Մահացել է Պերճ Պռոշյանի թոռնուհին՝ Պերճուհի (Նեա) Էաչիի Պռոշյանը

 

12.06.2026/Նիդ.օրագիր

ԱՄՆ-ի Կալիֆոռնիա նահանգի Սան Ֆրանցիսկո քաղաքում հունիսի 9-ին մահացել է հայ դասական գրականության նշանավոր ներկայացուցիչներից մեկի՝ Պերճ Պռոշյան թոռնուհին՝ Պերճուհի (Նեա) Էաչիի Պռոշյանը։ Այս մասին տեղեկացնում է Arevelk am-ը

Հաղորդման համաձայն՝ հանգուցյալը ծնվել էր անվանի գեղանկարիչ Էաչի Պռոշյան ընտանիքում և համարվում էր ինչպես Պռոշյանների, այնպես էլ Սայաթ-Նովա տոհմական ճյուղերի ուղղակի ժառանգներից մեկը։ 

Պատմական աղբյուրների համաձայն՝ Պերճ Պռոշյանի կինը՝ Աննա Դոլգյանը, մայրական կողմից եղել է Սայաթ-Նովայի ծոռնուհին, ինչի շնորհիվ նրանց սերունդները շարունակել են նաև մեծ աշուղի ժառանգական գիծը։ 

Պերճ Պռոշյանի և Աննա Դոլգյանի ընտանիքում ծնվել էին վեց զավակներ՝ Պերճանույշը, Աշխենը, Շուշանիկը, Պռոշը, Էաչին և Պապաքը, որոնք տարբեր ոլորտներում իրենց ներդրումն են ունեցել հայ կրթական, մշակութային և հասարակական կյանքում։ 

Ըստ հրապարակված տեղեկության՝ Պերճուհի (Նեա) Պռոշյանի հուղարկավորությունը նախատեսված է անցկացնել հուլիսի 18-ին Սան Ֆրանցիսկոյում։ 

Աղբյուր՝ Arevelk.am 

Աշտարակ.իմ Հին ու Նոր (ֆեյսբուքյան  կայք)

Պերճ Պռոշյանի որդին` Էաչի Պերճի Պռոշյանը.

Էաչի Պերճի Պռոշյանը ծնվել է 1886 թվականին Երևանում։ Շուտով ընտանիքը տեղափոխվել է Թիֆլիս, որտեղ նա սովորել է արական գիմնազիայում։

Գեղարվեստի նկատմամբ ունեցած հետաքրքրությունը նրան տարել է Եվրոպա։ 1900 թվականին ընդունվել է Իտալիայի գեղարվեստի ուսումնարան, ապա ուսումը շարունակել Ֆրանսիայի Մոնպելիե քաղաքի Գեղեցիկ արվեստների ինստիտուտում։ Հետագայում մասնագիտական հմտությունները կատարելագործել է նաև Շվեյցարիայում։

Պերճ Պռոշյանի որդիներից միայն Էաչին է ամուսնացել։ Նա ունեցել է երկու դուստր՝ Էալան և Պերճուհին (Նեա), որոնց միջոցով շարունակվել է Պռոշյանների տոհմի այս ճյուղը։

📷 Լուսանկարը՝ Պերճ Պռոշյանի տուն-թանգարանի հավաքածուից։