The Netherlands Diary/Նիդ.օրագիր

The Netherlands Diary/Նիդ.օրագիր
The Netherlands Diary

Thursday, 24 September 2020

Սառա Գիդեոնը կարող է դառնալ ԱՄՆ պատմության մեջ առաջին հայ-ամերիկացի սենատորը

 Sara Gideon could be the first Armenian-American Democrat Senator in United States History


Սառա Գիդեոնը կարող է դառնալ ԱՄՆ պատմության մեջ առաջին հայ-ամերիկացի սենատորը: Նա Հայոց ցեղասպանությունը վերապրածների թոռն է Նրա մրցակից Սյուզան Քոլինզը հանդիպում է ադրբեջանցի լոբբիստների հետ: Ադրբեջանական ԶԼՄ-ները հայտնում են, որ ԱՄՆ սենատոր [Սյուզան Քոլինզը] մտահոգված է Հայաստանի օկուպացիոն քաղաքականությամբ. զեկույցում արցախահայությունն անվանվում է «անօրինական զավթիչներ»։  Միևնույն ժամանակ, Սառա Գիդեոնը Հայաստանի աննկուն պաշտպան է և ակտիվորեն աջակցում է Մեյն նահանգի կողմից Արցախի Հանրապետության ճանաչման գործընթացին, 2013 թ.-ին՝ համաֆինանսավորմանը և օժանդակությանը օրենսդրության ընդունման հարցում ՝ կոչ անելով Միացյալ Նահանգներին աջակցել Արցախի ինքնորոշմանը:

Sara Gideon could be the first Armenian-American Senator in United States History. She is the granddaughter of Armenian Genocide survivors. 

Her opponent, Susan Collins, has been meeting with Azeri lobbyists. Azeri media reports that “American Democrat U.S. Senator [Susan Collins] concerned about Armenia's occupation policy,” the report calling Armenians in Artsakh, an “illegal occupation.”

Meanwhile, Sara Gideon is a strong advocate for Armenia and also actively supported the State of Maine's recognition of the Republic of Artsakh, cosponsoring and helping pass legislation in 2013 calling for U.S. support for Artsakh's self-determination.

Ինչպես կահավորել ու ձևավորել բնակարանը

ԼՐԱՑՎՈՂ

ՕԳՏԱԿԱՐ ԽՈՐՀՈՒՐԴՆԵՐ

Նիդերլանդներ մեր շատ հայրենակիցներ ներգաղթել են ցուրտ ու  մութ տարիներին և դրանից հետո: Շատերն իրենց աշխատասիրության շնորհիվ և վարկային նպաստավոր  պայմաններից օգտվելով ձեռք են բերել իրենց սեփական բնակարանները: Շատերը ցանկանում են իրենց ճաշակով ձևավորել, կահավորել, գեղեցիկ միջավայր ստեղծել իրենց շուրջ: Սակայն ամենքը չեն, որ ճիշտ կարողանում են դա անել,  հաշվարկել ու կիրառել ամենապարզ ու հասարակ կանոնները` էլ ավելի հարմարավետ դարձնելու իրենց, ընտանիքի մյուս անդամների ու  հյուրերի անմիջական շփման վայրը: Այս հոդվածների շարքը, որի հեղինակը Հասմիկ Հակոբյանն է, այս ոլորտում բավական հետազոտություններ է արել, կօգնի բոլորիս  ճիշտ կողմնորոշվել մեզ ամենասիրելի վայրում` տարածության ու ժամանակի առարկայական միջավայրում:


5 կանոն խոհանոցի կահույքը գրագետ տեղակայելու համար


Հիմնական սկզբունքներն են՝ 

-աշխատանքային եռանկյան ստեղծումը:

-տարածությունները հաշվի առնելը:

-կահույքի ճիշտ դասավորվածությունը:


Կանոն N1 

Կառուցել խոհանոցը՝ հաշվի առնելով աշխատանքային եռանկյան սկզբունքը՝ սալօջախ, լվացարան եւ սառնարան։ Այս 3-ի միջեւ հեռավորությունը պետք է լինի հավասար , բայց ոչ շատ մեծ հեռավորությամբ՝ խոհանոցում աշխատանքն առավել արդյունավետ դարձնելու համար։ Ցանկալի չէ տեղադրել լվացարանը եւ սալօջախը խոհանոցային կահույքի անկյուններում։


Կանոն N2 

Մաքուր եւ կեղտոտ ամանեղենի ճիշտ շրջանառության համար աղբամանը, լվացարանը եւ աման լվացող մեքենան միմյանց մոտ պետք է տեղակայված լինեն։

Ինչպես նաեւ պահարանները եւ դարակները նույնպես պետք է աման լվացող մեքենային մոտ լինեն' այն հեշտությամբ դատարկելու եւ լցնելու համար։


Կանոն N3

Հաշվի առնել խոհանոցային կահույքի բարձրությունը:

Աշխատանքային զոնա, էլէկտրական սարքեր:

Աշխատանքային զոնան պետք է լինի գոտկատեղի բարձրության՝ կախված ձեր հասակից (85-ից մինչեւ 95սմ):

Ջեռոցը ցանկալի է լինի աչքերի բարձրության։

Օդափոխիչը՝ սալօջախից մոտավորապես 60սմ բարձրության վրա։

Պահարանի հասանելի ամենաբարձր դարակը ցանկալի է ունենա մոտավորապես 220սմ բարձրություն։


Կանոն N 4

Խոհանոցային ճարտարապետները նախընտրությունն այսօր տալիս են ավելի խորը եւ, հետեւաբար, ընդարձակ աշխատանքային զոնաներին՝ հատկացնելով աշխատանքային սեղանին 65 սմ, երբեմն նաեւ առավել հարմարավետության համար՝ 70սմ խորություն։

70սմ -ը կահույքի առջեւ ազատ տեղ թողնելու նվազագույն չափսն է, 90սմ-ը ՝ ներկառուցվող պահարանները, բաց վիճակում գտնվող սպասք լվացող մեքենան շրջանցելու համար, իսկ 120սմ-ը երկու հոգով խոհանոցում աշխատելու համար։


Կանոն N5 

Լավ լուսավորված խոհանոց:

Բացի նրանից, որ խոհանոցը պետք է լուսավորված լինի ցերեկային լույսով, այն պետք է լուսավորվի նաև առաստաղին լույսով: Ինչպես նաեւ աշխատանքային սեղանը պետք է լուսավորվի տեղային ուղղորդվող լույսերով (սփոթներով), որոնք սովորաբար տեղադրվում են աշխատանքային սեղանի վրա կախվող պահարանների տակ։ Պակաս կարևոր չէ շրջակա լուսավորությունը , հատկապես այն դեպքում, երբ խոհանոցը ճաշասենյակի հետ է։


Խոհանոցային «կղզյակ»


Խոհանոցային «կղզյակը» վերջին տարիներին հեղաշրջել է խոհանոցի մասին պատկերացումները՝  ընձեռելով տարածության արդյունավետ օգտագործման նոր հնարավորություններ։

Կղզյակը խոհանոցի կենտրոնն է եւ կարող է լինել տարբեր չափսերի, ձեւի, նյութի եւ տարողության։ Ստեծագործել սիրողների համար հրաշալի հնարավորություն

-Կղզյակն իր մեջ կարող է ամփոփել լվացարան, սալօջախ , բար եւ բազմաթիվ ֆունկցիոնալ պարզ դարակներ։

-Այն բաժանարար դեր է խաղում պատրաստման եւ համտեսման զոնաների միջեւ։ Այն կարելի է շատ ներդաշնակ ներառել ճաշասենյակի մեջ՝ ստեղծելով մեկ ամբողջություն։

-Մեծ խոհանոցում կղզյակը դառնում է մի ամբողջ խոհանոց՝ զբաղեցնելով ողջ տարածքը։ Այս դեպքում այն կարող է ներառել միանգամից 3 զոնա . պատրասման զոնա( սալօջախ, լվացարան), աշխատանքային զոնա եւ շփման զոնա( ճաշակելու , համտեսելու, նստելու եւ զրուցելու)։

Կղզյակ ունենալու լավագույն տարբերակը 15 քառ. մետր տարածքն է, չնայած լվացարան, սալօջախ, դարակաշարեր ներառելու դեպքում կարող է այն տեղակայվել նաեւ փոքր խոհանոցում։ Խորհուրդ ( այս դեպքում կահույքի փայլուն մակերեսները տեսականորեն ավելի կմեծացնեն խոհանոցը)։

- Կղզյակ կառուցելուց առաջ նախապես պետք է այդ հատվածն ապահովել էլեկտրական եւ ջրատար կոմմունիկացիաներով։

Կղզյակը կարող է լինել միեւնույն ժամանակ թե՜ շքեղ եւ թե՜ նվազագույն պահանջարկն ապահովող։ Շքեղության նոտա կարող է հաղորդել մարմարյա մակերեսը։

Սեւ գույնը վերջին շրջանի ամենասիրված գույնն է կղզյակի դեպքում, հատկապես երբ խոհանոցը ներառված է ճաշասենյակի մեջ։

-Կղզյակը կարող է լինել կիսաշրջանաձեւ

-Խոհանոցում հնարավոր է նաեւ տեղակայել միանգամից 2 կղզյակ՝ կախված խոհանոցի չափսերից եւ ձեւից։

Խոհանոցային «կղզյակը» վերջին տարիներին հեղաշրջել է խոհանոցի մասին պատկերացումները՝  ընձեռելով տարածության արդյունավետ օգտագործման նոր հնարավորություններ։

Կղզյակը խոհանոցի կենտրոնն է եւ կարող է լինել տարբեր չափսերի, ձեւի, նյութի եւ տարողության։ Ստեծագործել սիրողների համար հրաշալի հնարավորություն

-Կղզյակն իր մեջ կարող է ամփոփել լվացարան, սալօջախ , բար եւ բազմաթիվ ֆունկցիոնալ պարզ դարակներ։

-Այն բաժանարար դեր է խաղում պատրաստման եւ համտեսման զոնաների միջեւ։ Այն կարելի է շատ ներդաշնակ ներառել ճաշասենյակի մեջ՝ ստեղծելով մեկ ամբողջություն։

-Մեծ խոհանոցում կղզյակը դառնում է մի ամբողջ խոհանոց՝ զբաղեցնելով ողջ տարածքը։ Այս դեպքում այն կարող է ներառել միանգամից 3 զոնա . պատրասման զոնա( սալօջախ, լվացարան), աշխատանքային զոնա եւ շփման զոնա( ճաշակելու , համտեսելու, նստելու եւ զրուցելու)։

Կղզյակ ունենալու լավագույն տարբերակը 15 քառ. մետր տարածքն է, չնայած լվացարան, սալօջախ, դարակաշարեր ներառելու դեպքում կարող է այն տեղակայվել նաեւ փոքր խոհանոցում։ Խորհուրդ ( այս դեպքում կահույքի փայլուն մակերեսները տեսականորեն ավելի կմեծացնեն խոհանոցը)։

- Կղզյակ կառուցելուց առաջ նախապես պետք է այդ հատվածն ապահովել էլեկտրական եւ ջրատար կոմմունիկացիաներով։

Կղզյակը կարող է լինել միեւնույն ժամանակ թե՜ շքեղ եւ թե՜ նվազագույն պահանջարկն ապահովող։ Շքեղության նոտա կարող է հաղորդել մարմարյա մակերեսը։

Սեւ գույնը վերջին շրջանի ամենասիրված գույնն է կղզյակի դեպքում, հատկապես երբ խոհանոցը ներառված է ճաշասենյակի մեջ։

-Կղզյակը կարող է լինել կիսաշրջանաձեւ

-Խոհանոցում հնարավոր է նաեւ տեղակայել միանգամից 2 կղզյակ՝ կախված խոհանոցի չափսերից եւ ձեւից։





Խոհանոցային կահույքի պատրաստման համար նախատեսված նյութեր , դրանց առավելություններն ու թերությունները եւ 2020թ. ամենաարդի միտումները

ԽՈՀԱՆՈՑԱՅԻՆ ԿԱՀՈՒՅՔԻ ՖԱՍԱԴՆԵՐ — ՃԱԿԱՏԱՅԻՆ ԴՌՆԵՐ ԵՎ ԴԱՐԱԿՆԵՐ

Մելամինապատ ԴՍՊ կամ ՄԴՖ– այն հիմնականում օգտագործվում է խոհանոցի ճակատային դարակները եւ դռները կառուցելու համար։ Ի տարբերություն բնական փայտի, անհամեմատ մատչելի է եւ արտադրվում է թե' փայտի, թե' քարի եւ թե' մետաղի ֆակտուրաներով։

Լամինատ – այն ամենատարածվածն է, ավելի բարձրակարգ է, քան մելամինապատ ԴՍՊ կամ ՄԴՖ եւ ունի փայտի, քարի, չժանգոտվող պողպատի շատ ավելի բնական կրկնօրինակումներ։

Լաքապատ կամ փայլուն ֆասադները նույնպես ունեն իրենց համակիրները, սակայն ավելի թանկ են։

Դիզայներները խորհուրդ են տալիս այս նյութն օգտագործել միայն ընդգծելու խոհանոցի որոշ մակերեսներ՝ գումար խնայելու նպատակով։

Եվ վերջապես բնափայտով երեսպատված մակերեսները, որոնք բնականը եւ ընտանեկան ջերմությունը սիրողների համար են։ 

Այս նյութի  դժվարությունը կայանում է նրանում, որ երբեմն անհնար է միեւնույն երանգը ստանալ բոլոր ֆասադների վրա եւ, ժամանակի ընթացքում, այն կորցնում է ձեւը եւ կարող է տեղաշարժվել։ Դրա համար էլ խորհուրդ է տրվում նախապատվությունը տալ լամինատին, որն ավելի երկարակյաց է։   







ԱՇԽԱՏԱՆՔԱՅԻՆ ՍԵՂԱՆ

Այժմ խոսենք խոհանոցի աշխատանքային սեղանի մասին, որը թերեւս խոհանոցի կարեւորագույն բաղադրիչն է, հետեւաբար՝ կարեւոր է, որ այն պատրաստված լինի շատ որակյալ նյութից։

Հաշվի առնելով մինիմալիստական ոճի խոհանոցների արդիականությունը՝ աշխատանքային սեղանները աստիճանաբար դառնում են ավելի բարակ։ Եթե մի քանի տարի առաջ դրանք ունեին 4սմ հաստություն, ապա այժմ դրանց հաստությունը չի գերազանցում 1.2սմ, շատ հազվադեպ հասնելով մինչեւ 3սմ հաստության։

Խոհանոցի աշխատանքային սեղանի դեպքում նախապատվությունը տրվում է լամինատին, որը կարող է ունենալ թե' քարի, թե' փայտի, թե' մարմարի եւ թե' երկաթի իմիտացիաներ։ Այսօր բարելավվել է նաեւ լամինատի որակը. այն ավելի հեշտ ու արագ է մաքրվում եւ լավ դիմակայում է հարվածներին ու քերծվածքներին։

Վերջերս լույս է տեսել նոր սերնդի լամինատ, որը կազմությամբ ավելի խիտ եւ որակով է, մեջտեղի հատվածում ունի ջրամեկուսիչ շերտ եւ հետեւաբար նաեւ՝ մեծ երկարակեցություն։

Փայտե աշխատանքային սեղան – այն ավելի ջերմ եւ ընտանեկան է դարձնում խոհանոցը։

Թերություններն են՝ զգայունությունը խոնավության եւ տաքության նկատմամբ։

Տեղադրելուց հետո անհրաժեշտ է այն մշակել կտավատի յուղով, որպեսզի հետքերը չնեծծվեն փայտի մեջ։

Օրինակ՝ բամբուկը էկզոտիկ երանգ է հաղորդում, իսկ հաճարը իր բաց երանգով լուսավորում է եւ սկանդինավյան երանգներ հաղորդում։ 

Ժամանակի ընթացքում փայտը կարող է դառնալ ավելի մուգ կամ, հակառակը, բաց երանգի, սակայն անհանգստանալու կարիք չկա, քանի որ դա  բնորոշ է բնափայտին։

Գրանիտե աշխատանքային սեղան – Այն շատ ավելի թանկ է, քան փայտը եւ շատ երկարակյաց է, չի վախենում ո'չ ցրտից, ո'չ շոգից, ո'չ էլ քերծվածքներից։ Օճառաջուրն ու սպունգը բավական են այն մաքրելու համար։

Այն նաեւ ունի գունային եւ մշակման բազմաթիվ վարիացիաներ։

Տարին մեկ անգամ խորհուրդ է տրվում այն մշակել ջրամեկուսիչ յուղով։

Կվարցե աշխատանքային սեղան – Իրենց տեսքով էսթեսիկ կվարցե աշխատանքային սեղանները բավականին թանկ են։ Կազմված լինելով 92% կվարցից եւ ակրիլային խեժից՝ այն հանդիսանում է շատ ավելի կարծր նյութ, քան բնական քարը։

Այն չի ներծծում ո'չ ջուրը, ո'չ սուրճը, ո'չ գինին։ Հետքերը շատ արագ մաքրվում են ջրով եւ օճառով, սակայն ձեռնպահ է պետք մնալ շատ տաք տարաներ վրան դնելուց, քանի որ չափազանց մեծ տաքությունից այն կարող է ճաքել եւ ձեւափոխվել։

Ապակե աշխատանքային սեղան – Այն խոհանոցին հաղորդում է գերժամանակակից տեսք։ Հիգիենիկ է, չունի ծակոտկենություն։

Սակայն այն կարող է կոտրվել հարվածներից կամ բարձր ջերմաստիճանից։

Մաքրվում է սպունգով եւ տաք ջրով, իսկ մատնահետքերը մաքրվում են ալկոհոլային քացախով։

Չժանգոտվող պողպատե աշխատանքային սեղան – Եթե ուզում եք պրոֆեսիոնալ խոհանոցի տպավորություն ստեղծել, ապա ընտրեք չժանգոտվող պողպատը։ Այն շատ նորաձեւ է եւ հեշտությամբ ինտեգրվում է ցանկացած ոճի խոհանոցում։

Պրոֆեսիոնալները նախապատվություն են տալիս այս նյութին, քանի որ այն ջերմա եւ ջրադիմացկուն է։ Լինելով նաեւ հիգիենիկ՝ այն, այնուամենայնիվ, ունի մեծ թերություն. աշխատատար է նրա ամենօրյա խնամքը, քանի որ զգայուն է կրաքարերի գոյացման եւ քերծվածքների հանդեպ։ Նաեւ ժամանակի ընթացքում կորցնում է փայլը։

Խորհուրդ է տրվում այն մաքրել քիմիական նյութերով /օրնակ՝ ժավելաջրով/։ Խստիվ հակացուցված է սպունգի կոշտ մասով այն շփելը, իսկ կտրատելիս անպայման պետք է տախտակ օգտագործել։

Բետոնե աշխատանքային սեղան – Բետոնը ի սկզբանե նախատեսված լինելով պատերի եւ հատակների հարթեցման համար՝ այսօր, որպես նորարարություն, իր կիրառությունն է գտնում է նաեւ խոհանոցում որպես աշխատանքային սեղան։ Այն շատ կարծր նյութ է, եւ նրա երկարակեցությունն էլ ավելի ապահովելու նպատակով՝ պետք է այն անպայման լաքապատել։ Մաքրելու համար բավական են միայն սպունգն ու օճառը։ Տարին մեկ անգամ խորհուրդ է տրվում այն վերալաքապատել՝ փայլը վերականգնելու նպատակով։

Լավայի տեխնոլոգիայով պատրաստված աշխատանքային սեղան – Այս նյութը էմալի եւ քարի միաձուլում է, որը 900C ջերմության տակ եփվում է։ Այն դասվում է ամենաամուր նյութերի շարքում։ Դիմակայուն է թե' հարվածներին եւ թե' ջերմությանը։ Այսօր արդեն էնթրասիտ եւ սեւ երանգներից բացի, արտադրվում է տարբեր գույների եւ երանգների։ Լինելով շատ նորարարական եւ իր տեսակով նորություն՝ շուկայում դեռեւս դժվար է այն հայթայթել, նաեւ բավական թանկ է։ 

Հակացուցված է այն մաքրել քացախով, կիտրոնով եւ ժավելաջրով։

Չնայած այն հանգամանքին, որ սպառողների 80 % նախապատվությունը տալիս է լամինատին` բոլոր վերը նշված նյութերը եւս ունեն իրենց պատվիրատուների եւ համակիրների շուկան։


ՀԱՍՄԻԿ ՀԱԿՈԲՅԱՆ








Wednesday, 23 September 2020

Հայաստանում Նիդերլանդների դեսպանն անցավ իր պարտականություններին








Տեղադրելով լուսանկարներ (ներկայացրել ենք երկուսը)` Հայաստանում Նիդերլանդների արտակարգ և լիազոր դեսպան Նիկոլաս Սխերմերսը (Nico Schermers ) հետևյալն է գրել.
 -Այսօր կեսօրին ինձ հրավիրեցին իմ հավատարմագրերը հանձնել Նախագահ Արմեն Սարգսյանին: Քննարկեցինք շատ հետաքրքիր թեմաներ, որոնք կնպաստեն երկկողմ հարաբերությունների ամրապնդմանը: 




Մինչ հավատարմագրերի հանձնումը ` Նիդերլանդների նորանշանակ դեսպանը սեպտեմբերի 4-ին կրկնօրինակներն է հանձնել ԱԳ նախարար Զոհրապ Մնացականյանին: Մնացած ժամանակը Նիկոլաս Սխերմերսը հասցրել է լինել Հայաստանի տեսարժան վայրերում, ծանոթանալ նրա պատմամշակութային հուշարձաններին ու բավական հետաքրքիր լուսանկարներ տեղադրել իր ֆեյսբուքյան, թվիտերյան էջերում (Մի քանիսը ներկայացնում ենք): Նիդերլանդներում Հայաստանի դեսպան Տիգրան Բալայանը ևս ողջունել և ջերմ խոսքեր է հղել հոլանդացի գործընկերոջը: Նիդերլանդներում գտնվելու ժամանակ հոլանդացի դիվանագետը մեր երկրի դեսպանի, ապա հյուպատոսի հետ հասցրել է ծանոթանալ նիդերլանդներում գործող հայկական համայնքներին: Բարի առաքելություն ու լավ աշխատանքային սկիզբ նորին գերազանցությանը` ի նպաստ մեր երկու բարեկամ երկրների հարաբերությունների զարգացման ու ամրապնդման:
Լուսանկարային ձևավորմամբ ամբողջական նյութն այստեղ

Monday, 21 September 2020

Թագաժահրը չի ընկճում Արցախցիներին

 ԿԻՐԱԿՆՕՐՅԱ ԶԲՈՍԱՆՔ ԱՐՑԱԽՈՎ

Ստեփանակերտում փոքրիկ զբոսանք կատարեցի․ նպատակ ունեի հասկանալ ինչպես է ազդել թագաժահրը արցախցու ինքնազգացողության ու կյանքի որակի վրա, արդյո՞ք արցախցուն խեղճացրել է այն ու ստիպել դիմացդ հայտնված մարդուն շատ չմոտենալու համար փախուստի դիմել դեպի մայթի հակառակ կողմը․․․ ամենևին: Սկսեմ սկզբից։ Նպատակ ունեի փոքրիկ նյութ պատրաստել «Արցախն ու համավարակը» թեմայի շրջանակում։ Երեկոյան զբոսանքը Ստեփանակերտի կենտրոնում ոչ միայն հաճելի է, այլև հետաքրքիր․ արցախցին ապրում է իր առօրյայով՝ փողոցում տեսնում ես զբոսնող ժպտադեմ երիտասարդների, գեղեցիկ աղջիկների, թոշակառու տղամարդիկ այգում հավաքված զրուցում են, երբեմն նույնիսկ հեռավորությունը չեն պահպանում, թոշակառու կանայք իրար կողքի քայլում են շատ մտերմիկ զրուցելով, երեխաները վազվզում են․․․ ՈՒ ՈՉ ՄԻ ԴԻՄԱԿ, մոտենում եմ առաջին հանդիպած կնոջը , ով կողքովս էր անցնում, ներկայանում եմ ու հաճելիորեն զարմանում, որ անկախ մեզանից պահում ենք 1․5 մետր այսպես կոչված սոցիալական հեռավորություն՝ հստակ գիտակցելով․ որ մենք տարբեր ՍՈՑԻԱԼԱԿԱՆ ԽՄԲԵՐԻ ՆԵՐԿԱՅԱՑՈՒՑԻՉՆԵՐ ՉԵՆՔ։ Առաջին անգամն եմ զգում, որ քաղաքում թագավարակ կա ու մարդիկ պահում են այդ հեռավորությունը․․․ Զրուցակիցս՝ Կարինեն, ով աշխատում է Մեսրոպ Մաշտոցի անվան համալսարանի գիտական գրադարանում, ուրախությամբ է պատմում, որ գրադարանի հաճախորդ դասախոսներն ու ուսանողները նոր ուսումնական տարվա հետ սկսել են այցելել ու արդեն զբաղվել գիտական նյութերի ընթերցանությամբ, գիտական աշխատանքով։ Ախտահանվում է ամեն բան, մարդիկ բնականոն ընթացքով վերադառնում են իրենց կիսատ թողած գործերին։ Զգում ես, որ արցախցուն ոչ պատերազմով ու ոչ էլ համավարակով կոտրել չես կարող, պետք է՝ հագնում են դիմակը ու ապրում իրենց կյանքը անտրտունջ։ Կարինեն համոզված է, որ կյանքը իր հունի մեջ է մտնելու շուտով․․․ ուրախանում եմ, մտնում մոտակա խանութը, զրույցի բռնվում տիրուհու հետ, ով տարիքով համարյա հասակակից է ինձ։ Տիկինը մասամբ ընկճված է՝ առևտուր համարյա չկա, մաքսազերծման թանկացման պատճառով երեք ամիս առևտուր չի եղել։ Միանգամից տեսնում եմ թագաժահրի կնիքը նրա խոսքերում՝ 4 անգամ թանկացել է ամեն բան, ինքը հասցրել է առաջին թանկացման ընթացքում Թուրքիայից իր ապրանքը բերել․․ Այդ տեղանունը լսելիս սիրտս տակն ու վրա է լինում, հետո հավելում է, որ ավելի պակաս, բայց նույն թանկացումը նաև ռուսական ապրանքի վրա կա։ Թուրքից կախվածությունը սպանիչ է, բայց ականջներումս զնգում են Լոուրենս Արաբացու բառերը մեր մասին՝ ուղղված ամերիկացի լրագրողին՝տարեք հայերին Ամերիկա ու այնտեղ վերացրեք, դուք դրա փորձը ունեք հնդկացու նկատմամբ, ում հաջողությամբ եք վերացրել, անգլիացին դեռ համաշխարհային կառավարություն պիտի ստեղծի․․․ չի կարող նման մանր գործերով զբաղվել․․․ Հային պետք է անջատել Հայաստանից, իսկ մնացող հայերը պիտի աշխատեն հարևան երկրների համար․․․»։ Ծանր սրտով դուրս եմ գալիս խանութից․․ Զրույցը շարունակում եմ փողոցում․ Մոտենում եմ դիմացից եկող երիտասարդ զույգին, գեղեցիկ, բարեկիրթ․ գրական հաճելի հայերենով բացատում են ինձ, որ համավարակը ավելի է մտերմացրել ընտանիքի անդամներին, ովքեր ավելի հոգատար են դարձել միմյանց նկատմամբ․․․ Թոշակառու տատիկները չէին էլ զգացել համավարակի առկայությունը, մտքներով էլ չի անցնում սոցիալական հեռավորություն պահպանել․․ Եղան նույնիսկ մարդիկ, ովքեր փորձեցին ինձ բացատրել, որ ԱՐՑԱԽՈՒՄ ՀԱՄԱՎԱՐԱԿ ՉԿԱ․․․ «ԵՐԵՎԱՆԻՑ ԵՆ ՎԻՐՈՒՍԸ ԲԵՐՈՒՄ»։
Մանկական ստեղծագործության կենտրոնի ուսուցչուհիները երջանիկ դուրս էին գալիս շենքից, ուրախ էին, որ վերադարձել են իրենց աշակերտները, մի քիչ շատ են աշխատելու խմբերի քանակի մեծացման հետ կապված, բայց նրանց երջանկության վրա աշխատավարձի չփոխվելը չի ազդում։ Բոլորը ուրախ են, պետական սեկտորում աշխատող տղամարդիկ ասում են, որ չեն էլ զգացել,որ համավարակ կա, նրա առկայությունը միայն պարետին, պարետատան աշխատակիցների գործունեությանն ու պարետի հաճախակի թարմացվող որոշումներին առնչվելիս․․․ ԲՈԼՈՐԸ ՀԱՅԵՆԻՔԻ ՄԱՍԻՆ ԵՆ ՄՏԱԾՈՒՄ․․․ ԺԱՀՐԸ ՉԻ ԸՆԿՃՈՒՄ ՆՐԱՆՑ։
Արցախցի ոստիկանը հետևում է կարգ ու կանոնին, պատրաստ է օգնություն ցուցաբերել քաղաքացուն, բայց պարտքի գիտակցումն ու զգացումը երբեք թույլ չեն տալիս նրան որևէ հարցի պատասխանել, որն իր պարտականությունից դուրս է․ աշխարհի ամենաօրինապաշտ ու օրինակելի ոստիկաններն ապրում են Արցախում, նույնիսկ մտածում ես, որ նրանց մոտ վերապատրաստում պիտի անցնեն աշխարհի բոլոր երկրների ոստիկանները։ Դա ինձ համար վաղուց արդեն նորություն չէ։


ԱՐՑԱԽ-ՀԱՅԱՍՏԱՆ` ՀՈԳԻ ՈՒ ՄԱՐՄԻՆ, ՉԵՆՔ ՀԱՆՁՆՎՈՒՄ ԹԱԳԱԺԱՀՐԻՆ


Մինչ աշխարհի հզոր քաղաքական ուժերը քննարկում ու վերլուծում են թագաժահրի տարածման մանրամասներն ու նրա վերացմանն ուղղված միջոցառումները, նրա դեմ պատվաստումների հարցը, որը ոչ միայն առողջապահության խնդիրն է այլև հզոր քաղաքական ուժերի, ինչպես նաև այլ հրատապ քաղաքական խնդիրներ, Արցախը իր մեկուսացման դրական կողմերի ընդգծված կիրառմամբ դանդաղ բայց հաստատուն քայլերով առաջընթաց է գրանցում։ 


Այս առումով, ինչպես արդեն գիտենք, «Նիդերլանդական Օրագիրն» անդրադարձել ու շնորհավորել է Արցախի Հանրապետության նախագահ Արայիկ Հարությունյանի կառավարման 100 օրը, հարցեր ուղղել և ստացել պատասխաններ։ Արայիկ Հարությունյանի գլխավորությամբ՝ Արցախը զբաղված է խաղաղ ստեղծագործ աշխատանքով, զարգացնում է տնտեսությունը, հղկում ու բարելավում է քաղաքական կառույցների ու կրթական համակարգի գործունեությունը ։



Թագաժահրի առկայությունը չի կարող խոչընդոտել առկա հարցերի լուծմանը Արցախում։ ԱՀ նախագահի որոշմամբ պատմական արդարությունը պետք է վերականգնվի։  Նախորդ դարասկզբին 10000 հայերի ցեղասպանություն տեսած Շուշին ազգային-քաղաքական, մշակութային, կրթական ազդեցիկ կենտրոն էր և պետք է վերականգնվի Շուշիի նախկին կարևորագույն կենտրոն լինելու կարգավիճակը։ Առաջին քայլն այդ ուղղությամբ արդեն ձեռնարկված են․ հարցի լուծմանն ընդառաջ՝ Արայիկ Հարությունյանը բանակցում է դատա-իրավական համակարգի պատասխանատուների հետ    Շուշիում կառուցվող նոր շենքը ԱԺ տրամադրելու ուղղությամբ։ Մասնավորապես,  Արայիկ Հարությունյանը տեղեկացրել է ԱՀ քաղաքացիներին, որ այցելել է բերդաքաղաք վերջին տարիներին քաղաքում սկսած լայնածավալ շինարարական ծրագրերն ակտիվորեն շարունակելու միտումով: Նա նշում է, որ, անկասկած,  մեծ ջանքեր են պահանջվելու Շուշիի երբեմնի փառքը վերադարձնելու համար, և, աշխատանքային օրակարգում տեղ գտած կարևոր հարցերը հրատապ լուծում են պահանջում․  բնակարանաշինություն, Ազգային ժողովի նստավայրի տեղափոխում, խմելու ջրի համար ֆիլտր կայանի կառուցում,  շրջանային բուժմիավորման շենքի կառուցում, Շուշի տանող ճանապարհի վերանորոգում, թերացումների կարգավորում։ Աշխատանքային խորհրդակցության ընթացքում նա կայացված ոչ արդարացի որոշումների համար պատասխանատուները նախագահի կողմից ստացել են բանավոր նախազգուշացում: Արցախի քաղաքացիները պատրաստակամ են օգնել, որ երկրում արդարացի լուծում ստանան բոլոր հարցերը։ Նրանք առաջ են քաշել ադրբեջանական տիրապետության տակ գտնված շրջանի տեղանուններից հրաժարվելու հարցը, մանավանդ , որ նոր անուններ հորինելու կարիք չկա, որովհետև ինչպես վկայում է դարավոր պատմությունը բոլոր վայրերը ունեն իրենց պատմական հայկական անվանումները։ Օրինակ,  քաղաքացիներից մեկի կողմից անդրադարձ է կատարվել Ասկերա՞ն, թե Մայրաբերդ տեղանուններին։ 
Հայոց պատմության մեջ շատ են ճակատագրական, ողբերգական, հերոսական դրվագները։ Պակաս չեն նաև զավեշտալի փաստեր։
Արցախի մայրաքաղաքի ամենավտանգավոր՝ արևելյան ուղղությունը պաշտպանող, բոլոր կռիվներում թուրք ասկերների դեմ կանգնած հայոց անառիկ ամրոցը անվանվում է ասկերի հոգնակիով․․․ թուրք զինվորներ ․․․ այն դեպքում, երբ ունենք Մայրաբերդը, որպես պատմական փաստ, տեղանուն, համազգային պարծանքի ու փառքի լուռ վկա։ Քանի որ տեղանունների փոփոխությունը խիստ տրամաբանական է, առաջարկ է արվել բացատրական աշխատանք տանել տեղի բնակչության լայն շերտերի հետ։ (Չենք ցանկանում անդրադառնալ այն հարցին, որ հարևան Ադրբեջանում, տեսնելով, որ Արցախը շրջանառության մեջ է դրել իր վաղեմի տեղանունը, փորձ է արվել 7րդ դասարանի դպրոցական դասագրքում բացատրել, որ նշված տեղանունը մթա․ 6-րդ դարում լինելով «բուն ադրբեջանական» նշանակել է «քաջ զինվոր» ․․․)



Նշենք, որ Արցախի նախագահն այս օրերին անկախության օրվա առիթով գտնվելով ՀՀ-ում մեծ եռանդով հանդիպումներ է ունենում՝ «Թումո» կենտրոնների ցանցն Արցախում ընդլայնելու նպատակով։ 
Ա․ Հարությունյանը այցելել է Մատենադարան, ծանոթացել հայ ձեռագրային ժառանգության բացառիկ նմուշներին, շրջայց կատարել արխիվային պահոցում և ձեռագրերի վերականգնման բաժնում և Տեր-Ղեւոնդյանի հետ մտքեր ենք փոխանակել համագործակցության ընդլայնման տարբերակների շուրջ: Մասնավորապես, նախատեսվում է մայրաքաղաքում գործող հանրապետական գրադարանի համար արդի բոլոր չափորոշիչներին համապատասխանող պայմաններ ստեղծել, և այդ գործում Մատենադարանը կունենա իր ծանրակշիռ մասնակցությունը, համոզված է ԱՀ նախագահը:

 Մեր զրույցը շարունակենք՝ դիտելով մի փոքրիկ ֆիլմ Արցախի մարդու իրավունքների պաշտպան Արտակ Բեգլարյանի մասնակցությամբ այն մասին, թե ինչպես է համավարակի պայմաններում  Արցախում բարձր մակարդակով կազմակերպվում կրթության իրավունքի իրականացումը (https://www.artsakhombuds.am/hy/news/441)։ Արվում է ամեն բան, որ թագաժահրի ազդեցությունը կրթության վրա հասցվի մինիմալի։

Իսկ ինչպես է գնահատվում թագաժահրի ազդեցությանը ԱՀ-ում ընդհանրապես և մարդու իրավունքների  վրա մասնավորապես։ Այս հարցի  առնչությամբ փորձեցինք զրուցել մարդու իրավունքների համար պայքարող, «Հելսինկյան նախաձեռնություն-92» հասարակական կազմակերպության հիմնադիր, պետական-հասարակական գործիչ Կարեն Օհանջանյանի հետ (http://www.nankr.am/hy/2460)։ Արցախում նրան բոլորն են ճանաչում և սիրում, որովհետև նա մարդու այն տեսակին է պատկանում, որ անգամ համավարակի պայմաններում ոչ մեկի ու ոչ մի հարցի նկատմամբ չի կարող անտարբեր գտնվել, գուցե գեներն են պատճառը․․․ Կարեն Օհանջանյանը նվիրյալ հայրենասեր է, խոհա-փիլիսոփայական և սիրային բանաստեղծությունների հեղինակ, բազմակողմանի զարգացած գրող, մեր հայտնի հայրենակցի՝ Միքայել Արամյանցի (Ախթալայի պատմական դղյակի տիրոջ և Անդրկովկասում առաջին թենիսի քորտերի հիմնադիր) գեների անմիջական կրողը։ (Ամբողջական հոդվածը Կարեն Օհանջի «Արամյանց» գործի մասին կարելի է կարդալ հետևյալ հղմամբ
Բայց այսքանը դարձյալ շատ քիչ է նկարագրելու համար 1992 թ.   Լեռնային Ղարաբաղի «Հելսինկյան նախաձեռնություն-92» հասարակական կազմակերպությունը ստեղծած և Բելգիայույում 2000թ․ քաղաքական գիտությունների և մշակույթի միջազգային ակադեմիայում դոկտորի աստիճան ստացած, Արցախում մարդու իրավունքների հայտնի պաշտպանին, ով բավականին ներդրում ունի 500 թուրք գերիներին, մարդասիրական մղումներից ելնելով, Ադրբեջանին վերադարձնելու հարցում, սակայնթուրք կոչվածի համար բանակցային գործընթացը այնքան արժեք չուներ, որ դաժան դատաստան տեսնելով բանագնած Օհանջանյանի հետ ՝ նրան ենթարկում են ահավոր կտտանքների։ Արդարության անխոնջ մարտիկը այսօր էլ շարունակում է իր անձնվեր գործունեությունը և կարծես արցախահայության  բոլոր խնդիրները նրանը լինեն։ Բանակցությունների հարցին այսօր անդրադարձ կատարելով՝ նա նշելում է, որ դրանք պետք է որակապես նոր հարթություն մտնեն, այլապես անիմաստ է նույնությամբ կրկնել անցածը՝ անհրաժեշտ են նոր գաղափարներ, նոր մոտեցումներ, որպեսզի բանակցային գործընթացը վերակենդանանա և դուրս գա փակուղուց․․․
Օհանջանյանը, պատասխանելով մեր հարցին, նշում է, որ, եթե Արցախում իրավիճակն համեմատվի այլ երկրներում գործող սահմանափակումների հետ, ապա պանդեմիան և կառավարության ձեռնարկած միջոցառումները Արցախում սոսկ մարդու իրավունքների թեթևակի սահմանափակումների պատճառ են դարձել։ Խոսքը վերաբերում է երկրի ներսում տեղաշարժերին և այլ երկրներ մեկնելուն։ Արգելված են մասսայական միջոցառումները, այդ թվում հարսանիքներին ու հուղարկավորություններին 20 հոգուց ավել մասնակիցները չեն կարող լինել, վերջապես դիմակների կրումը հասարակական վայրերում։ Իհարկե արտակարգ իրավիճակը վարորդների գրպանին հարված հասցրեց, կառավարության կողմից սոցիալական մուծումների՝ օգնության ծրագիրը լիովին չծածկեց բնակչության կարիքները․․ բայց այս սահմանափակումների մեծ մասից արագ հրաժարվեցին և կարծես դիմակ կրում են ըստ անհրաժեշտության։ Թագաժահրի թեման Օհանջանյանը պոեզիայում յուրահատուկ տեղ ունի, քանի որ կյանքի որակի վրա այն, այնուամենայնիվ թողնում է իր հետքը։

Твой защитный экран от Louis Vuitton
Поразил меня сразу и напомнил о чём-то.
Ты смотрела глазами пришельца из космоса,
Без улыбки, эмоций... Только грусть выражала.
Ты в защитном экране, Боже мой!- До чего ж хороша!
Но тебе не хватало, чтобы рядом был я -
И в таком же экране от Louis Vuitton...
13 сентября 2020 г.

Очевидно, что COVID
Повлиял и на осень:
Она будто всё ноет -
Стал другим её почерк.
И любви нет прошедшей,
Ожиданий восторга.
Краски листьев отцветших
Не ложатся в два слога...
Может быть, эта осень
Исключенье из правил?
И похоже, что COVID
Всем любви поубавил...
Осень - время поэта,
И вдохновений пора.
Все ещё и не спета
Песнь та моя со вчера...
9 сентября 2020 г.
Ադրբեջանական թուրքի դեմ  պայքարը, Ադրբեջանի ստեղծած անմարդկային պայմանները, ազգային ազատագրական պայքարն ու անկախության համար մղվող պատերազմը, տարիների մեկուսացումը արցախցու կամքն ու համառությունը՝ միշտ դեպի ազատոււթյուն և անկախություն ավելի ամուր են  ու անկոտրում են դարձրել այսօր արցախցուն։ Եզրահանգումը մեկն է՝ արցախցուն ոչ մի կորոնավիրուս վախեցնել ու բնականոն կյանքի հունից հանել չի կարող։


Նաիրա Գասպարյան
Նիդ .օրագիր, 13.09.2020 Արցախ/


Sunday, 20 September 2020

Նիդերլանդների հանրայինը կրկին Գոռ Խաչիկյանի մասին

 20.09.2020/Նիդերլանդական օրագիր

Գոռ Խաչիկյանի` մեր  հայրենակից բժշկի մասին, նիդերլանդական մամուլը, հեռուստատեսությունը շարունակում է ներկայացնել: Գոռը միշտ արդիական հարցեր է բարձրացնում` դրա  հետ  մեկտեղ գեղեցիկ կերպով ներկայացնելով մեր երկիրը,  ժողովրդին, նրա պատմությունը: https://tvblik.nl/-ի արձագանքը:

« Եթե դուք ապաստան հայցողների կենտրոնում դեռահաս եք, և ձեր ապագան տարիներ շարունակ անորոշ է, չեք կարող խոսել երջանիկ ապագա կերտելու մասին: Բայց դա  Գոռ Խաչիկյանի  համար չէր: Նա մեծ նվիրվածությամբ մնաց բժիշկ դառնալու իր երազանքին: Եվ երբ ընդհանուր համաներմամբ Խաչիկյանին թույլատրվեց մնալ Նիդեռլանդներում, նա հաջողությամբ ավարտեց բժշկական ուսումը և մասնագիտացավ որպես առաջին օգնության բժշկ: Նա որոշեց իր ներդրումն ունենալ այս երկրում, այս համայնքում, որի անդամն է: Այս գարնանը Խաչիկյանին հաճախ էին զանգահարում թոք-շոուներով `զեկուցելու կորոնավիրուսի առաջին  ալիքի սարսափելի իրողության  իր  տեսած տպավորությունների մասին խոսելու: Հատկանշական է և կար նրա կարեկցանքը ՝ հիվանդների վախի և մենակության ճանաչումը: Այդ համատեքստում նա հիշում է Հերման Ֆինքերսի «ընդմիջումից հետո» կաբարե ծրագիրը: «Դրանից շատ բան սովորեցի այն մասին, թե ինչպես ենք մենք ՝ բժիշկներս, շփվում: Ֆինքերսը պատմեց իր փորձը հիվանդից: Դա խոր տպավորություն թողեց ինձ վրա »: Խաչիկյանի թանկարժեք խոսքերը բխում են ամերիկահայ գրող Ուիլյամ Սարոյանի գրքից, որոնք վերաբերում են հայ ժողովրդի հուսահատությանն ու հայրենասիրությանը: Հայոց ցեղասպանությունը դեռ չի ճանաչվում Թուրքիայի կողմից, և սահմանը կրկին ռմբակոծվում է, և աշխարհը նայում է: «Ըստ երեւույթին, մենք ՝ հայերս, կարեւոր չենք»: Բայց այն, ինչը հուսադրում է Խաչիկյանին, խորը հավատքն է, որ Աստված տեսնում է սա:

Հաղորդումը վարում է Անեմիեկ Շրայվերը: De Verwondering ծրագրի  հյուրն էր Գոռ Խաչիկյանը այս հաղորդումը հեռարձակվեց սեպտեմբերի 20-ին  KRO-NCRV- ի կողմից»:

Հաղորդումը նիդերլանդերենով է. բարի վայելում

https://www.npostart.nl/de-verwondering/20-09-2020/KN_1716106


Fragment uit De Verwondering, test van William Saroyan over Armeniers die ondanks de vervolging overal ter wereld elkaar tegen komen, feesten, taal en cultuur behouden en van waarde zijn.

Wednesday, 9 September 2020

Կարճ լուրերի սեպտեմբերյան օրագիր

 

Արցախի օրվա և պաշտոնավարման 100 օրվա առիթով սեպտեմբերի 2-ին Արցախի նախագահ Արայիկ Հարությունյանը մամուլի ասուլիս է ունեցել:

Նա պատասխանել է նաև «Նիդերլանդական օրագրի» հնչեցրած հարցին.

ՄԵՐ ՀԱՐՑԸ կարող եք լսել 1:44:30 րոպեին: Այն այսպիսին էր.

-Մեծարգո նախագահ, շնորհավորում ենք Ձեզ  պաշտոնավարման 100 օրվա և Արցախի Հանրապետության օրվա  առիթով:

Ձեզ հաջողվու՞մ է համախմբել քաղաքական ուժերին : Ինչպե՞ս եք տեսնում Արցախի վաղվա օրը.

ՆԻԴԵՐԼԱՆԴԱԿԱՆ ՕՐԱԳԻՐԸ փոխանցում է նիդերլանդահայերի ամենաջերմ մաղթանքները:

Արցախի Հանրապետության նախագահ՝ Արայիկ Հարությունյանի պաշտոնավարման 100 օրվա առիթով մամուլի ասուլիս:

Շնորհակալություն հարցը հնչեցնելու և պատասխանելու համար:

Հարցի պատասխանը լսեք տեսանյութում:



Սփյուռքի Գլխավոր Հանձնակատարի Գրասենյակի  (Diaspora High Commissioner's Office) նոր կայքը

Արդեն հասանելի է Սփյուռքի Գլխավոր Հանձնակատարի Գրասենյակի կայքը: Այն գործում  է 3 լեզուներով: Մանրամասը տեղեկություն ստանալու համար կարող եք այցելել`

http://diaspora.gov.am/hy

Իսկ արդեն մյուս` ներքևի հղման  մեջ Սփյուռքի Գլխավոր Հանձնակատար Զարեհ Սինանյանը և գրասենյակի աշխատակից Մարգարիտա Բաղդասարյանը  անձամբ են  ներկայացնում կայքը, պատմում  նրա մասին, ներկայացնում առաջիկա անելիքներն ու ծրագրերը:

 https://www.facebook.com/DiasporaHighCommissionerOfficeArmenia/videos/326692621978228

ԱՅՍ ՕՐԸ

Սեպտեմբերի 2 

301 թ. – ըստ ավանդության հիմնադրվեց Սան Մարինո պետությունը, Եվրոպայի ամենահին պետությունը։

863 թ. – տեղի ունեցավ Լալակաոնի ճակատամարտը։

1658 թ. – մահացել է Օլիվեր Կրոմվելը, Անգլիական հեղափոխության առաջնորդ, նշանավոր զորավար և պետական գործիչ (ծն. 1599 թ.)։

1952 թ. – ծնվել է Հակոբ Մովսեսը, հայ բանաստեղծ, թարգմանիչ։

1953 թ. – ուժի մեջ մտավ Եվրոպայի Խորհրդի կողմից կազմված Մարդու իրավունքների Եվրոպական կոնվենցիան։

1967 թ. – ծնվել է Տարոն Աճեմօղլուն, թուրքահայ նշանավոր տնտեսագետ։

1947 թ. – ծնվել է Լևոն Իշտոյանը, հայ ճանաչված ֆուտբոլիստ։

1983 թ. – ծնվել է Գաբրիել Սարգսյանը, հայ ճանաչված շախմատիստ, գրոսմայստեր։

1996 թ. – ԱՄՆ-ն Իրաքում իրագործեց «Հարված անապատում» ռազմական գործողությունը։


Սեպտեմբերի 13-ին Մաստրիխտում ԽԱՉՎԵՐԱՑ` ՏՈՆ ՎԵՐԱՑՄԱՆ ՍՐԲՈՅ ԽԱՉԻ

 (Խաչվերաց, Սբխեչ)ի տոնին առիթով,  Ս. Կարապետ Եկեղեցում , Կիրակի՝   Սեպտեմբերի 13ին   ժամը 11:30 ին,  մատուցվելու  է Սուրբ և Անմահ Պատարագ:

 Ս. Պատարագը պիտի մատուցանէ եւ օրվան պատգամը փոխանցէ, Արևմտյան Եվրոպայի Հայրապետական Պատվիրակ Գերաշնորհ Տ. Խաժակ Արք. Պարսամյանը,

Պատարագի ավարտին՝ կատարվելու է (Ռեհանօրհնէք) Ռեհանի օրհնություն եւ նոր ուսումնական տարեշրջանի բացման առիթով՝ աշակերտների օրհնության կարգ։

Երկուշաբթի՝ սեպտեմբերի 14-ին Ննջեցիալների հիշատակության օր է` Յիշատակ Մեռելոց:Եկեղեցում պահպանվելու են COVID 19ի բոլոր կանոնները։ եկեղեցու հասցեն։ Potterieplein 50..6216VB Maastricht


4 ՍԵՊՏԵՄԲԵՐ

Սփյուռքից 100 մասնագետ է աշխատելու հայրենիքում

Լուսինե Էլլարյանը Նիդերլանդներից է եկել, օրեր անց աշխատանքը կսկսի Կրթության, գիտության, մշակույթի և սպորտի նախարարության ժամանակակից արվեստի վարչությունում։

«Առաջին անգամ, որ եկա Հայաստան, երեք շաբաթով էի եկել, հետո էնքան սիրեցի, որ 6 ամիս մնացել եմ Հայաստանում ու զբոսաշրջել ամբողջ երկրով մեկ: Հետո հանդիպեցի մի փոքր գյուղ, որ կոչվում է Սարի գյուղ, ու իմ պապիկն է էնտեղ ծնվել, ու մի քիչ սիրահարվեցի», - ասում է Լուսինե Էլլարյանը: Վերջինս Հայաստան Նիդերլանդներից է եկել, օրեր անց աշխատանքը կսկսի Կրթության, գիտության, մշակույթի և սպորտի նախարարության ժամանակակից արվեստի վարչությունում։ Մայրենիից բացի, նաև 5 լեզու գիտի, բիզնեսի կառավարման բակալավրի աստիճան ստացել է Նիդերլանդներում, իսկ քաղաքական փիլիսոփայության մագիստորսի կոչում՝ Իսպանիայում։ Մշակութային ոլորտում է աշխատել, եղել է նախագծերի կառավարիչ։ Հիմա ցանկանում է փորձը հայրենիքում կիրառել. - «Հեղափոխությունից հետո սկսել եմ գալ ու մշակութային ծրագրեր եմ անում Տավուշի մարզում: Մի քիչ շփվել եմ արդեն հայկական մշակույթի ոլորտի, նաև նախարարության ու մարզպետարանի, այդպիսի պաշտոնական կառույցների հետ: Այս ծրագրի միջոցով հուսով եմ, որ կկարողանամ ինչ-որ մի գիտելիք, նորություն բերեմ Հայաստան»:

Սփուռքահայ 100 բարձրակարգ մասնագետ մինչ տարևերջ կմիանա պետական կառավարման համակարգին։ Նրանցից 24-ն արդեն Հայաստանում են ու օրերս աշխատանքի կանցնեն տարբեր նախարարություններում։

***    ***   ***

Սեպտեմբերի 4-ին ԱԳ նախարար Զոհրաբ Մնացականյանն ընդունեց Նիդերլանդների Թագավորության նորանշանակ դեսպան Նիկո Սխերմերսին՝ հավատարմագրերի պատճենը հանձնելու կապակցությամբ։

ԱԳ նախարարը շնորհավորեց Նիկո Սխերմերսին՝ պատասխանատու առաքելությունը ստանձնելու առնչությամբ և հույս հայտնեց, որ նորանշանակ դեսպանն իր գործունեությամբ կնպաստի հայ-նիդերլանդական բարեկամական հարաբերությունների առավել ամրապնդմանը և տարբեր մակարդակներում առկա երկխոսության առավել ակտիվացմանը: Այդ առնչությամբ երկուստեք կարևորվեց Երևանում Նիդերլանդների դիվանագիտական ներկայացուցչության հիմնումը: 

Զրուցակիցները մտքեր փոխանակեցին երկկողմ օրակարգի, բազմաոլորտ համագործակցության, ինչպես նաև միջազգային հարթակներում փոխգործակցության հարցերի շուրջ:

Իր թվիտերյան էջում Հայաստանում Նիդերլանդների նորանշանակ դեսպանը այսպիսի գրառում է արել.

Today I met 🇦🇲 Foreign Minister Zohrab Mnatsakanian to present the copy of my credentials. We had at this occasion an extensive discussion on developments in the region and in particular on topics concerning joint 🇦🇲🇳🇱 interests in the field of politics, economy and trade, human rights and culture. This moment marked the next official step in opening the 🇳🇱 Embassy in #Yerevan and the start of further deepening bilateral relations between these two countries together with Tigran Balayan and based on the good work done by colleagues in Tbilisi.

___________

Սեպտեմբերի 6-ին արձակուրդներից հետո վերսկսվել են Աբովյան միության աշխատանքները։  Կենտրոնը և դասացուցակը հարմարեցված են COVID-19-ի կանոններին:

Wij herstarten onze activiteiten bij de Vereniging Abovian. Ons clubhuis en rooster van lessen zijn aangepast aan de regels van COVID-19.

We are restarting our activities at Abovian Centre. Our Centre and the timetable of lessons have been adjusted to the COVID-19 rules.

Սեպտեմբերի 16-ին

Նիդերլանդներում ՀՀ դեսպանության հովանավորությամբ, Մաաստրիխտի «Սուրբ Կարապետ եկեղեցու», «Սուրբ Սերվատիուս տաճարի» և Քյոլնի «Սիլվա Կապուտիկյան»

միության համագործակցությամբ Մաաստրիխտում "Musica Sacra" փառատոնի նախաշեմին՝ ս.թ. սեպտեմբերի 16-ին, Սուրբ Սերվատիուսի տաճարում տեղի կունենա

գերմանահայ «ԼՈՒՅՍ» նվագախմբի համերգը, որը նվիրվելու է Հայաստանի տարածաշրջանի խաղաղությանն ու կայունությանը։ Երեկոյի ընթացքում խմբավար Արտակ Ոսկանյանի ղեկավարությամբ կհնչեն կատարումներ հայազգի և օտարերկրացի հանրահռչակ կոմպոզիտորների ստեղծագործություներից, ինչպիսիք են՝ Միրզոյանը, Կոմիտասը, Բերբերյանը, Բախը, Վիվալդին և շատ ուրիշներ: Նվագախմբին ձայնակցելու են տարբեր երգչախմբերից ընտրված երգիչներ և երգչուհիներ, այդ թվում համերգի հատուկ հյուրը՝ Երևանի օպերային թատրոնի մեներգչուհի Տաթևիկ Աշուրյանը։ Համերգի բացումը կկատարվի ժամը 20:00-ին։ Նախապես ամրագրումը պարտադիր է համավարակի կանոնների պահպանման և տեղերի սահմանափակ քանակի պատճառով: Ցանկացողները կարող են գրանցվել՝ ուղարկելով էլ. նամակ հետևյալ հասցեին. ani.maastricht@gmail.com կամ զանգահարելով նշյալ հեռախոսահամարներին

/ whatsapp ՝06-23118396, 06-43988500, 06-25041397։

Ամրագրման համար անհրաժեշտ է նշել՝

• Անուն, ազգանուն,

• Բնակություն հասցե,

• Հեռախոսահամար։

Համերգի մուտքն անվճար է։


---------------------------------------------------------------
Նիդերլանդներից՝ Հայաստան. ինչպե՞ս Նարեկ Արամյանը վերադարձավ հայրենիք, հիմնեց տեխնոլոգիական ընկերություն և ստեղծեց աշխատատեղեր։



Լուսանկարային էտյուդ:

Նիդերլանդական բնակավայրը թռչնի թռիչքի բարձրությունից:

https://www.facebook.com/NidOragir/posts/3395616407169739





Saturday, 5 September 2020

«Արմենիան» ավարտե՞ց իր առաքելությունը

 ՀՐԱՏԱՊ ԼՈՒՐ

05.09.2020 Սուրբ Ղազար կղզի/Գրիգոր Հովսեփյան/Նիդերլանդական օրագիր






Վենետիկի Սուրբ Ղազար կղզի այցելելով պարզեցինք, որ վաճառվել է «Արմենիա» հայտնի առագաստանավը: Այդ մասին ափսոսանքով մեզ հայտնեց Մխիթարյան միաբանության աշխատակիցներից մեկը` չցանկանալով հրապարակել անունը: Նա ասաց, որ նավը վաճառվել է մի ֆրանսիացու: Երբ մոտեցանք նավը դիտելու` մեզ մոտեցավ մի երիտասարդ, ով նույնպես չցանկացավ հայտնել անունը, բայց դրա փոխարեն ներկայացավ «Արմենիայի» նոր սեփականատեր և թույլատրեց նկարահանումներ կատարել: Նավի ետնամասը վնասվածքներ ուներ, իսկ տեսքը բավական անխնամ էր:


Շատերի հիշողության մեջ թարմ է «Արմենիա» առագաստանավի ճանապարհորդության մասին պատմությունները: 2009թ. մայիսի 28-ից իսպանական Վալենսիա նավահանգստից շուրջերկրյա ճանապարհորդություն սկսեց, այն ավարտվեց 2011թ․ օգոստոսի 5-ին՝ Միջերկրական ծովում և կայանվեց Մխիթարյան միաբանության մատույցներում:
«Արմենիա» առագաստանավը կտրել-անցել է 3 օվկիանոս, 5 մայրցամաք, կանգ է առել 23 պետությունում, անցել 42 հազար մղոն, 2 անգամ հատել է հասարակածը։
Տարօրինակ ենք համարում, որ նման պատմություն կերտած նավը նախ վաճառվել է, և վաճառվել է` օտարազգի գնորդի: Ինչու՞ ենք այդպես կարծում : Դեռ տարիներ առաջ հայկական մամուլում («Հրապարակ» թերթ) լուրեր էին շրջանառվում, որ Վենետիկի հայ գործարարները` ցանկացել են «Արմենիան» 1 մլն․ դոլարով գնել` հայկական դրոշն Ադրիատիկում-Վենետիկում` մնացյալ նավերի կողքին ծածանելու, նավարկելու, «հաճելին օգտակարի» հետ համակցելու խնդրանքով: Սակայն Զորի Հայկովիչը չի տվել իր համաձայնությունը: Ավելին, նա շուրջերկրյա ճանապարհորդությունը վերջացած չի համարել, քանի դեռ Սուրբ Ղազար կղզուց և Վիեննայից չեն բերել հայկական ամենամեծ մագաղաթե ձեռագրի՝ Մշո Ճառընտիրի (1200թ. ) 604 մագաղաթե թերթերից պակասող 18 թերթը, որից 17-ը գտնվում է Սուրբ Ղազար կղզում, իսկ մեկը՝ Վիեննայի թանգարանում։ նրա վաղեմի երազանքն էր, որ պատմական այս նավը Հայաստան տեղափոխվեր այս թերթերը իր հետ բերելով` Մատենադարանում ամբողջացնելու համար:

Ոչ, սա անփութության հետևանք չէ, այլ ուրիշ մի բան (նիդ.օրագիր)

Ասուլիսներից մեկի ժամանակ էլ նավը վաճառելու վերաբերյալ Զորի Բալայանը հետևյալն է ասել. «Նրանք կարող են առհասարակ այնպիսի մի բան անել, վերցնել նավը եւ չտալ, եթե մենք տեր չկանգնենք, բայց վաճառելու հարց չկա, առավել եւս՝ վաճառել եւ այդ գումարը գրպանը դնել։ Դա պետական է, թեև պետությունը ոչ մի կոպեկ չի տվել, դա նախագահ Սերժ Սարգսյանն էր կազմակերպել իր նախագահության առաջին տարում, եւ 3 հոգի էլ աջակցել էին՝ Գագիկ Ծառուկյանը, Ռալֆ Յիրիկյանը եւ Հրանտ Վարդանյանը։ Մենք պետությունից ոչ մի կոպեկ չենք վերցրել, եւ սա մերն է։ Հիմա պետք է բերենք ու դարձնենք պետությանը։ Այն պետք է լինի Սեւանում, նրա մասերը պողպատից են, ու այդ նավը հազար տարուց ավել ապրելու է, մանր-մունր բաները կարելի է ժամանակ առ ժամանակ փոխել, բայց իր բազան շատ լավն է ու ամուր»։
Այսքանից հետո մնում է տարակուսել` Վաճառվել է արդյո՞ք «Արմենիան»: Իսկ եթե վաճառվել է ինչու՞ օտարազգի գնորդի, որը կարող է նավը տնօրինել ըստ ցանկության, անգամ կարող է անվանափոխել:
Մնում է ենթադրել, որ այն ավելի թանկ է վաճառվել:
Իսկ խոստումները՞...
Հայրենասիրության պաթոսով ողողված խոսքերը՞...

Գրիգոր Հովսեփյան (Նիդ.օրագրի թղթ.)

«Արմենիան» նավարկության ժամանակ 2009-2011թթ
«Արմենիան» նավարկության ժամանակ (2009-2011թթ)

Tuesday, 1 September 2020

2020 թվականի դեսպանության ֆեյսբուքյան էջի ամփոփագիր. ՕԳՈՍՏՈՍ

 Դեսպանության ֆեյսբուքյան էջի ՕԳՈՍՏՈՍ ամսվա մեր ամփոփումը



ՈՒՇԱԴՐՈՒԹՅՈՒՆ. Դեսպանատան կայքի ՕԳՈՍՏՈՍ ամսվա մանրամասը լուրերին (2020)  կարող եք ծանոթանալ` այցելելով Նիդերլանդների Թագավորությունում Հայաստանի Հանրապետության դեսպանության կայք, կամ ֆեյսբուքյան էջ:


Օգոստոսի 1-ին Նիդերլանդներում Հայաստանի դեսպանության ֆեյսբուքյան էջը մեջբերումներ է արել ՇԱՆԹ հեռուստատեսությանը ԱԳ նախարար Զոհրաբ Մնացականյանի «Հեռանկար» հաղորդաշարին տված հարցազրույցից:

https://bit.ly/319mlRq

Նույ օրվա մեկ այլ հաղորդագրությունից տեղեկանում ենք, որ 100 սփյուռքահայ «Ի գործ» ծրագրի շրջանակում կմիանան Կառավարությանը և 1 տարով աշխատանքի կանցնեն պետական համակարգում : Այդ ծրագիրը կմեկնարկի սեպտեմբերի կեսից.

https://www.facebook.com/watch/?v=664293384165404&extid=8LZNGxG0LclKdg5N

Օգոստոսի 3-ին դեսպանության կայքը հրապարակել է դեսպան Արմեն  Պապիկյանի (Armen Papikyan-Armenia's Ambassador to the OSCE – The Organization for Security and Co-operation in Europe)ելույթը, ով ուշադրություն է հրավիրում Ադրբեջանի ագրեսիվ դրսևորումներին: 

drew attention of partner countries to the #Azerbaijan|i Embassies' orchestrated mobs aggressive actions against #EU, #Russia, #US, #Canada citizens of #Armenia|n descent.

https://www.mfa.am/en/press-releases/2020/07/31/OSCE-armrep/10404

նույն օրվա հրապարակմամբ Նիկոլ Փաշինյանի եզիդների ցեղասպանության հիշատակի օրվան նվիրված մեկնաբանությունն  է: Նա հետևյալն է գրել. "The tragedy that befell the Yazidi people is an appalling crime against mankind and the civilized world. We share your grief and express our sincere sympathy to you".

https://www.primeminister.am/en/condolence/item/2020/08/03/Nikol-Pashinyan-Condolences/

Օգոստոսի 4-ին մեջբերում է արվել վարչապետի խոսքից. «Ցնցված եմ եղբայրական Լիբանանում տեղի ունեցած մահաբեր պայթյունից։ 

Քիչ առաջ հեռախոսազրույց ունեցա Մեծի տանն Կիլիկիո կաթողիկոս Արամ Ա-ի հետ։ Իմ զորակցությունը հայտնեցի Արամ վեհափառին, հայ համայնքին, Լիբանանի եղբայրական պետությանը եւ ժողովրդին:

Սգում ենք բոլոր զոհերի մահը եւ ցավակցում ենք բոլոր զոհերի հարազատներին եւ  մտերիմներին։

Կանգնած ենք եղբայրական Լիբանանի կողքին»։


Օգոստոսի 5-ին մեջբերում է արվել ՀՀ վարչապետ Նիկոլ Փաշինյանի էջից.

«Քիչ առաջ հեռախոսազրույց ունեցա Լիբանանի նախագահ Միշել Աունի հետ: 

Զորակցություն եւ ցավակցություն հայտնելով երեկվա պայթյունի եւ զոհերի կապակցությամբ՝ Հայաստանի Հանրապետության օգնությունն առաջարկեցի Լիբանանի եղբայրական ժողովրդին: 

Լիբանանի կառավարությունն այժմ կարիքների գնահատում է իրականացնում եւ գնահատման արդյունքում Հայաստանի կառավարությունը ըստ անհրաժեշտության կկայացնի որոշումներ»:

Մեջբերված է նաև «Հայաստան» համահայկական հիմնադրամի զորակցական խոսքը

««Հայաստան» համահայկական հիմնադրամն իր զորակցությունն է հայտնում Լիբանանին և մեր հայրենակիցներին: Տարիներ շարունակ Հիմնադրամն աջակցել է Լիբանանում մի շարք ծրագրերի իրականացմանը: Երեկ մայրաքաղաք Բեյրութում տեղի ունեցած ուժգին պայթյունից վնասվել են մի շարք տներ և շինություններ՝ հանգեցնելով մարդկային կորուստների:

Շուտափույթ ապաքինում ենք մաղթում վիրավորներին, ինչպես նաև ուժ և համբերություն լիբանանահայ մեր քույրերին ու եղբայրներին, ովքեր այժմ գտնվում են ծանր ու տագնապալի վիճակում:

Մենք ձեր կողքին ենք» 

Հիմնադրամը դրամահավաք է կազմակերպում տուժվածներին օգնելու համար

https://www.himnadram.org/en

Նույն օրվա մեկ այլ հաղորդագրությունից տեղեկանում ենք, որ Nuffic հիմնադրամը հայտարարել է կրթաթոշակների մրցույթ 2021թ. գարնանային դասընթացների համար։ 

Հայաստանի քաղաքացի հանդիսացող տեղական ինքնկառավարման մարմինների աշխատակիցները և հետազոտողները կարող են դիմել դասընթացներին մասնակցության ամբողջական կրթաթոշակի համար։ 


05.08.2020

Դեսպաններ Բալայանի ու Սխերմերսի հանդիպումը Նիդերլանդների հայկական կազմակերպությունների ֆեդերացիայի ներկայացուցիչների հետ 




Օգոստոսի 5 -ին դեսպաններ Տիգրան Բալայանն ու Նիկո Սխերմերսը Հաագայի «Աբովյան» միությունում հանդիպում ունեցան Նիդերլանդների հայկական կազմակերպությունների ֆեդերացիային անդամակցող կառույցների ներկայացուցիչների հետ՝ FAON-ի նախագահ Մաթո Հախվերդյանի գլխավորությամբ։

Նիդերլանդների նորանշանակ դեսպանը նիդերլանդահայ կառույցների ներկայացուցիչներին տեղեկացրեց երկկողմ հարաբերությունների զարգացման իր տեսլականը և ծրագրվող քայլերը՝ հույս հայտնելով, որ Հայաստանում կորոնավիրուսի հետ կապված իրավիճակի կայունացումը թույլ կտա շուտով մեկնել Երևան և մեկնարկել դեսպանության հիմնադրման աշխատանքները։

Հայաստանի դեսպանը ներկաների հետ կիսվեց իր գործընկերոջ հետ ունեցած քննարկումների ընթացքում քաղաքական, տնտեսական, մշակութային ոլորտներում երկկողմ հարաբերությունների խորացման ուղղությամբ ձեռք բերված պայմանավորվածությունների և համատեղ աշխատանքների մանրամասներով՝ կոչ անելով հայրենակիցների հանդես գալ նոր նախաձեռնություններով ու հարստացնել երկու երկրների միջև փոխգործակցության օրակարգը։ 

Նիդերլանդների հայկական կազմակերպությունների ֆեդերացիայի ներկայացուցիչները ողջունեցին նիդերլանդահայերի հետ հանդիպումներ ունենալու Նիկո Սխերմերսի նախաձեռնությունը և կիսվեցին իրենց գործունեության արդյունքների, ապագայի ծրագրերի, ինչպես նաև Հայաստանի շուրջը տեղի ունեցող զարգացումների վերաբերյալ առկա մտահոգություններով։ 


Օգոստոսի 7-ին` վարչապետի ֆեյսբուքյան էջից հղում.
«Օգոստոսի 8-ի երեկոյան Երեւանից տեղի կունենա առաջին թռիչքը Բեյրութ, որով Հայաստանի Հանրապետության կառավարությունը 12 տոննա հումանիտար աջակցություն կուղարկի Լիբանանի Հանրապետության կառավարությանը: 
Հաջորդ շաբաթվա ընթացքում կիրականացվի հումանիտար աջակցության եւս 2 թռիչք: Բեյրութ կմեկնի նաև ՀՀ կառավարության, Ազգային ժողովի եւ «Հայաստան» համահայկական հիմնադրամի ներկայացուցիչներից կազմված պատվիրակությունը»:

Օգոստոսի 7-ին`  Forbes-ի անրադարձը «Հայաստանը նոր  հորիզոններ է նվաճում» հայ նորաձևողների մսսին
Օգոստոսի 8, 9-ի թողարկումներում Հայաստանից ու Արցախից Լիբանանին տրամադրած օգնության լուսանկարներ են ՀՀ կառավարության և Սփյուռքի Գլխավոր Հանձնակատարի Գրասենյակի (Diaspora High Commissioner's Office) ֆեյսբուքյան էջերից :

Օգոստոսի 10-ին դեսպանության էջն անրադարձել է Սևրի պայմանագրին` զետեղելով ՀՀ նախագահի ու  վարչապետի տարբեր հարթակների ելույթները:

Օգոստոսի 11-ին դեսպանության էջը  ներկայացրել է 1000+հիմնադրամի հրապարակումը, որտեղ կարդում ենք.



 

«Հարգելի՛ հայրենակիցներ, Ձեզ ենք ներկայացնում Նիդերլանդների թագավորությունում մեր նոր դեսպանին` Ռոբին Գելիչիին Robin Haik Gelici: 
Ստորև կարող եք գտնել վերջինիս ուղերձը.
Ես Ռոբին Գելիչին եմ, Նիդերլանդների Թագավորության Ալմելո քաղաքից: Ինձ համար մեծ պատիվ է ստանձնել "Զինծառայողների Ապահովագրության" հիմնադրամի դեսպանի առաքելությունը, քանի որ լինելով Ալմելո քաղաքի քաղաքային խորհրդի ավագանու անդամ արդեն 6 տարի, մեծ պատիվ եմ ունեցել աջակցել տեղի հայկական համայնքին, իմ հայրենակիցներին Հայաստանում եւ Սփյուռքում: Ներկայացված լինելով Նիդերլանդական Քրիստոնեա-Դեմոկրատական կուսակցության կողմից, իմ ամբողջ քաղաքական գործունեության նպատակը եղել է համայն հայության խնդիրների նպատակների եւ շահերի առաջմղումը միջազգային քաղաքական ասպարեզում: Այս նպատակներին է ծառայել եւ ծառայում նաեւ իմ ընտանիքը: Լինելով հայ եւ տարբերություն չզգալով հայաստանցու ու սփյուռքի հայի միջեւ, գտնում եմ, որ ոչ միայն հայաստանցու, այլ նաեւ ամբողջ հայության անվտանգության երաշխավորն է հայ զինվորը, ում առողջությունը ամենից թանկը պետք է գնահատվի եւ պաշտպանվի, ուստի  "Զինծառայողների Ապահովագրության" հիմնադրամի նպատակներն ու դավանած արժեքները ամբողջությամբ հոգեհարազատ են ինձ եւ անչափ կարեւոր եմ համարում այս համագործակցությունը: Խաղաղություն եւ առողջություն հայ զինվորին եւ հայ ազգին»:

12 օգոստոս
📢ՀԱՅՏԱՐԱՐՈՒԹՅՈՒՆ📢
Հայաստանի Հանրապետության կառավարությունը 2020թ. օգոստոսի 12-ին ընդունել է 1319 –Ն որոշումը, որի համաձայն․
✅Հայաստանի Հանրապետությունում 2020թ․ մարտի 16-ին հայտարարված արտակարգ դրության ժամկետը 2020թ․ օգոստոսի 12-ից երկարաձգվում է մինչև 2020թ․ սեպտեմբերի 11-ը ներառյալ:
✅Հայաստանի Հանրապետության քաղաքացի չհանդիսացող անձինք, այդ թվում՝ Նիդերլանդների Թագավորության  քաղաքացիները, կարող են օդային ճանապարհով մուտք գործել Հայաստան։
✅Հայաստանի Հանրապետության տարածք մուտք գործող անձը, եթե ախտանշաններ առկա չեն և նա չի հոսպիտալացվել, կարող է իր ընտրությամբ կամ ինքնամեկուսանալ 14-օրյա ժամկետով, կամ էլ ինքնամեկուսացման ընթացքում անցնել ՊՇՌ հետազոտություն և թեստի բացասական պատասխան ստանալու դեպքում դուրս գալ ինքնամեկուսացումից:
Որոշումն ուժի մեջ է մտել հրապարակման պահից
Ավելի մանրամասն՝ https://www.e-gov.am/gov-decrees/item/34569/

14 օգոստոսի
Վարչապետ Նիկոլ Փաշինյանի հարցազրույցը «BBC HARDtalk» հաղորդմանը

Օգոստոսի 15-ին Diplomat magazine  հանդեսը հաշվեհամար է հրապարակել, որով կարելի է օգնել Լիբանանին

15 Օգոստոսի 
Ս.թ օգոստոսի 15-ին ՀՀ գործերի ժամանակավոր հավատարմատար Դավիթ Միրզախանյանը և Հայաստանում ՆԹ նորանշանակ դեսպան Նիկո Սխերմերսն այցելեցին Նիդերլանդների հարավային Լիմբուրգ նահանգ, որտեղ հանդիպումներ ունեցան Մաաստրիխտի Անի հայ համայնքի ներկայացուցիչների և Սուրբ Կարապետ եկեղեցու ծխական խորհրդի անդամների հետ



Հյուրերին բարի գալուստի խոսքով դիմեց եկեղեցու ծխական խորհրդի ատենապետ Լևոն Սարկիսը, այնուհետև, ներկայացվեց Մաաստրիխտի հայ համայնքի պատմությունը և կենսագործունեությունը։ 
Դեսպան Ն․ Սխերմերսը շնորհակալություն հայտնեց հանդիպման կազմակերպիչներին, խոսեց հայ-նիդերլանդական երկկողմ հարաբերությունների մասին՝ ընդգծելով, որ այն նոր մակարդակի է բարձրացվել Հայաստանում տեղի ունեցած թավշյա հեղափոխությունից հետո,  և այդ հանգամանքով պայմանավորված Նիդերլանդների կառավարությունն  իր պատրաստակամությունն է հայտնել աջակցել Հայաստանի իշխանություններին՝ երկրում սկիզբ առած լայնածավալ բարեփոխումների ճանապարհին։
Հաջորդիվ խոսքը փոխանցվեծ ՀՀ գործերի ժամանակավոր հավատարմատար Դ․ Միրզախանյանին, ով, միանալով համայնքի ներկայացուցիչների՝ դեսպան Ն․ Սխերմերսին ուղղված ողջույնի խոսքերին, նշեց, որ պարոն Սխերմերսը մինչև այժմ միակ եվրոպական դեսպանն է, ով նշանակվելուց հետո նախքան Հայաստան մեկնելը հանդիպումների շարք  է նախաձեռնել  հայ համայնքային կառույցների հետ, ինչի մասին տարբեր առիթներով հայտարարել է նաև ՀՀ դեսպան Տիգրան Բալայանը։ Դ․ Միրզախանյանը Ն․ Սխերմերսին տեղեկացրեց, որ Մաաստրիխտը պատմական քաղաք է ո՛չ միայն Նիդերլանդների համար, որտեղ ստորագրվել է ԵՄ հիմնադիր փաստաթուղթը, այն նաև յուրահատուկ տեղ է զբաղեցնում նիդերլանդահայության կյանքում և սփյուռքահայ իրականության մեջ։ Ասվածի վկայությունն է այն փաստը, որ քաղաքի հովանավոր սուրբը՝ Սուրբ Սերվատիոսը, ազգությամբ հայ է և համարվում է ներկայիս Նիդերլանդների տարածքում քրիստոնեություն քարոզող 1-ին եպիսկոպոսը։
Իր խոսքի վերջում Դ․ Միրզախանյանն ամենայն հաջողություններ մաղթեց Ն․ Սխերմերսին ստանձնած նոր առաքելության մեջ և հույս հայտնեց, որ երկու դեսպանությունների ակտիվ համագործակցության, ինչպես նաև ՆԹ հայ համայնքային կառույցների ներգրավվածության միջոցով հայ-նիդերլանդական հարաբերությունները նոր որակ կստանան։
Հանդիպումից հետո հյուրերն այցելեցին Մաաստրիխտի կենտրոնում գտնվող Սուրբ Սերվատիոսի բազիլիկ եկեղեցի, շրջայց կատարեցին քաղաքում, ծանոթացան հայակական ժառանգություն կրող այլ կոթողների։


18 Օգոստոսի 

Դեսպան Բալայանի հեռավար դասախոսությունը Լայդենի համալսարանի ուսանողների համար

Օգոստոսի 18-ին դեսպան Բալայանը <<Հայաստանի արտաքին քաղաքական առաջնահերթություններ>>  խորագրով հեռավար դասախոսություն ունեցավ Լայդենի համալսարանի ուսանողների համար։ 
Դասախոսության ընթացքում դեսպան Բալայանը հակիրճ ներկայացրեց Հայաստանի պատմությունը, անդրադարձ կատարեց երրորդ հանրապետության անկախության հռչակմանը, Հայաստանում տեղի ունեցած հեղափոխությանն ու ժողովրդավարական գործընթացներին։ 



Հայաստանի արտաքին քաղաքականության առաջնահերթությունների համատեքստում հանգամանալից անդրադարձ կատարվեց Լեռնային Ղարաբաղի հակամարտությանը և Հայոց ցեղասպանության ճանաչմանն ու դատապարտմանը, ինչպես նաև ցեղասպանությունների կանխարգելման գործընթացում Հայաստանի կարևոր դերակատարությանն ու միջազգային ասպարեզում հարցի վերաբերյալ իրազեկվածության բարձրացմանն ուղղված ջանքերին։ 
Դեսպան Բալայանը ուսանողներին տրամադրեց ընդհանրական տեղեկություններ Հայաստանի հարևան երկրների, միջազգային գործընկերների, այդ թվում՝ միջազգային կառույցների հետ հարաբերությունների, մի շարք երկրներում հայ համայնքների վերաբերյալ։ 
Հանգամանլից անդրադարձ կատարվեց հայ-նիդերլանդական պատմական կապերին, միջպետական հարաբերություններին և ներկա դինամիկային, մասնավորապես՝ Հայաստանում դեսպանություն հիմնելու Նիդերլանդների որոշմանը, Հայաստանին համավարակի ընթացքում տրամադրված աջակցությանը և երկկողմ ու բազմակողմ ձևաչափերում փոխգործակցության ընդլայնմանը։ 
Դասախոսության ավարտին դեսպանը պատասխանեց ուսանողների բազմաբնույթ հարցերին։

Օգոստոսի 19-ին`ՀԱՅՏԱՐԱՐՈՒԹՅՈՒՆ է հրապարակվել
ՀՀ կրթության, գիտության, մշակույթի և սպորտի նախարարության սփյուռքում գործող հայկական և հայկական բաղադրիչով ուսումնական հաստատություններում (պետական և ոչ պետական վարժարաններ, դպրոցներ, մանկապարտեզներ, լրացուցիչ կրթության հաստատություններ, մեկօրյա կրթօջախներ, մշակութային կենտրոններ և այլն) մանկավարժների վերապատրաստման ծրագրի  մեկնարկի  մասին:

21 Օգոստոսի 
ՄԱԿ-ի Անվտանգության խորհրդի Կանայք, խաղաղություն և անվտանգություն N1325 բանաձևի 20-ամյակին ընդառաջ լույս է տեսել այս թեմայով Հայաստանի Հանրապետության գործողությունների առաջին ազգային ծրագիրը ներկայացնող տեղեկատվական գրքույկը:
Կանայք, խաղաղություն և անվտանգություն օրակարգի իրականացումը ապահովում է կանանց մասնակցության խթանումը հակամարտությունների կանխարգելման, կարգավորման և վերականգնման գործընթացներում: Այս թեմայով գործողությունների ազգային ծրագիրը կարևոր գործիքակազմ է, որը պետությանը հնարավորություն է տալիս իրականացնել 1325 բանաձևի դրույթներն ու նպատակները:
Խաղաղության, անվտանգության և մարդու իրավունքների հարցերը Հայաստանի Հանրապետության քաղաքական օրակարգի կարևոր բաղադրիչներից են:
Ազգային ծրագիրն անդրադառնում է նշված բոլոր ուղղություններին` դիտարկելով դրանք մարդու իրավունքների համընդհանրության համատեքստում, կարևորում է կանանց ներգրավվածությունը Լեռնային Ղարաբաղի հակամարտության բոլոր փուլերում, ուշադրություն է հրավիրում կոնֆլիկտային գոտիներում բնակվող բնակչության հարցերին, լուծման մեխանիզմներ է առաջարկում հակամարտության ազդեցությունը կրած բնակչության անվտանգության և մարդու իրավունքների ապահովման համար:
On the eve of the 20th anniversary of the UN Security Council resolution 1325 on Women, Peace and Security (2000), an information brochure on this topic was published, presenting the first National Action Plan of the Republic of Armenia.
The implementation of the “Women, Peace and Security” agenda promotes women's participation in conflict prevention, resolution and recovery efforts. The National Action Plan is an important instrument enabling the state to implement the provisions and objectives of the Resolution.
Peace, security and human rights are important components of Armenia’s political agenda.
The National Action Plan covers all these areas within the context of universality of human rights, attaches great importance to the involvement of women in all cycles of the Nagorno-Karabakh conflict, draws attention to the problems of people living in conflict zones, and offers solutions to ensure the security and human rights protection of the affected population.

Օգոստոսի 23-ին Հայկական ԽՍՀ Գերագույն խորհրդի առաջին նստաշրջանում ընդունված  Հայաստանի անկախության Հռչակագրի մասին Հայաստանի ղեկավարների ուղերձն է.


Սիրելի՛ հայրենակիցներ, Հայաստանի Հանրապետության հպարտ քաղաքացիներ.
30 տարի առաջ Գերագույն խորհուրդը ընդունեց Հայաստանի անկախության հռչակագիրը, որով ազդարարվեց անկախ պետականության հաստատման գործընթացի սկիզբը: Պատմական այդ որոշումը հիմնված էր անկախ պետություն ունենալու հայ ժողովրդի կամքի վրա եւ բխում էր այդ կամքից, ինչը հաստատվեց մեկ տարի անց Հայաստանի անկախության հանրաքվեով:
Նախորդ 30 տարիները լի են եղել բազմաթիվ փորձություններով, ձախողումներով ու հաղթանակներով: Այդ հաղթանակներից ամենակարեւորը Արցախյան փառապանծ ազատամարտն էր, որ հայոց բանակի ձեւավորման հիմք ու խթան հանդիսացավ: 
2020 թվականի հուլիսյան հաղթական մարտերը ապացուցեցին, որ մենք ունենք մարտունակ բանակ, որ ի վիճակի է պաշտպանել Հայաստանի անվտանգությունը եւ Հայաստանը կարող է պատվով կատարել Արցախի անվտանգության երաշխավորի իր գործառույթը:
Նախորդ 30 տարվա ամենամեծ ձախողումը պետական եւ հանրային իստիտուտների կայացվածության ցածր մակարդակն է, եթե չասենք ինստիտուտների բացակայությունը: Անկախություն ձեռքբերելուց գրեթե անմիջապես հետո Հայաստանը տառապել է անկախ դատական համակարգի, օրենքի գերակայության, օրենքի առաջ բոլորի հավասարության բացակայությունից:
Երկար տարիներ կոռուպցիան եղել է պետական կառավարման առանցքային գործիքակազմը, ինչի հետեւանքով Հայաստանը մնացել է առանց արդյունավետ պետական կառավարման համակարգի: 
Կոռուպցիան թափանցել է ամենուր՝ պետական կառավարման համակարգ, դատաիրավական համակարգ, դպրոց, մանկապարտեզ, բուհեր, ակադեմիական ու մշակութային շրջանակներ, զանգվածային լրատվության միջոցներ, ընտրական համակարգ, երբեմն նույնիսկ հոգեւոր հարաբերությունների ոլորտ: 
Սա ոչ թե առանձին խմբերի կամ անհատների, այլ մեր բոլորիս, մեր հավաքական ձախողումն է եղել, որտեղ մեզնից յուրաքանչյուրը ունեցել է իր մեծ կամ փոքր դերակատարումը:
Այս ամենի ամենաաղետալի հետեւանքը դարձել է այն, որ քաղաքացին օտարվել է իր պետությունից, իրավունքներից ու պարտականություններից, պետական կարգը օտար է դարձել քաղաքացուն, որովհետեւ հիմնված է եղել ոչ թե նրա կամքի, այլ կոռուպցիայի եւ ընտրակեղծիքների վրա հիմնված քաղաքական պարտադրանքի վրա:
2018 թվականին տեղի ունեցած Ոչ բռնի, թավշյա, ժողովրդական հեղափոխությունը հենց այս հակադրությունը լուծելու եկավ: Քաղաքացին, որ օտարված էր իրավունքից, վերստին իր ձեռքը վերցրեց պետական իշխանություն ձեւավորելու իր իրավունքը:  Եւ սա մեր նախորդ 30 տարիների հաջողությունները ամրագրելու եւ ձախողումները շտկելու պատմական հնարավորություն է:
Մեր առաջնային անելիքը շարունակում է մնալ նույնը. պետական եւ հանրային ինստիտուտների կայացումը: Բանակի բնականոն զարգացումը պետք է շարունակվի, եւ մենք պիտի խնդիր դնենք ունենալ աշխարհի ամենամարտունակ բանակներից մեկը:
Ընտրական անկեղծելի մեխանիզմ, անկախ դատական համակարգ, մեր պետության ու ժողովրդի ինստիտուցիոնալ նպատակները սպասարկող եւ մրցունակությունը բարձրացնող, կեղծիքից ազատ կրթական համակարգ, բարձր պրոֆեսոնալիզմն ու արդյունավետությունը խթանող պետական կառավարման համակարգ, նորարար, ստեղծագործ ու մրցակցային տնտեսություն, պարտականություններին՝ իրավունքների համանմանությամբ նախանձախնդիր վերաբերվող քաղաքացի, գործարար, պաշտոնյա. սա է մեր առաջիկա հրատապ անելիքը, ինչը հնարավոր է իրականացնել միայն այնպիսի պայմաններում եւ մթնոլորտում, երբ մեզնից յուրաքանչյուրը գիտակցում է իր անհատական վարքագծի ազդեցությունը իրականության վրա, երբ փոքրամասնության իրավունքների պաշտպանությունը չի դառնում պարտադրանք մեծամասնության նկատմամբ՝ երկիրը դատապարտելով հավերժական տեղապտույտի:
Աշխատանքը, կրթությունը, հմտությունների, գիտելիքի, իմացության շարունակական բարձրացումը պիտի դառնա յուրաքանչյուր քաղաքացու սոցիալական ապահովության ու բարեկեցության հիմնաքար, յուրաքանչյուր քաղաքացի (բացառությամբ՝ անաշխատունակության հետ կապված դեպքերի) նախ ինքը պիտի դառնա սեփական բարեկեցության պատասխանատուն, իսկ կառավարությունն ու պետությունը պիտի բավարար կրթական, իրավական, մրցակցային պայմաններ ստեղծեն այդ պատասխանատվության օրինական ու արդյունավետ իրացման համար:
Սիրելի ժողովուրդ, Հայաստանի Հանրապետության հպարտ քաղաքացիներ: 
Շնորհավորում եմ բոլորիս Հայաստանի անկախության Հռչակագրի 30-ամյակի կապակցությամբ: Մենք վերջերս ընդունեցինք Ազգային անվտանգության նոր ռազմավարությունը, որտեղ արձանագրեցինք, որ այսօրվա Հայաստանն իրեն դիրքավորում է որպես հայ ժողովրդի պետական հազարամյա երթի կարեւորագույն հանգրվան եւ մեր օրերի մեր վարքագիծն է կանխորոշելու հայ ժողովրդի առաջիկա հազարամյա ճակատագիրը: 
Հայաստանում հաստատված պետական կարգը պիտի հարազատ դառնա յուրաքանչյուր քաղաքացու եւ պետք է բխի յուրաքանչյուր քաղաքացու գիտակցված պատասխանատվությունից:
Մենք անկախության Հռչակագիրը ընդունած սերնդի ներկայացուցիչն ենք եւ մեր պատմական պարտքն ու առաքելությունն է մեր հռչակած իղձերը դարձնել իրականություն: 
Եւ սա մեզնից յուրաքանչյուրի վրա դնում է առանձնահատուկ պատասխանատվություն, որովհետեւ հայկական պետությունը պիտի է գոյություն ունենա հավիտյան, հայ ժողովուրդը պիտի գոյություն ունենա հավիտյան:
Եւ ուրեմն՝
Կեցցե՛ Ազատությունը,
Կեցցե՛ Հայաստանի Հանրապետությունը,
Կեցցե՜ Արցախի Հանրապետությունը,
Եւ կեցցենք մենք եւ մեր երեխաները, որ ապրում ենք եւ ապրելու ենք Ազատ եւ Երջանիկ Հայաստանում:
Nikol Pashinyan / Նիկոլ Փաշինյան


Հայաստանի Հանրապետության սիրելի քաղաքացիներ,
Սիրելի հայրենակիցներ Արցախում եւ Սփյուռքում, Շնորհավորում եմ Անկախության հռչակագրի 30-ամյակի առթիվ:30 տարի առաջ, 1990թ. օգոստոսի 23-ին, արտաքին եւ ներքին աննախադեպ բարդ պայմաններում, Հայկական ԽՍՀ Գերագույն խորհրդի առաջին նստաշրջանում ընդունվեց Հռչակագիր Հայաստանի անկախության մասին։Այն ազդարարում էր մեր ժողովրդի կյանքում պատմական նոր փուլի սկիզբը:Այն երազանքը, որ անթեղված էր մեր մեջ Հայաստանի առաջին հանրապետության անկումից հետո, նորովի կյանք առավ՝ հիմք դնելով այլեւս անշրջելի մեր անկախության ճանապարհին:Օգոստոսի 23-ին ընդունված Անկախության հռչակագիրն ուղեկցեց հայ ժողովրդին դեպի սեպտեմբերին 21-ի անկախության հանրաքվե, դեպի իրական անկախ Հայաստան:Արդեն երեք տասնամյակ ընթանում ենք այդ ճանապարհով՝ մեր դարավոր երազանքներն ու իղձերն իրագործելով:Այսօր մենք անկախ պետություն ենք, որն ունի փորձությամբ ու հաղթանակներով կերտված կենսագրություն, այն շարունակաբար զարգացնող քաղաքացի, այն պաշտպանող բանակ:Հայաստանի անկախության հռչակագիրը անանց փաստաթուղթ է, որովհետեւ դրանով հռչակված անկախությունն ինքը անանց ու անսակարկելի արժեք է:Անկախության հռչակագիրը հայ պատմաքաղաքական մտքի արժեքավոր նմուշ է, որ դարձավ պետականության վերականգնման խորհրդանիշ և մեր բոլոր սահմանադրությունների անփոփոխելի հիմքը:

Կեցցե՛ անկախ Հայաստանը:
Կեցցե՛ մեր ժողովուրդը:

25 Օգոստոսի 
2020թ. օգոստոսի 24-ին Բելգիան հայտնել է Եվրոպական խորհրդի և ԵՄ խորհրդի Գլխավոր քարտուղարությանը ՀՀ-ԵՄ Համապարփակ և ընդլայնված գործընկերության համաձայնագրի վավերացման համար անհրաժեշտ ներպետական ընթացակարգերն ավարտին հասցնելու վերաբերյալ։



25 Օգոստոսի 
Հայաստանը միացել է Կրոնական ազատության միջազգային դաշինքի՝ նոր տիպի կորոնավիուսի համավարակի և կրոնական փոքրամասնությունների վերաբերյալ հայտարարությանը
▪️Հայաստանը միացել է Կրոնական ազատության միջազգային դաշինքի՝ նոր տիպի կորոնավիրուսի վերաբերյալ հայտարարությանը, որում, մասնավորապես, նշված է. «Ճգնաժամը, որին բախվել է միջազգային հանրությունը, այլևս գլոբալ բնույթ է կրում, և COVID-19-ի հասցեագրմանն ուղղված որևէ միջոցառում չպետք է ծառայի որպես հասարակության որևէ անդամի, ներառյալ մարդու իրավունքների պաշտպաններին, լրագրողներին և լրատվական դաշտի ներկայացուցիչներին լռեցնելու, թիրախավորելու կամ հալածելու արդարացում: 
▪️Նույնիսկ համավարակի ընթացքում պետությունները հաշվետու են իրենց կողմից ստանձնած պարտավորությունների և հանձնառությունների համար՝ երաշխավորելու հարգանքը մարդու իրավունքների, այդ թվում կրոնի և հավատքի ազատության նկատմամբ, որոնք հույժ կարևորություն են ձեռք բերում ազգային ճգնաժամերի ժամանակ՝ խրախուսելով համավարակի կառավարման ուղղությամբ ակտիվ ջանքերի գործադրումը»:

26 Օգոստոսի 
Խստորեն դատապարտում ենք օգոստոսի 22-ին ադրբեջանական իրավազորության ներքո հայտնված սպա Գուրգեն Ալավերդյանի հանդեպ կիրառվող նվաստացնող վերաբերմունքը, ինչը միջազգային մարդասիրական իրավունքի բացահայտ և կոպիտ խախտում է:
Գուրգեն Ալավերդյանի արժանապատվության հրապարակային ոտնահարմամբ Ադրբեջանը մերժում է քաղաքակիրթ մարդկության կողմից հանրահռչակված՝ ռազմագերիների՝ «ցանկացած հանգամանքներում իրենց անձի և պատվի նկատմամբ հարգանքի իրավունքը», որն ամրագրված է Ժնևի III կոնվենցիայով: Նման գործելակերպը բնորոշ է տխրահռչակ ահաբեկչական խմբավորումներին և, ինչպես կարող ենք արձանագրել, նաև Ադրբեջանին:  
Պարզունակ քարոզչության և հայատյացության հնարքներով սեփական ժողովրդին կերակրող Ադրբեջանի բռնապետական ռեժիմն իջել է այն մակարդակին, որ հուլիսյան մարտերում սեփական բանակի լուրջ անհաջողությունները կոծկում է ռազմագերուն պարտադրված շինծու տեքստերով: 
Միջազգային մարդասիրական իրավունքի հանդեպ Ադրբեջանի արհամարհանքի մասին է վկայում նաև այն փաստը, որ Ադրբեջանն այն սակավաթիվ երկրներից է, որոնք հրաժարվում են վավերացրել Ժնևի կոնվենցիաներին կից բոլոր լրացուցիչ արձանագրությունները:
Ադրբեջանի կողմից միջազգային մարդասիրական իրավունքի շարունակական խախտումները լրջորեն խաթարում են խաղաղությանը նպաստող միջավայրի հաստատումը:


28 Օգոստոսի 
Հայաստանում Նիդերլանդների առաջին ռեզիդենտ դեսպանը ժամանում է Երևան։



ՀՀ Մարդու իրավունքների պաշտպան - Human Rights Defender of Armenia 
28.08.2020  · 
⚠Մարդու իրավունքների պաշտպան Արման Թաթոյանն արձանագրել է Ադրբեջանում հայտնված սպա Գուրգեն Ալավերդյանի իրավունքների կոպիտ խախտումներ. հրապարակվում է զեկույցն անգլերենով
--------------
⚠Public Report of the Human Rights Defender of Armenia on violations of the Armenian military officer Mr. Gurgen Alaverdyan’s rights after his appearance in the territory of Azerbaijan
➡️➡️➡️  https://bit.ly/2G3VuPH
Ավելացնել մակագրություն
28 օգոստոսի
ՀՀ վարչապետ Նիկոլ Փաշինյանի խոսքը Սարդարապատի հուշահամալիրում հուլիսյան հաղթական մարտերի հերոսների պարգևատրման արարողությանը
«Այսօրվա մեր պարգևատրվածները եւ այսօրվա մեր ազգային հերոսը մեր լեգենդար հերոսների մարմնացումն են, նրանց ֆիզիկական ներկայությունը մեր այսօրվա կյանքում, մեր այսօրվա հոգեբանության ու մտածողության արտացոլումը, երբ մենք մեր երեխաներին, մեր երիտասարդությանը կարող ենք ապացուցել, ի ցույց դնել, որ հերոսները լինում են ոչ միայն գրքերում, այլև հենց այստեղ են, մեր կողքին:
Նրանք ապրում են մեզ հետ՝ նույն շենքում, նույն քաղաքում, նույն գյուղում, նրանք ունեն նույնպիսի դժվարություններ ու հոգսեր, ինչպես բոլորը, բայց նրանք հերոսացել են, ուրեմն՝ մենք էլ կարող ենք, մեզնից յուրաքանչյուրը կարող է, եւ մեր պարտքն է հերոսանալ ամեն օր և ամենուր, յուրաքանչյուրս մեր աշխատանքի մեջ, մեր ամենօրյա պահվածքի մեջ, հայրենիքի մասին մտածելու եւ հանուն հայրենիքի գործելու մեր գործելակերպի մեջ, որովհետև այսօրվա պարգեւատրվողների օրինակով ահա, հերոսությունը այլևս ոչ թե գերմարդկային ճիգ է, այլ ամենօրյա աշխատանք, ամենօրյա ապրելակերպ, ամենօրյա պատասխանատվություն»։


28-ը օգոստոսի
Նոր համալսարանական տարվան ընդառաջ դեսպանությունը ՆԹ իշխանությունների հետ համագործակցաբար աշխատանքներ է տանում՝ լուծումներ գտնելու համավարակի պայմաններում Նիդերլանդների համալսարաններ ընդունված հայ ուսանողների մուտքի խոչընդոտներն հաղթահարելու ուղղությամբ։
Կոչ ենք անում բոլոր այն ուսանողներին, ովքեր դեռևս ունեն չկարգավորված հարցեր ՆԹ մուտքի հետ կապված,  հնարավորինս արագ արձագանքել՝ նամակ ուղարկելով դեսպանության ֆեյսբուքյան էջին։

29-ը օգոստոսի
Աշխատանքային այցով Արցախի Հանրապետությունում գտնվող վարչապետ Նիկոլ Փաշինյանն Արցախի Հանրապետության նախագահ Արայիկ Հարությունյանի հետ այցելել է Պաշտպանության բանակի շտաբ, որտեղ տեղի է ունեցել ծառայողական խորհրդակցություն: 
Խորհրդակցության ընթացքում քննարկվել են Հայաստանի և Արցախի ռազմական համագործակցության հետագա խորացմանը և հակառակորդին զսպելու մեխանիզմների կատարելագործմանը վերաբերող մի շարք հարցեր: