիկության և հաղորդակցության պակասին։
«Ես միշտ եղել եմ Հայաստանի կառավարության և մեր պետության կողքին, և դա երբեք չի փոխվի», - հայտարարել է Գելիջին։
«Բայց Հայաստանի նկատմամբ հավատարմությունը չի նշանակում լռել, երբ տեսնում ենք անարդարություն։
Սեփական համայնքը անտեսելը դիվանագիտություն չէ՝ դա խզում է կապը այն ժողովրդի հետ, որի անունով ես հանդես ես գալիս»։
Գելիջին նշել է, որ նիդեռլանդահայ մի շարք կազմակերպություններ նույնպես իր հետ կիսել են մտահոգությունները և հայտնել, որ իրենց ևս անտեսվել են։
Այնուամենայնիվ՝ նա շեշտել է, որ այս հարցում խոսում է բացառապես իր անունից։
«Իմ նպատակը հակադրություն ստեղծելը չէ, այլ՝ ճշմարտությունը բարձրաձայնելը։
Եթե մենք ներկայացնում ենք Հայաստանը, պետք է միավորենք մարդկանց, ոչ թե բաժանենք։
Հարգանքը սկսվում է լսելու ունակությունից»։
Գելիջին նշել է, որ եթե առաջիկա շաբաթներին չլինի որևէ փոփոխություն կամ նախաձեռնություն դեսպանության կողմից, ինքը պատրաստ է թեման ներկայացնել Նիդեռլանդների խորհրդարանի պատգամավորներին և Եվրոպական խորհրդարանի այն անդամներին, որոնց հետ երկար տարիներ համագործակցել է Հայաստանի շահերի պաշտպանության շրջանակում։
«Ես միշտ պաշտպանել եմ Հայաստանի անունը և շարունակելու եմ դա անել։
Բայց լռությունն ու խուսափելը չեն կարող լուծում լինել։
Ժամանակն է՝ վերականգնելու բացությունն ու պատասխանատվությունը»։
📍 Լրատվամիջոցների համար կապի տվյալներ
Ռոբին Հայկ Գելիջի
Ալմելո քաղաքի ավագանու անդամ
📧 robin.gelici@outlook.com
📞 0031649083677
Նիդ.օրագրի կողմից-Մեզ հասցեագրած այս նամակը հրապարակելով, պատրաստ ենք հրապարակել նաև այլ կարծիքներ, այդ թվում դեսպանության պարզաբանումը։
No comments:
Post a Comment