The Netherlands Diary/Նիդ.օրագիր

The Netherlands Diary/Նիդ.օրագիր
The Netherlands Diary

Friday, 17 July 2020

Նիդերլանդներում Ադրբեջանի դեսպանի «Diplomat Magazine»-ում փչած փուչիկը պայթեց





Բազմապրոֆիլային առումով վիճակն աննախադեպ է Ադրբեջանում: Վերջերս էր «Diplomat Magazine» նիդերլանդական հանդեսը ամբիոն էր տրամադրել Նիդերլանդներում Ադրբեջանի դեսպան Ֆիքրեթ Ախունդովին, որն հոդված էր ներկայացրել Ադրբեջանի բազմամշակութային հանդուրժողականության մասին` դրա մեջ ներգրավելով նաև իբր այնտեղ ապրող հայերի նկատմամբ հանդուրժողականությունը: Այս հոդվածում ցնդաբանության բաժնեմասը այնքան աննախադեպ էր, որ պատեհ էլ չէր մեր դեսպանությունը դրան անրադառնար, բայց և չուշացավ նույն հանդեսում արտակարգ և լիազոր դեսպան Տիգրան Բալայանի այլ ձևաչափով արված, զուգահեռ հստակ ուղերձը` հանդուրժողականության ու ժողովրդավարության մասին, որի իրական արժեքների կրողը այսօրվա ինքնիշխան ու ազատ Արցախն է, և ոչ թե բռնատիրական Ադրբեջանը:
(հոդվածն այստեղ` https://niderlandakan.livejournal.com/377103.html

Իսկ անմիջական ու հստակ հակահարված Ադրբեջանի դեսպան Ֆիքրեթ Ախունդովին տվեցին հայ օգտատերերը Այս հղման մեկնաբանություններում դա անշուշտ տեսանելի է: Խնդրեմ.
https://www.facebook.com/DiplomatMagazineTheHague/posts/2890863284326927
«Նիդերլանդական օրագիրն» էլ անգլերեն լեզվով հանդես եկավ իր ընթերցողների բերած հակափաստարկներով, որը կազմել էր Արցախի թղթ. Նաիրա Գասպարյանը:
(Այս հղումն էլ այստեղ`https://www.nidoragir.com/…/azerbaijan-as-brilliant-model-o…
 )
Այստեղ հետաքրքրականն ու զավեշտալին այն էր, որ «Diplomat Magazine»-ը իր ֆեյսբուքյան էջում տեղադրել էր «Նիդերլանդական օրագրի» պատասխանը , որը մերկացնում էր իր իսկ հանդեսում հրապարակած Ադրբեջանի դեսպանի փաստերը: Մեր հոդված-պատասխանում կցվել էին Ադրբեջանի տարածքում ոչնչացված ու անհետացած Հայկական մշակութային արժեքները: Աննախադեպը այն էր, որ «Diplomat Magazine» Ֆեյսբուքի իր կայքում տեղադրում է միայն ու միայն իրենց հանդեսում հրապարակված հոդվածները: Այս դեպքում բացառիկը «Diplomat Magazine»-ի էջում տեղադրած ու մեր էջ տանող հղումն էր: Այլ խոսքով` սա ներկայացվում էր Ադրբեջանի դեսպանի ուշադրությանը: Մի քանի օր շարունակ «Diplomat Magazine»-ի ֆեյսբուքյան էջում ուղիղ հղում էր արված մեր հոդվածին:
Մեր փոքրիկ ¨հաղթանակը'' կայանում է նրանում, որ «Diplomat Magazine»-ի աշխատակազմն իրենք համոզվեցին, որ լրիվ ծրագրով մերկացվել է իրենց հոդվածագրի սուտը, նման կերպ վարվելով իրազեկեցին Ադրբեջանի դեսպանին, որն արդեն իր հոդվածի հրապարակումով, առաջին իսկ րոպեներից հայտնվել էր անհարմար վիճակում ու նման վիճակի մեջ գցել թերթին: Իհարկե մախաթը պարկում չես թաքցնի: «Diplomat Magazine»-ը իր հերթին Ադրբեջանի դեսպանին ակնհայտ ցույց տվեց, որ սուտ փաստերով հոդված թխելը կարող է բախվել պարզ ճշմարտությանը: Հետաքրքիր է հաջորդ անգամ ինչ երեսով ու ինչ թեմայով պետք է դեսպան Ֆիքրեթ Ախունդովը հոդված տրամադրի Նիդերլանդներում հավատարմագրված դեսպանների աշխատանքը լուսաբանող «Diplomat Magazine» հանդեսին:
Ասենք ինչի հետևից ենք ընկել, դեսպանը, եթե ամոթ ունենար կարմրած կլիներ, մանավանդ ասում են շեֆի` Մամեդյարովի վիճակն էլ վիճակ չէ: Կրտսեր Ալիևն էլ է դժգոհ` թե վերջինիս, թե ռազմական ղեկավարության, և թե երկրի վիճակից: Թեև մեծ ախորժակ ունեն ու ամեն անգամ փորձում են Երևանը կպցնել Բաքվի քարտեզին, բայց այս անգամ բումերանգն այլ բանի ԿՊԱՎ` մի ՉԹՈ-ի, որը պարզվեց մոտ 30 մլն դոլար արժողությա անօդաչու սարք է: Նավթադոլարներն էլ մի կողմից են մսխվում:
Գործերը լավ չեն:
Nid.oragir

No comments:

Post a comment