02.06.2025/Լոս Անջելեսի օպերային թատրոնի նոր տնօրենը։
Դոմինգո Հինդոյան
Ծննդյան տարեթիվ: 1979
Ծննդավայրը: Կարակաս, Վենեսուելա
Ծագում: Հայ-վենեսուելացի
Հայրը: Դոմինգո Գարսիա՝ հայտնի ջութակահար և Վենեսուելայի «Օրկեստրա Սիմֆոնիկայի» նախկին նախագահ
Մայրը: Վիկի Հինդոյան՝ իրավաբան, Վենեսուելայի օրենսդիր մարմնի անդամ
Կարիերա.
Աշխատել է Բեռլինի Deutsche Staatsoper նվագախմբում
2018-ին ղեկավարել է Նյու Յորքի Մետրոպոլիտեն Օպերայի նվագախումբը
2019-ին հրավիրվել է ղեկավարելու Լիվերպուլի թագավորական նվագախումբը, նաև Լեհաստանի ազգային սիմֆոնիկ նվագախումբը
Նոր պաշտոն:
Նշանակվել է Լոս Անջելեսի օպերայի երաժշտական տնօրեն՝ փոխարինելով Ջեյմս Քոնլոնին։
2026֊ 2027 թատերաշրջանի ընթացքում նրան է վստահվել երեք բեմադրություն։
Պայմանագիրը՝ 5 տարի, ներառում է երեք բեմադրություն
Հինդոյանի հայտարարությունը.
«Լոս Անջելեսը հայտնի է իր երաժշտական նորարարություններով։ Իմ նպատակը նոր ստեղծագործությունների, պատվերների և ժամանակակից աշխատանքների կատարումն է՝ պահպանելով դասական երաժշտության ավանդույթները»։
Վտանգավոր հարիբո
03.06.2025 /ՀՀ նախագահի հրամանագրով Մոնակոյի Իշխանապետությունում Հայաստանի Հանրապետության արտակարգ և լիազոր դեսպան է նշանակվել
Ֆրանսիայի Հանրապետությունում Հայաստանի Հանրապետության արտակարգ և լիազոր դեսպան Արման ԽԱՉԱՏՐՅԱՆԸ` համատեղության կարգով, նստավայրը` Փարիզ:
Օլիմպիական փոխչեմպիոն և աշխարհի չեմպիոն Արթուր Դավթյանը (32 տ.) երրորդ անգամ նվաճեց Եվրոպայի չեմպիոնի տիտղոսը՝ հաղթելով Լայպցիգում ընթացող Եվրոպայի առաջնությունում հենացատկի վարժությունում:
01.06.2025/Փարիզի Սան Ժերմենը 5-0 հաշվով հաղթեց «Ինտեր Միլան»-ին և նվաճեց ՈւԵՖԱ-ի գավաթը
Եվրոպական ֆուտբոլի ամենաբարձր մակարդակի մրցաշարում մայիսի 31-ին տեղի ունեցած եզրափակիչ խաղում Փարիզի Սան Ժերմենը (ՓՍԺ) վստահ հաղթանակ տարավ Իտալիայի «Ինտեր Միլան»-ի նկատմամբ՝ 5-0 հաշվով, և նվաճեց ՈւԵՖԱ-ի գավաթը:
Հանդիպման մեկնարկից ի վեր Փարիզի թիմը վերահսկեց հանդիպման ընթացքը՝ ցուցադրելով հարձակման բարձր տեմպ և խաղի գերազանց կազմակերպվածություն: Արդեն առաջին խաղակեսում թիմը կարողացավ ապահովել երկու գնդակի առավելություն:
Հենրիխ Մխիթարյանը, հանդես գալով «Ինտեր Միլան»-ի կազմում, ակտիվորեն մասնակցում էր թիմի խաղին: Այնուամենայնիվ, թիմին չհաջողվեց կանգնեցնել «ՓՍԺ»-ի գերակշիռ առավելությունը:
Խոսքի ազատության և արժանապատվության բախում։ Քաղաքագետ Հրայր Մանուկյանի կարծիքը
22.05.2025/Նիդ.օրագիր/Hay Azian
Վերջին շրջանում հայկական հանրային դիսկուրսում կրկին սրվեց խոսքի ազատության և անձի արժանապատվության փոխհարաբերության հարցը։ Դրան առիթ էր հանդիսացել վարչապետի տիկին Աննա Հակոբյանի հրապարակային ու հստակ արձագանքը՝ ուղղված իրեն հասցեագրված հերյուրանքներին և վիրավորանքներին։ Հակոբյանը գործածեց կոշտ բառապաշար՝ քննադատելով նրանց, ովքեր համակարգված կերպով տարածում են կեղծիքներ։ Հանրային այս դրվագը վեր հանեց մի խորքային հարց՝ արդյոք Հայաստանում գոյություն ունի արդյունավետ մեխանիզմ՝ անձի արժանապատվությունը պաշտպանելու՝ առանց խոսքի ազատության սահմանափակման վտանգի։
Քաղաքագետ Հրայր Մանուկյանը, որը բնակվում է Նիդերլանդներում, անդրադարձավ այս խնդրին՝ համեմատական վերլուծություն կատարելով եվրոպական և հայաստանյան մոդելների միջև։ Նրա տեսակետը հիմնված է թե՛ իրավական համակարգերի, թե՛ մշակութային տարբերությունների խորքային ըմբռնման վրա։
Մանուկյանը հիշեցնում է, որ Գերմանիայում խոսքի ազատությունը չի հանդիսանում բացարձակ արժեք։ Գերմանական Սահմանադրության՝ Grundgesetz-ի համաձայն, այն սահմանափակվում է այլոց իրավունքներով՝ մասնավորապես անձի արժանապատվությամբ (Menschenwürde), ինչը համարվում է բարձրագույն սահմանադրական արժեք։ Այս մոտեցման շրջանակներում վիրավորանքը, զրպարտությունը և ատելության խոսքը կարող են հանգեցնել քրեական պատասխանատվության, ներառյալ՝ ազատազրկման։
Այս մեխանիզմը գործում է ոչ թե որպես խոսքի ազատության ճնշում, այլ որպես դրա սահմանում՝ հանուն հանրային համակեցության որակի պահպանման։ Սակայն դրա արդյունավետությունը պայմանավորված է որոշ հանգամանքներով. արդարադատության համակարգի անկախությամբ, քաղաքացիական վերահսկողության մակարդակով և քաղաքական մշակույթի հասունությամբ։
Հրայր Մանուկյանը նկատում է, որ Հայաստանում 2021–2022 թվականներին վիրավորանքի քրեականացման փորձն ուղեկցվեց իրավապաշտպանների կոշտ արձագանքով։ Ըստ նրանց՝ այդ քայլը իշխանությանը տալիս էր գործիք ընդդիմադիր կամ քննադատական ձայները ճնշելու համար։ Թեև նախագիծն ի վերջո չեղարկվեց, խնդրի բուն էությունը չլուծվեց։
Մանուկյանի համոզմամբ, Հայաստանի դեպքում կա իրարից բացարձակորեն անջատված երկու ծայրահեղ բևեռ՝ մեկը պահանջում է խոսքի ազատության անսահման երաշխավորում, մյուսը՝ արժանապատվության անվերապահ պաշտպանություն՝ հաճախ նույնիսկ արտահայտվելու ազատության հաշվին։ Այս հակասությունը չի հանգեցրել ոչ իրավական հստակեցման, ոչ էլ մշակութային ընկալման ձևավորման։ Արդյունքում ստեղծվել է «ինքնահոսի թողնված դաշտ», որտեղ ո՛չ արժանապատվությունը պաշտպանված է, ո՛չ խոսքի ազատությունն է բարոյական հենքի վրա։
Կարո՞ղ է Հայաստանը գնալ Գերմանիայի ճանապարհով։ Քաղաքագետը զգուշացնում է՝ Գերմանիայի մոդելի մեխանիկական պատճենումը հնարավոր չէ։ Այն պահանջում է՝ անկախ և քաղաքական ազդեցությունից զերծ դատական համակարգ։
Նա առաջարկում է մտածել միջանկյալ լուծումների մասին, օրինակ՝ զրպարտության դեպքում ֆինանսական պատժամիջոցների խստացում՝ քաղաքացիական դատարաններում, առանց քրեականացման։ Միաժամանակ՝ պետք է խրախուսել հրապարակային պատասխանատվության
մեխանիզմներ, օրինակ՝ հարթակների և լրատվամիջոցների կողմից սխալ տեղեկատվության հերքում, ներողություն կամ պատասխան տպագրելու պարտավորություն։
Մանուկյանի վերլուծությունից պարզ է դառնում՝ խոսքի ազատության և արժանապատվության միջև հավասարակշռությունը կարելի է գտնել ոչ թե գաղափարական բևեռներում, այլ ինստիտուցիոնալ և մշակութային զարգացումների մեջ։ Հայաստանը, ըստ նրա, դեռևս ճանապարհի սկզբում է։ Կոշտ արձագանքները, որքան էլ լինեն մարդկայնորեն հասկանալի, չեն կարող փոխարինել համապարփակ քաղաքական և իրավական լուծումներին։
Այս թեման Հայաստանի համար չափազանց կարևոր է՝ ներքին հանրային առողջության ու արտաքին ժողովրդավարական հեղինակության տեսանկյունից։ Արժանապատվությունը կարող է համատեղելի լինել խոսքի ազատության հետ, երբ երկուսն էլ ընկալվում են՝ որպես հասարակության պատասխանատվության տարբեր արտահայտություններ։
Երեկ, երկուշաբթի՝ 2025 թվականի մայիսի 19-ին, Վատիկանում տեղի ունեցավ ուշագրավ հանդիպում՝ հռոմի Պապ Լևոն ԺԴ-ի և Քույր Եկեղեցիների, տարբեր եկեղեցական համայնքների ու այլ կրոնների պատվիրակությունների մասնակցությամբ։ Հանդիպումն ընդգծեց էկումենիկ երկխոսության և համաշխարհային քրիստոնեական եղբայրության կարևորությունը։
Հանդիպման ավարտին Գերշ. Տեր Խաժակ Արքեպիսկոպոս Պարսամյանը, ներկայացնելով Հայ Առաքելական Եկեղեցին, անձնապես ողջունեց Նորին Սրբություն Պապ Լևոն ԺԴ-ին։ Նա փոխանցեց Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի ջերմ շնորհավորանքներն ու բարեմաղթանքները՝ ի պատիվ Նորին Սրբության ընտրության և ծառայության։
Այս խորհրդանշական պահը վկայում է Հայ Եկեղեցու շարունակական պատրաստակամության մասին՝ մասնակցելու միջեկեղեցական երկխոսություններին և խորացնելու քրիստոնեական եղբայրության կամուրջները։ Հայ Եկեղեցին իր դարավոր պատմության ընթացքում միշտ կարևորել է համամարդկային հավատքի միասնությունը՝ պահպանելով իր ինքնատիպությունը։
Այս հանդիպումը նաև ընդգծեց Վատիկանի և Էջմիածնի միջև սերտացող հարաբերությունները, որոնք կառուցվում են փոխադարձ հարգանքի, պատմական բարեկամության և ընդհանուր հոգևոր արժեքների վրա։ Այս մասին տեղեկացրել է @Pontifical Legation Western Europe կայքը։
ARMENIEFONDS NEDERLAND
INFODAG & ALGEMENE LEDENVERGADERING
Zondag 25 mei 2025 | Armeens Apostolische Kerk Amsterdam
Beste vrienden,
Graag nodigen wij jullie uit voor de jaarlijkse Infodag & Algemene Ledenvergadering van ArmeniëFonds Nederland, die plaatsvindt op zondag 25 mei 2025 in de Armeense Apostolische Kerk te Amsterdam.
Tijdschema
Inloop: 14:00
Start: 14:30
Locatie: Krom Boomssloot 22, 1011 GW Amsterdam
Tijdens deze bijeenkomst informeren we jullie over de lopende en geplande projecten, en de recente ontwikkelingen binnen onze vereniging. Ook geïnteresseerden die ons werk nog niet kennen zijn van harte welkom om kennis te maken met ArmeniëFonds Nederland en het Hayastan All-Armenian Fund.
Iedereen is welkom — neem gerust geïnteresseerden mee.
De bijeenkomst wordt afgesloten met een hapje, drankje en gelegenheid tot informeel samenzijn.
Laat ons a.u.b. weten of je aanwezig kunt zijn via: info@armeniefonds.nl
SAMEN VOOR ARMENIË
հայկական երգի ջերմությամբ լեցուն օր Berlicum-ում
Մայիսի 18-ին Նիդերլանդների Berlicum գյուղաքաղաքի SOW Kerk եկեղեցին հյուրընկալեց «Կռունկ» երգչախմբին, որը վերջերս շրջագայել էր Հայաստանում։ Հոլանդացի երգիչներից կազմված այս յուրահատուկ համույթը սիրով ներկայացրեց իր հայկական համերգային ծրագիրը, Հայաստանից ունեցած տպավորություններ՝ Նիդերլանդներում բնակվող հայերին և հոլանդացի հանդիսատեսին։
Համերգն անցավ ջերմ ու հուզիչ մթնոլորտում։ Երգչախումբը կատարեց հայ և նիդերլանդական ավանդական և ժամանակակից երգեր՝ փոխանցելով իրենց երաժշտական տպավորություններն ու Հայաստանյան շրջագայության շունչը։
Հիշեցնենք, որ երգչախմբի Հայաստանյան շրջագայությունը կազմակերպել էին պարուսույց Լուսինե Բունիաթովան և Yan Travel տուրիստական ընկերության տնօրեն, փորձառու զբոսավար Մարգարիտա Վարդանյանը։
· 17 май в 00:43 ·
ՇԽՈՒՖԸ ԶՐՈՒՑԵԼ Է ՆԱԵՎ ՀԱՅԱՍՏԱՆԻ ՎԱՐՉԱՊԵՏԻ ՀԵՏ
Նիդերլանդների վարչապետ Դիք Շխուֆը՝ Տիրանայի Եվրոպական քաղաքական համագործակցության գագաթնաժողովում
Մայիս 2025 | Տիրանա, Ալբանիա
Եվրոպան կանգնած է անվտանգության և աշխարհաքաղաքական կայունության լուրջ մարտահրավերների առաջ։ Այս համատեքստում, Եվրոպական քաղաքական համագործակցության (ԵՔՀ) գագաթնաժողովը, որն անցկացվեց մայիսի 2025-ին Տիրանայում, հանդես եկավ որպես կարևոր հարթակ՝ ի նպաստ ռազմավարական երկխոսության և գործնական համագործակցության։ Նիդերլանդների նորանշանակ վարչապետ Դիք Շխուֆը ևս ներկայացավ գագաթնաժողովին՝ ընդգծելով, որ Եվրոպական երկրների համերաշխությունն այսօր առավել քան երբևէ անհրաժեշտ է։
Վարչապետ Շխուֆը իր ելույթում հատուկ ուշադրություն է դարձրել եվրոպական անվտանգության համակարգի վերակառուցման հրամայականին։ Ըստ նրա՝ համատեղ ջանքերն անհրաժեշտ են՝ ի պատասխան կիբեռհարձակումների, հիբրիդային սպառնալիքների և ռազմավարական անկայունության։
«Եվրոպայի անվտանգությունը պահանջում է ամուր պաշտպանության համակարգ, ժողովրդավարության և իրավական պետության պաշտպանություն։ Ուկրաինայի շարունակական աջակցությունը մեր ընդհանուր անվտանգային ճարտարապետության առանցքային մասն է մնում», — նշել է Շխուֆը։
Նա վերահաստատել է Նիդերլանդների նվիրվածությունը Ուկրաինայի ինքնիշխանությանն ու պաշտպանությանը՝ ընդգծելով այս հարցի շուրջ ունեցած առանձնազրույցը նախագահ Վլադիմիր Զելենսկու հետ։
Բացի անվտանգության հարցերից, գագաթնաժողովում կարևորվել է Եվրոպայի տնտեսական ինքնաբավության և մրցունակության բարձրացման անհրաժեշտությունը։ Շխուֆը նշել է, որ եվրոպական տնտեսությունները պետք է ակտիվորեն նվազեցնեն կախվածությունը երրորդ կողմերից՝ հատկապես ռազմավարական ռեսուրսների ու տեխնոլոգիաների ոլորտներում։
«Ուժեղ և մրցունակ Եվրոպա նշանակում է տնտեսություն, որը կարողանում է գործել ինքնուրույն և դիմակայել գլոբալ ճնշումներին», — նշել է նա։
ԵՔՀ գագաթնաժողովի օրակարգում առանցքային տեղ էր զբաղեցնում նաև միգրացիայի կառավարման հարցը։ Դիք Շխուֆը կարևորել է միասնական եվրոպական մոտեցումների մշակումը՝ ներգաղթի պատճառների կարգավորման, սահմանային հսկողության ամրապնդման և ապաստանի գործընթացների բարելավման ուղղությամբ։
Գագաթնաժողովի շրջանակում վարչապետ Շխուֆը մի շարք երկկողմ հանդիպումներ է ունեցել։ Նա զրուցել է Միացյալ Թագավորության վարչապետ Քիր Սթարմերի, Թուրքիայի նախագահ Ռեջեփ Թայիփ Էրդողանի, Բենելյուքսի գործընկերներ Դե Վևերի և Ֆրիդենի, ինչպես նաև Հայաստանի վարչապետ Նիկոլ Փաշինյանի և Մոլդովայի նախագահ Մայա Սանդուի հետ։
Այս հանդիպումներն ընդգծում են Նիդերլանդների պատրաստակամությունը՝ խորացնելու տարածաշրջանային համագործակցությունն անվտանգության, էներգետիկ անկախության, միգրացիայի և տնտեսական զարգացման ուղղություններով։
· 16 май в 14:55 ·
Հետաքրքիր է
ՄԱՀԱՑԵԼ Է ԱՇԽԱՐՀԻ ԱՄԵՆԱԱՂՔԱՏ Ու ՀՄՈՒՏ ՆԱԽԱԳԱՀԸ
16.05.2025/Նիդ.օրագիր
Մոնտեվիդեո, Ուրուգվայ – 2025 թվականի մայիսի 13-ին իր մահկանացուն կնքեց Խոսե Ալբերտո Մուխիկա Կորդանոն՝ Ուրուգվայի նախկին նախագահը, համաշխարհային քաղաքականության խորհրդանշական դեմքերից մեկը։ Նա 89 տարեկան էր։ Մուխիկան համարվում է ժողովրդավարության, համեստության և առաջադեմ գաղափարների մարմնավորումը։
Երիտասարդություն և հեղափոխական անցյալ
Խոսե Մուխիկան ծնվել է 1935 թվականի մայիսի 20-ին Մոնտեվիդեոյում։ Նա մանկուց հետաքրքրվել է հասարակական արդարությամբ և երիտասարդ տարիներին միացել է Տուպամարոս գերիական շարժմանը՝ ձախակողմյան կազմակերպություն, որը պայքարում էր սոցիալական անհավասարության դեմ։ Իր հեղափոխական գործունեության համար ձերբակալվել է և բանտում անցկացրել ավելի քան 13 տարի, այդ թվում՝ տարիներ մեկուսացված պայմաններում։
Քաղաքական վերածնունդ և նախագահություն
1985 թվականին ազատ արձակվելուց հետո Մուխիկան վերադառնում է քաղաքական դաշտ՝ միանալով Ուրուգվայի ձախակողմյան «Լայն ճակատ» կուսակցությանը։ Նա արագ ձեռք է բերում ժողովրդի վստահությունը և 2005 թվականին դառնում է գյուղատնտեսության նախարար, իսկ 2010-ին ընտրվում է Ուրուգվայի նախագահ։
Նրա նախագահությունը (2010–2015) նշանավորվեց համարձակ ու առաջադեմ բարեփոխումներով. օրինականացվեց կանեփի վաճառքը և օգտագործումը, նորմավորվեցին աբորտներն ու նույնասեռ ամուսնությունները։ Միևնույն ժամանակ, Ուրուգվայում զարգացավ վերականգնվող էներգետիկայի ոլորտը։
Անհավանական համեստություն և մարդկայնություն
Խոսե Մուխիկան հայտնի դարձավ ոչ միայն իր քաղաքականությամբ, այլև կյանքի վարքով։ Նա ապրում էր համեստ գյուղական տանը՝ հրաժարվելով նախագահական պալատից, և իր աշխատավարձի մեծ մասը նվիրաբերում էր բարեգործությանը։ Համաշխարհային մամուլը նրան հաճախ անվանում էր «աշխարհի ամենաաղքատ նախագահը», սակայն նրա խոսքերով՝ «աղքատ չէ նա, ով քիչ ունի, այլ նա, ով անընդհատ ավելին է ուզում»։
Մահ և հրաժեշտ
2024 թվականին Մուխիկայի մոտ ախտորոշվել էր կերակրափողի քաղցկեղ։ Հրաժարվելով ագրեսիվ բուժումից՝ նա իր վերջին ամիսները անցկացրեց ընտանեկան ֆերմայում՝ իր կնոջ՝ Սենատոր Լուսիա Տոպոլանսկու կողքին։ 2025 թվականի մայիսի 13-ին նա խաղաղ վախճանվեց։
Ուրուգվայի և ամբողջ Լատինական Ամերիկայի քաղաքական գործիչները հարգանքի տուրք մատուցեցին նրա հիշատակին։ Ներկա և նախկին առաջնորդներն ընդգծեցին Մուխիկայի դերը որպես «ժողովրդի մարդ», «բարոյականություն քաղաքականության մեջ» և «չմարող լուսավոր օրինակ»։
Ժառանգություն
Խոսե Մուխիկայի կյանքը դարձավ ապացույց, որ հնարավոր է լինել առաջնորդ՝ առանց շքեղության, առանց պոպուլիզմի, միայն նվիրվածությամբ ու ազնվությամբ։ Նա քաղաքականության մեջ բերեց մարդկային երանգներ և ապացուցեց, որ հնարավոր է ղեկավարել՝ ծառայում, այլ ոչ իշխելով։
Մահվանից հետո նրա անունը կմնա ոչ միայն Ուրուգվայի, այլև ամբողջ աշխարհի հիշողության մեջ՝ որպես քաղաքական բարոյականության եզակի կերպար։
The Embassy of the Kingdom of the Netherlands facilitated professional connections for CivilNet’s documentary production team during their study trip to the Netherlands with a focus on modern storytelling production.
Սիրելի հայրենակիցներ,
Ապրիլի վերջին և մայիսի սկզբին «Կռունկ» երգչախումբը, որը համալրված է հոլանդացի երգիչներով, շրջագայեց Հայաստանում՝ հայ երգն ու մշակույթը ներկայացնելով տարբեր վայրերում։
Հիմա «Կռունկ»-ը սիրով հրավիրում է ձեզ մասնակցելու իրենց համերգին Նիդերլանդների Berlicum գյուղաքաղաքի եկեղեցում, որտեղ նրանք կներկայացնեն նույն՝ Հայաստանում հնչած համերգային ծրագիրը։ Սա հիանալի հնարավորություն է հոլանդահայերի և հոլանդացի համայնքի համար՝ միասին վայելելու հայկական երաժշտությունը, շփվելու երգչախմբի անդամների հետ և լսելու նրանց տպավորությունները Հայաստանից։
Հանդիպումը տեղի կունենա մայիսի 18-ին, ժամը 15։30-ին, SOW Kerk, Raadhuisplein 4, Berlicum հասցեում։
Ֆրեզնոյում Մուսա Լեռան Հերոսամարտին Նվիրված Հուշարձանի Բացումը՝ Մայիսի 18-ին
· 10 май в 21:29 ·
Շնորհավոր Եվրոպայի օրը. Նիդերլանդները՝ եվրոպական միասնության ակունքներում
Այսօր նշվում է Եվրոպայի օրը՝ խաղաղության, միասնության և համատեղ արժեքների տոնը, որը հիմնված է 1950 թվականի մայիսի 9-ին Ֆրանսիայի արտգործնախարար Ռոբերտ Շումանի պատմական առաջարկի վրա՝ միավորել եվրոպական երկրներն ու ձևավորել կայուն համագործակցություն:
Եվրոպական միության հիմքում կանգնած վեց երկրների շարքում էր նաև Նիդերլանդների Թագավորությունը։ Նիդերլանդների արտաքին գործերի նախարար Յոհան Վիլեմ Բեյենը համարվում է ԵՄ-ի հիմնադիր հայրերից մեկը, ում դերը առանցքային էր եվրոպական ինտեգրման գործընթացում։
Մշակույթ, համերաշխություն և երկխոսություն Երևանում
Եվրոպայի օրվան նվիրված միջոցառումների շրջանակում Embassy of the Netherlands in Armenia Նիդերլանդների Թագավորության դեսպանատունը Երևանում ակտիվ մասնակցություն ունեցավ տոնական տաղավարային ցուցահանդեսին։ Տաղավարում ներկայացված էր ինչպես դեսպանատան աշխատանքը, այնպես էլ Նիդերլանդների մշակութային ժառանգությունն ու արժեքները։
Հայաստանում Նիդերլանդների Թագավորության դեսպան Մարիկե Մոնրոյ-Վինթերը ջերմորեն ողջունեց այցելուներին, զրուցեց նրանց հետ և կիսվեց Նիդերլանդների փորձով՝ եվրոպական համերաշխության, նորարարության և կայուն զարգացման ուղղությամբ։ Դեսպանը կարևորեց երկխոսությունն ու բազմակողմ համագործակցությունը՝ անդրադառնալով նաև ժամանակակից մարտահրավերներին ու գլոբալ խնդիրներին։
Մաթեոսի Ցարեցու՝ Ամստերդամի Հայկական գրադարանի @mateostsaretsi և Հայ Առաքելական Եկեղեցու “Սուրփ Հոկի” Հիմնադրամի աջակցությամբ @surphokiamsterdam , մեծ ոգևորությամբ մեկնարկում ենք ցուցահանդեսների նոր շարք, որը բերում է հայկական ստեղծագործական ոգին՝ Ամստերդամի սիրտը։
Մուտք գործեք գույների, մշակույթի և երևակայության աշխարհ՝ և գուցե տուն տանեք մի յուրահատուկ կտոր այդ աշխարհից։
Երկու տղաները տուն վերադարձան
Տեղ գյուղից անչափահաս տղաները վերադարձել են համայնք։ Այս մասին հայկական ԶԼՄ-ներին տեղեկացրել է Տեղ համայնքի ղեկավար Դավիթ Գուլունցը։
«Տղաները գյուղում են։ Ամենակարևորն այն է, որ նրանք հիմա իմ կողքին են», — ասել է Գուլունցը՝ պատասխանելով նրանց գտնվելու վայրի մասին հարցին։
Ավելի վաղ այսօր Հայաստանի Ազգային անվտանգության ծառայությունը (ԱԱԾ) հաղորդել էր, որ անչափահասները կորչել էին ձիեր փնտրելիս Արավուս գյուղի մոտակայքում և պատահաբար անցել էին Ադրբեջանի վերահսկողության տակ գտնվող տարածք։ Դեպքը տեղի է ունեցել հինգշաբթի առավոտյան՝ մոտավորապես ժամը 01:20-ին։
Խաչքար Նիդերլանդներում. Հայ-հոլանդական բարեկամության խորհրդանիշ
Նախաձեռնող Խաչիկ Խաչատրյանը տեղեկացնում է, որ երկարատև ու հետևողական ջանքերի արդյունքում հաջողվել է ստանալ պաշտոնական թույլտվություն Նիդերլանդների Ուտրեխտ քաղաքի Դորն (Doorn) համայնքի կաթոլիկ եկեղեցու բակում հայկական խաչքար տեղադրելու համար։
Խաչքարը կրում է մակագրություն՝ «Հայ և հոլանդացի ժողովուրդների բարեկամության խորհրդանիշ»։ Սա կարևոր քայլ է երկու ժողովուրդների բարեկամության ու հայկական ներկայության ամրապնդման ուղղությամբ։
Խաչքարի բացման արարողությանը սպասվում է Արևմտյան Եվրոպայի Հայրապետական պատվիրակ Խաժակ արքեպիսկոպոս Պարսամյանի, քաղաքապետի և Նիդերլանդների հայ համայնքի ներկայացուցիչների մասնակցությունը ։
Միջոցառման օրը հագեցած է լինելու հայկական պարով, երգ-երաժշտությամբ ու մշակութային այլ ծրագրերով։ Նախաձեռնող Խաչիկ Խաչատրյանը հորդորում է Նիդերլանդներում բնակվող հայրենակիցներին ներկա գտնվել այս պատմական ու խորհրդանշական իրադարձությանը։
«Հայաստան» համահայկական հիմնադրամի գործադիր տնօրեն Հայկակ Արշամյանը ավարտում է իր պաշտոնավարումը՝ դիվանագիտական ծառայության անցնելու կապակցությամբ։ Այս մասին նա հայտնել է իր հայտարարության մեջ՝ շնորհակալություն հայտնելով հիմնադրամի հոգաբարձուների խորհրդի
անդամներին, Հայաստանի Հանրապետության նախագահ Վահագն Խաչատուրյանի գլխավորությամբ, միջազգային գործընկերներին, նվիրատուներին, հիմնադրամի գործընկեր կազմակերպություններին և աշխատակազմին՝ արդյունավետ համագործակցության և նվիրական աշխատանքի համար։
No comments:
Post a Comment