09.08.2025/Hay Azian/Նիդ.օրագիր
Պատմությունը սկսվում է մի պարզ հետաքրքրասիրությունից։ Հեղինակը`Լիլյա Ղուլյանը, ցանկանալով իմանալ, թե ում ձեռքի գործ են այդ հսկայական քանդակները, պատահաբար կամ բախտի բերմամբ հայտնվում է հենց դրանց ստեղծողի՝ Հայաստանի վաստակավոր նկարիչ, քանդակագործ Տիգրան Արզումանյանի դռան առաջ։
Պարոն Արզումանյանը սիրով ընդունում է և բացահայտում, որ արձանները նախատեսված էին տեղադրվելու Հանրապետության հրապարակի Հայաստանի պատմության թանգարանի մուտքի կամարի երկու կողմերում գտնվող պատվանդանների վրա։ Քանդակներից մեկը պատկերում է Գրիգոր Լուսավորիչին, իսկ մյուսը՝ Տրդատ Գ Մեծին։
Այսօր Կասկադի բակում տեսանելի արձանները նախնական, անավարտ տարբերակներն են։ Վերջնական տարբերակները պետք է պատրաստվեին Հունաստանից բերված սպիտակ մարմարից, սակայն ֆինանսական և կազմակերպչական խնդիրների պատճառով նախագիծը մնում է «չեզոք» փուլում։
Մինչ այդ, Կասկադի բակի այս «գաղտնի» հսկաները շարունակում են զարմացնել պատահական անցորդներին՝ անտեսանելի կերպով պահելով Երևանի մշակութային մի փոքրիկ գաղտնիք։
No comments:
Post a Comment