The Netherlands Diary/Նիդ.օրագիր

The Netherlands Diary/Նիդ.օրագիր
The Netherlands Diary

Thursday 10 October 2019

Արարատ Միրզոյանի գլխավորած պատվիրակության հանդիպումները Նիդերլանդներում







ՀՀ ԱԺ նախագահի գլխավորած պատվիրակության՝ Նիդերլանդների Թագավորություն պաշտոնական այցի շրջանակում հոկտեմբերի 10-ին Արարատ Միրզոյանն առանձնազրույց է ունեցել Նիդերլանդների Սենատի նախագահ Յան Անտոնի Բրույնի հետ:
Հանդիպման ընթացքում հայկական խորհրդարանի խոսնակը ներկայացրել է Հայաստանում կայացած Թավշյա հեղափոխությունը եւ դրան հաջորդած ժամանկահատվածում մեր երկրում տեղի ունեցող զարգացումներն ու բարեփոխումների օրակարգը:
Սենատի նախագահը նշել է, որ Նիդերլանդներում հիացած են այն փոփոխություններով, որոնք տեղի են ունեցել Հայաստանում:
Քննարկման ընթացքում կողմերը մտքեր են փոխանակել հայ-նիդերլանդական օրակարգի առաջխաղացման վերաբերյալ:
Ավելի ուշ Արարատ Միրզոյանի գլխավորած պատվիրակությունը հանդիպել է Նիդերլանդների Սենատի արտաքին հարաբերությունների, պաշտպանության եւ զարգացման համագործակցության հանձնաժողովի հետ:
Հանդիպման ընթացքում քննարկվել են Հայաստանում տեղի ունեցող փոփոխությունները, մարդու իրավունքներին եւ միգրացիային առնչվող խնդիրներ: Անդրադարձ է կատարվել Հայաստանի արտաքին քաղաքականությանը, Արցախյան հիմնախնդրին եւ Նիդերլանդների կողմից Հայաստանի ժողովրդավարական բարեփոխումներին հնարավոր աջակցությանը:

Հոկտեմբերի 10-ի երեկոյան ՀՀ ԱԺ նախագահ Արարատ Միրզոյանի գլխավորած պատվիրակությունը մասնակցել է Նիդերլանդներում Հայաստանի դեսպանության կողմից կազմակերպված ընդունելությանը՝ նվիրված ՀՀ անկախության տոնին: Տեղի է ունեցել Սերգեյ եւ Լուսինե Խաչատրյանների համերգը՝ նվիրված Կոմիտասի 150 ամյակին:



ՀՀ դեսպան Տիգրան Բալայանի ուղերձը Ազգային օրվա և Կոմիտասի 150-ամյակին նվիրված ընդունելությանն ու և համերգին (թարգ.` անգլերենից)
ՀՀ Ազգային ժողովի պատվավոր նախագահ,
Նիդերլանդների Թագավորության Սենատի պատվավոր նախագահ,
Ձերդ Գերազանցություն դեսպաններ,

Հայաստանի և Նիդերլանդների խորհրդարանների հարգելի անդամներ,
Հարգելի Խաժակ սրբազան, հոգևոր հայրեր,
Սիրելի հայրենակիցներ,
Տիկնայք եւ պարոնայք,

Ուրախությամբ ողջունում եմ բոլորիդ `հայ մեծ կոմպոզիտոր, հոգևորական և երգահան Կոմիտասի 150-ամյակի կապակցությամբ: Մի հրաշալի իրողություն, որ նշանավորվեց նաև ՅՈՒՆԵՍԿՕ-ի կողմից: Մեզ համար պատիվ է, որ կազմակերպել ենք այս համերգը և հնարավորություն ունենք  լսել աշխարհահռչակ երաժիշտների և հայ ժողովրդի մշակութային դեսպանների գործերը` Սերգեյի և Լուսինեի  հրաշք մատուցմամբ: Այս համերգը շատ առումներով բացառիկ է, և մենք խորապես շնորհակալ ենք Սերգեյին և Լուսինեին` նրանց ներկայության և կատարման համար: Համերգի երգացանկը ներառում է ոչ միայն Կոմիտասը,  այլ  նաև  մյուս հայ կոմպոզիտորների գործեր:

Չափազանց դժվար է Կոմիտասին բնութագրելը, կամ նրան մի քանի տողով նկարագրելը: Նա յուրաքանչյուրին մատուցում է երաժշտության  մեջ գնահատելի բոլոր արժեքները , հեղինակն է  երբևէ կազմված առավել անթերի քրիստոնեական պատարագների: Նա հավաքել , գրի է առել ու վերծանել է ավելի քան մեկ դար առաջ Հայաստանի տարբեր վայրերի մի քանի հազար երգ: Դրանց թվում կան բավականին համարձակ, երաժշտական ​​տեսանկյունից բարդ ՝ երգչախմբային ստեղծագործություններ: Իր ամբողջ կյանքը նվիրելով հայկական ավանդական երաժշտության ուսումնասիրությանը ՝ նա ստեղծեց երաժշտական ​​կոմպոզիցիայի ազգային հայկական ոճ և ուրվագծեց հայկական երաժշտության զարգացման ուղիները: Նա աշխարհում ազգագրական երաժշտության առաջատարներից մեկն էր: Այս ցուցակը կարող է շարունակվել:

Կցանկանայի ևս մեկ անգամ շեշտել, որ Կոմիտասը հայերի հավաքական գիտակցությունն է, նա ամփոփում է մեր ձգտումները և մեր ցավը: 1915 թվից հետո Կոմիտասը Փարիզի հոգեբուժարանում ավելի քան 20 տարի անցկացրեց, երբևէ ոչ մեկի հետ չխոսելով և ոչ էլ արձագանքելով: Հայոց ցեղասպանության սարսափները, որոնց ականատես եղավ, չափազանց շատ էին  հանդուրժելու համար: Այսպիսով, այն, ինչ մենք ունենք նրա երաժշտությունից, ստեղծվել է մինչև 1915-ի ապրիլը` նախքան կյանքը կանգ կառներ հայերի պատմական հայրենիքի մեծ մասում:

Մենք կենդանի ենք պահել Կոմիտասի հիշատակը: Չնայած մի ամբողջ ազգի ոչնչացման փորձին, մենք գոյատևեցինք, և այժմ կառուցում ենք ժամանակակից ժողովրդավարություն: Սա է պատճառը, որ այսօր Կոմիտասի տարեդարձը նշվում է Հայաստանի Անկախության օրվա համատեքստում:

Անցյալ տարվա Հայաստանում ոչ բռնի թավշյա հեղափոխության հաղթանակից հետո մենք բացեցինք ամբողջովին նոր էջ երկրի պատմության մեջ, հույսով և վստահությամբ դեպի գալիք ապագան: Հայաստանը ձեռնամուխ է եղել իրապես ժողովրդավարական, կոռուպցիայից  ազատ, շուկայական և մրցակցային տնտեսության ստեղծման, արդարադատության համակարգի և օրենքի գերակայության ամրապնդման, ինչպես նաև լավ կառավարման, նոր տնտեսական ուղու ստեղծման ու  սոցիալական, տնտեսական կյանքի հավասար հնարավորությունների ապահովմանը: 

Իհարկե, համընդհանուր ժողովրդավարության հասնելը բարդ գործընթաց է, որը պահանջում է էական ժամանակ, անվերապահ պարտավորություն և նույնիսկ մտայնության փոփոխություն:
Այս դժվարին ճանապարհին Հայաստանին պետք է աջակցել, հատկապես Նիդերլանդները, որպես մարդու իրավունքների և հիմնարար ազատությունների առաջատարի:  Մենք բարձր ենք գնահատում Նիդերլանդների շարունակական ներգրավվածությունը քաղաքական երկխոսության ընդլայնման, տնտեսական և առևտրային համագործակցության խորացման, մշակութային փոխանակումների ակտիվացման համար:

Տարին սկսվեց Դավոսում Վարչապետներ Փաշինյանի և Ռութեի հանդիպմամբ, և այսօր մենք ունենք Հաագայում Հայաստանի խորհրդարանի նախագահի պատվիրակություն: Հաջորդ տարվա համար մենք հուսով ենք, որ կլինեն այլ բարձր մակարդակի այցեր, բայց ավելի կարևորում ենք` մարդկային պարզ շփումներում խորացումը:
Այս համատեքստում  կցանկանայի տեղեկացնել, որ մեր երկրների միջև առևտրաշրջանառությունն աճում է, և Հայաստան այցելող հոլանդացի զբոսաշրջիկների թիվը աճել է առնվազն 30% -ով:

Հաջորդ տարի Դրենս (Drents) թանգարանում կկայանա «Արարատ լեռան հեքիաթը. Գանձերը հին Հայաստանից» ցուցահանդեսը, որում կցուցադրվեն իմ երկրի հարուստ մշակութային ժառանգությունը:

Տիկնայք եւ պարոնայք,

Ընդունելությունը, որը նախորդեց և կհետևի այս համերգին, և միջոցառումը ինքնին հնարավոր եղավ շնորհիվ մեր  հովանավորներ Ադիբեկյան ընտանիքի հիմնադրամի, ARMA կաշվե ընկերության, MAAS Travel- ի, Ալմելոյի հայկական եկեղեցական խորհրդի, Kaashoeve Rotterdam- ի, Ամստերդամում Հայաստանի պատվավոր հյուպատոսի:  Խորին շնորհակալությունը մեր բոլոր հովանավորներին:

Իմ խորին շնորհակալությունը դեսպանության անձնակազմին `այս համերգը կազմակերպելու գործում ցուցաբերած ջանքերի համար:

Այժմ ես ձեզ բոլորիդ կհրավիրեմ վայելել այս եզակի համերգը` հուսով, որ ապագայում ավելի շատ նման իրադարձություններ կունենանք ձեզ կրկին հյուրընկալելու:

Ցանկանում եմ ձեզ ուրախ ժամանց


Շնորհակալություն.


Կոմիտասի 150 ամյակը

Հոկտեմբերին 10-ին Հաագայի Դիլիխենտիա համերգասրահում
Նիդերլանդներում Հայաստանի դեսպանության նախաձեռնությամբ տեղի ունեցավ ՀՀ անկախության օրվա կապակցությամբ ընդունելություն ու Կոմիտասի 150 ամյակին նվիրված համերգ, որին ներկա գտնվեցին պաշտոնական այցով Նիդերլանդներում գտնվող ՀՀ ԱԺ նախագահ Արարատ Միրոզյանի գլխավորած պատվիրակությունը և Նիդերլանդների Սենատի նախագահ Յան Անթոնի Բրույնը։

Միջոցառմանը ներկա էին նաև Նիդերլանդների ԱԳՆ բարձրաստիճան պաշտոնյաներ, դիվանագիտական կորպուսի անդամներ, Հաագայում տեղակայված միջազգային կազմակերպությունների և դատական ատյանների ներկայացուցիչներ, հոգևոր, գործարար և մշակութային շրջանակների ներկայացուցիչներ, հոլանդահայ համայնքի անդամներ։
Համերգի մեկնարկին հնչեցին ՀՀ և ՆԹ պետական օրհնգերգերը, այնուհետ ներկաներին ողջույնի խոսք ասաց Նիդերլանդներում ՀՀ դեսպան Տիգրան Բալայանը՝ շեշտելով, որ Կոմիտասը հայերի հավաքական գիտակցությունն է, որն իր մեջ ամփոփում է և՛ մեր ձգտումները, և՛ մեր ցավը, և մեր հաջողությունները:
Համերգին կատարումներով հանդես եկան ջութակահար ու դաշնակահար Սերգեյ և Լուսինե Խաչատրյանները: Հնչեցին Կոմիտասի «Կռունկը», «Ծիրանի Ծառը», «Վաղարաշապատի պարը, «Շուշիկին», «Ունաբին», Արամ Խաչատրյանի «Տոկկատա» դաշնամուրային մենանվագն ու «Երգ-պոեմը», Էդուարդ Բարսեղյանի «Ռաբսոդիան» և այլ ստեղծագործություններ:
Համերգից հետո շարունակված ընդունելությանը հյուրերը, կիսվելով տպավորություններով, կիսվում էին Լուսինե և Սերգեյ Խաչատրյանների անկրկնելի կատարումմների տպավորություններով` ընդգծելով Կոմիտասի երաժշտության անգերազանցելի բնույթը, որը պետք է հնարավորինս շատ ներկայացնել աշխարհին՝ որպես համամարդկային արժեք: 







Հաագայում տեղի է ունեցել հայ-նիդերլանդական բարեկամական շրջանակի անդրանիկ նիստը
ՀՀ Ազգային ժողովի նախագահի գլխավորած պատվիրակության` Նիդերլանդների Թագավորություն պաշտոնական այցի շրջանակում հոկտեմբերի 11-ին Հաագայում տեղի է ունեցել Հայաստան-Նիդերլանդներ բարեկամական շրջանակի անդրանիկ նիստը: Բարեկամության շրջանակը համանախագահել են ՀՀ ԱԺ փոխնախագահ Ալեն Սիմոնյանը եւ Նիդերլանդների Ներկայացուցիչների պալատի անդամ Ջոել Ֆորդեւինդը:


Նիստին ներկա են եղել Նիդերլանդների Ներկայացուցիչների պալատի անդամներ, հայ համայնքի ներկայացուցիչներ, մշակութային եւ կրթական գործիչներ:
Նիստի ընթացքում ներկաները մտքեր են փոխանակել Հայաստանի եւ Նիդերլանդների միջեւ քաղաքական, տնտեսական, կրթական եւ մշակութային կապերի խորացման վերաբերյալ:
«Հայաստանի խորհրդարանի նախագահը այցելում է Նիդերլանդներ»


«Հայաստանի խորհրդարանի նախագահը այցելում է Նիդերլանդներ» վերտառությամբ` սենատի Առաջին պալատի կայքը  լուսաբանել է Հայաստանի ազգային ժողովի նախագահի այցելությունը Նիդերլանդներ: 
Հայաստանի Հանրապետության Ազգային ժողովի նախագահ Արարատ Միրզոյանին այս շաբաթ եռօրյա այցով ընդունել են Սենատը և Ներկայացուցիչների պալատը: Չորեքշաբթի օրը ՝ հոկտեմբերի 9-ին, նրան դիմավորեցին Առաջին պալատի շենքում ՝ Առաջին պալատի նախագահ Յան Էնթոնի Բրույնը և Երկրորդ պալատի արտաքին հարաբերությունների հանձնաժողովի նախագահ Ռիա Դայկստրան (Pia Dijkstra) :
Ի թիվս այլոց, Հայաստանի խորհրդարանի նախագահին ուղեկցում են Ազգային ժողովի փոխնախագահ Ալեն Սիմոնյանը և Նիդերլանդներում ՀՀ դեսպան Տիգրան Բալայանը:
Հոկտեմբերի 10-ի Հինգշաբթի առավոտյան Հայաստանի խորհրդարանի նախագահը զրուցել է Առաջին պալատի նախագահ Յան Էնթոնի Բրուեյնի հետ: Քննարկվել են Նիդերլանդների և Հայաստանի երկկողմ հարաբերությունները և երկու երկրներում տեղի ունեցող քաղաքական զարգացումները: Անցյալ տարի Հայաստանն ունեցավ բուռն ժամանակահատված, երբ տեղի ունեցավ խաղաղ քաղաքական Թավշյա հեղափոխությունը:
Դրանից հետո Միրզոյանը զրուցեց երկու պալատների անդամների պատվիրակության հետ: Քննարկմանը մասնակցում էին Սենատի անունից Բաստիան վան Ապելդորնը (Bastiaan van Apeldoorn, SP, BDO հանձնաժողովի նախագահ), Տոին Բուկերինգը (Toine Beukering (FVD) , Լուկ վան Վելը (Loek van Wely,FVD) և  Ֆարահ Կարիմին (Farah Karimi,GroenLinks): Քննարկվել են տարբեր թեմաներ ՝ ներառյալ միգրացիայի, Ռուսաստանի հետ փոխհարաբերությունների, Հայաստանի և ԵՄ հարաբերությունների ու Լեռնային Ղարաբաղի տարածաշրջանի  հակամարտությունների մասին:

Հայաստանի խորհրդարանի նախագահ Միրզոյանը և Առաջին պալատի նախագահ Բրուայնը Հինգշաբթի առավոտյան այցելել են Հաագայի Nieuwspoort մամուլի կենտրոն: Այստեղ բացված ցուցահանդեսում ներկայացված են 2018 թվականին Հայաստանում տեղի ունեցած «Թավշյա հեղափոխության» լուսանկարները:

Հայկական պատվիրակության ծրագրում  ներառում է այցը Ջրային միության խորհուրդ, որտեղ քննարկվու են  ջրային ռեսուրսների կառավարման խնդիրները:

Հայաստանի խորհրդարանի նախագահի այցը  Նիդերլանդներ  համաձայնեցվել էր դեռևս  2017 թվականի նոյեմբերին սենատի առաջին Պալատի նախկին նախագահ Անկի Բրուկերս-Կնոլի Հայաստան կատարած այցի ընթացքում:










No comments:

Post a Comment