ԿԱԼԿԱԹԱՅԻ ՀԱՅՈՑ ՄԱՐԴԱՍԻՐԱԿԱՆ ՃԵՄԱՐԱՆԸ 203 ՏԱՐԵԿԱՆ Է

 

Կալկաթայից Նիդ.օրագրի համար

Տարվույս ապրիլի 2-ին Կալկաթայի Հայոց մարդասիրական ճեմարանում մեծ շուքով  տոնախմբվեց հաստատության հիմնադրման 203-րդ տարեդարձը։ 

Միջոցառումն սկսվեց Տերունական աղոթքով, որից հետո հնչեցին Հայաստանի և Հնդկաստանի պետական օրհներգերն ու ճեմարանի հիմնը։ Միջոցառմանը ներկա էին բարձրաստիճան հյուրեր, պետական ու հոգևոր այրեր։  Միջոցառման սկիզբն ազդարարվեց  «Վերջին զանգի» արարողությամբ, քանզի այն նաև ճեմարանի 10-րդ դասարանցիների ավարտական երեկոն էր։ 

Շնորհավորական խոսքով հանդես եկան ճեմարանի տնօրեն տիկին Դեբանջալի Չոուդհուրին և կառավարիչ Տ․ Տաճատ վարդապետ Ծատուրյանը։

Հայր Սուրբն իր  ելույթում շնորհակալություն հայտնեց Ն.Ս.Օ.Տ.Տ. Գարեգին Բ․ Ծայրագույն Պատրիարք և Ամենայն Հայոց Կաթողիկոսին, որի անմիջական հոգածությամբ ճեմարանը ցայսօր  գործում ու փթթում է։ Դիմելով սաներին՝ Հայր Սուրբը հորդորեց առավելագույնս օգտվել ճեմարանի կողմից նրանց ընձեռած հնարավորություններից և միշտ հիշել, որ բարձրորակ կրթությունն ավելի լավ կյանքով ապրելու և երազանքներին հասնելու գրավականն է, նաև  կրթության հետ մեկտեղ կարևոր է վերցնել այն հոգևոր ու բարոյական արժեքները, որ աշակերտներին տալիս է Հայ Առաքելական Սուրբ եկեղեցին։ 

Մայր կրթօջախին իրենց շնորհակալական խոսքն ասացին նաև ճեմարանի շրջանավարտները`  խորին երախտագիտություն հայտնելով  կրթօջախի տեսչական  և ուսուցչական աշխատակազմին՝ մեծ սիրո ու նվիրվածության համար։

Միջոցառումը համեմված էր գեղարվեստական համարներով` հայկական ու հնդկական ազգային երգ ու պարով, փոքրիկ մանրապատումներով։ Դահլիճում թևածում էր կոմիտասյան ու եկմալյանական դյութիչ երաժշտությունը։ Իսկ բեմը թնդում էր «Շորոր», «Ալաշկերտի քոչարի», «Ֆնջան» ու  «Խաչքար պարերից։

Այնուհետև Ճեմարանի տեսչության կողմից տեղի ունեցավ ամենամյա պարգևատրման  արարողությունը` գերազանց առաջադիմությամբ աչքի ընկած սաների, ապա որոշ ուսուցիչների` իրենց տքնաջան ու անմնացորդ նվիրումի համար։

Միջոցառման ավարտին հյուրերը հիացան նաև ճեմարանի սաների ձեռքի աշխատանքների ու նկարների ցուցահանդեսով։

Շնորհավոր հիմնադրմանդ օրը, սիրելի ճեմարան(ACPA)

Happy Founders day Armenian College and Philanthropic Academy.

ԼԻԱՆԱ ՓԻՐՈւՄՅԱՆ

Հայրենադարձ բանաստեղծուհի Մարիաննա Շահպարոնյանի նոր նախաձեռնությունը

Հայրենադարձ բանաստեղծուհի  Մարիաննա Շահպարոնյանը հանդես է եկել հանրային գործունեության նոր ծրագրերով․ մեկնարկել է «Դեպի Հայաստան» համահայկական հասարակական կազմակերպության աշխատանքները։ 

Մարիաննա Շահպարոնյանը ասուլիսում ներկայացրել է հասարակական կազմակերպության առաքելությունն ու գործունեության ուղղությունները։ 

1.Ազգային համախմբման, հայրենասիրության և հայրենադարձության խրախուսում

2.Հայաստան-Սփյուռք

հարաբերությունների զարգացում և ամրապնդում

3.Հայաստանաբնակ և աշխարհասփյուռ հայության միավորումը ազգային արժեքների շուրջ։

4. Մարդու իրավունքների պաշտպանություն, մասնավորապես՝ կանանց իրավունքների

«Հայաստան-սփյուռք» հարաբերությունների զարգացման ճանապարհին կան բազմաթիվ անելիքներ, մենք ունենք հստակ  տեսլական  և մշակված ծրագրեր, ինչպես նաև ռազմավարություն այդ հարաբերությունների որակի բարձրացման և զարգացման հարցում:

Առաջնահերթությունը տրվելու է կրթական և մշակութային ծրագրերի իրականացմանը, հայոց լեզվի պահպանման ուղղված միջոցառումներին։ Ուզում եմ նշել նաև, որ մեր կազմակերպության նպատակներից մեկն է նաև՝ սփյուռքի տարբեր գաղթօջախների միջև ամուր կապեր և շփման խողովակներ ստեղծելը, որպեսզի մեր գործունեությունները լինեն համակարգված և համախմբված աշխարհով մեկ-,ասում է «Դեպի Հայաստան»  համահայկական հասարակական կազմակերպության հիմնադիր տնօրենը։

«Դեպի Հայաստան» համահայկական հասարակական  կազմակերպությունը ստեղծվել է, որպեսզի առաջ տարվեն հայանպաստ նորմատիվները և համախմբում բերվի մեր հասարակություն։

Մարիաննա Շահպարոնյանի խորին համոզմամբ պետք է ինստիտուցիոնալ կերպով ուղորդվեն Հայաստան-Սփյուռք հարաբերությունները։

Անշուշտ պետք է հաշվի առնել, որ սփյուռքը տարբեր է և բազմաշերտ,իրենց նվաճումներով և խնդիրներով հանդերձ»-,ասում է նա։ 

«Դեպի Հայաստան» համահայկական հասարակական  կազմակերպությունը իր առաքելությունը իրականացնելիս ակնկալում է աջակցություն, ինչպես սփյուռքում բնակվող հայրենակիցներից, այնպես էլ Հայաստանում։ Կլինի դա աջակցություն կամավորական աշխատանքի վրա հիմնված թե ֆինանսական։

 Ցանկացած անհատ կամ կազմակերպություն կարող է ֆինանսական աջակցություն տրամադրել և դրանով սատարել հասարակական կազմակերպության  գործունեությանը։

 Եզրափակելով խոսքը` հիմնադիր տնօրենը իր երախտագիտությունը հայտնեց հայկական սփյուռքին մեր հայրենիքի բարգավաճման գործում անմնացորդ նվիրումի համար

-Միասին մենք կշարունակենք կառուցել կամուրջներ և բարձր պահել մեր սուրբ եռագույնը, անկախ նրանից, թե աշխարհի որ կողմում ենք բնակվում-, ասաց Մարիաննա Շահպարոնյանը:

Երան Կույումջյանի գրքերի շնորհանդեսը

 

Երևանի Իսահակյանի անվան գրադարանի շենքում տեղի  ունեցավ կիպրահայ  «Ազատ խոսք» թերթի հիմնադիր֊խմբագիր, գրող, հրապարակախոս Երան Կույումջյանի գրքերի շնորհանդեսը։  Նա այն քիչ հայուհիներից է, ով հսկայական դերակատարում ունի երիտասարդության հայեցի դաստիարակման գործում` շնորհիվ իր նվիրյալ գործունեության։

Երանի ստեղծագործությունները տոգորված են հայրենիքի ու մարդու նկատմամբ սիրով, ապագայի նկատմամբ հավատով ։ Նա  մասնիկն է հայրենիքի ու ապրում է նրա էներգիայով, որի շնորհիվ կլանքը գեղեցիկ  երանգ է  ստանում  ու շրջապատ սփռում դրական լիցքեր։ Երան Կույումջյանի գրիչը նրա զենքն է, որ սիրով է գործադրում  հանուն Հայրենիքին։  Երբեք անտարբեր չի եղել Հայաստանի իրադարձություններին և հայի դարավոր ցավերին։

Վերլուծությունները  հայտնի հրապարակախոս Ռուզան Ասատրյանի կողմից նոր հնչեղություն հաղորդեցին Երան Կույումջյանի  գործունեությանը։

Երանի համար ամենաբարձր արժեքներն իր հայրենիքն ու ժողովուրդն են, անգամ հայրենիքից հեռու ապրելը չի խանգարում նրան գործել ու ստեղծագործել  հայրենիքում ապրող նաև ամբողջ սփյուռքով սփռված  իր ժողովրդի  համար ։

Իհարկե առանց Հայոց երգի  հնարավոր չէր լինի այս ցերեկույթը ու հայոց ազատ խոսքը փոխանցվեց Արսեն Համբարյանի հուժկու  թնդացող գեղեցիկ երգով։ 

Նիդ օրագրի համար` Նաիրա Գասպարյան

ՀԱՅԱՍՏԱՆՅԱՆ ՀԱՅԱՑՔ ԴԵՊԻ ՄԱՐՍ

 

(c)OeWF/vog.photo

«AMADE 24» ՄԱՐՏԻ 5 ԻՑ - ԱՊՐԻԼԻ 5

Ավարտին են մոտենում «AMADEE-24» Մարսի անալոգային հետազոտական առաքելության աշխատանքները, որոնք սկսվել են մարտի 12-ին, երբ մարսագնացների մասնակցությամբ և ռոբոտատեխնիկայի կիրառմամբ 6 անալոգային տիեզերագնացներ ձեռնամուխ եղան Արարատի մարզում գտնվող «Մարսյան կայանում» իրենց առաքելության իրականացմանը։ Լիակատար մեկուսացման պայմաններում աշխատախումբը սկսեց պատրաստվել Մարսի հետախուզական ծրագրին, բնականաբար, ռոբոտային համագործակցությամբ։ 

Վերջին տարիներին Հայկական լեռնաշխարհը, որն իր խորքերում ունի բազում առեղծվածներ և միշտ եղել է աշխարհի հետազոտողների հետաքրքրության կիզակետում, այսօր հայտնվել է նոր իրականության շրջանակում։ Ընդամենը մի քանի տարի առաջ էր, որ համացանցում գրավիչ լուրեր էին պտտվում քվանտային անցման շուրջ, անգամ տեսաերիզներ հայտնվեցին։ ՀԱՅԱՍՏԱՆԸ ԱՇԽԱՐՀՈՒՄ  ԲԱԶՄԱԹԻՎ ՏԵՍԱՆԿՅՈՒՆՆԵՐԻՑ ՄԻՇՏ ԱՌԱՋՆԱՅԻՆ ՀԵՏԱՔՐՔՐՈՒԹՅՈՒՆ Է ՆԵՐԿԱՅԱՑՐԵԼ ՏԻԵԶԵՐՔԻ ՀԵՏ ԿԱՊԻ ԱՌՈՒՄՈՎ։ ԱՆԳԱՄ ՀԱՄԱՇԽԱՐՀԱՅԻՆ ՄՏԱՎՈՐ ՆԵՐՈՒԺԸ ՍԿՍԵՑ ԴԻՏԱՐԿԵԼ ԱՅՆ ՎԱՐԿԱԾԸ, ՈՐ ՀԱՅԱՍՏԱՆԻՑ Է ՍԿՍՎՈՒՄ  ՈՉ ՄԻԱՅՆ ԴԵՊԻ ՆՈՐ ՋՐՀՈՍԻ ԴԱՐԱՇՐՋԱՆ ՏԵՂԱՇԱՐԺԸ, ԱՅԼև ՔՎԱՆՏԱՅԻՆ ԱՆՑՈՒՄԸ։ Գուցե թե հենց հայոց լեռնային ռելիեֆն է պատճառը, կամ էլ թե Աստծուն չափազանց մոտ գտնվելու համոզմունքը, որ հայաստանյան լեռները նմանվում են մարսյան լեռնային ռելիեֆին։ Հետաքրքրական է, որ փորձարկումները ընդգրկում են ոչ միայն տարածքի փորձանմուշների հետազոտություն, այլև տիեզերական բավականին ծանր ու թանկարժեք վերնահագուստի կիրառական արդյունավետության խնդրի դիտարկում, քանի որ այն  կրելով չափազանց դժվար է աշխատելը, սակայն հանգստի ժամանակ առաքելության մասնակիցներին հաջողվում է վերականգնել ուժերը և շարունակել իրենց վստահված աշխատանքը մեծագույն պատասխանատվությամբ։ Ապրիլի 5-ին արդեն հնարավոր կլինի հարցազրույցների միջոցով բավարարել Նիդերլանդական Օրագրի բազմահազար ընթերցողների և երկրպագուների հետաքրքրասիրությունը փորձարկումների ընթացքի ու ձեռքբերումների ինչպես նաև էքստրեմալ պայմաններում աշխատող էնտուզիաստ անձնակազմի որպիսության մասին։ Հիշեցնենք, որ առաքելության աշխատանքները կազմակերպել են «Հայկական աերոտիեզերական գործակալությունը» և «Հայկական տիեզերական ֆորումը»․ կառավարումն իրականացվում է «Ավստրիական տիեզերական ֆորումի» կողմից։ 

Ինչևէ, հետազոտությունները կատարված են լիակատար մեկուսացման պայմաններում։ Հետևեք մեր նորություններին և բացահայտումներին։

Փորձարկումները, ենթադրվում են, կբռնեն ժամանակի քննությունը։ 

Find the English text below.

The work of the “AMADEE-24” Mars Analog Mission is coming to an end. It began on March 12, when 6 analog astronauts, with the participation of Mars rovers and the use of robotics, embarked on the implementation of their mission at the “Mars Station” in Ararat region of Armenia. Being in the condition of complete isolation, the working team began to prepare for the Mars exploration program, naturally, in robotic cooperation. 

In recent years, the Armenian Highlands, which has many mysteries in its depths and has always been the focus of interest of the world’s researchers, today appeared in the framework of a new reality. It was only a few years ago that fascinating rumors about quantum transitions were circulating on the Internet, and even videos appeared. ARMENIA HAS ALWAYS PRESENTED PRIMARY INTEREST IN CONNECTION WITH SPACE FROM MULTIPLE VIEWPOINTS IN THE WORLD. EVEN THE GLOBAL INTELLECTUAL POWERS BEGAN TO CONSIDER THE HYPOTHESIS THAT NOT ONLY THE MOVEMENT TOWARDS THE NEW AGE OF AQUARIUS, BUT ALSO THE QUANTUM TRANSITION STARTS FROM ARMENIA. Maybe the Armenian mountain surface is the reason, or the belief of being too close to God, that the Armenian mountains resemble the mountain ranges on Mars.

It is interesting that the investigations include not only the study of test samples in the area, but also the consideration of the problem of practical effectiveness of the rather heavy and expensive outer space suit, because it is extremely difficult to work while wearing it, but during rest hours the mission participants manage to recover their strength and continue their entrusted work to the greatest extent. with responsibility. On April 5, it will be possible to satisfy the curiosity of thousands of readers and fans of the Netherlands Diary about the success of the experiments and the findings, as well as about the wellbeing of the enthusiastic team activity in extreme conditions, through interviews.

Note that the mission was organized by “Armenian Aerospace Agency” and “Armenian Space Forum”, and management is carried out by the “Austrian Space Forum”.

However, the investigation was carried out in complete isolation. The research results are supposed to stand the test of time.

Follow our coming news and discoveries.

Զատիկին հաջորդող երկու օրը գիտական քննարկումների օրեր են եղել շենքային պայմաններում։ 

Իսկ ինչո՞վ են զբաղվելու անալոգ տիեզերագնացները հաջորդ օրերին մինչև առաքելության ավարտը։ 

Ավարտին են հասցվել ներսում կատարվող ուսումնասիրությունները։ Դեռևս շարունակվելու են նախապատրաստական աշխատանքները, փորձանմուշառության հետ կապված և ռոբոտների հետ աշխատանքի առումով։ Այդ աշխատանների ավարտից հետո գիտախումբը դուրս կգա մեկուսացումից և տեղի կունենա հանդիպում։ Բոլորն էլ գիտեն , որ Հայաստանում անհամբերությամբ են սպասում այդ հանդիպման, բոլորն էլ ցանկանում են տեսնել թե գիտախմբի անդամները ինչ տեսք ունեն։ 

Իսկ ինչպե՞ս են առաքելության անդամները, ինչպիսի՞ն է նրանց ինքնազգացողությունը։ 

-Ինքնազգացողությունը հրաշալի է աշխատանքի տարբեր փուլերի ընթացքում տեղաշարժվելիս երգում են, տրամադրությունը հրաշալի է։ Վերջին փուլն է արդեն, բարձր մոտիվացիա կա, երբ քո գիտական աշխատանքը հաջող ընթացք ունի ավելի բարձր տրամադրություն չես կարող չունենալ։ Որքան մոտենում են ավարտին այնքան ավելի դժվար է, սակայն երբ տեսնում ես հաջողությամբ ես գործդ արել, ամեն բան իր տեղն է ընկնում։ Բոլորն էլ եռանդով են կատարում իրենց գիտական ուսումնասիրությունը և նաև շատ են հուզվում, որ արդեն կավարտեն գործը։ 

Լրատվական կենտրոնին հետաքրքրում է թե արդյո՞ք հնարավոր է ինչ որ-բան լսել արդեն ավարտված փորձերի մասին։ 

-100 տոկոսով ավարտված փորձը կենդանի փորձն է, որը բիոռեակտոր փորձն է արհեստական բանականության օգնությամբ։ Մյուս ավարտված փորձը գեոպատրաստությանն է առնչվում։  Փորձանմուշ է վերցված ժայռաշերտային բեկորից միկրոմետրային տարածքում, որոնք այնուհետև ուսումնասիրվում են մանրադիտակով։ Սակայն եթե հետաքրքրությունը այդ փորձերի նկատմամբ ավելի մեծ է, տեղեկացվում է, որ լինելու է աշխատանքային գիտական հանդիպում՝ workshop, բայց վերլուծությունները և քննարկումները կտևեն  դեռ վեց ամիս։ Նշվում է նաև, որ շատ փորձեր դեռ նոր են սկսվում, քանի որ առաքելության աշխատանքի մի մասն էր փորձանմուշների հավաքագրումը, իսկ ուսումնասիրությունները հետո են լինելու, այնպես որ ցանկացողները ժամանակ կունենան ծանոթանալու։ Աշխատանքի արդյունքում կան հավաքված տվյալները, որոնդ դեռ մանրամասն ուսումնասիրության և վերլուծության կարիք ունեն։ Մոտավորապես դեռ մինչև հոկտեմբեր կտևեն ուսումնասիրությունները, ապա գիտական աշխատանքային սեմինարի ընթացքում կներկայացվեն։ Գիտությունը հսկայական նյութ ունի դեռ վերլուծելու։ Որոշ արդյունքներ առաջիկայում կներկայացվեն, կքննարկվեն։ Իհարկե հետաքրքրական պատմություններ շատ կան, որոնց անդրադարձ կլինի։ Այս թիմի հետ շատ հետաքրքիր է, այն խնդիր լուծող առաքելություն ունի և կարողանում է հրաշալի աշխատել, բայց չպետք է թաքցվի նաև, որ եղել են չնախատեսված խնդիրներ, որոնց անդրադարձ կարվի։ Իրոք երջանկություն է նման թիմի մաս լինելը։ Գիտությունը շահում է․․ Մանրամասների համար կարող եք միանալ մեր սոցիալականմեդիայի հարթակին։

Նաիրա Գասպարյան,  բ․գ․թ․, ԵՊՀ դոցենտ

«Նիդերլանդական Օրագրի» համար

Հաագայում էին հայ ուսանողները

 

 «Armenia. Path to European values» նախագիծը, որն հավանության էր արժանացել 2023 թվականի Էրասմուս+ ծրագրի շրջանակներում հնարավորություն տվեց Հայաստանի խոշոր բուհերից` նաև  գործընկեր «International Relations Development» կազմակերպությունից մի խումբ 2024 թվականի մարտի 18-ից մարտի 27-ը այցելել Նիդերլանդների  Հաագա քաղաք:

Այցի նպատակն էր հանդիպել Նիդերլանդներում գործող հասարակական կազմակերպությունների, ուսանողական ակտիվիստների հետ` քննարկելու երիտասարդության դերն ու 

նրանց մասնակցությունը տարբեր գործընթացներին,  եվրոպական արժեքների համամարդկային նշանակությունը, դրանց տարածումը Եվրոպական երկրներում ու նրա սահմաններից  դուրս: Ծրագրին մասնակցելու համար հնարավորինս

 ընտրվել էին արժանի ուսանողներ,   նամակներ էր ուղարկել երկրի խոշոր բուհերի ռեկտորներին ուսանողների փոխանակման միջազգային այս  ծրագրի համար ընտրելու համապատասխան պատրաստություն ստացած ուսանողներ:

Ծրագրի ընթացքում խումբը հետաքրքիր  հանդիպումներ ու այցելություններ ունեցավ կրթական ու գիտական  հաստատություններ, այցելեցին մշակութային վայրեր, եղան երկրի խորհրդարանում: Տպավորիչ էր հանդիպումը հայկական Աբովյան մշակութային միությունում, այդ մասին «Նիդերլանդական օրագիրն» արդեն հայտնել է: այստեղ նրանք հանդիպեցին ու լուսանկարվեցին միության ակտիվի հետ: Սպասված հանդիպմանն էր շտապել ASV Gladzor  նիդերլանդահայ ուսանողական խորհրդի անդամները:  Վերջիններս կիսվեցին իրենց փորձով, ծանոթացան Հայաստանից եկած իրենց ուսանող ընկերների հետ,  ունեցան ջերմ ու անմիջական զրույց: 

Միջոցառման սպասված հյուրն էր Նիդերլանդներում Հայաստանի Հանրապետության արտակարգ և լիազոր դեսպան Վիկտոր Բիյագովը:

Հայաստանից ժամանած ուսանողների խումբը վառ ու  անջնջելի տպավորությամբ վերադարձավ Հայաստան:

Հայ ուսանողների խումբն հետևյալ այցելություններն է ունեցել:

1․ Meeting with Geert Ates Director of "Stichting UNITED"- subject - What do we mean by European values? - Creating a social portrait of a “typical young man” from Armenia and the Netherlands. Differences and similarities   

2․ Meeting with Clingendael experts on EAP countries Mr. Wouter Zweers and Mr. Tony van der Togt - subject  - The EaP program, . The Comprehensive & Enhanced Partnership Agreement between the European Union & Armenia (CEPA) 

3․ Non formal meeting with Leiden University students 

4․ Visit to the International Criminal Court (ICC) 

5․ Visit to Bibliothèque Den Haag 

6.Visit to the Dutch Parliament 

7․ Meeting with the Ambassador of the Republic of Armenia

to the Kingdom of the Netherlands Mr. Viktor BIYAGOV at the "Abovyan" Armenian cultural centre in the Hague "

Armenian students were in The Hague․

 "Armenia. The "Path to European values" project, which was approved within the framework of the 2023 Erasmus+ program, enabled a group from the major universities of Armenia, as well as the partner "International Relations Development" organization, to visit The Hague in the Netherlands from March 18 to March 27, 2024.

The purpose of the visit was to meet with non-governmental organizations operating in the Netherlands, student activists to discuss the role of youth and

their participation in various processes, universal significance of European values, their spread in European countries and beyond its borders.

To participate in the program as much as possible meritorious students were selected, letters were sent  to the chancellors of the country's major universities to select appropriately trained students for this international student exchange program.

During the program, the group had interesting meetings and visits to educational and scientific institutions, they visited cultural places, visited the parliament of the country. The meeting at the Armenian Abovyan Cultural Union was impressive, "The Netherlands Diary" has already reported about that. Here they met and took a photo with the active member of the union.

The expected guest of the event was Viktor Biyagov, Ambassador Extraordinary and Plenipotentiary of the Republic of Armenia to the Netherlands.

The group of students from Armenia returned to Armenia with a bright and indelible impression.

The group of Armenian students participated in the following :

1․ Meeting with Geert Ates Director of "Stichting UNITED"- subject - What do we mean by European values? - Creating a social portrait of a “typical young man” from Armenia and the Netherlands. Differences and similarities   

2․ Meeting with Clingendael experts on EAP countries Mr. Wouter Zweers and Mr. Tony van der Togt - subject  - The EaP program, . The Comprehensive & Enhanced Partnership Agreement between the European Union & Armenia (CEPA) 

3․ Non formal meeting with Leiden University students 

4․ Visit to the International Criminal Court (ICC) 

5․ Visit to Bibliothèque Den Haag 

6.Visit to the Dutch Parliament 

7․ Meeting with the Ambassador of the Republic of Armenia

to the Kingdom of the Netherlands Mr. Viktor BIYAGOV at the "Abovyan" Armenian cultural centre in the Hague "

Այսօր Ապրիլի մեկն է

Նոր սերունդը անմասն է մնացել հայկական ռադիոյի  հումորային ու սրամիտ պատմություններին, երբ հաճախ անհնարին իրավիճակներում ռադիոն կարողացել է  իրավիճակներից դուրս գալ ։ Ուրեմն այսպես. Հաղորդավարն ասում է` խոսում է Երևանը ու դրանից հետո ոչ մի խոսք ու ծպտուն, հավանաբար ինչ որ խափանում է լինում։ Լռության մեջ անցնում է մի հինգ րոպե,  հետո նույն ձայնը` դուք լսեցիք հաղորդում խուլերի ու համրերի համար ։

«Հայկական ռադիոն» բացահայտել է անբացահայտելին`

 «Կապիտալիզմի ժամանակ մարդն է շահագործում մարդուն, իսկ սոցիալիզմի ժամանակ՝ ընդհակառակը»:

Դրանից հետո ռադիոկայանը դառնում է բազմաթիվ անեկդոտների նյութ,  երբ Մոսկվայում Ռադիոյի և հեռուստատեսության աշխատողների համամիութենական խորհրդակցության ժամանակ հայտարարվում է՝ «խոսքը տրվում է հայկական ռադիոյի ներկայացուցչին», ողջ դահլիճը ծիծաղից պայթում է, զեկուցողը երկար ժամանակ չի կարողանում սկսել իր ելույթը: Իսկ երբ վերջապես դահլիճը խաղաղվում է, նա իր ելույթը սկսում է հետևյալ խոսքերով՝ «Մեզ հաճախ հարցնում են…»: Դրանից հետո նիստն այլևս անհնարին է դառնում շարունակել:

Եվ այսպես, Հայկական ռադիոյին հարցնում են.

– Ե՞րբ լավ կլինի:

- Արդեն եղել է:

*

– Ո՞ւմ հետ է սահմանակցում Խորհրդային Միությունը:

- Ում հետ ուզում է, նրա հետ էլ սահմանակցում է:

*

- Ճի՞շտ է, որ շախմատիստ Պետրոսյանը խաղարկությամբ տարել է 1000 ռուբլի:

- Ճիշտ է, ուղղակի ոչ թե շախմատիստ Պետրոսյանը, այլ «Արարատի» ֆուտբոլիստ Հակոբյանը, և ոչ թե հազար, այլ տասը հազար, և ոչ թե խաղարկությանը, այլ քարտ խաղալիս, և ոչ թե տարել է, այլ տարվել:

*

 - Ո՞րն է աշխարհի ամենագեղեցիկ քաղաքը:

- Իհարկե, Երևանը:

- Իսկ ի՞նչ կլինի, եթե Երևանի վրա ատոմային ռումբ ընկնի:

- Բաքուն էլ է գեղեցիկ քաղաք:

*

-  Ո՞րն է աշխարհի ամենախելացի ազգը:

-  Շնորհակալություն հաճոյախոսության համար:

*

-  Հնարավո՞ր է, արդյոք, կոմունիզմը տեղափոխել Փարիզ:

- Հնարավոր է, բայց մեղք են:

*

- Ինչո՞ւ այլևս Հայկական ռադիոն չի գործում:

- Աշխատանքից ազատվել է այն հրեան, ով պատասխաններն էր գրում:

*

- Հնարավո՞ր է ապրել միայն աշխատավարձով:

- Չգիտենք, չենք փորձել:

*

- Ինչո՞ւ է աքաղաղն այդքան շատ երգում:

- Որովհետև ունի տասը կին և ոչ մի զոքանչ:

*

- Կարելի՞ է զոքանչին սրբիչով սպանել:

- Կարելի է, եթե սրբիչի մեջ արդուկ է փաթաթված:

*

- Ի՞նչ անել, եթե վագրը հարձակվել է զոքանչի վրա:

- Ինքն է հարձակվել, թող ինքն էլ պաշտպանվի:

*

- Ի՞նչ կլինի, եթե խաչասերեն փայտոջիլներին լուսատտիկների հետ:

- Էլեկտրաֆիկացման հաստ ցանց ողջ երկրով մեկ:

*

-  Ի՞նչ բան է դիետան:

- Դիետան այն է, երբ քաղցից մեռնում ես մի քիչ ավելի երկար ապրելու նպատակով:

*

- Կարելի՞ է բաց պատուհանով քնել:

 - Կարելի է, բայց լավ է կնոջ հետ:

*

- Կարելի՞ է ինքնաեռը դնել բարձի տակ:

- Իհարկ է կարելի է: Իմ իրն է, ուր կուզեմ, այնտեղ էլ կդնեմ:

*

- Ովքե՞ր են հեռու ազգականները:

- Դրանք ամենալավ ազգականներն են, և ինչքան հեռու, այնքան լավ:

*

 - Ինչո՞ւ միս չկա:

- Որովհետև խոզերը մարդ են դարձել, կովերը սպաների հետ են ամուսնացել, ոչխարները դիսերտացիա են պաշտպանել, իսկ հավերն էլ ծիծաղից սատկել են:

*

- Ո՞վ է դիվանագետը:

- Այն տղամարդը, ով կարող է համոզել կնոջը, որ մուշտակը նրան գիրացնում է:

*

- Ինչո՞ւ Ալեն Դալասը իր բոլոր գործակալներին հետախուզությունից քշեց:

-Որովհետև նրանք այդպես էլ չկարողացան իմանալ, թե որտե՞ղ է ապրում կուզկինի մայրը, ո՞ր հաճախականությամբ է հեռարձակվում հայկական ռադիոն և ինչո՞վ է զբաղվում ԴՈՍԱԱՖ-ը:

*

- Ճի՞շտ է, որ հանճարեղությունը հիվանդություն է:

- Այո, հիվանդություն է, սակայն շատ հազվադեպ հանդիպող է և բոլորովին վարակիչ չէ:

*

- Ի՞նչ անել, եթե ուզում ես աշխատել:

- Պառկիր և ամեն ինչ կանցնի:

*

-Ինչպե՞ս անել, որպեսզի հեռուստացույցով հեռարձակվող ռուսական լուրերը ոչնչով չտարբերվեն ուկրաինականից:

-Անջատե՛ք ձայնը:

*

-Ու՞մ կարելի է համարել իսկական ընկեր:

-Այն մարդուն, ում կարող ես թողնել քո տանը, մինչ դու մնացած հյուրերին ճանապարհում ես:

*

-Ի՞նչ նմանություն կա կանանց և կոկորդիլոսների միջև:

-Արցունքները:

-Իսկ ո՞րն է տարբերություը:

-Կանայք ավելի վտանգավոր են:

*

-Ե՞րբ աշխարհում կտիրի սով:

-Երբ չինացիները սկսեն պատառաքաղով ուտել:

*

-Ո՞ր ազգն է ամենախելացին:

-Շնորհակալություն հաճոյախոսության համար:

*

-Ի՞նչ է կրկեսը:

-Մի տեղ է, որտեղ կենդանիները իրենց մարդկանց պես են պահում, իսկ մարդիկ իրենց պահում են կապիկների պես:

*

-Կարո՞ղ է վեց վոլտանոց մարտկոցը սպանել մարդուն:

-Այո, եթե այն պահարանից ընկնի մարդու վրա:

*

Կիևից մի ունկնդիր մեզ հարցնում է՝ արդյո՞ք գիտենք, թե ինչպես ինքնասպան եղավ ռուս բանաստեղծ Մայակովսկին։ Մենք պատասխանում ենք, որ չգիտենք, բայց նրա վերջին խոսքերն էին. «Մի՛ կրակեք, ընկերնե՛ր»։

*

Հարց Ռադիո Երևանին.

Որո՞նք էին Յուրի Գագարինի առաջին խոսքերը, երբ վերադարձավ տիեզերքից։

Պատասխան.

Գագարինի առաջին խոսքերն էին. «Որտե՞ղ է այն հիմարը, որն ինձ խոստացել էր, թե սա դեպի Փարիզ տանող ինքնաթիռն է»։

*

Հայկական ռադիոյին հարցնում են.

-Ի՞նչ անի գեր կինը նիհարելու համար:

-Թող օղ պտտի իրանի շուրջը:

-Իսկ եթե այնքան գեր է, որ չի մտնում օղի մեջ:

Մեջ է մտնում թուրքական ռադիոն:

-Ձեր ցավը տանեմ գեղեցկությունը մի փչացրեք:

*

Հայկական ռադիոյին հարցնում են. - Թե բա ինչի՞ց եք անընդհատ դժգոհ։ Ամեն անգամ Ռուսաստանը ձեզ փրկում է: Հայկական ռադիոն պատասխանում է. - Կլինի՞ մի անգամ էլ այ տենց Ադրբեջանին փրկեն։ Թե չէ մեր տարածքներն արդեն վերջանում են 

*

Հայկական ռադիոյին հարցնում են.

- Էդ ճի՞շտ ա, որ Մոսկվայի Կարմիր հրապարակում մեքենա են տալիս:

Հայկական ռադիոն պատասխանում ա.

- Հա, բայց Մոսկվայում չի, Մինսկում ա, մեքենա չի, հեծանիվ ա, չեն տալիս, պիտի վերցնես:

*

Հայկական ռադիոյին հարցնում են.

-Հնարավո՞ր է կառուցել սոցիալիզմ մեկ առանձին երկրում:

Հայկական ռադիոն պատասխանում է.

-Հնարավոր է կառուցել սոցիալիզմ մի երկրում, բայց ստիպված կլինես ապրել մեկ ուրիշում:

*

հ-ռ ին հարցնում են. ի՞նչ անել երբ երազ ենք տեսնում օտար լեզվով, իսկ օտար լեզու չգիտենք պատասխանում է` պետք է քնել թարգմանչուհու հետ:

*

Մի առիթով էլ հ-ռ- ին

հարցնում են. Նշանավոր մարդկանց վերջին խոսքերը հրատարակել եք, բա ձեր հերոս Հունան Ավետիսյանի վերջին խոսքը որն է եղել:

-Դե որ շատ եք ուզում կպատասխանենք, ասել է` ես բռթողի մերը:

Առավել, քան լուրջ

Ապրիլի 1-ին Նիդերլանդական օրագրի բաժանորդների թիվը հատեց 36.000-ը, իսկ ընթերցողների բանակն անցնում է միլիոնից։ Բոլորիդ առողջություն, գարնանային տրամադրություն, մեր երկրին էլ խաղաղություն ու փայլուն ապագա։ Հատված Հանրապետության հրապարակից։ Գծանկար` Լևոն Լաճիկյանի

Հիսուս Քրիստոսի հրաշափառ Հարության տոնը. Զատիկ

 

Հիսուս Քրիստոսի հրաշափառ Հարության տոնը կոչվում է նաև Զատիկ, որը նշանակում է զատում, բաժանում, հեռացում մեղքերից և վերադարձ առ Աստված: Զատիկը Հայ Առաքելական Ս. Եկեղեցու 5 տաղավար տոներից մեկն է: Այս տարի այն նշվում է մարտի 31-ին։

Մեծ պահքը մեկնարկել է փետրվարի 12-ին։

Հիսուս Քրիստոսի խաչելությունից և մահից հետո` երեկոյան, բարեպաշտ մարդիկ Նրա մարմինը իջեցրին խաչից և դրեցին վիմափոր գերեզմանի մեջ՝ փակելով մեծ քարով: Երեք օր հետո` կիրակի առավոտյան, յուղաբեր կանայք` Մարիամ Մագդաղենացին, Հակոբի մայր Մարիամը և Սողոմեն, գնացին գերեզման՝ անուշաբույր յուղերով օծելու Քրիստոսի մարմինը, սակայն զարմանքով տեսան, որ քարայրի մուտքի քարը հեռացված է, իսկ գերեզմանը` թափուր: Մինչ նրանք տարակուսում էին, երևացին երկու հրեշտակ և ասացին. «Ինչո՞ւ եք ողջին մեռելների մեջ փնտրում: Այստեղ չէ, այլ Հարություն առավ» (Ղուկ. 24:5-6): Հարության լուրը կանայք ավետեցին առաքյալներին, որից հետո Հիսուսը երևաց նրանց: Քրիստոսի Հարությունը դարձավ քրիստոնեական վարդապետության և հավատի հիմքը:

«Եթե մեռելների հարություն չկա, ապա և Քրիստոս հարություն չի առել: Եվ եթե Քրիստոս Հարություն չի առել, իզուր է մեր քարոզությունը, իզուր է և ձեր հավատը» (Ա Կորնթ. 15:13-14):

Ս. Հարության տոնի նախընթաց երեկոյան եկեղեցիներում մատուցվում է Ճրագալույցի Ս. Պատարագ, որով սկսվում են զատկական տոնակատարությունները: Առավոտյան եկեղեցիներում կատարվում է ժամերգություն, Անդաստանի արարողություն, ապա մատուցվում տոնական Ս. Պատարագ: Ս. Հարության տոնին հավատացյալները միմյանց ողջունում են «Քրիստոս Յարեաւ ի մեռելոց» ավետիսով, պատասխանում՝ «Օրհնեալ է Յարութիւնն Քրիստոսի»:

Զատկի տոնին հավատացյալները ձու են ներկում: Ներկված ձուն համարվում է Հարության և նոր կյանքի խորհրդանիշ: Կարմիր գույնը խորհրդանշում է խաչյալ Հիսուսի կենդանարար արյունը, որ թափվեց մարդկության փրկության համար: Ըստ Ս. Գրիգոր Տաթևացու՝ «Միայն Զատկին ենք ձու ներկում, որովհետև ձուն օրինակ է աշխարհի», և ինչպես իմաստուններն են ասում. «Դրսի կեղևը նման է երկնքին, թաղանթը՝ օդին, սպիտակուցը՝ ջրին, դեղնուցն էլ երկիրն է: Իսկ կարմիր գույնը խորհրդանշում է Քրիստոսի արյունը: Եվ մենք կարմիր ձուն մեր ձեռքերի մեջ առնելով` հռչակում ենք մեր փրկությունը»:

Հիսուս Քրիստոսի հրաշափառ Հարության տոնը Հայ Եկեղեցին նշում է հիսուն օր շարունակ՝ մինչև Հոգեգալստյան տոն (Պենտեկոստե): Այս ընթացքը կոչվում է Հինանց շրջան կամ Հինունք, որը ծագում է «հիսունք» բառից:

Հինանց շրջանի քառասուն օրերը Հարուցյալ Քրիստոսի՝ աշակերտներին երևալու և Աստծո արքայության մասին վկայություններ տալու հիշատակությունն են (Գործք 1:3), իսկ վերջին տասն օրերը նվիրված են Քրիստոսի Համբարձմանը:

Հինանց շրջանը ավարտվում է Հոգեգալստյան տոնով: Համբարձումից տասն օր հետո, ըստ Քրիստոսի խոստման, առաքյալների վրա իջավ Աստծո Ս. Հոգին, և զորացած առաքյալները վկայեցին Քրիստոսին ամբողջ աշխարհով:

ՔՐԻՍՏՈՍ ՅԱՐԵԱՒ Ի ՄԵՌԵԼՈՑ:

ՕՐՀՆԵԱԼ Է ՅԱՐՈՒԹԻՒՆՆ ՔՐԻՍՏՈՍԻ:

Հիսուս Քրիստոսի հրաշափառ Հարության տոն։ Արարողություն  Նիդերլանդների Ալմելո քաղաքի Հայ Առաքելական Եկեղեցում (ուղիղ)։

Նիդերլանդների հայկական եկեղեցիներում նշվեց Ավագ Հինգշաբթին։ Երեկոյան եկեղեցիներում կատարվեց  Խավարման կարգ, որը Քրիստոսի մատնության և չարչարանքների հիշատակն է: Այս արարողությունը վերաբերում է Ավագ Ուրբաթի խորհրդին, սակայն կատարվում է Ավագ Հինգշաբթի երեկոյան, քանի որ, ըստ եկեղեցական օրացույցի, հաջորդ օրը սկսվում է նախորդ օրվա երեկոյան ժամերգությունից հետո:

Խավարման արարողության սկզբում վարագույրով ծածկված խորանի կենտրոնում դրվում են տասներկու մեծ մոմեր և մեկ մեծ մոմ կենտրոնում: Տասներկու մոմերը խորհրդանշում են Քրիստոսի տասներկու աշակերտներին, իսկ կենտրոնի մոմը՝ Հիսուս Քրիստոսին: Մոմերից տասնմեկը սպիտակ են ու վառված, տասներկուրորդը՝ սև և անվառ, որը խորհրդանշում է մատնիչ Հուդային: Արարողության մասնակիցները ունկնդրում են Ավետարանից յոթ ընթերցումներ, որոնք բովանդակում են Գեթսեմանիի պարտեզում Քրիստոսի աղոթքը, Հուդայի մատնությունը, Հիսուսի հանձնումն ամբոխին, ձերբակալությունը, չարչարանքները, խաչելությունը, մահը, Պետրոսի երեք անգամ ուրացությունն ու զղջումը: Առաջին ընթերցումից հետո եկեղեցականներից մեկը մարում է միայն ձախ կողմի առաջին մոմը, իսկ զուգահեռ մյուս՝ Հուդայի սև մոմն անվառ է: Մյուս ընթերցումներից հետո հաջորդական կերպով մարում են մոմերը ձախ և աջ կողմերից: Վերջին ընթերցվածի ավարտին եկեղեցին մնում է մթության մեջ, մարում են եկեղեցու բոլոր լույսերը: Միայն Հիսուսին խորհրդանշող մոմն է շարունակվում վառվել: Այս արարողությունը խորհրդանշում է աշակերտների կողմից Տիրոջ լքելը և քահանայապետերի և դպիրների ձեռքը մատնվելը: Մթության մեջ հնչում է զղջման ու ապաշխարության «Տեր ողորմեա»-ն և «Ո՞ւր ես, մայր իմ» մեղեդին: Երգից հետո քարոզ է ասվում, որին հաջորդում է «Փառք ի բարձունս»-ը, այնուհետև լույսերը վառվում են: Եկեղեցին լուսավորելը խորհրդանշում է, որ մեր Տիրոջ չարչարանքներն ու խաչելությունն մեր փրկության և լուսավորության համար էին:

Կազմեց` Կարինե Սուգիկյանը

Հետաքրքիր հանդիպում Հաագայի «Աբովյան» մշակութային կենտրոնում

 

Ս.թ. մարտի 26-ին Հաագայի «Աբովյան» մշակութային միության կենտրոնում հյուրընկալվեցին 20-ից ավելի հայ երիտասարդ Հայաստանից, ինչպես նաև մի քանի երիտասարդ Նիդերլանդներից, որոնք հանդիպեցին Նիդերլանդներում ՀՀ դեսպան Ն.Գ. պարոն Վիկտոր Բիյագովի հետ։

Հայաստանից ժամանած այս խանդավառ երիտասարդները Նիդերլանդներում էին գտնվում հատուկ պատվիրակության կազմում մասնակցելու Էրազմուս+ Երիտասարդական փոխանակման ծրագրին, որը կազմակերպել էր Stitching Respect International – West-East Bridges հաստատությունը:

Մարտի 18-ից 27-ը նրանք գտնվում էին Հաագայում և կարողացան ծանոթանալ նիդերլանդների մշակութային և հասարակական կյանքի հետ։ Նրանք հանդիպեցին հոլանդացիների հետ իրականացնելոով փոխանակումներ և բովանդակալից երկխոսություն իրենց հոլանդացի հասակակիցների հետ՝ հիմք դնելով կայուն կապերի և փոխըմբռնման։

«Աբովյան» մշակութային կենտրոնում կազմակերպված հանդիպման ժամանակ երիտասարդ մասնակիցների և դեսպան Բիյագովի միջև տեղի ունեցավ հետաքրքիր բուռն քննարկումներ և մտքերի արդյունավետ փոխանակում։

Exciting Exchange at Abovian Cultural Centre!

On March 26th, the Abovian Cultural Centre in The Hague was graced with the presence of more than 20 young individuals from Armenia, along with their peers from the Netherlands, who had the honor of meeting H.E. Mr. Viktor Biyagov, the Ambassador of Armenia in the Netherlands.

These enthusiastic youths, hailing from Armenia, were part of a special delegation participating in the Youth Exchange program of Erasmus+, expertly coordinated by the Stitching Respect International – West-East Bridges Foundation.

During their stay in The Hague from March 18th to March 27th, 2024, they immersed themselves in cultural exchanges and meaningful dialogues, laying the groundwork for lasting connections and understanding.

The meeting at Abovian Centre culminated in a fruitful exchange of views between the young participants and Ambassador Biyagov, enriching both parties with diverse perspectives and insights.

Mato HAKHVERDIAN

Ծխական խորհրդի ժողով և Ծաղկազարդի տոն Մաստրիխտի Սուրբ Կարապետ եկեղեցում

Անցած շաբաթ,  Արևմտյան Եվրոպայի Հայրապետական Պատվիրակ Գերշ. Տ. Խաժակ Արք. Պարսամյանն այցելեց Նիդերլանդների Մաստրիխտ քաղաքի Սուրբ Կարապետ եկեղեցին։ 

—————

Սրբազան Հոր բարձր հովանու ներքո Ծխական Խորհրդի հետ կայացան երկու կարևոր ժողովներ, որոնց ընթացքին քննարկվեցին Ծխական կանոնադրության մշակման, եկեղեցու հոգևոր հովիվ Տ. Աստվածատուր քհն. Սարգսյանի նշանակման և հետագա հովվական ծառայությանը Սուրբ Կարապետ եկեղեցում։ 

Ժողովներն սկսվեցին աղոթքով և ընթացան ջերմ և կառուցողական քննարկումների մթնոլորտում։ Ժողովների ավարտին Սրբազան Հայրը «Պահպանիչ» աղոթքով օրհնեց ժողովականներին՝ մաղթելով հաջողություն ձեռնարկված կարևորագույն աշխատանքներին։ 

Հաջորդ օրը՝ Ծաղկազարդի տոնին Սուրբ Կարապետ եկեղեցում մատուցվեց եպիսկոպոսական Սուրբ Պատարագ, որի ընթացքին պատարագիչ Խաժակ Սրբազանը հավատավոր ժողովրդին ներկայացրեց Տեր Աստվածատուր քահանային, որպես Սուրբ Կարապետ եկեղեցու հոգևոր հովիվ՝ վստահություն հայտնելով, որ հոգևոր հովվի հետ միասին եկեղեցու հավատավոր համայնքը պիտի զորանա և ծաղկի։

Պատարագի ավարտին՝ մանուկների օրհնության կարգով օրհնվեցին և Սրբազան Հոր կողմից փոքրիկ նվերներ ստացան եկեղեցում ներկա բոլոր մանուկները, ովքեր խոստում տվեցին, որ տարիներ անց՝ արդեն ծնողներ դարձած, իրենց զավակներին պիտի բերեն եկեղեցի՝ ստանալու Աստծո օրհնությունը։

Ի վերջո կատարվեց նաև Հայ եկեղեցու ամենախորհրդավոր արարողություններից մեկը՝ Դռնբացեքի կարգը, որի ընթացքին, որպես Երկնային Արքայության դռան խորհրդանիշ, բացվեց եկեղեցու վարագույրը՝ ազդարարելով մուտքը դեպի Ավագ Շաբաթ։

Տեր Աստվածատուր քահանա Սարգսյանը նշանակում է ստացել Մաստրիխտի Սբ Կարապետ եկեղեցում

Նորանշանակ հոգևոր հովիվը հետևյալ ուղերձն է հղել իր հավատարիմ հոտին։

«Ողջույն Մաստրիխտ,

Ես՝ Տեր Աստվածատուր քհն. Սարգսյանս, Աստծո կամոք և բարձր տնօրինությամբ Արևմտյան Եվրոպայի Հայրապետական Պատվիրակ Գերաշնորհ Տ. Խաժակ արք. Պարսամյանի, նշանակված եմ հոգևոր ծառայությունս բերելու Մաստրիխտի Սուրբ Կարապետ եկեղեցում, որպես Մաստրիխտի և Լիմբուրգի շրջանի հոգևոր հովիվ։ Լինելով քահանայի որդի և մանկուց ի վեր դպրական ծառայությունը բերելով Հայաստանում՝ Ջրվեժ և Առինջ գյուղերի եկեղեցիներում ի վերջո քայլերը ինձ տարան դեպի Գևորգյան Հոգևոր Ճեմարան։ Ճեմարանում 6 տարի ուսանելով և 2016 թվականին այն ավարտելով, մոտ 3 տարի ծառայությունս եմ բերել Մայր Աթոռ Սուրբ Էջմիածնի Դիվանատանը։ Աստվածային նախախնամությամբ 2018 թվականի հոկտեմբերի 7-ին Գերաշնորհ Տ. Առաքել արք. Քարամյանի ձեռամբ օծվեցի քահանա և անվանվեցի Տեր Աստվածատուր։ Նույն թվականին Նորին Սուրբ Օծություն Տ․ Տ. Գարեգին Բ Ամենայն Հայոց կաթողիկոսի կողմից նշանակում ստացա՝ ծառայելու Արևմտյան Եվրոպայի Հայրապետական Պատվիրակությունում՝ ընդ իշխանությամբ Պատվիրակ Գերաշնորհ Տ. Խաժակ արք. Պարսամյանի։ Ի վերջո Եվրոպա մուտքի արտոնագիր ստանալուց հետո ահա սկսում եմ իմ ծառայությունը Մաստրիխտի Սուրբ Կարապետ եկեղեցում՝ պատրաստակամ ծառայելու տեղի հայության հոգևոր և ազգային պետքերին։ Վստահ եմ, որ Աստծո կամոք և օրհնությամբ հայ համայնքի հետ միասին պիտի ընթանանք առաջ, որպես Հայ Ժողովրդի և Հայ Առաքելական Սուրբ Եկեղեցու ճշմարիտ զավակներ՝ զորացնելու և գալիք սերունդներին ավանդելու մեր մաքուր հավատքը և մեր գեղեցիկ մշակույթը։

Սիրով պիտի սպասեմ բոլորիդ՝ կիրակնօրյա Սուրբ Պատարագներին, ազգային-եկեղեցական տոնախմբություններին, առաջիկայում նախատեսվող տարատեսակ միջոցառումներին, ինչպես նաև անհատական հանդիպումներին»։

Եկեղեցու հասցեն է Potterieplein 50, Maastricht

Իմ հեռախոսահամարն է +31 6 27 866 299

-----

Նիդերլանդական օրագիրը հաջողություն և հոգևոր արգասաբեր գործունեություն  է մաղթում արժանապատիվ տեր հորը` նիդերլանդահայերին ծառայելու իր հաստատակամության համար։

Զարեհ Սինանյանը ներկայացրել է 2023 թ. գրասենյակի կատարած աշխատանքները

 

22.03.2024

Սփյուռքի գործերի գլխավոր հանձնակատարը ներկայացրել է 2023 թ. գրասենյակի կատարած աշխատանքները

2023 թվականի հունիսի 1-ից գրասենյակը Երեւանում բացել է Հայրենադարձության եւ ինտեգրման առաջին կենտրոնը՝ «Հ. Հովնանյան ընտանեկան հիմնադրամի» հետ համագործակցությամբ: Կենտրոնը հայրենադարձներին տրամադրում է անհատական ծառայությունների լայն շրջանակ՝ իրականացնելով հայրենադարձների ինտեգրմանն ուղղված միջոցառումներ: Մանրամասն ներկայացնելով 2023 թվականին կատարված աշխատանքները` ասել է Սփյուռքի գործերի գլխավոր հանձնակատար Զարեհ Սինանյանը:

«ՀՀ կառավարության ծրագրի (2021-2026 թթ.) 2023 թվականի կատարման ընթացքի եւ արդյունքների մասին» զեկույցը քննարկվել է ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի՝ մարտի 22-ի արտահերթ նիստում:

Զարեհ Սինանյանը նշել է, որ 2023 թվականի օգոստոսի 1-3-ը Երեւանում կազմակերպվել է Ազգային երիտասարդական համաժողով, որին մասնակցել է 600-ից ավելի երիտասարդ աշխարհի 50 երկրից եւ 100-ից ավելի բանախոս` 15 երկրից: Համաժողովի մասնակիցները տարբեր ձեւաչափերով քննարկել են հայրենադարձությանը, ազգային անվտանգությանը, կրթությանը, հայկական շահերի պաշտպանությանը վերաբերող հարցեր:

Հիմնական զեկուցողը կարեւորել է հոկտեմբերի 27-29-ը կայացած Հայ իրավաբանների համագումարը, որին մասնակցել է 250 հայ իրավաբան 30-ից ավելի երկրից: Քննարկվել են Սփյուռքի իրավաբանական համայնքի դերը ՀՀ օրենսդրական բարեփոխումներին աջակցելու գործում հարցը, ԼՂ հիմնախնդիրը եւ հետպատերազմյան իրավական գործընթացները, հայ ժողովրդի անվտանգության ապահովման իրավական մեխանիզմները եւ հայ իրավաբանների համահայկական ցանցի ստեղծման հեռանկարները:

Սփյուռքի գործերի գլխավոր հանձնակատարի ներկայացմամբ Համահայկական խաղերի համաշխարհային կոմիտեն 2023 թվականի օգոստոսի 5-19-ը Հայաստանում կազմակերպել է Համահայկական 8-րդ խաղերը, որոնց մասնակցել է 41 երկրի 181 քաղաքի 7.161 մարզիկ:

Խոսելով ««իԳործ» սփյուռքահայ մասնագետների ներգրավում ՀՀ պետական կառավարման համակարգում» ծրագրի մասին՝ բանախոսը նշել է, որ միջոցառման շրջանակում 2022-2023 թվականներին 50 սփյուռքահայ մասնագետ ներգրավվել է ՀՀ պետական կառավարման համակարգի 23 կառույցում: Միջոցառման մասնակիցների մոտ 70 տոկոսը մնացել է Հայաստանում՝ մշտական աշխատանքի անցնելով պետական կառույցներում եւ մասնավոր հատվածում: Իսկ «Քայլ դեպի տուն» ծրագրով նախատեսված միջոցառումների շրջանակում հունիս-օգոստոս ամիսներին կազմակերպվել է 13-18 տարեկան սփյուռքահայ պատանիների համար նախատեսված ուսումնաճանաչողական ծրագիր, որը ներառել է 13-օրյա ճամբարային ծրագիր, հայոց լեզվի դասընթացներ, հայրենագիտության դասեր, մշակութային միջոցառումներ եւ այցեր: Ճամբարային ծրագիրն իրականացվել է Բյուրականում, որին 6 փուլով մասնակցել է 600 երեխա՝ 25 երկրից:

Զարեհ Սինանյանն անդրադարձել է նաեւ «Սփյուռքի երիտասարդ դեսպան», «ԴիասՊրո» մասնագիտական կամավորական, Վրաստանի հայալեզու լրատվամիջոցների ամենամյա ծրագրերը՝ ներկայացնելով կատարված աշխատանքները:

Ըստ հիմնական զեկուցողի՝ 2021 թվականին «Հանրային ծառայության մասին» օրենքում կատարված փոփոխությունների արդյունքում Սփյուռքի գործերի գլխավոր հանձնակատարն օտարերկրյա պետություններում կարող է ունենալ Սփյուռքի գործերի հանձնակատարներ՝ հասարակական հիմունքներով նշանակված խորհրդականի կարգավիճակով: Պատրաստվել է պոտենցիալ թեկնածուների ցանկ` ըստ աշխարհագրական սփռվածության, որի հիման վրա 2024 թվականին նախատեսվում են մի քանի տասնյակ նշանակումներ: Սփյուռքի գործերի հանձնակատարի ինստիտուտի ներդրմամբ կընդլայնվեն գրասենյակի ցանցային կարողությունները:

Մշակվել են «Հայրենադարձության մասին» օրենքի եւ «Հայաստան-Սփյուռք գործակցության 2024-2030 թվականների ռազմավարության» նախագծերը:

Հաշվետու տարում ՀՀ սփյուռքի գործերի գլխավոր հանձնակատարն այցելել է 13 երկրի՝ ԱՄՆ-ի, Ֆրանսիայի, Սիրիայի, Լիբանանի, Ռուսաստանի, Կիպրոսի, Լեհաստանի, Իսպանիայի, Գերմանիայի, Բելգիայի, Նիդերլանդների, Մեծ Բրիտանիայի եւ Ուկրաինայի 39 տարբեր քաղաքների հայ համայնքներ: Այցերի շրջանակում իրականացվել է ավելի քան 178 միջոցառում:

Սփյուռքի գործերի գլխավոր հանձնակատարը պատասխանել է պատգամավորների հարցերին՝ անդրադառնալով արեւմտահայերենի պահպանմանը՝ որպես մշակույթի, ինքնության անբաժան մաս:

Համերգ, որ խոր հետք թողեց հանդիսատեսի սրտում

Մեր ընթերցողներին տեղեկացրեցինք մարտի 9-ին կայանալիք գեղեցիկ ու հուզիչ այս համերգային ծրագրի մասին: 

Մարտի 9-ին Ամստերդամի Prinsengracht-ի De Duif եկեղեցական սրահում գեղեցիկ ու հուզիչ համերգային ծրագիր մատուցեցին մեր հայրենակիցները՝  հայտնի թավջութակահար Սևակ Ավանեսյանը, խոստումնալից սոպրանո՝ Միլենա Բեգլարյանը և դաշնակահար՝ Աննա Եդիգարյանը: Համերգային ծրագրում տեղ էին գտել Բախի, Գյորգի Լիգետի, Տոմազո Ալբինոնի, Գասպար Կասադոի,Կոմիտասի, Աշոտ Սաթյանի ստեղծագործությունները, հնչեցին նաև շարականներ և ժողովրդական երգեր: Ամստերդյան այս համերգը նվիրված էր Արցախին ու նրա հերոսներին: Արցախ, որ 44 օր շարունակ հերոսական ոգով մարտնչեց անհավասար պատերազմում: Չնայած կորսված հայրենիքին Արցախն ու արցախցին ոգով ու հերոսությամբ մնացին անպարտ, մեր հազարավոր հայորդիներն անմահացան մարտի դաշտում: Արցախի այս ցավն ու տխրությունը, մեր հերոսների համառ ոգին ու անկոտրում կամքը արտացոլված էր երաժիշտների կատարումներում, այն մասին, թե ինչպես 120.000 մարդ դիմացավ սովին իննամսյա շրջափակման ընթացքում, ինչպես ի վերջո ստիպված եղան լքել իրենց երկիրը, ընդհանուր ուղերձն այն էր, որ չնայած անհաջողություններին, տուն վերադառնալու հավատը կա և մնում է:

 Գեղեցկությունն ու սարսափը բախվում են այս հուզիչ համերգին, որտեղ արտիստներն իրոք օգտագործեցին իրենց երաժշտական ​​տաղանդը՝   ներկայացնելով Արցախի պատմության և պայքարի մասին, որը հարգանքի տուրք է  նրա ժողովրդի տոկունությանը և խիզախությանը: Հարկ է հիշեցնել, որ տաղանդավոր Սևակ Ավանեսյանը իր հնամենի գործիքով 2020թ. Արցախյան 44-օրյա պատերազմի ժամանակ Շուշիի հրետակոծված Սբ. Ամենափրկիչ Ղազանչեցոց եկեղեցում կատարել է Կոմիտասի «Կռունկ» ստեղծագործությունը, որի տեսանյութը տարածվեց ամբողջ աշխարհում:

Ամստերդամյան այս բեմի համերգը ևս ստացվեց ու ծառայեց իր նպատակին: Հանդիսատեսը մաս դարձավ երաժիշտների հույզերին ու ապրումներին,  հոտնկայս երկար ծափահարությունները կատարված աշխատանքի գնահատանքն էր:

Համերգը կազմակերպել էր Hayinvicta  կազմակերպությունը Stichting Sint Grigor Narekatsi հիմնադրամի հետ համատեղ։

Համերգային ծրագրի բեմելից հետո, մեր թղթակից Մարիամ Կիրակոսյանը զրուցեց Սևակ Ավանեսյանի, Միլենա Բեգլարյանի և համերգի  կազմակերպիչներից մեկի, HayInvicta  կազմակերպության տնօրեն  Հայկ Ասլանյանի հետ:

 Սևակ Ավանեսյանի մասին

Սևակ Ավանեսյան, թավջութակ (Բելգիա)

Բեռնարդ Գրինհաուսի բնորոշմամբ` «Սևակ Ավանեսյանը արտակարգ վիրտուոզությամբ և ձայնային մեծ հզորությամբ օժտված երաժիշտ է», իսկ Յանոշ Շտարկերի կարծիքով՝ «Սևակը, անկասկած, իր սերնդի ամենահեռանկարային երաժիշտներից է»:

Սևակը եղել է Բելգիայի Ազգային նվագախմբի թավջութակահարների կոնցերտմայստերը, ինչպես նաև Իզայիի անվան մրցույթի, Triomphe de l’Art և ՀԲԸՄ-ի մրցույթների ժյուրիի մշտական անդամ:

Ս. Ավանեսյանը մի շարք միջազգային մրցույթների հաղթող է. “Young Soloists” (Լյուքսեմբուրգ, 1-ին մրցանակ), “Lions Club” European Competition (1-ին մրցանակ): Արժանացել է Բելգիայի երաժշտական մամուլի քննադատների “Golden Lable” մրցանակի, ինչպես և “Belgische Stichting Roeping” promotion և այլ մրցանակների:

Սևակի տաղանդը դրսևորվել է վաղ հասակում: Նա Բրյուսելի Թագավորական կոնսերվատորիայի ամենաերիտասարդ շրջանավարտն է: 19 տարեկանում, բարձր գնահատականներով, Սևակը ավարտել է Բրյուսելի Թագավորական կոնսերվատորիան (Վիվիեն Սպանողեի դասարան), որից հետո կատարելագործվել է Բեռլինի Hans Eissler Musikhochschule-ում՝ Կլաուդիո Բոհորքեզի ղեկավարությամբ:

Մշտական դասընթացներից բացի, Սևակը արժեքավոր խորհուրդներ է ստացել անվանի երաժիշտներից. Յանոշ Շտարկեր, Բեռնարդ Գրինհաուս, Սթիվեն Իսերլիս, Միշա Մայսկի, Մարիա Քլիգել, Լյուիս Կլարե, Պետեր Բրունս, Գարրի Հոֆման, Վոլֆգանգ Բյոտխեր, Իգոր Օյստրախ, Արտեմիս կվարտետ, Գերհարդ Շուլց և շատ ուրիշներ:

Սևակ Ավանեսյանը մշտապես հանդես է գալիս հեղինակավոր համերգասրահներում. Փարիզի Salle Gaveau, Բրյուսելի Palais des Beaux-Arts, Տորոնտոյի Ford Hall և այլ սրահներ:

2017-ին Սևակը մասնակցել է Անտվերպենի Queen Elizabeth համերգասրահի բացման համերգին:

Սևակ Ավանեսյանը միջազգային հայտնի փառատոների մասնակից է. Մոնպելիեի Festival de Radio France, Juventus Festival, Menton Festival, Բրյուսելի Brahms Festival, Les Musicales de Cambrai և այլ փառատոներ:

Նա համագործակցել է անվանի դիրիժորներ Հանս Գրաֆի, Հյու Վոլֆի, Անդրեյ Բորեյկոյի և այլոց հետ:

Սևակ Ավանեսյանի՝ Բելգիայի Ազգային նվագախմբի հետ ելույթը Bozar համերգասրահում, Բելգիայի հեռուստատեսային քննադատների կողմից գնահատվեց որպես «համերգաշրջանի լավագույն համերգ»:

Որպես կամերային երաժիշտ, Ավանեսյանը ելույթներ է ունեցել Ագուստին Դումեյի, Ֆիլիպ Գրեֆինի, Պասկալ Դեվոյոնի, Պավել Գիլիլովի, Մաքսիմ Վենգերովի, Ալեքսեյ Մաշկովի, Յուրի Բաշմետի, Գիդոն Կրեմերի, Մարթա Արգերիխի, Միշա Մայսկու և այլ հայտնի երաժիշտների հետ:

2016-ին կայացել է Գոմս Շահբազյանի “Rhythm & Intervals” վավերագրական ֆիլմի պրեմիերան՝ նվիրված Սևակ Ավանեսյանի Բեռլինում անցկացրած ուսման տարիներին: Ֆիլմը մրցանակներ է շահել մի շարք փառատոներում և հեռարձակվել է ARTE հեռուստաալիքով:

Սևակը նվագում է Մաթեո Գոֆրիլլերի 1689-ին կերտած “The King” թավջութակով, որը նրան տրամադրել է Միշա Մայսկին:

2020թ. Արցախյան 44-օրյա պատերազմի ժամանակ Շուշիի հրետակոծված Սբ. Ամենափրկիչ Ղազանչեցոց եկեղեցում կատարել է Կոմիտասի «Կռունկ» ստեղծագործությունը, որի տեսանյութը տարածվեց ամբողջ աշխարհում:

-----

http://www.irates.am/hy/1710311758

Այբուբենի օր Հաագայում

 

Այնքան վայելեցինք կիրակի օրը, մեր ամենափոքր ուսանողների կազմակերպած շնորհանդեսին:

 «Այբուբենի ՕՐԸ» նշեցինք, այն, որ արդեն նրանք կարդալ եւ գրել գիտեն հայոց տառերով: Դրա համար էլ Աբովյանի ասոցիացիայի կողմից ստացան գեղեցիկ հավաստագրեր։

Միջոցառմանը ներկա էին Նիդերլանդներում ՀՀ դեսպանության կողմից Վրեժ Մադոյանը եւ նրա ընտանիքը:

Ավելի փոքր, բայց նաեւ անհավանական երկար տեքստերը երեխաները անգիր գիտեին, արսասանում էին բանաստեղծություններ,  երգում էին, գեղեցիկ նկարում:

Նաեւ դաշնամուրի կատարումներում առաջընթաց կար:

Վերջապես ուրախ մթնոլորտին ուժ հաղորդելու համար բոլորը պարի հրավիրեցին։

Հավաստագրերի հանձնումից հետո ուսուցիչներին ևս գեղեցիկ ծաղկեփնջեր հասան։

Ավանդական այս արարողությունն ավարտվում է սրտից բխող գեղեցիկ «Էրեբունի-Երևան» երգի կատարումով:

Հարգանքի տուրք` երեխաներին

Հարգանքի տուրք` գերազանց ուսուցիչներին, առանց որոնց ոչինչ հնարավոր չէ!

Հարգանքի տուրք` այն ծնողներին, ովքեր հավատարմորեն իրենց երեխաներին ամեն շաբաթ բերում են դասերի:

Հարգանքի տուրք` նաեւ Աբովյանի կամավորներին, ովքեր ջերմ ընդունելություն են ցուցաբերում ակումբի յուրաքանչյուր այցին:

Ինգա Դրոստ

Wat hebben we zondag genoten, bij de presentatie van onze jongste leerlingen! We vierden op deze “ALFABET DAG”, dat zij het Armeense alfabet kenden en konden lezen en schrijven. Daarvoor kregen ze ook een mooi certificaat van de Vereniging Abovian. Vanuit de Armeense Ambassade woonden Vrezh Madoyan en zijn gezin het gebeuren bij. Kleinere, maar ook onwaarschijnlijk lange teksten kenden kinderen uit hun hoofd, tot onze trots. Zowel gedichten als liedjes, op de foto’s maar een kleine greep hieruit. Ook de vorderingen op de piano werden niet vergeten. Tenslotte werden we, om de blije sfeer kracht bij te zetten, ook nog op dans getrakteerd. Na de uitreiking van de certificaten werden de leerkrachten in het zonnetje gezet met een fraai boeket bloemen. Traditiegetrouw werd, de bijeenkomst spontaan afgesloten met samenzang, uit volle borst, van het prachtige Jerevan-Erebuni. Hulde aan de kinderen! Hulde aan de voortreffelijke leerkrachten, zonder wie er niets mogelijk is! Hulde aan de ouders, die trouw hun kinderen elke week naar de lessen brengen! Hulde ook aan de vrijwilligers van Abovian, die zorgen voor een warm welkom bij elk bezoek aan de club!

Նարեկ Մանուկյանը Մաստրիխտի համալսարանում պաշտպանեց բժշկագիտության դոկտորի թեզը

 Ուրախալի լուր

 Armeense Stichting Ani համայնքի ատենապետ Լևոն Սարգիսը ուրախալի լուր հայտնեց։ Համայնքի անդամ Նարեկ Մանուկյանը առողջապահության, բժշկության և կենսագիտության ոլորտում Մաստրիխտի համալսարանում  պաշտպանեց գիտական երկրորդ թեզը` կապված ուղեղի անոթների հիվանդություններին առնչվող խնդիրներին, ստանալով բժշկագիտության դոկտորի կոչում։ 

Նիդերլանդական օրագիրը շնորհավորում է Անի հայ համայնքին, անձամբ` Նարեկին նման բարձր հաջողության հասնելու համար։

Կեցցե՛ս Նարեկ

MAASTRICHT UNIVERSITY

Phd Defence Narek Manukjan,   

who will defend the thesis in the Faculty of Health, Medicine and Life-Sciences and as a Double Doctoral Degree University of Birmingham and Maastricht University, at Maastricht University, with the title: