Niderlandakan Oragir

Niderlandakan Oragir
The Netherlands Diary

Friday, 30 August 2019

Եվրոպայի Հայերի Համագումարը Ամուլսարի շուրջ ծավալված խնդիրների մասին

Ժողովրդի առողջությունը, հայրենի բնության մաքրությունն ու անվտանգությունը եւ ազգային համընդհանուր շահն անսակարկելի են


Ամուլսարի շուրջ ծավալված բազմաշերտ խնդիրները եւ մարտահրավերները յուրաքանչյուր հայրենասեր եւ հայրենիքի ճակատագրով մտահոգ հայ մարդուց պահանջում է խոր գիտակցականության եւ համակողմանի խոհականության ընկալում: Հայրենիքի հարատեւումն ու զարգացումն առանց հզոր ինքնիշխան պետականության անհնարին է, նույնքան եւ անհնարին է եւ անիմաստ ակնկալել երջանիկ եւ առողջ կյանք՝ չունենալով մաքուր եւ անվտանգ հայրենի բնություն եւմիջավայր: Այսօր թե՛ Հայաստանում եւ թե՛ Հայաստանից դուրս որոշ ուժեր, կորցնելով իրենց իշխանությունն ու կերակրատաշտը, փորձում են ցանկացած առիթից օգտվել եւ իրենց իսկ կողմից ստեղծված իրավիճակի պատասխանատվությունը բարդել նոր իշխանությունների վրա: Գործի են դրվում ցանկացած միջոց ու խարդավանք, որպեսզի կանխեն ժողովրդի կողմից ընտրված լեգիտիմ իշխանությունը չկարողանա
երկրում հաստատել իրավական և ինքնիշխան պետություն: Այդ ուժերի համար կարեւորը ոչ թե Ամուլսարի հանքի շահագործումը կամ դադարեցումն է, այլ ստեղծված իրավիճակից օգտվելով՝ հակաիշխանական ալիք
ստեղծելը:
Ուստի ԿՈՉ ենք անում բոլոր նրանց, ովքեր ազնվաբար եւ սրտացավ պայքարում են բնության եւ շրջակա միջավայրի մաքրության եւ անվտանգության համար, ազգային համընդհանուր շահի գիտակցությամբ՝ թույլ չտան որ իրենց շարքերում հայտնվեն նման անազնիվ անհատներ եւ ուժերը: Հանքի շահարկումը կասեցնելու համար հարկավոր է հիմնվել զուտ գիտական, իրավաբանական եւ բնապահպանական նորմերի եւ փաստարկումների վրա:
Ամուլսարի հանքի շուրջ ստեղծված իրավիճակի ճիշտ լուծումը, պահանջում է համբերատար բազմակողմանի ուսումնասիրություն, տնտեսաֆինանսական ճշգրիտ վերլուծություն եւ հաշվարկում՝ շահելու-կորցնելու համեմատություն: Այդ հարցը պետք է լուծել ոչ թե հանրաքվեի միջոցով, ինչպես հարցը շահարկող որոշ խմբավորումներ պնդում են, այլ միայն ու միայն մասնագիտական հանձնախմբի միջոցով, որը բաղկացած կլինի ոլորտի գիտնականներից, իրավաբաններից և բնապահպաններից: Խնդիրը պիտի ընկալվի ոչ թե իշխանությունների եւ բնապահպանների միջեւ գոյություն ունեցող հակադիր հարց, այլ ընկալվի, որպես ժողովուրդ-պետություն ջանքերի համատեղումով լուծելի հարց, ուր շահողը պետությունն է եւ ժողովուրդը: Զորակցելով իշխանություններին՝ ակնկալում ենք, որ նրանք Ամուլսարի հարցով կկայացնեն վերջնական ողջամիտ որոշում: Հայաստանի տնտեսությունը պիտի զարգանա ընդունելի, անվտանգ եւ արդյունավետ ժամանակակից այլ ուղղություններով: Ակնկալում ենք, որ ՀՀ կառավարությունը բոլոր գործող հանքարդյունաբերությունները ենթարկի
ժամանակակից պահանջներին համապատասխանող խստագույն մոնիտորինգի եւ հսկողության: Արտասահմանյան եւ տեղական մասնավոր ընկերությունները տանում են Հայաստանի ընդերքի ողջ հարստությունը, մինչդեռ երկրին մնում է հարկերի տեսքով այդ շահույթի ամենաչնչին մասը: Հարկավոր է հրաժարվել նոր լիցենզիաների տրամադրելուց եւ որդեգրել հստակ քաղաքականություն, այնպես, որ հումքի փոխարեն արտադրությունը երկրի ներսում հնարավոր լինի վերամշակել եւ ապա արտահանել՝ որպես վերջնական մշակված արտադրություն: Հարկավոր է վերանայել հանքարդյունաբերության ոլորտում աշխատող հանքերի
հետ կնքված պայմանագրերը, խախտումներ նկատելու դեպքում խիստ պատասխանատվության ենթարկել նախկին իշխանության բոլոր այն պաշտոնյաներին՝ այդ թվում ժամանակի բնապահպանության նախարարներին,որոնց հանցավոր թույլտվությամբ եւ նեղ շահադիտական որոշումների հետեւանքով երկիրը այսօր գտնվում է հսկայական խնդիրների առջեւ եւ կրում է անդառնալի կորուստ:
Հարկավոր է առանց ձգձգումների կարգավորել հանքերի սեփականության հարցը: Հանքերը ազգային հարստություն են եւ պետությունը պիտի ունենա իր ուղղակի մասնակցությունը, մասնաբաժինը եւ իրավասությունը՝ տնօրինելու ազգային այդ հարստությունը: Ժողովրդի առողջությունը, հայրենի բնության մաքրությունն ու անվտանգությունը եւ ազգային համընդհանուր շահը անսակարկելի են:

Եվրոպայի Հայերի Համագումար
29 օգոստոս 2019 թ․
Ուփսալա – Շվեդիա
 contact@aaeurop.com

Արա Գևորգյանի համերգին մնացել են հաշված օրեր


18 տարի դադարից հետո ՀՀ վաստակավոր արտիստ   Արա Գևորգյանն ու  Հայաստանի ազգային ֆիլհարմոնիկ նվագախումբը ՝դիրիժոր Էդուարդ Թոփչյան ղեկավարությամբ ելույթ կունենան   «Դու պիտի ճախրես» խորագիրը կրող համերգով    սեպտեմբերի 7-ին ժամը 19։00-ին, Կարեն Դեմիրճյանի անվան մարզահամերգային համալիրում: 
Տարին նաև հոբելյանական է. լրանում է Արա Գևորգյանի ստեղծագործական  բազմաբովանդակ ուղու  40  տարին:
«Ոչ մի անգամ Հայաստանում փողով համերգ չեմ տվել և չեմ վճարվել ոչ մի միջոցառման համար: Դա իմ անձնական ցանկությունն է եղել: Այս անգամ նույնպես, համերգի ամբողջ հասույթը նվիրվելու է հիվանդ երեխաներին: Կոչ եմ անում բոլորին կանգնել իմ կողքին»,- կարևորում է  Արա Գևորգյանը։
Համերգին կմասնակցեն նաև   Մուրադ Հակոբյանի «Սարդարապատ» պարարվեստի դպրոց-ստուդիա,   ''Milen show-ballet dance school'',  հատուկ հյուր`Rony Barrak և այլ անվանի հյուրեր:
«Դու պիտի ճախրես» համերգը բարեգործական է: Ողջ հասույթը տրամադրվելու է   «Ժպիտների քաղաք»  հիմնադրամին, որը աջակցում  է քաղցկեղով հիվանդ երեխաների և երիտասարդների որակյալ բուժումը Հայաստանում։
https://www.facebook.com/ArmPublicTV/videos/513584849387564/UzpfSTE3MjM2MDgyMDQ1Mzk3NDY6MjQwMzg0NDIxMzE4MjgwNQ/
Տոմսերն առցանց  https://bit.ly/2X0S6Mo կամ զանգահարեք 060 276 000

«Ոսկե արծիվ» շքանշանի ասպետ Արցախի անվտանգության երաշխավորը



Գեներալ-լեյտենանտ Արշավիր Սուրենի Ղարամյանի ( ծնվ. 22.07.1965թ.) անունը հայտնի է ոչ միայն Արցախում։ 2019 թվականի հունիսի 26-ին Անվտանգության  խորհրդի քարտուղարի պաշտոնը ստանձնած «Արցախի հերոս», «Ոսկե արծիվ»  շքանշանների ասպետը, ով իր ժամկետային զինվորական ծառայությունն անցկացրել է ԽՍՀՄ ԶՈՒ խաղաղօվկիանոսյան ռազմա-ծովային  նավատորմում, ավարտելով ծառայությունը վերադարձել է հայրենիք ու անցել երկիրը շենացնելու գործին տնտեսագետի իր գիտելիքների կիրառմամբ։ Լինելով իր ժողովրդին և հայրենիքին նվիրված անձնավորություն Արշավիր Ղարամյանը, ում ընկերներն ու հարազատները Արշո են անվանում, իր քաղաքացիական պարտքն էր համարում հարազատ ժողովրդին ծառայելը։ 1991 թվականից՝ զինված պայքարի առաջին օրերից մասնակցել է ազատության ու անկախության համար մղվող արցախյան գոյամարտին՝ կազմավորելով և ղեկավարելով Ակնաղբյուրի կամավորական խումբը։ Իր գործունեության ընթացքում կատարել է թե՜ վարչական ու թե՜ զինվորական հրամանատարական աշխատանք, երբեք չի խուսափել պատասխանատվությունից, միշտ աշխատել է ավագ ընկերոջ օրինակով սատարել ու ոգևորել իր աշխատակիցներին, կրտսեր ընկերներին։ Նա այն հայ գեներալներից է, ով սեփական ճանապարհը հաղթել է օրինակելի վարքով և եռանդուն ու հայրենանվեր աշխատանքով՝ շարքային ծառայողից մինչև դատախազ, ԱՀ Ազգային անվտանգության ծառայության տնօրեն, ապա ԱՀ  Անվտանգության խորհրդի քարտուղար։ Բարձրաստիճան զինվորականի տիտղոսը չի փոխել նրա մարդկային որակն ու սկզբունքները։ Նա մեծի հետ հարգալից ընկեր է, փոքրի հետ՝ սիրող ավագ ընկեր։ Այսօր էլ, լինելով քայլող լեգենդ և վայելելով  յուրաքանչյուր հայրենասեր հայի սերն ու համակրանքը, Ա․ Ղարամյանը իր ազգանպաստ ու պետականամետ գործունեությամբ պայքարում է Արցախի Հանրապետության անկախության միջագային ճանաչման համար, այդպիսով՝ մոտենալով հայոց գլխավոր երազանքին՝ ունենալ միացյալ հայրենիք։ Ա․ Ղարամյանը օր ու գիշեր մտածում է` ինչպես ավելի անվտանգ դարձնել մեր զինվորի ծառայությունը։ Այսօր նա «Եղնիկներ»-ում է գործի բերումով, վաղը Մռովն է ավելի անառիկ դարձնում՝ տեղադրելով հետախուզության և մոնիթորինգի իրականացման նորագույն տեխնոլոգիական սարքեր։ Նրա հետ յուրաքանչյուր հանդիպում տոն է զինվորի համար, տոն, որը ոգևորություն է բերում առաջնագծի տիրակալ զինվորին, ավելացնում նրա պատասխանատվությունը։ Ամեն զինվորական բարձրաստիճան հրամանատարր չէ, որ աշխատանքային օրվա մեծ մասն անց է կացնում իր զինվորների հետ։ Ա․ Ղարամյանը այն հրամանատարներից է ում համար թանկ է յուրաքանչյուր զինվոր, քանզի նրա համար զինվորն անհատականություն է և ոչ թե հավաքական անդեմ կերպար։ Նա սիրով է օգնում երիտասարդ հրամանատարներին ու զինանձնակազմին, հորդորում, բացատրում, լուսաբանում նոր զենքերին ու անվտանգության միջոցներին առնչվող հարցեր, չի զլանում իր խորհուրդներով և անձնական օրինակով դաստիարակել նրանց։ Գեներալի համար Արցախի անվտանգությունը սկսվում և ավարտվում է առաջնագծում, որտեղ նրա զինվորն է, իսկ  հարևանությամբ՝ ընտանիքն ու զավակները, ժողովուրդը։ Արշավիր Ղարամյանը՝ Արշոն մեծ պատասխանատվությամբ, սիրով ու նվիրումով է կատարում իրեն վստահված աշխատանքը։ Վստահ ենք, որ Արցախի անվտանգությունն այսօր գտնվում է հուսալի ձեռքերում։

Նաիրա Գասպարյան
 Արցախ
« Նիդերլանդական օրագրի» համար

Thursday, 15 August 2019

«Քայլ առ քայլ»` հնից դեպի նորը

 Villa Sauber Մոնակոյի ազգային թանգարանում հիշյալ խորագրով ցուցահանդեսը գործելու է մինչև սեպտեմբերի 29-ը

Nouveau Musée National de Monaco

Fabrizio Moretti
«Նիդերլանդական օրագրի» շրջող օբեկտիվը Մոնակոյում ականատես եղավ մի  բացառիկ ցուցահանդեսի: Այն կրում է «Քայլ առ քայլ» վերնագիրը և պատկերացում է տալիս ժամանակակից  դիլերների արվեստի նկատմամբ ունեցած նոր վերաբերմունքի  մասին: Ցուցահանդեսը բացվել է ապրիլի 25-ին  «Վիլլա Սուբեր» Մոնակոյի  նոր ազգային թանգարանում (Villa Sauber)  և գործելու է մինչև  սեպտեմբերի 29-ը: Ֆաբրիզիո Մորետիի հավաքածուն հանրությանը առաջին անգամ ներկայացնելու  է երեսունինը հին ու  նոր վարպետների գործեր` սկսած գոթական ժամանակաշրջանից  մինչև վաղ Վերածննդի շրջանը, ներառելով Մաներիզմի և Բարոկկոյի ոճերը, Մորետիի հավաքածուն մեզ բերում է դեպի նոր ժամանակների ճանապարհով:

Սա եզակի և  բավականին բազմազան գլուխգործոցների յուրօրինակ փոքրիկ հավաքածու է:  Խիստ ընդգծված`  ինչպես Սպինելո Արետինոյի և Յանիս Կունելիսի գործերը, գայթակղիչ, ինչպես Լորենցո Բերնինի (1598-1680), Գվիդո Գանյաչիի (1601-1663) Ջորջ Քոնդոյի (ծնվ.1957) նկարները,  վերջացրած գերաստղերի` Պոնտորմոնի (1494-1557), Գերհարդ Ռիխտերի (ծնվ.1932) և Լուչո Ֆոնտանայի (1899-1968) գործերը:

Ցուցահանդեսում պետք չէ  հավաքածուի կտորների միջև որոնել հնարավոր փոխազդեցությունները, այլ պետք է կենտրոնանալ կոլեկցիոների զգացողության և տեսլականի վրա: Սա հին ու  նոր  ժամանակների ստեղծագործությունների ցուցադրում չէ, այլ բոլոր  ժամանակների մի ամբողջական համադրման պատկեր:

Հավաքածոյի հեղինակի  մասին ասենք, որ Ֆաբրիզիո Մորետին ավարտել է  Ֆլորենցիայի համալսարանի գրականության ֆակուլտետը, Տոսկանյայի հայտնի  հնագետ Ալֆրեդոյի որդին է, քսաներկու տարեկան հասակում բացել է «Գալերիա Մորետտին» ՝ մասնագիտանալով Հին վարպետների գործերի ձեռքբերմամբ: Իր կարիերայի սկզբից  նա հավաքել է արևմտյան արվեստի վարպետների կողմից արված  բազմաժանր գործեր ՝ առանց տարբերակելու ժամանակաշրջանը, ժանրը և հեղինակներին:


Hay Azian
Nouveau Musée National de Monaco
Foto: Nid.oragir 




































Wednesday, 14 August 2019

Նիդերլանդների Թագավորությունում Հայաստանի Հանրապետության դեսպանության ֆեյսբուքյան էջի օրագիր/ ՀՈՒԼԻՍ


ՈՒՇԱԴՐՈՒԹՅՈՒՆ. Դեսպանատան կայքի  Հուլիս ամսվա ոչ բոլոր նյութերն ու լուսանկարներն են տեղադրվել մեր ամփոփագրում :
Ընտրված են մեր կողմից առավել նպատակահարմար գտնվածները:


Embassy of Armenia in The Netherlands/ Նիդերլանդներում ՀՀ դեսպանություն Ambassador of the Republic of Armenia 
to the Kingdom of the Netherlands

TIGRAN BALAYAN

Ֆեյսբուքյան էջ


 2 июля

Ամստերդամի հանրային գրադարանի ֆոնդը համալրվեց Հայաստանի, հայ ժողովրդի պատմության և հայկական մշակույթի մասին գրականությամբ
Հուլիսի 2-ին Ամստերդամի հանրային գրադարանում տեղի ունեցած հանդիսավոր արարողությամբ գրադարանին հանձնվեցին Հայաստանի, հայ ժողովրդի պատմության, հայկական մշակույթի և հոլանդահայության վերաբերյալ շուրջ չորս տասնյակ գրքեր։


Դիմելով արարողությանը մասնակցող գրադարանի աշխատակիցներին և ամստերդամաբնակ հայերին դեսպան Տիգրան Բալայանը Tigran Balayanվստահություն հայտնեց, որ այսուհետ գրադարանի ընթերցողները հնարավորություն կունենան առավել համապարփակ և հիմնավոր տեղեկատվություն ստանալ Հայաստանի և նրա պատմության, աշխարհասփյուռ հայության և նրա մշակութային ժառանգության մասին։
Շնորհակալություն հայտնելով Ամստերդամի հանրային գրադարանին արժեքավոր գրականություն նվիրաբերելու համար` գրադարանի գլխավոր տնօրեն Մարտին Բերենդսեն (Martin Berendse) ընդգծեց, որ այն կարևոր ներդրում է քաղաքի զարգացմանն իրենց ներդրումը բերած ժողովրդի պատմությունը և մշակույթը համաքաղաքացիներին ներկայացնելու առաքելությանը։

6 июля
Dankzij inspanningen van Inge Drost een necrologie in Elsevier Weekblad over Ashot Gasparian Armeense zakenman en actieve #Armeniër in #Nederland.

8 июля
Նիդերլանդներում Հայաստանի դեսպանն ընտրվեց ֆրանկոֆոն դեսպանների խմբի նախագահ
Հուլիսի 8-ին Նիդերլանդներում ՀՀ դեսպան Տիգրան Բալայանն Tigran Balayan ընտրվեց Հաագայում հավատարմագրված ֆրանկոֆոն դեսպանների խմբի նախագահ` փոխարինելով Մարոկոյի դեսպանին։

Շնորհակալություն հայտնելով գործընկերներին վստահության համար, դեսպան Բալայանը խորհրդանշական համարեց, որ ՖԴԽ ղեկավարումը ստանձնում է Ֆրանկոֆոնիայի գագաթաժողովում Հայաստանի նախագահության ընթացքում
Դեսպան Բալայանը վստահեցրեց գործընկերներին, որ առավելագույն ջանքերը կներդնի Հաագայում գործող միջազգային կազմակերպություններում ֆրանսերենի օգտագործումն ընդլայնելու ու ֆրանկոֆոն արժեքները խորացնելու, Նիդերլանդներում ֆրանկոֆոնիայի գաղափարները տարածելու ուղղությամբ։



Statement by MFA of #Armenia on #Turkey’s attempt to conduct a new drilling operation in #Cyprus EEZ
We express our deep concern over Turkey’s attempt to conduct a new drilling operation in the northeast of Cyprus. Turkey’s continued provocative actions in the Eastern Mediterranean put the security and stability of the region at risk.
We reiterate our full support and solidarity with the Republic of Cyprus and its people and call on Turkey to cease all activities within Cyprus’s Exclusive Economic Zone (EEZ) and respect the sovereignty of the Republic of Cyprus and rights of people of Cyprus to pursue their political, social and economic development without external pressure.


Ավելին` Թումանյանի հեքիաթների հոլանդերեն տարբերակը հասանելի է լինելու Նիդերլանդների գրախանութներում և գրադարաններում։


Ուրախությամբ տեղեկացնում ենք, որ Թումանյանի հեքիաթների հոլանդերեն հրատարակության Embassy of Armenia in The Netherlands/ Նիդերլանդներում ՀՀ դեսպանություն և տիկին Աննա Մարիա Մատառի նախագիծը իրականացման փուլում է։ Թարգմանությունը Anna Maria Mattaar կողմից ավարտվել է, գիրքը ներառված է Rubinstein հրատարակության աշնանային հրատարակությունների կատալոգում։ Նախագծի հովանավորն է Ամստերդամում ՀՀ պատվավոր հյուպատոս Ռոբերտ Զիկը։ Թարգմանությունն իրականացվել է ՀՀ Կրթության, գիտության, մշակույթի և սպորտի Նախարարության աջակցության շնորհիվ։
Our project on #Tumanyan150 is being implemented. The Dutch version of #Armenia|n fairy tales by Hovhannes Tumanyan is in #Rubinestein autumn catalogue. Thanks to Mr. Robert Zieck, Honorary consul of Armenia in Amsterdam for sponsoring this project.


Դեսպանը Բալայանը Հայաստանում ընթացող բարեփոխումներն ու ՀՀ արտաքին քաղաքականությունը ներկայացրեց Հաագայի միջազգային իրավունքի ակադեմիայի ուսանողներին
Հուլիսի 12-ին Նիդերլանդներում ՀՀ դեսպան Տիգրան Բալայանն ընդունեց Հաագայի միջազգային իրավունքի ակադեմիայի ուսանողներին։
Ողջունելով հյուրերին դեսպան Բալայանը նշեց, որ Ակադեմիայի ուսանողների այցելությունները դեսպանություն ավանդույթ են դառնում։
ՀՀ դեսպանը ուսանողներին ներկայացրեց Հայաստանի և հայ ժողովրդի պատմությունը, կառավարության կողմից իրականացվող լայնածավալ բարեփոխումները, երկրի արտաքին քաղաքական առաջնահերթությունները, աշխարհաքաղաքական կենտրոնների և հարևանների հետ հարաբերությունները, միջազգային կառույցներում Հայաստանի ներգրավվածությունը։
Դասախոսությունից հետո Հաագայի միջազգային իրավունքի ակադեմիայի ուսանողները բազմաթիվ ուղղեցին դեսպան Բալայանին՝ թավշյա հեղափոխության արդյունքների, հայ-նիդերլանդական հարաբերությունների, Հայաստանի տարածաշրջանային քաղաքականության վերաբերյալ։


«Լավատեսությունը Հայաստանում» վերնագրով հոդված նիդերլանդական ամսագրում






Elsevier Weekblad նիդերլանդական հեղինակավոր շաբաթաթերթը իր վերջին համարում լայնածավալ հոդված է հրապարակել Հայաստանի, երկրում տեղի ունեցող վերափոխումների, Թավշյա հեղափոխության և դրա արդյունքների վերաբերյալ։
Հոդվածի հեղինակն է շաբաթաթերթի միջազգային բաժնի խմբագիր Ռոբերտ Դե Վիտը, ով Հայաստան է այցելել անցյալ ամիս։ «Հովիկի և Լիլիի հիասքանչ երկիրը. Լավատեսությունը Հայաստանում» հեղինակը ներկայացնում է Հայաստան այցելությունից իր տպավորությունները։
Հոդվածը ներկայացնում է այն հայերի կյանքն ու առօրյան, ովքեր փախստականի կարգավիճակի ստանալու համար տարիներ առաջ եկել էին Նիդերլանդներ, սակայն մերժում ստանալուց հետո վարդարձել են Հայաստան։
Հեղինակը նշում է, որ թե հոլանդական կառավարությունը, հայրենադարձ հայերը գտնում են, որ Հայաստանը աշխարհի ամենաապահով երկրներից է և հետդարձի պարագայում ՀՀ քազաքացիները կարող են զբաղվել ցանկացած գործունեությամբ։
Հոդվածն անդրադարձ է կատարում նաև Հայաստանում տեղի ունեցող դրական փոփոխություններին և հավելում, որ բազմաթիվ ծրագրեր են իրականացվում ՀՀ քաղաքացիների բարեկեցությունն ապահովելու նպատակով, և Հայաստանը զարգացնելուն ուղղված իշխանությունների քայլերին։


#Armenia’s stand at Embassy festival will feature Armenia’s culture and food, handmade bijouterie, souvenirs, silk scarves, pottery, mountain tea and art pieces. On the culinary part Armenian stand will propose to its visitors famous Armenian barbecue and variety of grilled meat with iconic Armenian bread – Lavash, typical Armenian sweets and dry fruit. Armenian Dance and Songs will be performed by The Hague’s “Abovian” Cultural center. Armenian stand is looking forward to the welcome all the visitors of the Embassy festival to experience unforgettable moments of Armenian culture and food.
Դեսպանության Ֆեյսբուքյան էջում պարբերաբար հիշատակվում է , որ արդեն 7-րդ անգսմ` սեպտեմբերին երկու օր` Հաագայում, տեղի կունենա «Դեսպանատան փառատոն»: Այն անցկացվելու է արդեն 7-րդ անգամ, այս տարվա սեպտեմբերի 6-ին`  շաբաթ, և սեպտեմբերի 7-ի կիրակի օրերին, գեղատեսիլ Լանգ Վորհաութում  (Lange Voorhout): Փառատոնը նշանակալի  դարձավ 2018 թվականից, երբ ավելի քան 60 դեսպանատներ միացան մշակութային  այս տոնին եւ իրենց երկրների փորձով ու ավանդույթով կիսվեցին ներկա բոլոր հյուրերին ու այցելուներին:

 Մշակույթների  փառատոնում ներկայացվելու են փոփ, ջազ, ժողովրդական եւ դասական   երաժշտություն,  խոհանոցի հարուստ ուտեստներ, թատրոն, գրականություն, նորարարական արվեստ: Մի  խոսքով բոլոր  ներկա գտնվողները  մշակույթի ուսումնասիրության միջոցով  կօգտվեն տարբեր, անվճար ծրագրերից, այն հետաքրքիր կլինի բոլոր տարիքային խմբերի մասնակիցներին:  Երկու օր զբոսնելով Lange Voorhout-ի ծառապատ  այգու երկայնքով ու շրջագայելով տարբեր երկրների տաղավարներով  մասնակիցները կծանոթանան աշխարհի տարբեր անկյուններում արարված գեղեցիկի և մարդկայինի ներդաշնակությանը:

Ի թիվս այլ երկրների, փառատոնին իր  ներկայությունն է ապահովվելու  Հայաստանը: «Դեսպանատան փառատոնին» մեր  դեսպանության կազմակերպությամբ ներկայացվելու  են Հայաստանի մշակույթն ու խոհանոցը, ձեռագործ աշխատանքները, հուշանվերներ, մետաքսե վզկապեր, խեցեղեն, լեռնային բուսաթեյ,  հայկական տարբեր տեսակի ապրանքանմուշներ:

Խոհարարական մասում հայկական կողմը իր այցելուներին  մատուցել, ներկայացնելու  է հայտնի հայկական խորոված ու այլ ուտեստներ` ավանդական լավաշով, հայկական քաղցրավենիք եւ չոր միրգ:
Հայ  երգն  ու պարը ներկայացնելու են Հաագայի «Աբովյան» մշակութային միության սաները:
«Դեսպանատան փառատոնում» հայկական տաղավարը նույնպես կազմ ու պատրաստ  ընդունելու և ողջունելու  է բոլոր այցելուներին, նրանց հետ  կիսելու է զարմանահրաշ հայկական  մշակույթի ու խոհանոցի նմուշներով` անկրկնելի պահեր պարգևելով բոլորին:
Nid.oragir

Փառատոնի  մասին` դեսպանության էջում
https://www.facebook.com/events/338480427084737/



Այսօր Հայաստանում ՄԱԿ-ի գրասենյակում ուսանողական ասոցացիայից 17 նիդեռլանդացի ուսանողներ հանդիպեցին ՄԱԿ-ի մշտական համակարգող Շոմբի Շարփի և ՄԱԿ-ի տնտեսագետ Բաբկեն Տեր-Գրիգորյանի հետ: Այցի նպատակն էր ավելին իմանալու #ԿայունԶարգացմանՆպատակների, «թավշյա հեղափոխությունից» հետո Հայաստանի գրանցած առաջընթացի մասին, և թե ինչպես է ՄԱԿ-ը աջակցում ՀՀ կառավարություն-ը հասնելու այդ նպատակներին մինչև սահմանված 2030 թ. վերջնաժամկետը: Նրանք իմացան նաև, թե Հայաստանում ՄԱԿ-ի կողմից ինչ կոնկրետ ծրագրեր են իրականացվում:


----------
17 Dutch students from United Nations Student Association 🇧🇶 Netherlands visited the UN Armenia office - ՄԱԿ-ի հայաստանյան գրասենյակ today to meet with the #UN Resident Coordinator Shombi Sharp and the UN Economist Babken DerGrigorian. The students wanted to know more about the #SustainableDevelopmentGoals, about the progress 🇦🇲Armenia has made after the "velvet revolution" and how the UN supports the Government in reaching the 2030 deadline for achievement of these #Goals. They also learned about the specific projects in #Armenia that are organized by the United Nations.

Օգոստոսի 7-13-ը Հայաստանի Նկարիչների Միություն սրահում կայանալու է հոլանդահայ արվեստագետ AnnyRose Nahapetian-ի անհատական ցուցահանդեսը։
Today is International #ChessDay  . We congratulate all #Armenia|n and foreign chess players and wish them new victories.
It is not accidental that chess is called as a game for brain 🧠 . Let's play a game of chess💁‍♀️💁‍♂️🇦🇲.
#Yerevan and #TheHague are included by CNN
in the top 20 list of #Europe|an cities with not as many tourists as they should have.
edition.cnn.com/travel/article
Armenia
Visit Holland


Such typical #Armenia'n tables know how to tickle your tastebuds😋 Don't hesitate to join!