Նատալիա Օրեյրոն նպաստել է ռուս երիտասարդների ամուսնությանը

 ՖՈՏՈՌԵՊՈՐՏԱԺ

 Լատինոամերիկյան երգչուհի և դերասանուհի Նատալիա Օրեյրոն այն եզակի արտիստներից է, ում տարիներ շարունակ հաջողվում է պահպանել իր հազարավոր երկրպագուների մեծ և անսահման սերը։Նրան հանդիպելու և հարցազրույց վերցնելու ակնկալիքով Նիդերլանդներից Երևան  է  մեկնել մեր թղթակից ՄԱՐԻՇԱ  ՇԻԿԸ:  Մինչ այդ մեր թղթակիցը  հետևում է  լատինաամերիկացի դերասանուհու Ռուսաստանյան հյուրախաղերին: Դերասանուհին Ռուսաստանի  ՈՒրգանտի առաջին ալիքի հաղորդման ժամանակ մարմնին գրել էր իր հյուրախաղերի գրաֆիկը` նշելով, որ  լինելու  է նաև Երևանում, այդ  մասին  սակայն կհիշեցնենք վերջում:

Ռուսաստանի մշակութային մայրաքաղաքում՝ Սանկտ-Բետերբուրգում ապրող ամուսիններ 35-ամյա Պավելն ու 32-ամյա Ելեանան արդեն 18 տարի է, ինչ ուշի-ուշով հետևում են Օրեյրոյի ստեղծագործական գործունեությանը։ «Հիշում եմ՝ դեռ 90-ականներին մայրս միշտ տարբեր սերիալներ էր նայում։ Մի օր ինձ ասաց, թե նոր սերիալ է սկսվում՝ «Հարուստներն ու հռչակավորները»։ Ինձ սսերիալը շատ դուր էր գալիս, հիանում էի գլխավոր դերասանուհու՝ Նատալիայի պրոֆեսիոնալ խաղով ու նրա անթերի գեղեցկությամ։ Իսկ, երբ հաջորդիվ սկսվեց «Վայրի հրեշտակի» ցուցադրումը, ես բացահայտեցի Նատիին երաժշտական տեսանկյունից՝ նաև որպես երգչուհի», - պատմում  է Ելենան։
2002թ., երբ Օրեյրոն 2-րդ անգամ ժամանեց Ռուսաստան, պետերբուրգյան համերգի շրջանակներում Պավելը ծանոթացավ «Մեր Նատաշան» ռուսական պաշտոնական ֆան-ակումբի հիմնադիրների հետ, անդամագրվեց՝ դառնալով Օրեյրոյի երկրպագուների մեծ «ընտանիքի» անդամ, իսկ 2006թ.-ից սկսած հենց ինքն է գլխավորում այն՝ լինելով ակումբի նախագահ։ «Մեր ակումբը համառուսական է, բայց հիմնական «կորիզը» Պետերբուրգից է։ Մենք ստանում ենք ընթացիկ տեղեկատվություն Նատալիայի գործունեության, ստեղծագործաան նորությունների մասին, ակտիվ տարածում ԶԼՄ-ների, սոցցանցերի, այլ ֆան-ակումբների և ուղղղակի երկրպագուների շրջանում։ Մենք կապի մեջ ենք տարբեր երկրներում գործող ֆան-ակումբների և անհատ երկրպագուների հետ. օրինակ՝ Հայաստան, Արգենտինա, Ուրուգվայ, Չիլի, Բելոռուսիա, Ուկրաինա, Լեհաստան, Չեխիա, Սլովակիա, Վենգրիա, Ռումինիա, Հունաստան և այլն։ Հաճախ կազմակերպում ենք հանդիպումներ ինչպես ինքներս մեր՝ երկրպագուներիս միջև, այնպես էլ Նատալիայի հետ», - ասաց Պավելը։
2015թ.-ին հենց այդպիսի մի ֆան-հանդիպման շրջանակներում՝ հյուրանոցներից մեկի առջև կանգնած և սպասելով Նատալիային, Պավելն ու Ելենան ծանոթացան։ Մեկ տարի անց հանդիպեցին երկրորդ անգամ իրենց կուռքի՝ Ռուսաստան ժամանելու առիթով, ավելի ակտիվ սկսեցին շփվել և սիրահարվեցին։ «Ի շնորհիվ Նատալիայի մենք գտանք միմյանց,- ասում է Ելենան։ - Մեր հարսանիքի հրավիրատոմսերից մեկը ամենայուրահատուկն էր ու կարևորը մեզ համար. այն գրված էր իսպաներենով՝ Նատալիայի համար։ Եվ մեր երջանկությանը չափ ու սահման չկար, երբ հարսանիքից մի քանի շաբաթ առաջ մեզ հաջողվեց Մոսկվայում հանդիպել Նատալիային և հանձնել նրան հրավիրատոմսը։ Ցավոք, հարսանիքի օրը Օրեյրոն արդեն Արգենտինայում պետք է լիներ և չկարողացավ ներկա գտնվել։ Բայց նա մեզ հաճելի անակնկալ մատուցեց այդ օրը՝ ուղարկելով իր բանավոր շնորհավորանքը»։

Երիտասարդ ամուսիններն այլևս ճամփորդում են միասին՝ «Օրեյրոյի հետքերով»։ Իրենց ընտանիքում կա մի չգրված օրենք. «Եթե Նատին գալիս է Ռուսաստան համերգային շրջագայության, նշանակում է՝ պետք է հետևել նրան»։ Այս երիտասարդներն արդեն հասցրել են լինել գրեթե բոլոր այն քաղաքներում, որտեղ Օրեյրոն հանդես է եկել համերգներով, ներկա են գտնվել բազմաթիվ շոուների։ Այն հարցին, թե որքանո՞վ է հետաքրքիր նույն շրջագայության ժամանակ դիտել նույն համերգը մի քանի անգամ տարբեր երկրներում և քաղաքներում, ամուսինները պատասխանեցին. «Մեկ անգամ դիտելով՝ հնարավոր չէ լիարժեք հասկանալ ռեժիսորական ողջ աշխատանքը. դիտելով այն տարբեր համերգային դահլիճների տարբեր անկյուններից՝ դու հասկանում ես, որ ամեն համերգ անցնում է յուրովի, հիանում ես այն ջերմությամբ, որ քո սիրած երգչուհին հաղորդում է բեմի դիմաց վառվռուն աչքերով կանգնած յուրաքանչյուր երկրպագուի։ Բացի այդ, ամեն համերգը հավելյալ առիթ է լինել մեր սիրելի արտիստի կողքին, շրջագայել նրա հետ՝ տեղափոխվելով քաղաքից քաղաք, տեսնել նրան գրեթե ամեն օր, կիսել իր հետ իր աշխատանքային առօրյան, օգնել նրան, երբ ունի մեր կարիքը, նկարվել իր հետ հերթական անգամ, ստանալ այն անփոխարինելի ու աննկարագրելի դրական էներգիան մեր սիրելի արտիստից և վայելել կենանի հնչողությամբ նրա շոուները։ Այս ամենը մեզ մեծ ուրախություն և հաճույք է պատճառում. մենք շնորհակալ նք Նատաշային այս ամենի համար»։

Պավելի և Ելենայի՝ այցելած երկրների ցուցակն այս տարի կհամալրվի ևս մեկ երկրով. Նատալիա Օրեյրոյի՝ Ապրիլի 7-ին Երևանում կայանալիք համերգին ներկա գտնվելու նպատակով ամուսինները՝ իրենց ակումբի անդամ այլ երկրպագուների հետ միասին կժամանեն Հայաստան։ Նրանց էստեղ կմիանան երկրպագուներ եվրոպական մի շարք երկրներից։
«Ելենան աշխատում էր դեղատանը և առանց մեկ րոպե վարանելու աշխատանքից ազատման դիմում գրեց, երբ իր ղեկավարությունը կտրականապես հրաժարվեց արձակուրդային օրեր տրամադրել՝ համերգներին ներկա գտնվելու նպատակով», - պատմում է Պավելը։ Այս անգամ 17 քաղաքներից երիտասարդ ամուսինները ընտրել են միայն 5-ը՝ Կալինինգրադ, Յարոսլավլ, Տոլյատտի, Սանկտ-Պետերբուրգ, Երևան։ «Ի շորհիվ Նատալիայի մենք ակտիվ ճամփորդում ենք, տեսնում նոր քաղաքներ, ծանոթանում հետաքրքիր մարդկանց հետ։ Այս տարի առաջին անգամ կլինենք արևոտ և վարդագույն քաղաք Երևանում։ Հայաստանի մասին մենք, ցավոք, շատ բան չգիտենք. այն մեզ մոտ միշտ ասոցիացվել է կոնյակի հետ։ Գիտենք, որ այն հարուստ պատմությամբ և հարուտ մշակույթով մի երկիր է։ Շատ ենք լսել հայերի՝ հյուրընկալ և ջերմ ժողովուրդ լինելու մասին։ Անհամբերությամբ սպասում ենք մեր ժամանմանը։ Շատ ենք ուզում վայելել հայկական բնությունը, տեսնել հնագույն և գեղեցիկ հայկական ճարտարապետությունը։ Ուզում ենք նաև այցելել Մատենադարան, քանի որ հետաքրքրվում ենք լեզվաբանությամբ», - նշեցին ամուսինները։

Հիշեցնենք, որ ապրիլի 7-ին Կ.Դեմիրճյանի անվ. մազրզահամերգային համալիրում ՝կանանց և գեղեցկության տոնին ընդառաջ, Նատալիա Օրեյրոն Երևանում հանդես կգա իր «ԱՆՄՈՌԱՆԱԼԻ ՇՐՋԱԳԱՅՈՒԹՅՈՒՆ» շոուի շրջանակներում։ Տոմսերը կարելի է ձեռք բերել www.tomsarkgh.am կայքից։ 

Նիդերլանդների Թագավորությունում Հայաստանի Հանրապետության դեսպանության ֆեյսբուքյան էջի օրագիր/ ՄԱՐՏ

 ՈՒՇԱԴՐՈՒԹՅՈՒՆ. Դեսպանատան կայքի ՄԱՐՏ ամսվա ոչ բոլոր նյութերն ու լուսանկարներն են տեղադրվել մեր ամփոփագրում :

2 ՄԱՐՏ
Մարտի 2-ին Նիդերլանդներում ՀՀ դեսպան Տիգրան Բալայանը Արնհեմ քաղաքի Հայ առաքելական եկեղեցու ծխական խորհրդի հրավերով ներկա գտնվեց Արևմտյան Եվրոպայում Ամենայն Հայոց Կաթողիկոսի հայրապետական պատվիրակ Խաժակ արքեպիսկոպոս Բարսամյանի հանդիսապետությամբ մատուցված պատարագին: Պատարագի ավարտին դեսպան Բալայանը ողջունեց պատարագի մասնակիցներին, շնորհակալություն հայտնեց Խաժակ արքեպիսկոպոսին Նիդերլանդների հայ համայնքին ցուցաբերվող ուշադրության, հաճախակի այցելությունների և դեսպանության գործունեության բարձր գնահատականի համար։

Տիգրան Բալայանը կարևորեց Արնհեմում՝ Ալմելոյի Սուրբ Գրիգոր Լուսավորիչ և Մաաստրիխտի Սուրբ Կարապետ եկեղեցիների խորհուրդների ղեկավարների ներկայությունը, ինչը խորհրդանշում է հայ ժողովրդի միասնականությունը՝ հատկապես վերջին օրերն նշվող հիշատակի օրերի համատեքստում։

Պատարագից հետո դեսպան Բալայանը մասնակցեց Արնհեմի եկեղեցական խորհրդի հիմնադրամ 20-ամյա հոբելյանին նվիրված ճաշկերույթին։

4 ՄԱՐՏ
Նիդերլանդներում ՀՀ դեսպանի հանդիպումը Բարեփոխված քաղաքական կուսակցության ղեկավարի հետ
Մարտի 4-ին Նիդերլանդներում ՀՀ դեսպան Տիգրան Բալայանը հանդիպում ունեցավ հոլանդական ամենահին քաղաքական ուժի՝ Բարեփոխված քաղաքական կուսակցության (SGP) ղեկավար, խորհրդարանական խմբակցության նախագահ Կես վան դեռ Ստայի (Kees van der Staaij) հետ։ 
Շնորհակալություն հայտնելով հանդիպման համար՝ դեսպան Բալայանը կարևորեց խորհրդարանական դիվանագիտության դերը երկկողմ փոխգործակցության ընլայնման գործում և ներկայացրեց Հայաստանի և Նիդերլանդների միջև կապերի խորացմանն ուղղված նախաձեռնությունները։
Դեսպան Բալայանը SGP ղեկավարին ներկայացրեց Հայաստանում տեղի ունեցող լայնածավալ բարեփոխումները՝ ընգծելով ժողովրդավարական երկրների աջակցության կարևորությունը։ 
Հանդիպման ընթացքում մտքեր փոխանակվեցին հոլանդահայ համայնքին առնչվող հարցերի շուրջ։ Այդ համատեքստում SGP ղեկավարը բարձր գնահատեց և օրինակելի հոլանդահայության ինտեգրումը Նիդերլանդների հասարակական կյանքում։ 
Տիգրան Բալայանը Կես վան դեռ Ստային ներկայացրեց ղարաբաղյան հիմնախնդրի կարգավորման գործընթացում առկա իրավիճակը՝ շեշտելով Հայաստանի սկզբունքային դիրքորոշումը հիմնահարցի բացառապես խաղաղ կարգավորման այլընտրանքի բացակայության վերաբերյալ։

6 ՄԱՐՏ

Հայաստանի դեսպանը մասնակցեց Հաագայի «Հին կենտրոնի գորգի» բացմամը

Մարտի 5-ին Նիդերլանդներում ՀՀ դեսպան Տիգրան Բալայանը՝ «Աբովյան» միության ղեկավար Մաթո Հախվերդյանի և Հոլանդահայ կազմակերպությունների ֆեդերացիայի քարտուղար Ինգե Դրոստի հետ միասին ներկա գտնվեցին Հաագայի կենտրոնում՝ HS երկաթուղային կայարանի հարակից տարածքից ձգվող «Հին կենտրոնի գորգի» բացման արարողությանը։

ՇԱՐՈՒՆԱԿՈՒԹՅՈՒՆԸ

6 ՄԱՐՏ

Հայաստանի դեսպանի և Նիդերլանդների փոխվարչապետի հանդիպումը

Մարտի 6-ին ՀՀ դեսպան Tigran Balayan /Տիգրան Բալայանը հանդիպում ունեցավ Նիդերլանդների փոխվարչապետ, ներքին գործերի նախարար Կայսա Օլոնգրենի (Kajsa Ollongren) հետ:   

Ողջունելով Հայաստանի դեսպանին՝ նախարար Օլոնգրենը նշեց, որ ծանոթ է Հայաստանում տեղի ունեցած զարգացումներին և ազատ ու թափանցիկ ընտրությունների միջոցով նոր կառավարության ձևավորման գործընթացին, ինչը բարձր գնահատականի է արժանի։

Շնորհակալություն հայտնելով ընդունելության համար՝ դեպան Բալայանը նախարար Օլոնգրենին ներկայացրեց թավշյա հեղափոխությունից հետո Հայաստանում ընթացող լայնածավալ բարեփոխումները և կառավարության գործունեության օրակարգը։ Տիգրան Բալայանը տեղեկացրեց, որ 2019թ. տեղի են ունեցել բարձրաստիճան հանդիպումների երկու երկրների վարչապետերի և արտգործնախարարների միջև, ինչը պարարտ հող է ստեղծել տարբեր բնագավառներում երկկողմ փոխգործակցությունը խթանելու համար։

Կայսա Օլոնգրենը ողջունեց հայ-հոլանդական փոխգործակցության ընդլայնման ուղղությամբ նախաձեռնությունները՝ վստահեցնելով, որ իր ղեկավարած գերատեսչությունը և իր քաղաքական կուսակցությունը՝ D66-ը, պատրաստ են իրենց լիազորությունների շրջանակներում աջակցել դրանց։

Հանդիպմանը մտքեր փոխանակվեցին տարածքային կառավարման, հանրային ծառայության բարեփոխումների, ջրային ռեսուրսների կառավարման բնագավառներում հոլանդական փորձը Հայաստանում ներդրման հնարավորությունների շուրջ։

11 ՄԱՐՏ

ՀՀ ԱԺ արտաքին հարաբերությունների մշտական հանձնաժողովի անդամները մարտի 11-ին աշխատանքային հանդիպում են ունեցել Նիդերլանդների Թագավորությունում Հայաստանի Հանրապետության արտակարգ և լիազոր դեսպան Տիգրան Բալայանի հետ:

Հանդիպման ընթաքցքում կարևորվել է Հայաստանի և Նիդերլանդների միջև միջխորհրդարանական հարաբերությունների զարգացումը, քաղաքական ակտիվ երկխոսության խթանումը:

Քննարկվել են քաղաքական, առևտրատնտեսական և ներդրումների խրախուսման քաղաքականությանը վերաբերող հարցեր:

14 ՄԱՐՏ

Դեսպան Տիգրան Բալայանը հանդիպել է Նիդերլանդների ԱԳՆ մշակութային համագործակցության հարցերով դեսպան Արյեն Այթելինդեին։ Զրուցակիցները քննարկել են մշակութային համագործակցությունն առաջ մղելու ուղիները:

Դեսպան Տիգրան Բալայանը հանդիպել է «Քրիստոնեական միություն» կուսակցության արտաքին հարաբերությունների խոսնակ Ջոել Որդենվինդին։ Հայաստանի դեսպանը շնորհակալություն է հայտնել Հայոց ցեղասպանության ճանաչման և դատապարտման ուղղությամբ «Քրիստոնեական միություն» կուսակցության տասնամյակների հետևողական գործունեության համար։

Զրուցակիցները քննարկել են հայ-հոլանդական հարաբերությունների ընդլայնման նպատակով ձեռնարկվող քայլերը, Հայաստանի կառավարության նախաձեռնած լայնածավալ բարեփոխումներին Նիդերլանդների աջակցությանն առնչվող հարցեր։

Հաագայում մեկնարկեցին Ֆրանկոֆոնիայի մեկամսյակի միջոցառումները

Մարտի 14-ին Հաագայի կենտրոնում գտնվող Pathe Buitenhof կինոթատրոնում մեկնարկեցին Նիդերլանդներում Ֆրանկոֆոնիայի մեկամսյակին նվիրված միջոցառումները, որոնց համակազմակերպիչը և համահովանավորն է Ֆրանկոֆոնիայի միջազգային կազմակերպությունում նախագահող Հայաստանի դեսպանությունը։ Այս տարի Նիդերլանդներում Ֆրանկոֆոնիայի միջոցառումները տեղի են ունենում «Ֆրանկոֆոնիան՝ պատասխանատու նորաձևության կողմնակից» (La Francoponie en mode responsable) խորագրի ներքո։ 

Just Black -ի հիմնադիր Գայանե Մանուկյանն իր խոսքում կարևորեց տեքստիլ արդյունաբերության մեջ վերամշակված նյութերով աշխատելու և դրանով իսկ շրջակա միջավայրի մասին հոգ տանելու ու պահպանելու կարևորությունը, նաև կիսեց իր ոգևորությունը՝ Հայաստանում պլաստիկ տոպրակների արտադրությունն արգելող օրենքի ընդունման կապակցությամբ։ Նա շեշտեց, որ շրջակա միջավայրի պաշտպանությանն ուղղված օրենսդրությունը հայ արտադրողին պարտադրում է ավելի պատասխանատու դառնալ բնության հանդեպ և գտնել նոր լուծումներ ու ճանապարհներ՝ Հայաստանում էկոլոգիապես մաքուր նորաձևություն ունենալու համար:

Միջոցառման ընթացքում Pathe Buitenhof-ի սրահում մի շարք ՖՄԿ անդամ երկրների նորաձևության տների կողմից ներկայացվեցին իրենց աշխատանքները։ Ցուցադրվեց Just Black-ի գործունեության մասին պատմող տեսաֆիլմ, ինչպես նաև նոր՝ 2019 թվականի հավաքածուից մի քանի նմուշ, որոնց ստեղծման ընթացում դիզայներն օգտագործել էր վերամշակված նյութեր։ Հայկական նորաձևության տան արտադրանքը բարձր գնահատականի արժանացավ մասնակիցների կողմից։

Նորաձևության ցուցադրմանը հետևեց միջոցառման համակազմակերպիչ երկրների ազգային ուտեստների հյուրասիրություն։

15 ՄԱՐՏ

La Francophonie etait a l'honneur à Rotterdam

Le 15 mars, une réception consacrée à la Journée internationale de la Francophonie a eu lieu à la maison de couture “Maison d'Arménie” de Rotterdam, à laquelle ont assisté le maire de Rotterdam, Ahmed Aboutaleb, des ambassadeurs des pays membres et observateurs de l’OIF accrédités à la Haye, de hauts fonctionnaires du ministère des Affaires étrangères des Pays-Bas, des représentants des milieux politique, économique et culturel néerlandais et des représentants francophones de la communauté arménienne.

Saluant les invités, l’Ambassadeur d’Arménie Tigran Balayan a noté, que c’était un grand honneur d'accueillir à la maison de couture arménienne, située au coeur de Rotterdam, les représentants de la communauté, qui sont fidèles à l'idéologie de la Francophonie, basée sur la diversité, des droits de l’homme, la tolérance, l'égalité et les valeurs démocratiques. Dans son discours, Tigran Balayan a présenté les résultats du Sommet de la Francophonie, tenu à Erevan, les objectifs de l’Appel francophone d’Erevan pour le Vivre ensemble, assurant que l'Arménie, en tant que pays qui préside le Sommet de la francophonie, continuerait à apporter sa contribution au renforcement du rôle de l’organisation.

S’adressant aux présents, le maire de Rotterdam, Ahmed Aboutaleb, a exprimé son appréciation pour l’organisation d’un événement consacré à la Francophonie dans sa ville multiculturelle. Le maire a félicité l'Arménie pour la tenue du Sommet au plus haut niveau et pour la prise de sa présidence, exprimant la conviction que la Francophonie poursuivra sa mission importante.

À la suite des interventions les maisons de mode Just Black et Maison d'Arménie ont présenté leurs nouvelles collections dans le cadre du Mois de la Francophonie aux Pays-Bas avec le titre «La Francophonie en faveur de la mode responsable» et la chanteuse néerlandaise Glenda Rolle a interprété des chansons françaises.

Par la suite, une réception a eu lieu, au cours de laquelle des plats et des boissons arméniens ont été servis.

https://www.mfa.am/fr/press-releases/2019/03/15/franco/9237

19 ՄԱՐՏ

Ambassador Tigran Balayan attended reception by the

Netherlands Helsinki Committee for the participants of #MATRA -#RuleofLaw training program.

For the 1st time #Armenian|n officials are attending this program organised by the NHC & funded by Ministerie van Buitenlandse Zaken.…

21 ՄԱՐՏ

Դեսպանությունում երեկ հյուրընակլեցինք Նիդերլանդների ԱԳՆ կողմից ֆինանսավորվող և Նիդերլանդների հելսինկյան կոմիտեի կողմից կազմակերպվող MATRA- Rule of law ծրագրի մասնակիցներին։

Հայաստանի տարբեր պետական գերատեսչությունների աշխատակիցներ առաջին անգամ են մասնակցում վերապատրաստման այս ծրագրին և տպավորված էին դրա բովանդակությամբ։

The Embassy hosted #Armenia|n participants of #MATRA - #RuleofLaw program, organised by Netherlands Helsinki Committee and funded by Ministerie van Buitenlandse Zaken.

Armenian officials shared their impressions of very productive training.

22 ՄԱՐՏ

Նիդերլանդներում Հայաստանի դեսպանի այցելությունը Խրոնինգեն

Մարտի 21-ին Նիդերլանդներում ՀՀ դեսպան Tigran Balayan Տիգրան Բալայանն այցելեց Խրոնինգեն քաղաք, որտեղ հանդիպում ունեցավ քաղաքապետ Պետեր դեն Ուդստենի (Peter den Oudsten) հետ։ Վերջինիս դեսպանը ներկայացրեց Հայաստանում տեղի ունեցող լայնածավալ բարեփոխումները և այդ գործընթացում միջազգային գործընկերի աջակցության կարևորությունը։

ՇԱՐՈՒՆԱԿՈՒԹՅՈՒՆԸ

28 ՄԱՐՏ

«Արի պարի քոչարի» - 2019

Գրենոբլ քաղաքի (Ֆրանսիա) «Հայկական մշակույթի տունը» ս.թ. մայիսի 25-ին կազմակերպում է համահայկական նախաձեռնություն` «Արի պարի քոչարի», որն այս տարի նվիրված է մեծանուն հայ կոմպոզիտոր Կոմիտասի և ամենայն հայոց բանաստեղծ Հովհաննես Թումանյանի 150-ամյա հոբելյաններին, որոնք ընդգրկված են Հռչակավոր մարդկանց և կարևոր իրադարձությունների հոբելյանների ՅՈՒՆԵՍԿՕ-ի 2018-19թթ. օրացույցում:

Նշյալ ֆլեշմոբին հնարավորինս ընդգրկուն մասնակցությունը կնպաստի քոչարիի` որպես ՅՈՒՆԵՍԿՕ-ի մարդկության ներկայացուցչական ցանկում ընդգրկված ոչ նյութական մշակութային արժեքի հանրահռչակմանը:

«Արի պարի քոչարի 2019» նախաձեռնության մանրամասներին կարելի է ծանոթանալ

http://www.aripariqochari.com/

https://www.facebook.com/aripariqochari/?__tn__=%2Cd%2CP-R&eid=ARCi4XRJDLprJghPhiGNmMH4YRq0f-SBkdunb5AJwSHFqg0L_Va3GFp18XxzL45Yb5ZrbrlDztFes1ap կայքերից:

Հայրենասիրական բարեգործական երեկո Ալմելոյում

Ալմելո, 29 մարտի 2019:

Սուրբ Գրիգոր Լուավորիչ հայկական եկեղեցու սրահը նորից լեցուն էր հայրենասեր հայերով և մթնոլորտը՝ հայրենասիրության  ու հպարտության շնչով։
Այս անգամ, եկեղեցու վարչության և Մշակութային Կոմիտեի նախաձեռնությամբ, Ալմելոյի հյուրն էր Հայաստանից ժամանած սիրված երգիչ Արսեն Գրիգորյանը (Մրո) ։
Նրան էին միացել Նիդերլանդաբնակ երգիչ Րաֆֆի Մարդոյանը իր ոգեշունչ երգերով և Վարդան Պետրոյանը՝ իր նվագակցությամբ։ Համերգը բարեգործական էր, որի հասույթը

նվիրաբերվելու է Հայաստանի առողջական խնդիրներ ունեցող երեխաներ օգնությանը։
Գուցե այդ էր պատճառը, որ համերգի ժամանակ հատկապես ակտիվ էին եկեղեցու «Զարթոնք» պարային համույթի  և «Սուրբ Մեսրոպ Մաշտոց» կիրակնօրյա դպրոցի երեխաները։ Վերջիններս սիրելի երգչին հանձնեցին իրենց հանգանակած գումարը, խնդրելով դրա հետ միասին Հայաստանի երեխաներին փոխանցել իրենց սերը և հայտնել իրենց  հետագա օգնության պատրաստակամության մասին։ Արսեն Գրիգորյանը խոստացավ երեխաներին սիրով կատարել նրանց խնդրանքը։
Եղան նաև անհատական նվիրատվություններ։
Երգերը ուղեկցվում էին ուրախ շուրջպարերով։
Ալմելոյի Գալուստ Գյուլբեկյան սրահում նորից իշխում էր հայրենասիրության,  հայապահպանության, փոխադարձ սիրո և օգնության զգացումը։
Նման նախաձեռնություններն ու միջոցառումները ավելի են հզորացնում մեր ազգային միասնությունը ու բարեկամությունը։

Սվետլանա Անդրեսյան

Ավստրիայի հայերը ջերմությամբ են ընդունել վարչապետին

Վիեննայի «Բրիստոլ» հյուրանոցում Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը ընդլայնված կազմով` արտաքին գործերի նախարարներ Զոհրաբ Մնացականյանի և Էլմար Մամեդյարովի, ինչպես նաև ԵԱՀԿ Մինսկի խմբի համանախագահներ Իգոր Պոպովի (Ռուսաստան), Էնդրյու Շոֆերի (ԱՄՆ), Ստեֆան Վիսկոնտիի (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրչիկի մասնակցությամբ հանդիպում ունեցան: Հետո երկու երկրների ղեկավարները Լեռնային Ղարաբաղի հակամարտության կարգավորման շուրջ բանակցությունները շարունակեցին առանձնազրույցի ձևաչափով:
Այնուհետև քննարկմանը նորից միացան համանախագահները և արտգործնախարարները։ Ընդհանուր առմամբ, հանդիպումը տևեց շուրջ 3 ժամ: Հանդիպումն ու քննարկումները արդյունավետ են գնահատել համանախագահները: Հանդիպումից գոհ էր նաև Նիկոլ Փաշինյանը, նա այդ մասին հայտնեց Ավստրիայի հայ համայնքի հետ ունեցած, դեսպանատանը կազմակերպված հանդիպման ընթացքում: Հետո նախագահը պատասխանել է համայնքի անդամների հարցերին: Հանդիպմանը ներկա էր մեր թղթակից Նարեկ Ղարիբյանը, որը լուսանկարներ է տրամադրել մեզ:

Լուսանկարները և տեսաերիզը` ՆԱՐԵԿ ՂԱՐԻԲՅԱՆԻ
(Նիդ.օրագրի համար)

Այժմ ներկայացնում ենք հանդիպման  պաշտոնական` ավելի մանրամասն տեսաերիզը :

Interview Üngör, Genocide onderzoeker 104-jarige herdenking Armeense Genocide

104-jarige herdenking Armeense Genocide

Nadat de Armeense genocide erkenning vorig jaar veel in de media was geweest, zijn wij een interview reeks gestart om alle onduidelijkheden en vragen hier omheen uit te lichten. Nadat wij vorig jaar onze interviews deelden met Joël Voordewind van de ChristenUnie en met journalist Ebru Umar, zal de volgende gast nog meer van onze vragen beantwoorden.

Het derde interview in de reeks is met Uğur Üngör, historicus en professor in genocide studies. Wij vroegen hem naar alle feiten op het gebied van genocides en de ontkenningspolitiek die dit met zich mee brengt.

In de volgende aflevering is het tweede deel van het interview met professor Uğur Üngör te zien, dus houdt de pagina in de gaten.

Commissie Sirt

Մաստրիխտում լույս է տեսել 2017-2018թթ Տարեգիրքը

Մաստրիխտում լույս է տեսել 2017-2018թթ Տարեգիրքը: Գիրքը`17.50 եվրոյով արդեն հասանելի է 2019 թվականի մարտի 28-ից: Նման տարեգիրք հրատարակվում է արդեն 62 տարի և վստահություն է վայելում ընթերցողների լայն շրջանում: Այս տարվա տարեգիրքը աչքի է ընկնում ոչ միայն իր ձևավորմամբ, այլ նաև բովանդակությամբ և նյութի մատուցմամբ, ունի ընդգրկուն օրագիր, մշակութային ու այլ հետաքրքիր թեմաներով հոդվածներ, հարցազրույցներ: Չափազանց հետաքրքիր է, որ Մաստրիխտ քաղաքի գունապնակում իր տարեգիրքն է կերտում Մաստրիխտի հայ համայնքը: Խնդրեմ, այդ մասին ևս էջ է ներկայացված գրքում:
Կա լավ հոդված, որը վերաբերում է հայկական համայնքին եւ Maastricht եկեղեցուն:

Իսրայելահայերը «Տաք ձմեռ» ծրագրի շրջանակներում օգնում են գյումրեցիներին

Մեզ հետ  համագործակցող Իսրայելի հայ համայնքի «Իսրայելահայեր» թերթը վերստին` նոր ֆորմատով սկսել է հրատարակվել և իր  կազմակերպած ձեռնարկների մասին տեղեկացնել իր ընթերցողներին: Վերջերս իսրայելահայերի օգնությունը հասավ Գյումրի: 

Այդ մասին է պատմում կայքում հրապարակված «Տաք Ձմեռ» ծրագիրը շարունակվում է» վերնագրով հոդվածը

Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի ղեկավար Սեյրան Մարտիրոսյանն ու կամավորները շահառուների հետ

Հունվարին Պետախ Տիկվայի իսրայելահայերի «Նաիրի» միության կատարած հանգանակության ժամանակ, որին մասնակցեցին երկրի կենտրոնի մի շարք քաղաքների հայկական համայնքների ներկայացուցիչներ՝ հավաքվեց 3500 շեկել, որին միությունը ևս գումար ավելացրեց և խնդրեց միության հիմնադիր կազմի անդամ, ֆինանասկան հարցերի պատասխանատու Տիգրան Մամաջանյանին Հայաստան այցելության շրջանակներում հանգանակությունն ըստ նախնական պայմանավորվածության հանձնել  Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի ղեկավար Սեյրան Մարտիրոսյանին: Նպատակը մեկն էր՝ Գյումրիում շարունակել աջակցել ծայրահեղ աղքատ, տնակներում բնակվող բազմազավակ ընտանիքներին ու սոցիալապես խոցելի մյուս խավերին՝ ձմեռային վառելիքով ապահովելու և նրանց տնակները տաքացնելու և հոգսերը մեղմելու համար:

«Տաք Ձմեռ» ծրագիրն, որը մեկնարկել էր 4 տարի առաջ դեկտեմբերի 7 – ին՝ Սպիտակի երկրաշարժի անմեղ զոհերի հիշատակին նվիրված, Յաֆոյի Սուրբ Նիկողայոս վանքում կազմակերպված հոգեհանգստյան արարողությունից հետո դարձավ ավանդական ու եթե նախկինում հանգանակություններն ուղղվում էին զուտ վառելափայտ գնելուն ու խոցելի խավերին անվճար բաժանելուն, ապա այս անգամ որոշվեց վճարել սոցիալապես անապահով ընտանիքների էլեկտրաէներգիայի վարձավճարները՝ կանխիկ ձուրաքանչյուր ընտանիքի էլեկտրականության հաշվեհամարներին 20.000 դրամ փոխանցելու միջոցով:

Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղը Շիրակի թեմի սոցկենտրոնի հետ առաջին փուլում իրականացրել էին տունայցեր, վերցվել էին  սոցիալապես անապահով ընտանիքների հաշվեհամարներն ու այլ անհրաժեշտ տվյալներ։ Երկու շաբաթվա ընթացքում ցուցակների ճշգրտման աշխատանքների ավարտից հետո պարոն Մարտիրոսյանը «Նաիրի» միությանը ներկայացրեց ընդհանուր ցուցակն ու համատեղ որոշվեց իրականացնել արդեն ծրագրի երկրորդ փուլն, որի ժամանակ  բանկային տերմինալով կատարվել էին  բոլոր վճարումները, հրավիրվել էին շահառուներն և նրանց հանձնվել էին անդորրագրերի բնօրինակները՝ նշելով, թե ովքեր են բարերարները:

Պետախ Տիկվայի իսրայելահայերի «Նաիրի» միությունը իր խորին շնորհակալությունն է հայտնում հանգանակությանը մասնակցած բոլոր հայորդիներին ու առանձին նամակով նաև իր երախտագիտությունն է հայտնել Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի ղեկավար Սեյրան Մարտիրոսյանին ու նրա կամավորներին, ինչպես նաև ՀԱԵ Շիրակի թեմի սոցիալ-կրթական կենտրոնին ու մասնավորաբար սոցիալական բաժնի ղեկավար՝ Լուսիկ Մուրադյանին և սոցիալական աշխատող՝ Հռիփսիմե Պետրոսյանին։

Ընդհանուր առմամբ Իսրայելահայերի հանգանակությունների հաշվին 4 տարվա ընթացքում Գյումրի քաղաքի տնակներում բնակվող ծայրահեղ աղքատ, բազմազավակ, ծնողազուրկ ու սոցիալապես անապահով 143 ընտանիք, ավելի քան 570 մարդ օժանդակություն է ստացել «Տաք Ձմեռ» ծրագրի շրջանակներում: Աջակցություն է ցուցաբերվել նաև Գյումրիի հաշմանդամ երեխաներին:

«Նաիրի» միությունն այժմ քննարկում է օգնության փոխարեն քաղաքում փոքր բիզնեսի աջակցության ծրագիր նաև սկսել, քանի որ իրավիճակի փոփոխությամբ պայմանավորված աշխատանքներ է պետք տանել մարդկանց «Տնակային պահանջողական» հոգեբանության վերացման ու աշխատանք առաջարկելու կամ սկսնակ փոքրիկ բիզնեսին խրախաուսելու միջոցով՝ մարդկանց առօրյա աշխատանքին վերադարձնելու անհրաժեշտության հետ կապված:

Արտյոմ Չերնամորյան

«Իսրայելահայեր»

March 28, 2019

Գրենոբլ քաղաքի «Հայկական մշակույթի տունը» կրկին նախաձեռնել է «Արի պարի քոչարին»

Գրենոբլ քաղաքի (Ֆրանսիա) «Հայկական մշակույթի տունը» ս.թ. մայիսի 25-ին` արդեն երկրորդ անգամ կազմակերպում է համահայկական նախաձեռնություն` «Արի պարի քոչարի»:

Այն այս տարի նվիրված է մեծանուն հայ կոմպոզիտոր Կոմիտասի և ամենայն հայոց բանաստեղծ Հովհաննես Թումանյանի 150-ամյա հոբելյաններին, որոնք ընդգրկված են Հռչակավոր մարդկանց և կարևոր իրադարձությունների հոբելյանների ՅՈՒՆԵՍԿՕ-ի 2018-19թթ. օրացույցում:

Նշյալ ֆլեշմոբին հնարավորինս ընդգրկուն մասնակցությունը կնպաստի քոչարիի` որպես ՅՈՒՆԵՍԿՕ-ի մարդկության ներկայացուցչական ցանկում ընդգրկված ոչ նյութական մշակութային արժեքի հանրահռչակմանը:

Արի պարի քոչարի 2019 նախաձեռնության մանրամասներին կարելի է ծանոթանալ հիշյալ կայք էջերից .

https://www.facebook.com/aripariqochari/

http://www.aripariqochari.com/

«Նիդերլանդական օրագիրը» ևս այս մասին հանդես կգա պարբերաբար տեղեկատվությամբ:

Հիշեցնում ենք, որՆիդերլանդների հայ համայնքը անցյալ տարի ևս ըստ արժանվույն էր պատրաստվել «Արի պարի քոչարի» խորագրով շարժմանը: Նիդերլանդներից ֆլեշբոմին լավ էին պատրաստվել և ներկայացան Նայմեխեն քաղաքի «Միացյալ հայերը հոլանդիայում» կազմակերպության պարախումբը, Հաագա քաղաքի «Աբովյան» մշակութային միության պարախումբը, «Կարոտ» պարախումբը, Ալմելոյի հայկական կիրակնօրյա դպրոցի ու «Զարթոնք» պարային համույթը, Մաստրիխտի «Անի» համայնքի , նաև նորաստեղծ Դեն Բոսի «ՈՒրարտու» պարի խմբերը:

Գագիկ Գինոսյանի ԿԱՐԻՆ խմբի «Կարնո Քոչարին» պարի կատարումը ` Նիդերլանդներում.

«Ցանկանում ենք Հայրենիքում մե´րը ստեղծել». հայրենադարձ Էլլադա Ալավերդյան

ՄԱՄՈՒԼ-ՀԱՄԱԳՈՐԾԱԿՑՈՒԹՅՈՒՆ

__________________________________

«Հայերն այսօր»-ի զրուցակիցն Էլլադա Ալավերդյանն է, որն ընտանիքի հետ վերջերս է հայրենադարձվել Բելգիայից:

– Էլլադա, ի՞նչ գործունեությամբ եք Բելգիայում:

– Բելգիայում ես և ամուսինս աշխատել ենք միջազգային կազմակերպությունում: Ամուսինս վաճառքի պատասխանատու էր, ես` հաշվապահ: Միաժամանակ ստեղծել էինք հայկական կազմակերպություն, որի հիմնական գործունեությունը համայնքային ակտիվ շփումները պահպանելն էր: Սկեսուր մայրիկս, որը 30 տարվա մանկավարժական փորձ ունի, քաղաքում ստեղծել էր հայկական դպրոց, որտեղ մենք ևս ակտիվ աշխատանքներ էինք տանում: Վերջերս կազմակերպեցինք նաև Հովհաննես Դավթյանի «Stand up» շոուն:

-Ո՞ր քաղաքում եք բնակվել, և ինչքանո՞վ էր ակտիվ հայկական համայնքը:

– Բնակվել ենք Բրյուսելից 5-10կմ հեռավորության վրա՝ Ֆլամանդական գոտում գտնվող Ասսե քաղաքում: Սկզբնական շրջանում հայկական ընտանիքներ շատ չկային, սակայն հետագայում հայերի թիվը շատացավ: Ներկայումս գործում է հայկական նոր կիրակնօրյա դպրոց` նոր կազմակերպիչների գլխավորությամբ:

–Ի՞նչը Ձեզ վերադարձրեց Հայրենիք:

– Հայրենիք վերադարձը պայմանավորված էր մի շարք պատճառներով: Ամուսին ու ես ցանկացանք, որ մեր երեխաների մանկությունը և ապագան լինի միայն Հայաստանում: Մյուս պատճառն այն է, որ ամուսիններով ցանկանում ենք մեր Հայրենիքում մերը ստեղծել` մեկտեղելով եվրոպական կրթությունը, տարիների փորձը, ինչպես նաև կապերն ու ինֆորմացիոն բազան: Իսկ անցած գարնանը Հայաստանում տեղի ունեցած փոփոխությունները մեզ համար մեծ շարժառիթ էին. թողնել ամեն ինչ և վերադառնալ Հայաստան: Գիտակցում ենք, որ այս քայլը շատ ռիսկային է, բայց եթե մոտ 100 ընտանիք մեզ նման  մտածի և վերադառնա, շատ բան կփոխվի:

-Գիտենք, որ ընդամենը մի քանի օր առաջ եք հայրենադարձվել, ինչի՞ց սկսեցիք Ձեր առաջինքայլերը:

–  Առաջին օրերին փորձում էինք հարմարվել այն մտքին, որ արդեն Հայաստանում ենք, և սա է մեր Հայրենիքը: Հանդիպեցինք մեր ընկերներին, հարազատներին և ծանոթներին: Ներկայումս ուսումնասիրում ենք տեղի բիզնես ոլորտը, քանի որ թե՛ ամուսինս, թե՛ ես, պլանավորում ենք մեր անհատական բիզնեսները ստեղծել Հայաստանում:

-Կա՞ն ուրվագծված պլաններ, թե ինչ գործունեություն պետք է ծավալեք Հայաստանում:

– Բնականաբար, կան ծրագրեր, որոնք կապված են հիմնականում այն ոլորտների հետ, որոնք մեզ համար մասնագիտականն են: Կարծում եմ՝ կօգտագործենք լեզվի իմացությունն ու կապերը`եվրոպական շուկան այստեղ ընդլայնելու նպատակով:

 – Հետաքրքրիր է երեխաների արձագանքը, ինչպե՞ս են զգում իրենց Մայր հայրենիքում:

– Երեխաներիս բախտը բերել է այդ առումով, նրանք գրեթե ամեն տարի ամռանն այցելել են Հայաստան: Երբ խոսեցինք վերադառնալու մասին՝ շատ հուզվել էին, որ պետք է բնակվեն Հայաստանում: Նրան հիմնական խնդիրը հայերենի ոչ լավ իմացությունն է, բայց հիմա լրացնում են այդ բացը: Հուսանք, որ պետությունը կաջակցի այս հարցում: Առհասարակ, կարծում եմ, որ հայրենադարձների համար առաջնային խնդիրը սկզբնական փուլում առողջ ինտեգրումն է:

– Ինչպե՞ս կմեկնաբանեք Հայաստանը` սփյուռքահայի աչքերով…

– Իմ կարծիքով, բոլոր սփյուռքահայերը ձգտում են Հայաստան վերադառնալ՝ անկախ բնակվելու վայրից և կարգավիճակից, թեկուզ երբեմն հակառակն են պնդում`կապված ինչ-ինչ խնդիրներից: Համեմատելով եվրոպական համակարգի հետ` կարող եմ ասել, որ պրոֆեսիոնալ կադրերի և կազմակերպչական վերափոխումների կարիք կա: Հուսով ենք՝ կարճ ժամանակում կտեսնեք մեր երազանքների Հայաստանը:

Սևադա Սաֆարյան