Կան կազմակերպություններ, որոնց հետ համագործակցությունը պարզապես գործընկերություն չէ։ Ժամանակի ընթացքում այն վերածվում է վստահության, փոխադարձ հարգանքի և լավ գործերի շուրջ միասին լինելու։
«Նիդերլանդական օրագրի» համար «Միասին» համահայկական ՀԿ-ն հենց այդպիսի գործընկեր է։
Չորս տարվա ճանապարհը «Միասին»-ը անցել է՝ իր անվանը հավատարիմ մնալով․ միասին՝ Հայաստանի և Սփյուռքի, տարբեր համայնքների, կազմակերպությունների, մասնագետների, կամավորների ու մարդկանց հետ։
Սոցիալական, կրթական, մշակութային և առողջապահական նախաձեռնությունները ցույց են տալիս, որ լավ գաղափարը արժեք է դառնում այն ժամանակ, երբ այն վերածվում է գործի։
Ուրախ ենք, որ այդ ճանապարհի մի փոքր մասն անցել ենք նաև մենք՝ մեր հրապարակումներով, աջակցությամբ և համագործակցությամբ։
Շնորհակալություն «Միասին»-ի ամբողջ թիմին՝ վստահության և այն աշխատանքի համար, որն ամեն օր իր փոքրիկ, բայց կարևոր ներդրումն է անում մարդկանց ու համայնքների կյանքում։
Թող այս չորս տարիների ձեռքբերումները լինեն միայն սկիզբը։
Առջևում դեռ շատ ծրագրեր, նոր գաղափարներ և, ամենակարևորը՝ շատ լավ գործեր, որոնք կարելի է անել միասին։ 🤝❤️
Մեր հատուկ շնորհավորանքները «Միասին» համահայկական ՀԿ-ի նախագահ Գևորգ Չիչյանին և կազմակերպության ամբողջ թիմին։ Թող «Միասին»-ի ճանապարհը շարունակվի նոր ձեռքբերումներով, վստահելի գործընկերություններով և մարդկանց միավորող նոր նախաձեռնություններով։
Շնորհավոր 4-ամյակ, «Միասին»։
Միշտ պատրաստ ենք լինել կողքիդ՝ լավ գործերի ճանապարհին։
No comments:
Post a Comment