Էդվին Մարտիրոսյանը Նիդերլանդներում ապրող հայրենակիցներից է, ով մեծացել և կրթություն է ստացել այս երկրում, այստեղ էլ կառուցել է իր ընտանիքը՝ ամուսնացած է և երեխաներ ունի: Սակայն նրա սիրտը միշտ մնում է արևաշող Հայաստանում: Նա անչափ ուրախանում է մեր երկրի յուրաքանչյուր հաջողությամբ, մտահոգվում անհաջողություններով և միշտ փնտրում ու գտնում է դրական կողմերը:
Էդվինը կանոնավոր այցելում է հայրենիք, ոգևորվում է այնտեղ տեղի ունեցող դրական փոփոխություններով և բոլոր հայրենակիցներին կոչ է անում անպայման գալ Հայաստան՝ տեսնելու և զգալու այդ ամենը իրենց սեփական աչքերով:
Նա իր մտքերն ու տպավորությունները կիսվում է ոչ միայն իր բլոգի ու սոցիալական ցանցերիմիջոցով, նաև հանդես է գալիս հանրապետական մամուլով, անդրադառնալով այն հարցերին, որոնք իսկապես հուզում են հասարակությանը:
Վերջերս Էդվինը վերադարձավ Հայաստան կատարած իր մեկշաբաթյա այցից և կիսվեց իր թարմ տպավորություններով: Առաջ քաշված հարցերը` որից մեկը հարկադիր արտագաղթն է, կարծում ենք կհետաքրքրի Նիդերլանդական օրագրի ըմթերցողներին:
Ներկայացված այս տեսանյութից բացի իր մեկ շաբաթյա Հայրենիք կատարած այցի ընթացքում Էդվինը եղել է բազմաթիվ վայրերում ու նկարահանումներ կատարել:
Այս տեսանյութերում ևս նա ցուցադրում, խոսում է հայրենիքում ապրած օրերի մասին, այդ մասին ամփոփել ենք մեր կայքում՝ մեկ հղումով: Եթե հետաքրքրված եք՝ անպայման ծանոթացեք, կարծում ենք՝ շատ բան կգտնեք ձեզ համար հետաքրքիր և ոգեշնչող:
No comments:
Post a Comment