Արդեն չորրորդ տարին է հարգանքի տուրք է մատուցվում Սուրբ Գրիգոր Նարեկացու հիշատակին: Նախորդ երեք տարիներին այս երեկույթը նշվել է Ամստերդամի «Սուրբ Հոգի» Հայ Առաքելական Եկեղեցում:
Ինչպես փոխանցում են Հայաստանի դեսպանությունից ապրիլի 16-ին Ամստերդամի Բեխիյնհոֆկապել (Begijnhofkapel) եկեղեցում, տեղի ունեցան «Սուրբ Գրիգոր Նարեկացի» հիմնադրամի նախաձեռնությամբ ավանդական դարձած Սբ. Գրիգոր Նարեկացու աղոթքների ամենամյա ընթերցումները, որոնց պատվո հյուրերն էին Նիդերլանդներում ՀՀ դեսպան Տիգրան Բալայանը և Սուրբ Աթոռի նվիրակ արքեպիսկոպոս Ալդո Կավալին (Archibishop Aldo Cavalli):
Արդեն չորրորդ անգամ տեղի ունեցող միջոցառումն առանձհատուկ էր, քանի որ դրա շրջանակներում տեղի ունեցավ նաև Նարեկացու «Մատյան ողբերգության» հոլանդերեն թարգմանության առաջին պրակի շնորհանդեսը։
Բացելով միջոցառումը «Սուրբ Գրիգոր Նարեկացի» հիմնադրամի տնօրեն Վահան Ավագյանը ներկայացրեց Ավագ շաբաթվա ընթացքում կազմակերպրվող միջոցառման խորհուրդը՝ արժևորելու Նիդերլանդներում գործող եկեղեցիների միասնականությունը և դավանած արժեքները։
Գրիգոր Նարեկացու կյանքն ու գործունեությունը, Հայ առաքելական եկեղեցու և Հռոմի կաթոլիկ եկեղեցու կողմից նրան տրվող գնահատանքն իր խոսքում ներկայացրեց Արևմտյան Եվրոպայում Մայր Աթոռ Սուրբ Էջմիածնի պատվիրակ Խաժակ արքեպիսկոպոս Պարսամյանը։
Հայ-առաքելական եկեղեցու և Հռոմի կաթոլիկ կեղեցու համագործակցության և առաքելության մասին ներկաների հետ կիսվեց Ամստերդամի եպիսկոպոս Յոհաննես Վիլլիբրորդուս Հենդրիկսը (Johannes Willibrordus Hendriks) ՝ նշելով, որ մեծ պատիվ է Ամստերդամում կարևոր սրբավայր հանդիսացող Բեխիյնհոֆկապել եկեղեցում հյուրընկալել Նարեկացուն նվիրված միջոցառումը։
«Մատյան ողբերգության» հոլանդերենի թարգմանության հեղինակ, Օքսֆորդի համալսարանի հայագիտական ուսումնասիրությունների պրոֆեսոր Թեո վան Լինտը (Theo van Lint) իր խոսքում ներկայացրեց այն խորը զգացմունքները, որոնք ունեցել է Նարեկացու ստեղծագործություններին ծանոթանալիս և ոգեշնչումը՝ այն հոլանդերենով թարգմանելու ճանապարհին։
Այնուհետև տեղի ունեցան Նարեկացու աղոթքների ընթերցումները Նիդերլադներում գործող եկեղեցիների առաջնորդների՝ Կաթոլիկ եկեղեցու եպիսկոպոս Յոհաննես Վիլլիբրորդուս Հենդրիկս (հոլանդերեն), Ասորական Ուղղափառ Եկեղեցու արքեպիսկոպոս՝ Մոռ Պոլիկարպոսը (Archibishop Mor Polycarpus Augin Aydin) (անգլերեն), Ռուս Ուղղափառ Եկեղեցու արքեպիսկոպոս Յելիսեյը (Архиеписком Елисей) (ռուսերեն), Ղպտի Եկեղեցու եպիսկոպոս՝ Անբա Արսենին (Bishop Anba Arseny, արաբերեն), Հայ Առաքելական եկեղեցու քահանա՝ Տեր Տարոն Թադևոսյանը (հայերեն):
Միջոցառմանը երաշժտական կատարումներով հանդես եկավ Նիդերլանդների Ազգային Օպերայի սոպրանո Ջուլիետտա Ալեքսանյանը և քանոնահար Մեղրիկ Կարապետյանը։
Ապրիլի 11-ին ԵԱՏՄ-ում նախագահող Հայաստանի դեսպան Տիգրան Բալայանի նախաձեռնությամբ կայացավ հանդիպում Բելառուսի դեսպան Նիկոլայ Բորիսևիչի, Ղազախստանի դեսպան Մագժան Իլյասովի և Ռուսաստանի դեսպան Ալեքսանդր Շուլգինի հետ: Այդ մասին փոխանցում է Հայաստանի դեսպանատան կայքը:
Հանդիպման ընթացքում քննարվեցին հոլանդական գործարար շրջանակների համար Եվրասիական տնտեսական միության շուկայի հնարավորությունների բացահայտմանը նվիրված համատեղ միջոցառում կազմակերպելու հնարավորությունները։
Հանդիպման շրջանակներում դեսպանները Եվրասիական տնտեսական հանձնաժողովի նախագահ Տիգրան Սարգսյանին ուղղված համատեղ նամակ ստորագրեցին՝ առաջարկելով դիտարկել վերոնշյալ միջոցառմանը մասնակցելու նպատակով Եվրասիական տնտեսական կոլեգիայի բարձրաստիճան պատվիրակություն գործուղելու հնարավորությունը։
«Երևանյան Հեռանկարներ» միջազգային երաժշտական փառատոնը հայտարարում է իր 20-րդ հոբելյանական փառատոնի բացման մասին Ապրիլի 29-ին ժամը 19:30 Արամ Խաչատրյան համերգասրահում բրիտանական «The Swingles» լեգենդար վոկալ խմբի համերգով կազդարարի հոբելյանական տարվա մեկնարկը: Հիսուն տարվա պատմություն և հինգ Գրեմմի մրցանակ ունեցող խումբը ձևավորվել է Փարիզում` Ուորդ Սվինգլի կողմից: Առաջին «Սվինգլները» էստրադային երգիչները` աշխատել են Շարլ Ազնավուրի, Էդիտ Պիաֆի և Միշել Լեգրանի հետ, նրանց մեջ էր նաև վերջինիս քույրը` Քրիստին Լեգրանը: Խմբին համաշխարհային ճանաչում բերեց 1960թ.-ին թողարկած Յոհան Սեբաստիան Բախի ստեղծագործությունների փոխադրումը ութ ձայների համար: «Սվինգլների» նորարարական և վիրտուոզ երգեցողությանը անմիջապես հիացական արձագանքներ ուղղեցին Էլլա Ֆիցջերալդը, Եհուդի Մենուհինը, այլ մեծանուն երաժիշտներ:
Երևանում խումբը հանդես կգա Look Back (ForWard) ծրագրով, որը հետհայացք է «Սվինգլ»-ի հիսունամյա փառահեղ երաժշտական պատմությանը: Այն ներառում է 60-ականների և 70-ականների երգիչ-երգահանների ստեղծագործություններ, մերօրյա բրիտանական ֆավորիտներ, Բախ, Սայմըն և Գարֆունկել, Բիթլզ և ավելին:
«Սվինգլների» երկացանկը ընգրկում է համաշխարհային դասական, ջազ, էթնիկ, ժամանակակից` բոլոր ազգերի և ժամանակների երաժշտություն: Այսօր խմբի կազմում ընդգրկված են յոթ երգիչներ` Բրիտանիայից, ԱՄՆ-ից, Կանադայից և Գերմանիայից:
«Սվինգլը» արդեն կես դար շարունակ ընդլայնում է վոկալ երաժշտության պատկերացումների հորիզոնը։ Նրանք դարձել են բազմամիլիոնանոց լսարանի սիրելիները,հոլիվուդյան և այլ հայտնի ֆիմերի սաունդթրեքերը ձայնագրելու համար: Խումբը համարվում է մոլորակի ակապելա երգեցողության բոլոր ժամանակների չգերազանցված վարպետը:
Մարդկային ձայնով տարբեր երաժշտական գործիքների ձայների վերարտադրումը «Սվինգլների» չգերազանցված կարողությունն է, որը տասնյակ տարիների ընթացքում նմանակվել է բազմաթիվ կատարողների կողմից` ոգեշնչման աղբյուր դառնալով բազմաթիվ կոմպոզիտորների համար: Լուչիանո Բերիոն իր սենսացիոն «Սինֆոնիայում առաջին անգամ ուսումնասիրեց և բացահայտեց «Սվինգլների» ձայները նվագախմբային դասակարգմամբ: Խումբը նույն շուքով և մեծագույն արձագանքների ներքո, շարունակում է կատարել այդ ստեղծագործությունը ողջ աշխարհում, որի վերջին կատարումները հնչել են Սան Ֆրանցիսկոյի Դեյվիս համերգասրահում՝ Մայքլ Թիլսոն Թոմասի, Լոնդոնի «Ռոյալ Ֆեստիվալ» համերգասրահում՝ Վլադիմիր Յուրովսկու և Միլանի Լա Սկալայում՝ Ջոն Աքսելրոդի ղեկավարությամբ։ Հյուսիսային և Հարավային Ամերիկա, Եվրոպա և Ասիա իրենց կանոնավոր շրջագայություններից բացի խումբը յուրաքանչյուր հունվար ամսին Քինգս Փլեյսում հանդես է գալիս իր «Լոնդոնյան ակապելլա» փառատոնով: Բրիտանական մայրաքաղաքում փառատոնն առաջինն է իր տեսակի մեջ, որը հյուրընկալում է աշխարհի ամենատաղանդավոր վոկալի վարպետներին։
... Շքեղ վերարտադրություններ՝ նուրբ բիթբոքսի և հնչեղ հարմոնիաների ուղեկցությամբ․․․ հերոսական երգեցողություն, որն իսկապես սարսուռ է առաջացնում։ – THE GUARDIAN Վոկալ և երգչախմբային աշխարհը վերջին 50 տարվա ընթացքում էականորեն փոխվել է․․․ բայց <<Սվինգլս>>-ին հաջողվել է պահպանել իր արտառոց նշաձողը` շարունակել բարգավաճել։ – CHICAGO SUN-TIMES
«Սվինգլները» հրաշագեղ ակորդները երգում էին լազերային ճշգրտությամբ... սա տրիումֆ էր – THE DAILY TELEGRAPH «Երևանյան հեռանկարներ» 20-րդ միջազգային երաժշտական փառատոնը անց է կացվում ՀՀ վարչապետ Նիկոլ Փաշինյանի հովանու ներքո:
«Երևանյան Հեռանկարներ» միջազգային երաժշտական փառատոնի հիմնադիր նախագահն է կոմպոզիտոր Ստեփան Ռոստոմյանը: Փառատոնի 20-րդ հոբելյանական տարին իրականանում է «Իմ քայլը» հիմնադրամի աջակցությամբ:
«Երևանյան Հեռանկարները» նոր էջ է բացել Հայաստանի երաժշտական կյանքում` երկու տասնյակ տարիների ընթացքում փոխելով իրականությունն ու ստեղծելով նախկինում նմանը չունեցող միջավայր:
Ֆրանսիայի նախագահը կատարել է փետրվարին հայ համայնքի ներկայացուցիչներին տված իր խոստումը: Ապրիլի 10-ին Էմանուել Մակրոնը հրամանագիր է ստորագրել եւ ապրիլի 24-ը պաշտոնապես հռչակել Հայոց ցեղասպանության զոհերի հիշատակի օր: Հիշեցնենք, որ Ֆրանսիան ճանաչել է Հայոց ցեղասպանությունը 2001թ.:
French President Emmanuel Macron on Wednesday signed an order declaring April 24 as a day of commemoration of the Armenian Genocide. According to the document, a ceremony paying tribute to the Armenian Genocide victims are set to be held in Paris on this day every year. Similar events can also be held in each department at the initiative of the community heads. The French prime minister is responsible for the implementation of this decision, the order says.
ԻՏԱԼԻԱՅԻ ԽՈՐՀՐԴԱՐԱՆԸ ՄԵԿ ԱՆԳԱՄ ԵՎՍ ՃԱՆԱՉԵՑ ՀԱՅՈՑ ՑԵՂԱՍՊԱՆՈՒԹՅՈՒՆԸ
Թուրքիայի Արտաքին գործերի Նախարարությունը իր մոտ է հրավիրել Անկարայում Իտալիայի դեսպան Մասսիմո Ջայանիին (Massimo Gaiani), Իտալիայի խորհրդարանի Հայոց ցեղասպանության ճանաչման վերաբերյալ նախաձեռնության ընդունման առթիվ: Այդ մասին հաղորդում է թուրքական ընդդիմադիր «Sözcü» թերթը` հղում անելով իտալական ԶԼՄ-ներին:
Իտալիայի խորհրդարանը քվեարկության դրեց 1915 թվականի հայերի կոտորածների մասին Առաջին համաշխարհային պատերազմի ժամանակ պատգամավորական Five Star Movement խմբակցությանն կողմից առաջարկված միջնորդությունը: Թուրքիան ժխտում է, որ Օսմանյան կայսրությունում հայերի ջարդը ցեղասպանություն է 29 երկրներից կառավարությունները եւ խորհրդարանները, ներառյալ Բրազիլիան, Կանադան, Ֆրանսիան, Գերմանիան, Իտալիան եւ Ռուսաստանը, ճանաչել են 1915 թվականի իրադարձությունները որպես ցեղասպանություն: Բուռն են թուրքական կողմից հնչած արձագանքները: Միակ մխիթարությունը այն է, որ օրենքն ընդունվելու դեպքում այն իրավական պարտավորության ուժ չունի:
«Մենք կտրականապես դատապարտում ենք իտալական խորհրդարանի վերջին փորձը` մեր ժողովրդի պատմությունը խեղաթյուրելն ու քաղաքականացնելը », - հայտարարել է Թուրքիայի նախագահության հաղորդակցության տնօրեն Ֆահրտթին Ալթունը` քվեարկությունից հետո:
«Հիշողությունների վրա հարձակվելու փոխարեն, մենք պետք է բոլորս միասին աշխատենք, որպեսզի ճշմարտությունը գերազանցի մտածացին գաղափարը», - ավելացրել է Ալթունը:
Այսօր Թուրքիայի «Արդարություն եւ զարգացում» իշխող կուսակցությունը ևս դատապարտող հայտարարություն է տարածել: Խոսնակ Օմեր Չելիքը հայտարարել է, որ Իտալիան խաբված է հայկական սփյուռքի կողմից, որը ոչ մի կերպ չի ցանկանում նորմալ հարաբերություններ զարգացնել Թուրքիայի եւ Հայաստանի միջեւ:
dailysabah թուրքական կայքը Իտալիայի խորհրդարանի միջնորդությունը «տեղին չի համարում», սակայն ընդունում է, որ Երկրորդ համաշխարհային պատերազմի ժամանակ երկու կողմերում զոհեր են եղել:
Անկարան բազմիցս առաջարկել է Թուրքիայից եւ Հայաստանից պատմաբանների համատեղ հանձնաժողով ստեղծել եւ միջազգային փորձագետների հետ քննարկել խնդրի լուծումը,- հոդվածը եզրափակել է թուրքական կայքը:
ֆեյսբուքյան դեսպանատան էջում գրառում է կատարել Իտալիայում ՀՀ դեսպան Վիկտորյա Բաղդասարյանը.
«Ողջունում ենք ապրիլի 10-ին Իտալիայի պատգամավորների պալատի կողմից 382 կողմ, 43 ձեռնպահ, 0 դեմ ձայներով Հայոց ցեղասպանության ճանաչման վերաբերյալ նախաձեռնության ընդունումը։
Շնորհակալություն ենք հայտնում Պատգամավորների պալատում ներկայացված բոլոր քաղաքական ուժերին Նախաձեռնությանը սատարելու համար։ Առանձնահատուկ շնորհակալություն ենք հայտնում Նախաձեռնության հեղինակ իշխող "Լեգա" կուսակցության անդամ, պատգամավոր Պաոլո Ֆորմենտինիին և 34 համահեղինակներին, ինչպես նաև իրենց ելույթներով Նախաձեռնությունը սատարող բոլոր խորհրդարանականներին։
Պատգամավորների պալատը, հարգանքի տուրք մատուցելով Հայոց ցեղասպանության զոհերի հիշատակին, ընդգծեց, որ մեկ դար առաջ Օսմանյան կայսրությունում հայերի դեմ իրականացվածը հենց ցեղասպանություն է, և կոչ արեց Իտալիայի կառավարությանը պաշտոնապես ճանաչել Հայոց ցեղասպանությունը և դրան միջազգային հնչեղություն հաղորդել։
Այս քայլով իտալական կողմը վերահաստատեց իր հավատարմությունը համամարդկային արժեքներին՝ իր ներդրումն ունենալով ցեղասպանությունների և մարդկության դեմ հանցագործությունների կանխարգելման ճանապարհին»։
Առաջիկա շաբաթը հարուստ է եկեղեցական կյանքով:Բացառություն չէ նաև Մաստրիխտում (Surp Karapet- Armeens Apostolische Kerk Maastricht )
Պատարագիչն ու օրվան պատգամը փոխանցողն է,Տեր Աստվածատուր քհն Սարգսյանը, Պատարագի ավարտին տեղի կունենա երեխաների օրհնություն, (ծնողները բերելով իրենց զավակներին) որից հետո “առաջին անգամ լինելով Ս. Կարապետ եկեղեցում կկատարվի (ԴՌՆԲԱՑԷՔ) ի արարողություն: Սրանով սակայն չեն սահմանափակվում շաբաթվա արարողակարգերը:
Ներկայացնում ենք
ԾՐԱԳԻՐ
Մաստրիխտի Սբ- Կարապետ եկեղեցու առաջիկա շաբաթ տեղի ունենալիք միջոցառումների:
Ավելի մանրամասը ծանոթանալու համար սլաքը հպեք լուսանկարին:
Beste geloofsgenoten,
Hierbij vragen wij graag uw aandacht voor het hieronder opgestelde programma betreffende de kerkdiensten gedurende de Goede Week en de paasviering van de Armeens Apostolische Kerk ‘Surp Karapet te Maastricht.
GOEDE WEEK
Deze week duurt van Palmzondag t/m de zaterdag voor het Pasen. Gezien het feit dat Jezus Christus zijn laatste en voornaamste daden gedurende deze week heeft gerealiseerd, wordt deze week ‘De Goede week’ genoemd.
«Սուրբ Գրիգոր Նարեկացի» (Stichting Sint Grigor Narekatsi ) հիմնադրամը Ապրիլի 16-ին, այս անգամ Ամստերդամի Begijnhof պատմական եկեղեցում, արդեն 4-րդ անգամ կազմակերպում է Սուրբ Գրիգոր Նարեկացու երկերի ընթերցանությանը: Այդ օրը նրա ստեղծագործությունները տարբեր լեզուներով կընթերցեն Նիդերլանդների հայ համայնքի հոգևոր և քաղաքական գործիչները, Ամստերդամի քույր եկեղեցիների հոգևոր հովիվները և այլոք: Հիշեցնենք, որ նախորդ երեք անգամները միջոցառումը կազմակերպվել է հայկական Սուրբ Հոգի եկեղեցում: Նարեկացու գործերի ամենամյա ընթերցանությունների կազմակերպման որակն ու բովանդակությունը տարեցտարի բարելավվում է և գնալով ավելի շատ մարդիկ են անմիջականորեն ցանկություն հայտնում մասնակցել միջոցառմանը: Հանդիպման հստակ հասցեն և մանրամասները` ներկայացված լուսապաստառում: _______ Grigor Narekatsi Zondagsschool 19 ч. · ❗️4E JAARLIJKSE ST. GRIGOR NAREKATSI LEZINGEN❗️
Hierbij vragen wij aandacht voor de 4e jaarlijkse "Sint Grigor Narekatsi Lezingen", die volgende week dinsdag 16 april plaats zullen vinden in de Begijnhofkapel in Amsterdam (Spui).
Lees alle benodigde informatie over het unieke oecumenische evenement in de flyer (zie foto) en let er op dat er weinig parkeergelegenheid is bij de Begijnhofkapel.
Graag tot dan!
@Stichting St. Grigor Narekatsi Amsterdam
Լուսանկարային տեսահոլովակ երեք տարի առաջ տեղի ունեցած միջոցառումից:
Երեկ` ուշ երեկոյան, Նատալիա Օրեյրիոն գեղեցիկ համերգ ունեցավ երեւանի Կարեն Դեմիրճյանի անվան մարզահամերգային համալիրում: Համերգի օրը` ապրիլի 7-ը, պատահական չէր ընտրված, այն հատուկ նվիրված էր կանանց գեղեցկության օրվան: Այն տպավորիչ էր և բուռն արձագանք ունեցավ: Մեր թղթակից Մարիամ Կիրակոսյանը պատմեց, որ համերգի ժամանակ հաճելի անակնկալ է մատուցել Նատալիայի որդուն` Ատաուալպային: Վերջինիս նա նվիրել է հայկական դհոլ (երաժշտական գործիք):
Հիշեցնենք, որ դեռ ապրիլի 6-ին մամուլի ասուլիսի ժամանակ Նատալիան հետաքրքրվել էր, թե իր որդին հայկական ինչպիսի գործիքի վրա կարող է խաղալ, Մարիամը նշել էր հենց դհոլը: Համերգի ժամանակ, երբ մայր ու որդի ստացան դհոլը, փորձեցին ու միասին հաջող նվագեցին:
Հիշարժան էր Հայաստանի օրհներգի կատարումը: Օրեյրիոյի ձեռքում հայկական եռագույն դրոշի հետ միասին Ուրուգվայի ու Արգենտինայի դրոշներն էին: Այնուհետև նա հիշյալ դրոշները ձեռքում կատարեց իր ֆիլմի հայտնի երգերից մեկը` Cambio Dolor-ը:
Իր տպավորությունները կիսելով` մեր թղթակից Մարիամ Կիրակոսյանը եզրափակեց.
«Այսպիսով, կարող ենք ասել, որ մենք, լավագույնս արեցինք մեր երկիրը ներկայացնելու, նրա մշակութային ու ազգային հատկանիշները ճիշտ տեսանկյունով մատուցելու համար»:
Շատերը մեզ գրում են, թե ինչու՞ ենք այսչափ մեծ ծավալով ներկայացնում Նատալիա Օրեյրիոյի երևանյան հյուրախաղերը: Ասենք, որ նրան աշխարհում շատերն են ճանաչում և միայն այս փաստը բավական է, որ նա իր այցելությամբ ճանաչելի է դարձնում մեր երկիրն ու մշակույթը ողջ աշխարհում:
Հավելենք, որ Նատալիա Օրեյրիոն նաև UNICEF-ի բարի կամքի դեսպան է և տարբեր երկրներ իր շրջագայությունների ընթացքում լավագույնս է ներկայացնում մեր երկիրը: Օրեյրիոյի խոսքերով`վերջերս քննարկման է դրվել Հայաստանի համար ֆինանսներ գտնելու հարցը :
Նիդերլանդներում, Հայաստանում ու աշխարհի չորս կողմերում բնակվող սիրելի քույրեր, մայրեր ու տատիկներ, չքնաղ ու աննման հայուհիներ, Շնորհավորում ենք բոլորիդ` Մայրության եւ գեղեցկության տոնի կապակցությամբ:Սիրելիներ դուք արժանի եք ամենաջերմ խոսքերին ումեծարանքին, եղեք առողջ ու երջանիկ` ձեր հարազատների հոգատար շրջապատում:
Երևանի Ստանիսլավսկու անվան դրամատիկական թատրոնի բեմում ապրիլի 26-ին կներկայացվի ՀՀ վաստակավոր նկարչուհի Աննա Հարությունյանի «Ժամանակի փոխակերպումն արվեստների միջոցով» խորագրով բացառիկ հեղինակային ծրագիրը: Այն ներկայացնում է արվեստի տարբեր տեսակների սինթեզ՝ մեկ ներկայացման մեջ: Ներկայացումը ներառվել է 2019թ.-ի ապրիլին Երևանում անցկացվող ֆրանկոֆոնիայի օրերի շրջանակներում իրականացվող մշակութային ծրագրերի ցանկում, անցկացվում է ՀՀ մշակույթի նախարարության և ՀՀ-ում Շվեյցարիայի դեսպանատան աջակցությամբ:
Հայերեն և ֆրանսերեն ներկայացման նպատակն է նորովի ներկայացնել հայ մշակույթը: Ծրագրի հիմքում ընկած են Աննա Հարությունյանի «Ու ոչ մի բան չկար…», «Աշխարհի ստեղծումը», «Աշխարհի խաչելությունը», «Աշխարհի 7 խոհրդանիշները», «Աշխարհի պատուհանը» մոնումենտալ նկարները:
Այս հինգ գործերն իրենց բովանդակային առումով և´ գլոբալ են, և´ խիստ հայկական, քանզի ընդհանուր առմամբ արտահայտելով աշխարհի ստեղծման և քաղաքակրթության զարգացումը մասնավորապես արտահայտում են հայ ժողովրդի դերակատարումն այս գործում: Ծրագիրն իր մեջ ներառելու է նկարչություն, երաժշտություն, գրականություն, հագուստի մոդելավորում, ժամանակակից տեխնիկայի օգտագործում, մասնավորապես՝ լեդ էկրան, 3D անիմացիա, մնջախաղ, լուսային, ձայնային և հոտային էֆեկտներ: Օգտագործվելու է ամենատարբեր ժանրերի երաժշտություն: Բեմում յուրօրինակ ձևով կհայտնվի նկարը, որն այնուհետև կլուծվի էկրանին, որտեղից դուրս կգան 3 տարբեր մոդելներ այդ նույն նկարի էսքիզներով արված հագուստներով նախշերով:
Ապրիլի 7-ին՝ Կարեն Դեմիրճյանի անվան մարզահամերգային համալիրում կայանալիք համերգից առաջ ուրուգվացի հայտնի երգչուհի և դերասանուհի Նատալիա Օրեյրիոն այսօր հանդիպեց լրագրողների հետ: Ինչպես նախորդ անգամ, երբ Զվարթնոց օդանավակայանում դիմավորելիս ՆԻԴԵՐԼԱՆԴԱԿԱՆ ՕՐԱԳՐԻ թղթ Մարիամ Կիրակոսյանին (Marisha Shik) հաջողվեց բացառիկ հարցազրույց ունենալ (այն արդեն ներկայացրել ենք) այս անգամ էլ Մարիամը անակնկալ մատուցեց: Կես կատակ, կես լուրջ նա Օրեյրիոյին հարցրեց, թե հնարավո՞ր է հայկական արմատներ ունենա, Օրեյրիոն պատասխանեց՝ ոչ: «Բայց իմ քեռիներից մեկի կինը հայ է»,- հավելեց նա: Այս պատասխանից հետո նա Օրեյրիոյին բառացի զարդարեց հայկական տարազով: Նրա մեջքին ամրացրեց հայկական գոտի, ապա ազգային գլխարկ դրեց ու նույն կտորից պայուսակ նվիրեց, դոշին էլ ամրագրեց եռագույնը խորհրդանշող կրծքազարդ: «Տեսնո՞ւմ եք` ինչ հայ աղջիկ եմ»,-եղավ ուրուգվացի երգչուհու ուրախ պատասխանը: Դերասանուհին նաև UNICEF-ի բարի կամքի դեսպան է, նա հայտնեց, որ այս ուղղությամբ հանդիպումներ կունենա: Սպասում ենք Մարիամ Կիրակոսյանի թղթակցությանը` ԵՐԵՎԱՆԻՑ
Այժմ ընթերցողի ուշադրությանն ենք ներկայացնում մեր թղթակցի հենց նոր ուղարկած հոդվածը
ՆԱՏԱԼԻԱ ՕՐԵՅՐՈՅԻՆ ԷԼ ՀԱՅ ԴԱՐՁՐԵՑԻՆՔ
Այսօր՝ ապրիլի 6-ին, «Գրանդ հոթել Երևան» հյուրանոցում տեղի ունեցավ Հայաստան ժամանած հանրահայտ ուրուգվայցի եչգչուհի և դերասանուհի Նատալիա Օրեյրոյի մամլո-ասուլիսը։ «Ինչպե՞ս եք», - իր լուսավոր ժպիտով, հայերեն հստակ արտասանությամբ ողջունեց լրագրողներին Օրեյրոն։
Նրբանկատ և անմիջական այս արտիստն, իրոք, յուրօրինակ է. վստահորեն կարելի է ասել, որ «աստղային հիվանդությունն» իրեն շրջանցել է։ Այն տասնյակ ռուս երկրպագուները, որ երեկ Հայաստան են ժամանել հենց իր համար, ասես իրեն չեն սպասում դռներից այն կողմ; այն գլխապտույտ հաջողությունները, որ Օրեյրոն ունեցել է և ունի այսօր…, ասես, այս ամենն իր կողքով է «անցել»։ Նատալիան մնացել է այն նույն հասարակ և շփվող 18տարեկան Միլին, ում մենք սիրեցինք «Վայրի հրեշտակը» սերիալից հետո։
«Ես հիշում եմ Ձեզ, Դուք ինձ հարցեր էիք ուղղում օդանավակայանում,- անսպասելիորեն ասաց նա ինձ։ - Կներեք, որ անչափ հոգնած էի և չկարողացա ավելի շատ շփվել Ձեզ հետ։ Եկել եմ հյուրանոց և մի ողջ օր քնել եմ. շատ հոգնած էի»։ Երգչուհին ասաց, որ հոգնածության պատճառով, ցավոք, երեկ իրեն չի հաջողվել ընտանիքի հետ զբոսնել Երևանով. «Ամուսինս՝ Ռիկարդոն, և որդիս՝ Ատաուալպան, հասցրել են տեսնել մի քանի պատմական եկեղեցիներ։ Նրանք շատ տպավորված էին և ինձ հիացմունքով պատմեցին իրենց տեսածը։ Նրանք մի շատ մեծ հաց էին բերել՝լավաշ. ամբողջ գիշեր ուտում էինք»։
-Նատալիա, հայտնի մարդիկ հաճախ դեպրեսիոն շրջան են ունենում իրենց կյանքում։ Դուք այն եզակի արտիստներից եք, ով, միշտ ուրախ է, բարձր տրամադրությամբ, կարծես, երբեք չի տխրում։ Արդյո՞ք իրականում դա այդպես է։ Ինչպե՞ս եք կարողանում միշտ լինել ուրախ՝ հաջող կերպով համատեղելով ընտանիքն ու կարիերան։
-Շատ լավ հարց է. բոլորս էլ մեր կյանքում ունենում ենք հոգնածության պահեր, անհաջողություններ և հիասթափություններ։ Կարծում եմ, այսօր մենք ապրում ենք մի իրականության մեջ, որտեղ տագնապային հոգեվիճակն ամենուր է։ Կյանքի ռիթմն անչափ արագ է։ Այս խնդիրը լուծել անհրաժեշտ է դեռ մանուկ հասակից՝ երեխաներին մեջ սերմանելով, որ ոչինչ միանգամից չի լինում, ամեն ինչն իր ժամանակն ունի։ Ես միշտ շատ քրտնաջան եմ աշխատում և փորձում եմ հետևողական լինել իմ բոլոր ցանկությունների հանդեպ։ Պետք է կարողանալ գտնել հավասարակշռություն հանգստի և քրտնջան աշխատանքի միջև, ինչը փորձում եմ անել։ Ինձ համար փրկություն է բնության գրկում գտնվելը, երբ կարողանում եմ ներդաշնակ լինել ինքս ինձ հետ՝ գտնելով այն խաղաղությունը, որն ինձ օգնում է վերականգնել ուժերս՝ հետագայում ավելի ակտիվ աշխատելու համար։
Օրեյրոն հանդիսանում է ՅՈՒՆԻՍԵՖԻ բարի կամքի դեսպան։ «Վերջերս Արգենտինայում կայացած հերթական հանդիպման ժամանակ քննարկման է դրվել Հայաստանի համար ֆինանսավորում գտնելու հարցը, - պատմեց Օրեյրոն։ - Մեր նպատակն է սոցիալական կարևորության խնդիրները տարածել ոչ միայն մեր երկրում և տարածաշրջանում, այլ նաև, ծանոթանալով այլ երկրներում տիրող իրավիճակին, ներկայացնել նաև մերը»։
«Անմոռանալի շրջագայություն» շոու-ծրագրի շրջանակներում Նատալիան արդեն 11 համերգ է ունեցել Ռուսաստանի մի շարք քաղաքներում, ինչպես նաև՝Բելառուսում և Մոլդովայում։ Լրագրողների այն հարցին, թե համերգների ժամանակ, արդյո՞ք, եղել են հետաքրքիր իրադարձություններ, Նատալիան պատմեց, որ Սվետլոգորսկում մարտի 31-ին՝ Ֆակունդո Առանայի (Վայրի Հրեշտակի Իվոն) ծննդյան օրը, հենց համերգի ժամանակ բեմից նա Ֆեյսթայմով զանգահարել է Ֆակունդոյին և իր հանդիսատեսի հետ միասին շնորհավորել նրա ծնունդը: «Ես շատ կուզեի, որ մի օր Ֆակունդոն ինձ ուղեկցեր իմ շրջագայություններից որևիցե մեկի ընթացքում։ Միշտ ստիպված եմ լինում լրացուցիչ ճամպրուկ գնել՝ իրեն հասցեագրված նվերները Արգենտինա տեղափոխելու համար։ Այնպես որ, թող հետս ճամփորդի, որ իր նվերների ճամպրուկի գումարը ինքը վճարի», - կատակեց Օրեյրոն։
Ֆակունդո Առանայի հետ համագործակցության արդյունքում էր, որ 90-ականները հիշարժան և ճակատագրական դարձան Օրեյրոյի կարիարայի համար։ Այն հարցին, թե առաջիկայում սպասվու՞մ են նոր համագործակցություններ Ֆակունդո Առանայի հետ, Նատալիան անկեղծացավ. «Հաճախ հեղինակները փորձում են կրկնել ֆիլմի հաջողությունը, բայց միշտ չէ, որ ստացվում է»։ Այնուամենայնիվ, Ֆակունդո - Նատալիա զույգն այնքան վառ ու տպավորիչ էր, որ իրենց համատեղ երկրորդ՝ «Դու իմ կյանքն ես» (Sos Mi Vida) նախագիծն, անկասկած, կարելի է համարել ստացված։ «Կյանքի այս փուլում ես կգերադասեմ չմարմնավորել երիտասարդ կերպարներ։ Եթե մի փոքր երկար սպասենք, ապա մեր «զույգը» կվերամիավորվի արդեն տատիկ-պապիկի կերպարով», - ծիծաղում է Նատալիան։
Օրեյրոն շատ զգացված էր հայ լրագրողների ջերմ ընդունելությունից։ Մամլո-ասուլիսի շրջանակներում նա նույնիսկ ստացավ հայկական «անձնագիր»՝ դառնալով «բազմաքաղաքացի». ինչու՞ միայն ռուսականն ունենա։
Հաջողակ երգչուհի և դերասանուհի լինելուց բացի՝ Նատալիան 2008թ.-ից իր քույր Ադրիանա Օրեյրոյի հետ համատեղ ստեղծել է «Լաս Օրեյրո» հագուստի բրենդը։ Խանութն, ի դեպ, գտնվում է «Արմենիա» փողոցի վրա։ Մենք որոշեցինք մեր հայկականը փորձել դարձնել ոգեշնչման աղբյուր Նատալիայի համար. միգուցե մի օր նա որոշի ներառել հայկական էլեմենտներ՝ «Լաս Օրեյրոյի» հերթական հավաքածուի շրջանակներում՝ այդպիսով տարածելով հայկական մշակույթը աշխարհով մեկ։
-Նատալիա, Ցեղասպանությունից հետո մենք՝ հայերս սփռվել ենք ողջ աշխարհով մեկ։ Մենք ունենք աշխարհահռչակ հայեր՝ Շառլ Ազնավուր, Սերժ Թանկյան և այլն։ Եթե շատ լավ փնտրենք, գուցե, Ձեր մեջ էլ հայի արյուն գտնենք։
-Այո, այո, իմ քեռիներից մեկի կինը հայ է։ (ԾԻԾԱՂՈՒՄ Է)
Իմ առաջարկին մասնակցել մեր նախաձեռնած «Ես հայ եմ» մարտահրավերին, Նատալիան մեծ սիրով համաձայնեց։ Նրան նվիրեցինք Սովետական ձեռագործ արտադրության արծաթեպատ քյամար (գոտի), հայկական նախշերով գլխարկ և պայուսակ, ինչպես նաև՝ «Ալեքսիս Աքսեսուարներ» ընկերության կողմից սիրով տրամադրված նռան դիզայնով և հայկական դրոշի գույներով ապակուց ձեռագործ կրծքազարդեր։ Մարտահրավերը ստացվեց. երգչուհին միանգամից մտավ հայի կերպարի մեջ և սկսեց ակտիվ լուսանկարվել։
Եվ ահա նա «հայ» է, ու պետք է համտեսի հայկական բարիքները։ Մամլո-ասուլիսը հիշարժան դարձրեցինք ոչ միայն հանրահայտ արտիստի հայկական կերպարանափոխությամբ, այլ նաև մեր խմբագրության անունից կազմակերպեցինք մեծ քաղցր հյուրասիրություն։ Օրեյրոն տեղում համտեսեց հայկական սուջուխը, իսկ մնացած հյուրասիրությունը խնդրեց իր սենյակ տեղափոխել։
Համոզված ենք, որ ապրիլի 7-ին Կ.Դեմիրճյանի անվ. մարզահամերգային համալիրում կայանալիք համերգը հաջողված կլինի, և Նատալիան կրկին կգա Հայաստան. չէ՞ որ նա ուղղակիորեն նպաստում է Հայաստանի տուրիզմի զարգացմանը. «Անմոռանալի շրջագայության» շնորհիվ՝ հատուկ Նատալիայի կողքին լինելու համար, Ռուսաստանից և եվրոպական մի շարք երկրներից Հայաստան են ժամանել տասնյակ երկրպագուներ՝ իր ֆան-ակումբի անդամները, ինչպես նաև՝ 40-ից ավել շոուի մասնակիցներ և անձնակազմ։
Կազմակերպիչները վստահեցնում են, որ հայ հանդիսատեսին սպասվում է իրապես ԱՆՄՈՌԱՆԱԼԻ, 2 ժամ տևողությամբ և կենդանի հնչողությամբ շոու-ծրագիր։
Տոմսերը կարելի է ձեռք բերել www.tomsarkgh.am կայքից։
Երեկ, Լիսաբոնի Սան Ռոկ եկեղեցում, Գյուլբենկյան նվագախմբի և երգչախմբի կատարմամբ հնչեց Տիգրան Մանսուրյանի Ռեքվիեմը։ Ստեղծագործություն, որը արժանի է հնչեցման համաշխարհային ցանկացած բեմում։ Ունկնդիրը հոտընկայս, երկար ծափահարություններով ողջունեց այն։ Այս ստեղծագործությունը բավարար է, որ Տիգրան Մանսուրյանը մնա համաշխարհային երաժշտական պատմության մեջ,-իր ֆեյսբուքյան էջում գրել է Nariné Dellalian -ը, ապա ավելացրել` այո, մենք մշակույթով ենք մեր տեղը գծում աշխարհին ներկայանալիս։ Այսօր հերթնը ԴԵԼԼԱԼՅԱՆ ՏՐԻՈՆ և LISBON CHAMBER ENSEMBLE-ինն է, որոնք կներկայացնենք Մանսուրյանի կամերային ստեղծագործությունները։
Մեծ Եղեռնի զոհերի ոգեկոչման միջոցառումներ 2019 թ. ապրիլ ամսվա ծրագիրը Միջոցառումները կազմակերպել են Համագործակցող Հոլանդահայ Կազմակերպությունները
1. Ցույց Հաագայի «Plein» հրապարակում • Նիդերլանդների կառավարության կողմից Հայոց ցեղասպանության ճանաչման համար • Հանրագրի ներկայացում Հոլանդիայի կառավարությանը Թվականը` Երեքշաբթի 23 ապրիլի 2019, ժամը` 12-ին Վայրը` «Het Plein» հրապարակ Հասցեն` Het Plein – 2511 CR Հաագա, Նիդերլանդներ
Ավտոբուսների երթուղիների մասին լրացուցիչ տեղեկությունները կհրատարակվեն շուտով։ 2. Ոգեկոչում Մեծ Եղեռնի հուշարձանի մոտ Ասենում Թվականը` Երեքշաբթի 24 ապրիլի 2019, ժամը 12:30-ին Վայրը` Ասենի «Դե Բոսկամպ» գերեզմանատուն Հասցեն` Boskamp 5 – 9405 NN Assen, Նիդերլանդներ
Ծրագիրը` Ծաղկեպսակների տեղադրում Մեծ Եղեռնի հուշարձանին, ոգեկոչման արարողություն, հանդիպում գերեզմանատան սրահում` ճառեր, գեղարվեստան ելույթներ։
Հաագայից Ասեն ավտոբուսով ճամփորդելու համար խնդրում ենք կապվել Աբովյան միության հետ` info@abovian.nl
Federatie Armeense Organisaties Nederland • FAON Website: www.faon.nl E-mail: info@faon.nl
Herdenking van de Armeense genocide Programma van april 2019 Georganiseerd door de Samenwerkende Armeense Organisaties (SAO)
1. Demonstratie op het Plein in Den Haag • Voor erkenning Armeense genocide door de Nederlandse regering • Aanbieding petitie aan de Nederlandse regering Datum: Dinsdag 23 april 2019 om 12.00 uur Plaats: Plein Adres: Plein, 2511 CR Den Haag
Voor vervoer met bussen: Nadere informatie volgt. 2. Herdenking bij het genocide monument in Assen Datum: Dinsdag 24 april 2019 om 12.30 uur Plaats: Begraafplaats de Boskamp in Assen Adres: Boskamp 5 – 9405 NN Assen
Programma: Kranslegging bij het Armeense genocidemonument, herdenkingsplechtigheid, bijeenkomst in de aula van begraafplaats de Boskamp met toespraken, artistieke uitvoeringen.
Voor vervoer met bus van Den Haag naar Assen neem contact op met de Vereniging Abovian: info@abovian.nl Federation of Armenian Organisations in the Netherlands (FAON) Website: www.faon.nl Email: info@faon.nl
Commemoration of Armenian Genocide Programme of April 2019 Organised by Joint Armenian Organisations
1. Demonstration at Plein Square in The Hague • For recognition of Armenian Genocide by Dutch government • Submission of a petition to Dutch Government Date: Tuesday 23 April 2019 at 12 noon Place: Het Plein Square Address: Het Plein – 25 11 CR The Hague, The Netherlands
Further information for transportation by bus will be provided in due course. 2. Commemoration at the Armenian Genocide Memorial in Assen Date: Tuesday 24 April 2019 at 12:30 p.m. Place: Cemetery “De Boskamp” in Assen Address: Boskamp 5 – 9405 NN Assen, The Netherlands
Programme: Laying of wreaths at the Armenian Genocide monument, Commemorative Ceremony, meeting in the auditorium of the Boskamp cemetery with speeches and artistic performances.
For bus transport from The Hague to Assen please contact Abovian Centre: info@abovian.nl Հոլանդահայ Կազմակերպությունների Ֆեդերացիա (FAON) Կայքէջ` www.faon.nl Էլ. փոստ` info@faon.nl
Նատալիա Օրեյրոն օդանավակայանում պատասխանել է Երևանում գտնվող մեր թղթակցի հարցերին
Լուսանկարները` Էդգար Արշակյանի
Այսօր՝ պրիլի 5-ին առավոտյան ժամը 5:30 հայտնի արգենտինական՝ ծագումով Ուրուգվայից երգչուհի և դերասանուհի Նատալիա Օրեյրոն ժամանեց Զվարթնոց Օդանավակայան։
Մի քնաի ժամ առաջ Ռուսաստանի Տոլյատտի քաղաքում նա հանդես է եկել իր՝ «ԱՆՄՈՌԱՆԱԼԻ ՇՐՋԱԳԱՅՈՒԹՅՈՒՆ» մեծ շոու-ծրագրի շրջանակներում, այնուհետև միանգամից մեկնել Հայաստան։ Չնայած այսքան խիտ և զբաղված աշատանքային գրաֆիկի Նատալիան, ինչպես միշտ ժպտերես և ուրախ էր։ Երևանում գտնվող ՆԻԴԵՐԼԱՆԴԱԿԱՆ ՕՐԱԳՐԻ մեր թղթակից Մարիամ Կիրակոսյանին հաջովեց մի քանի հարց ուղղել նրան.
- (ՕՐԵՅՐՈ) Ողջույն, ինչպե՞ս եք։ Ամեն ինչ լավ է։ Շնորհակալություն, որ եկել եք։
- Ինչպե՞ս անցավ չվերթը, Նատալիա։
- (ՕՐԵՅՐՈ) Շատ լավ անցավ ճամփորդությունը։ Մի քանի ժամ առաջ էի համերգի։ Էնտեղից ուղիղ եկել եմ Երևան։
- Նատալիա, ի՞նչ անկնկալիքներ ունեք հայաստանյան այցից։
- (ՕՐԵՅՐՈ)Առաջին անգամ եմ Հայաստանում, ինչի առիթով անչափ ուրախ եմ։ Մեծ սպասումներով եմ եկել։ Շատ բան գիտեմ երկրի մասին. Մեծ հայկական համայնքներ կան Արգենտինայում։ Բացի այդ, գրեթե մեկ ամիս է չեմ տեսել ընտանիքիս։ Հայաստանը կլինի մեր միավորման կետը «Անմոռանալի Շրջագայության» շրջանակներում։
(Հարկ է նշել, որ Նատալիայի ամուսինը՝ արգենտինական հայտնի «Դիվիդիդոս ռոք խմբի մենակատար Ռիկարդո Մոլյոն իրենց յոթամյա որդու՝ Մեռլին Ատաուլպա Մոլյոյի հետ երեկ ժամանել են Երևան)։
- Ինչ սպասի հայ հանդիսատեսը Ձեր շուոյից։
- Հուսով եմ, որ շոուն իրենց շատ դուր կգա։ Եկել ենք մեծ անակնկալներ մատուցելու և ստանալու ակնկալիքներով։
Հիշեցնենք, որ ապրիլի 7-ին Կ.Դեմիրջյանի անվ. մազրզահամերգային համալիրում ՝կանանց և գեղեցկության տոնին ընդառաջ, Նատալիա Օրեյրոն Երևանում հանդես կգա իր «ԱՆՄՈՌԱՆԱԼԻ ՇՐՋԱԳԱՅՈՒԹՅՈՒՆ» շոուի շրջանակներում։ Տոմսերը կարելի է ձեռք բերել www.tomsarkgh.am կայքից։
Բելգիայում գործող «Պելճիկահայ Տեմոկրատների Միություն»-ը դեռ 1984 թվականին Բրյուսելում հիմնադրեց հայկական դպրոց, որի նպատակը հայ ընտանիքների երեխաներին տառաճանաչության և հայեցի մեծանալու խնդիրներին լուծում տալն է: Միության անդամների և մանկավարժական կազմի անդուլ, հետևողական աշխատանքի շնորհիվ կրթօջախը գործում է մինչ օրս։
Ինչպես «Նիդերլանդական օրագրին» փոխանցում է «Հայերն այսօրը», օրեցօր դպրոցը վերելք է ապրում ու գրանցում նորանոր հաջողություններ, որի վառ ապացույցը տարեցտարի աճող սաների թիվն է։
2018 թվականին դպրոցը տեղափոխվել է նոր ու հարմարավետ շենք՝ լայն, ընդարձակ ու լուսավոր դասասենյակներով, ուր սովորում են հարյուրավոր հայ մանուկներ։
Քանի որ 2019 թվականին լրանում է Ամենայն հայոց բանաստեղծ Հովհ. Թումանյանի ծննդյան 150-ամյակը, որի հանճարի շնորհիվ հայաճանաչումն իր սահմաններն է ընդլայնել համաշխարհային գրականության ասպարեզում, «Պելճիկահայ Տեմոկրատների Միությունը», որպես հարգանքի տուրք և շնորհակալական երաշխիք, դպրոցն անվանակոչել է Հովհաննես Թումանյանի անունով:
