Հայաստանի և Նիդերլանդների միջև նոր օդային կապը կարևոր ձեռքբերում է Նիդերլանդներում, Բելգիայում և Գերմանիայում բնակվող հայերի համար։
Այսօր տեղի է ունեցել Էյնդհովենից Երևան առաջին ուղիղ չվերթի բացումը։
Երկար սպասված այս իրադարձությունը նոր հնարավորություններ է ստեղծում երկու երկրների միջև ուղևորությունների համար։
Նոր օդային կապի իրականացման գործում կարևոր դեր են ունեցել նաև հայ համայնքի ջանքերը։ Նախաձեռնությանն աջակցած մարդիկ շարունակել են հավատալ նպատակի իրագործմանը՝ նպաստելով Հայաստանի և Նիդերլանդների միջև կապերի ամրապնդմանը։
Էյնդհովենի աշխարհագրական դիրքը հարմար է նաև Բելգիայում և Գերմանիայում բնակվող հայերի համար։ Ուղիղ չվերթը հնարավորություն կտա ավելի հեշտությամբ այցելել հայրենիք, հանդիպել հարազատներին և պահպանել կապը Հայաստանի հետ։
Այս նախաձեռնությունը ոչ միայն տրանսպորտային նոր հնարավորություն է, այլև կարևոր քայլ՝ ընտանիքների, ընկերների և համայնքների միջև կապերն ամրապնդելու ճանապարհին։
Ամառային սեզոնի տոմսերն արդեն հասանելի են Wizz Air ավիաընկերության պաշտոնական կայքում՝ "www.wizzair.com" (https://www.wizzair.com)։ Ուղևորներին խորհուրդ է տրվում նախապես պլանավորել իրենց ճանապարհորդությունը և ժամանակին ամրագրել տոմսերը։
Նիդերլանդական օրագիր
Հայ համայնքի հետևողական ջանքերով ևս մեկ կարևոր քայլ է կատարվել՝ հայրենիքն ավելի մոտ դարձնելու Եվրոպայում բնակվող հայերին։
Ա.Կնիազյան
Հ.Գ.-Ցավոք ավիաընկերությունը չեղյալ համարեց նոյեմբերի 2-ի և 4-ի չվերթները, որի պատճառով ձեր խոնարհ ծառան չկարողացավ մասնակցել Երևանում անցկացվող Սփյուռքի գրասենյակի կողմից անցկացվող գագաթնաժողովի աշխատանքներին:
30.10.2026

No comments:
Post a Comment