Զորակցության աղոթք և Սուրբ Պատարգ նվիրված համազգային շարժմանը

Դենբոսի Հայ Առաքելական Եկեղեցին՝ մայիսի 6-ի կիրակի օրը, ժամը 14-ին զորակցության աղոթք և Սուրբ Պատարգ է մատուցելու Հայաստանի և սփյուռքի համախումբ հայ ժողովրդի մղած աներկբա պայքարի բարեհաջող ավարտի համար  (հասցե՝ Oude Baan 1, 5242 HT Rosmalen, Nederland): Պատարագը մատուցելու է Նիդերլանդների հարավային շրջանների հոգևոր հովիվ, արժանապատիվ Տեր Արմեն քահանա Մելքոնյանը: Armeens Apostolische kerk Den Bosch ֆեյսբուքյան էջում հետևյալն ենք կարդում.

«Սիրելի հոլանդահայ համայնք, ուրախությամբ հրավիրում ենք ձեզ, մասնակցելու Դեմբոսում Մայիսի 6 ին կայանալիք Սուրբ Պատարագի արարողությանը, որը կմատուցի արժանապատիվ Տեր Արմեն քահանա Մելքոնյանը: Սուրբ Պատարագը կմատուցվի ի զորակցություն Հայաստանի և սփյուռքի համախումբ հայ ժողովրդի մղած աներկբա պայքարի շարունակականության համար: Պատարագի ժամանակ հնչած մեր ընդհանրական աղոթքը թող ընդունելի և հասանելի լինի Աստծու առջև: Մեր աղոթքն ու խնդրանքն է, որպեսզի Աստված Իր Հայրական նախախնամությամբ և մեր հայրենակիցների միաբանությամբ ավարտին հասցնի ժողովրդի արդար պահանջը, և ի վերջո Տերը թող իմաստությամբ լցնի նրանց միտքը` կարևոր որոշումներ կայացնելու հարցում: Եվ թող մեր ազգը վերջապես զգա միասնության ուժի և արդյունքի բերկրանքը: Սիրով սպասում ենք ձեզ»:

Մասնակցության և այլ մանրամասների համար նիդերլանդներում բնակվող մեր  հայրենակիցները և այլ վայրերից ժամանող հյուրերը  կարող են  այցելեք հետևյալ էջ
https://www.facebook.com/events/2069230673352605/

«ՆԻԴԵՐԼԱՆԴԱԿԱՆ ՕՐԱԳԻՐ»

Տեսաերիզներ նվիրված Հայոց Ցեղասպանությանը

Բելգիայում և Նիդերլանդներում բնակվող մեր հայրենակիցներն այսպիսի տեսաերիզ են ուղարկել ՆԻԴԵՐԼԱՆԴԱԿԱՆ ՕՐԱԳՐԻՆ: Այն նվիրված է Հայոց Ցեղասպանության զոհերի հիշատակին: Խոսք՝ Արտակ Մանուկյանի, արտասանում է Լևոն Զնաբերդցին: Տեսաերիզը նկարահանվել է AVP ստուդիայում՝ դիրեկտոր. ռեժիսյոր և օպերատոր՝ Արման էդուարդի Սարգսյան:

Մյուս տեսաերիզն ավելի  վաղ է նկարահանվել: Ռեփ է կարդում
Narek Genesis-ը

Հոլանդահայ կազմակերպությունների ֆեդերացիան սթափության կոչ է ուղղել Հանրապետական կուսակցությանը

• 

ՀԱԱԳԱ, 1-ը մայիսի:Հոլանդահայ Համագործակցող Կազմակերպությունները Հայաստանի ազգային ժողովի հատուկ նիստից հետո հանդես է եկել հետևյալ հայտարարությամբ:

«Նիդերլանդների Համագործակցող Հոլանդահայ Կազմակերպությունները ուշի ուշով հետևում են հայրենիքում տեղի ունեցող վերջին իրադարձություններին։ Պաշտպանելով համաժողովրդական շարժման պահանջները հոլանդահայ կազմակերպությունները այսօր ակնկալում էին լարվածության ողջամիտ հանգուցալուծում, որը կլիներ Նիկոլ Փաշինյանի ընտրությունը, որպես վարչապետ։ Ցավոք Հայաստանի Հանրապետական Կուսակցությունը դեմ քվեարկելով արգելակեց դեպքերի տրամաբանական ընթացքը։

Այսու Հոլանդահայ Համագործակցող Կազմակերպությունները հայտարարում են, որ ամբողջությամբ պաշտպանում են համաժողովրդական այս շարժումը և կոչ են ուղղում Հայաստանի Հանրապետական Կուսակցության պատգամավորներին պաշտպանել ժողովրդի հովանավորությունը վայելող թեկնածուին, քանի որ ազգային շահերից բխող անհրաժեշտություն է լավագույնս օգտագործել համաժողովրդական շարժման ներուժը և հնարավորինս արագ անցնել երկիրը ճգնաժամից դուրս բերելու իրական աշխատանքներին»։

Ավելի վաղ հայտարարությամբ էր հանդես եկել Հյուսիսային Բրաբանդի «ՈՒրարտու» հայ համայնքային կազմակերպութան խուրհուրդը. որտեղ մասնավորապես անհանգստություն էր հայտնվում Հայաստանում ծավալվող իրադարձությունների վերաբերյալ.

Մի քանի օր է.-ասվում է այս հայտարարության մեջ,  ինչ մեր աշխատանքի վայրերում՝ տանը թե դրսում, շունչներս պահած , մեծ լարվածությամբ հետևում ենք հայաստանյան իրադարձութուններին: Մեր հայրենակիցները դժգոհ լինելով տարիների չլուծված խնդիրներից ու սոցիալական անարդար վիճակից մասայաբար, բյուր հազարներով փողոց են դուրս եկել՝ բարձրաձայնելու արդարությունը, այսպիսով նրանք արտահայտում են իրենց ազատ կամքը և բողոքը: Այն լսելի պետք է լինի  իշխանությանը: Երբեմն  վերջիններս իրենք են սրում իրավիճակը: Պարզից էլ պարզ է ու տեսանելի, որ ցույցերը խաղաղ բնույթ են կրում և ցուցարարներն էլ խաղաղ երթեր են անցկացնում:

Հատկապես ապրիլի 22-ին անզեն, ձեռքերը վեր պարզած մարդկանց դեմ կիրառվեցին բռի  բռնի ուժ, ձերբակալվեցին անգամ պատգամավորներ:  Բանվորից մինչև գիտնական, զինվորից մինչև գեներալ, բժիշկ, ուսանող, աշակերտ, ոստիկան ու մտավորական մեր ժողովուրդն է, պետք չէ անջրպետ ու սահման գծել նրանց միջև:  Ականջալուր եղեք ժողովրդի ձայնին, քանի դեռ ուշ չէ: Նման վիճակի ողջ պատասխանատվությունը և մեղքը կրելու է ժողովրդի վստահությունը կորցրած Հանրապետական կուսալցությունը: Ժամանակն է օր առաջ ողջամիտ որոշում  կայացվի,ասվում է հայտարարության մեջ:

Նիդերլանդահայերը ապրիլի 23-ին ու մայիսի մեկին ի համերաշխություն ժողովրդական շարժման՝ Հաագայի Խաղաղության պալատին հարող հրապարակում բողոքի ակցիա են անցկացրել:

«ՆԻԴԵՐԼԱՆԴԱԿԱՆ ՕՐԱԳԻՐ»

Հայաստանում տեղի ունեցող իրադարձություններին Հոլանդահայ ֆեդերացիայի նախագահ Մաթո Հախվերդյանի մեկնաբանությունը ապրիլի 21-ին Ամստերդամի Սուրբ Հոգի եկեղեցու պատին խաչքարի բացման արարողության ժամանակ (հարցի 2-րդ մասը):

ՀՀ նորանշանակ դեսպանը հավատարմագրեր հանձնեց Նիդերլանդների թագավորին

Այսօր՝ ապրիլի 11-ին Նիդերլանդների Թագավորությունում Հայաստանի Հանրապետության դեսպան Գարեգին Մելքոնյանն իր հավատարմագրերն է հանձնել Նիդերլանդների Թագավոր Վիլհելմ Ալեքսանդին: Սա նշանակում է, որ Ն.Գ. պարոն Գարեգին Մեկլքոնյանը սահմանված կարգով ու լիազորություններով պաշտոնապես անցնում է իր պարտավորությունների կատարմանը:

Այս կապակցությամբ նույն օրը ՀՀ դեսպանությունը կազմակերպել էր ընդունելություն, որին մասնակցեցին հոլանդահայ կազմակերպություններին եւ կառույցների ներկայացուցիչներ:

Հակիրճ ելույթով նորանշանակ դեսպանը պատմեց Հաագայում հատուկ արարողակարգով իրեն Noordeinde թագավորական պալատում առաջնորդելու, այնտեղ Վիլհեմ Ալեքսանդրին հավատարմագրեր հանձնելու և նրա հետ մոտ կես ժամ ունեցած զրույցի մասին: Խոսվել է հայ-նիդերլանդական համագործակցության մասին: Դեսպանը կարևոր համարեց նաև կապը հայ համայնքների հետ, խոստացավ մոտիկից ծանոթանալ հայ համայնքների և կառույցների գործունեությանը:

Հայ համայնքի ներկայացուցիչները շնորհավորեցին դեսպանին և հաջողություններ մաղթեցին պատասխանատու պաշտոնը ստանձնելու կապակցությամբ:

«Նիդերլանդական օրագիր»

Ըստ դեսպանատան կայքի ներկայացնում ենք Նիդերլանդների Թագավորությունում Հայաստանի Հանրապետության արտակարգ և լիազոր դեսպան Ն.Գ Պարոն Գարեգին Մելքոնյանին:

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆԸ
մարտ 2018թ. - ներկա Նիդերլանդների Թագավորությունում ՀՀ դեսպան

2014 – 2018թթ. Նախարարի առաջին տեղակալ, ՀՀ տնտեսական
զարգացման եւ ներդրումների նախարարություն

2011-2014թթ. ՀՀ էկոնոմիկայի նախարարի տեղակալ

2005-2011թթ. ԵՄ-ում ՀՀ առեւտրական ներկայացուցիչ, ԵՄ-ում ՀՀ
առաքելություն, Բրյուսել

2001–2005թթ. Արտաքին տնտեսական քաղաքականության վարչության
պետ, ՀՀ առեւտրի եւ տնտեսական զարգացման նախարարություն

2000–2001թթ. Զբոսաշրջության վարչության պետ, ՀՀ արդյունաբերության եւ
առեւտրի նախարարություն

1999թ. Արտահանման ենթակառուցվածքների վարչության պետ, ՀՀ
արդյունաբերության եւ առեւտրի նախարարություն

1997-1999թթ.Միջազգային համաձայնագրերի բաժնի պետ, Արտաքին
տնտեսական քաղաքականության վարչություն, ՀՀ
արդյունաբերության եւ առեւտրի նախարարություն

1996-1997թթ.Գլխավոր Մասնագետ, Արտաքին առեւտրի Վարչություն, ՀՀ
առեւտրի, սպասարկումների եւ զբոսաշրջության
նախարարություն

Պարգեւներ
Անանիա Շիրակացի մեդալ
ՀՀ նախագահի շնորհակալագիր

Կրթությունը
1992-1997թ.Երեւանի Պետական Համալսարան, Արեւելագիտության
ֆակուլտետ

Ծնվել է 1975 թ. ապրիլի 8-ին, ք. Երեւանում` Հայաստան:

Օտար լեզուների իմացություն
Անգլերեն, ռուսերեն, ֆրանսերեն եւ պարսկերեն

Ընտանեկան կարգավիճակը
Ամուսնացած է, ունի երեք երեխա:

Ապրիլի 21-ին Ամստերդամի Սուրբ Հոգի եկեկեղեցու պատին տեղադրվելու է խաչքար

 Նախօրոք արդեն հայտնել էինք, որ Ամստերդամի Հայ Առաքելական Սուրբ Հոգի եկեկեղեցու պատին՝  Հայոց Ցեղասպանության զոհերի հիշատակին համապատասխան գրությամբ, տեղադրվելու է խաչքար: Նիդերլանդական մի շարք լրատվամիջոցներ՝ մասնավորապես

HET PAROOL և  AT5/NU.nl կայքերը արդեն հայտնել էին Խաչքարի տեղադրման և բացման արարողության վայրը և ճիշտ օրը՝ առաջիկա ապրիլի 21-ը։

Եվ ահա Ս.Գրիգոր Նարեկացի Հիմնադրամի վարչությունը ևս հաստատում է այս լուրը՝  հայտնելով հետևյալը.

«Սույնով պատիվ ունենք հայտարերել, որ ս.թ. ապրիլի 21-ին ժ.14։00-ին Ամստերդամում տեղի կունենա Օսմանյան կայսրությունում 1915 թ. ցեղասպանության զոհերի հիշատակի հուշարձանի բացման արարողությունը։ Ավանդական հայկական խաչքարը կտեղադրվի

Ամստերդամի Հայ Առաքելական Սուրբ Հոգի եկեկեղեցու պատին (Krom Boomssloot 22 Amsterdam).

Հուշարձանի տեղադրումը նախաձեռնվել է Ամստերդամի Ս.Գրիգոր Նարեկացի հիմնադրամի կողմից և իրականացվել Նիդերլանդների մի շարք հասարակական կազմակերպությունների սատարմամբ, ինչպես նաև Նիդերլանդների հայ համայնքի, համասփյուռ հայության և համակիր հոլանդացիների նյութական աջակցության շնորհիվ: Նախապատրաստական աշխատանքները ընթացել են Սուրբ Հոգի Եկեղեցու հետ սերտ համագործակցությամբ։ Հուշարձանին վերաբերվող տեղեկություններ կարող

եք ստանալ մեր կայքում :

Հուշարձանի բացման արարողությանը հրավիրված են Նիդերլանդների քաղաքական, հասարակական և մշակույթային բնագավառի գործիչներ, ինչպես նաև Հայաստանի Հանրապետությունը ներկայացնող պաշտոնական անձիք։ Անշուշտ սպասվում է Ամստերդամի և ամբողջ Նիդերլանդների հայ համայնքի լայն մասնակցությունը։

Վստահ ենք, որ հուշարարձանի տեղադրումը Ամստերդամում՝ Եվրոպայի մշակութային և մտավոր կենտրոններից մեկում, կլինի հայ համայնքի շատ սերունդների նկրտումների արտահայտություն, հնարավորություն տալով տուրք մատուցել անմեղ զոհերի հիշատակին մի քաղաքում, որը համդիսանում է ազատասիրության և հանդուրժողականության խորհրդանիշ»:

Ասվում է Ս.Գրիգոր Նարեկացի Հիմնադրամի վարչության տարածած հայտարարության մեջ:

«Նիդերլանդական օրագիր»

23-րդ Եվրո-հայկական խաղերի մեկնարկը Վիեննայում

Մարտի 31, 2018. Այսօր Վիեննայում մեկնարկեցին 23-րդ Եվրո-հայկական խաղերը /EAG/, որոնք կշարունակվեն մինչև ապրիլի 2-ը։ Համաեվրոպական միջոցառումը կազմակերպվել է Վիեննայի ԱՐԱՐԱՏ հայկակական մարզական միության կողմից Ավստրիայում Հայաստանի արտակարգ և լիազոր դեսպան Ն.Վ.Դր. Արման Կիրակոսյանի և Վիեննայի քաղաքապետ Դր. Միքայել Հոյփլի հովանավորությամբ: Եվրո-հայկական խաղերին մասնակցելու նպատակով Վիեննա է ժամանել 55 պատվիրակություն, հյուրեր, մարզասերներ Եվրոպայի տարբեր երկրներց, իսկ մրցապայքարին կմասնակցեն ավելի քան 730 մարզիկ 15 երկրից: Խաղերի ծրագրում ընդգրկված սպորտաձևերում՝ բասկետբոլ, վոլեյբոլ, մինի ֆուտբոլ, բադմինտոն, սեղանի թենիս, նարդի և շախմատ, հանդես կգան կանանց, տղամարդկանց և պատանի մարզիկների թիմերը:

Միջոցառման հանդիսավոր բացումը մեկնարկեց Եվրոմիության, Ավստրիայի և Հայաստանի քայլերգերով, հայ հոգևորականների օրհնությամբ և հայկական պարերի ուղեկցությամբ, որոնք ներկայացրին Վիեննայի Հ. Շիրազի անվան դպրոցի և ՀՄԸՄ “Երազանք” պարային խմբերի սաները: Բացման խոսքով հանդես եկան Ավստրիայում Հայաստանի արտակարգ և լիազոր դեսպան Ն.Վ.Դր. Արման Կիրակոսյանը, ՀՀ Սփյուռքի նախարար Հրանուշ Հակոբյանը, և ԱՐԱՐԱՏ հայկակական մարզական միության նախագահ Սեբուհ Բաղդոյանը: Միջոցառման պատվո հյուրն է Ավստրիայի խորհրդարանի պատգամավոր, փոքրամասնությունների խոսնակ, Ավստրիա-Հայաստան խորհրդարանական խմբի ղեկավար ՄՄակ. Դր. Գուդրուն Քուգլերը:

Համաեվրոպական խաղերը նպատակ ունեն ամենամյա այս սպորտային միջոցառման շուրջ միավորել հայկական սփյուռքի եվրոպաբնակ հայ մարզիկներին, նրանց համակիրներին և հայկական տարբեր համայնքների ներկայացուցիչներին: Եվրոպահայերի մարզական խաղերը, որպես կանոն, տեղի են ունենում յուրաքանչյուր տարի Սուրբ Հարության՝ Զատիկի տոնին: Բացառություն են կազմում այն տարիները, երբ Հայաստանում կազմակերպվում են Համահայկական խաղեր: ԱՐԱՐԱՏ հայկակական մարզական միության նախագահ Սեբուհ Բաղդոյանը խոսքով` “Հայերը միասնական պետք է ներկայանան աշխարհին ո’չ միայն հայրենի հողում, այլև երկրագնդի ցանկացած վայրում։ Սա եղել և մնում է մեր ուղերձը աշխարհին”։ Միջոցառման կայացման վայրը փոփոխական է և յուրաքանչյուր տարի որոշվում է Եվրո-հայկական խաղերի հանձնախմբի կողմից:

Հասմիկ Վ. Գրիգորյան

H.G-Այսօր, մարտի 31-ն, Վիեննայում մեկնարկեցին 23-րդ Եվրո-հայկական խաղերը /EAG/, որոնք կշարունակվեն մինչև ապրիլի 2-ը։ Համաեվրոպական միջոցառումը կազմակերպվել է Վիեննայի ԱՐԱՐԱՏ հայկակական մարզական միության կողմից Ավստրիայում Հայաստանի արտակարգ և լիազոր դեսպան Ն.Վ.Դր. Արման Կիրակոսյանի և Վիեննայի քաղաքապետ Դր. Միքայել Հոյփլի հովանավորությամբ: Եվրո-հայկական խաղերին մասնակցելու նպատակով Վիեննա է ժամանել 55 պատվիրակություն, հյուրեր, մարզասերներ Եվրոպայի տարբեր երկրներց, իսկ մրցապայքարին կմասնակցեն ավելի քան 730 մարզիկ 15 երկրից: Խաղերի ծրագրում ընդգրկված սպորտաձևերում՝ բասկետբոլ, վոլեյբոլ, մինի ֆուտբոլ, բադմինտոն, սեղանի թենիս, նարդի և շախմատ, հանդես կգան կանանց, տղամարդկանց և պատանի մարզիկների թիմերը:

Այս տարվա Սուրբ Զատիկի տոնը Եվրոպայի հայերը միասնական կնշեն Սբ. Հռիփսիմե և Մխիթարյան միաբանության եկեղեցիներում։

Մեծ Եղեռնի զոհերի ոգեկոչման միջոցառումներ 2018

Herdenking Armeense genocide 2018 – Commemoration of Armenian Genocide 2018 – Մեծ Եղեռնի զոհերի ոգեկոչման միջոցառումներ 2018

Federatie Armeense Organisaties Nederland • FAON
Website: www.faon.nl

Herdenking van de Armeense genocide
Programma van april 2018
Georganiseerd door de Samenwerkende Armeense Organisaties (SAO)

1. Demonstratie op het Plein in Den Haag
• Voor erkenning Armeense genocide door de Nederlandse regering
• Tegen benoeming Armeense genocide met "kwestie" door de regering
• Aanbieding petitie aan de Nederlandse regering

Datum: Dinsdag 17 april 2018 om 12.00 uur
Plaats: Plein
Adres: Plein, 2511 CR Den Haag

Voor vervoer met bussen neem telefonisch contact op: Almelo 0621956216 (AGBU), 0655723507 (Homenetmen), 0633964887 (Hay Tad), Arnhem-Nijmegen 0684870820, Assen 0640500501.

2. Herdenking bij het genocide monument in Assen

Datum: Dinsdag 24 april 2018 om 12.30 uur
Plaats: Begraafplaats de Boskamp in Assen
Adres: Boskamp 5 – 9405 NN Assen

Programma: Kranslegging bij het Armeense genocidemonument, herdenkingsplechtigheid, bijeenkomst in de aula van begraafplaats de Boskamp met toespraken, artistieke uitvoeringen.

Voor vervoer met bus van Den Haag naar Assen neem contact op met de Vereniging Abovian: info@abovian.nl

Federation of Armenian Organisations in the Netherlands (FAON)

Website: www.faon.nl
Email: info@faon.nl

Commemoration of Armenian Genocide
Programme of April 2018
Organised by Joint Armenian Organisations

1. Demonstration at Plein Square in The Hague
• For recognition of Armenian Genocide by Dutch Governement
• Against refering to Armenian genocide as "issue of genocide" by the Government
• Submission of a petition to Dutch Government

Date: Tuesday 17 April 2018 at 12 noon
Place: Het Plein Square
Address: Het Plein – 25 11 CR The Hague, The Netherlands

For bus transport services please call: Almelo 0621956216 (AGBU), 0655723507 (Homenetmen), 0633964887 (Hay Tad), Arnhem-Nijmegen 0684870820, Assen0640500501.

2. Commemoration at the Armenian Genocide Memorial in Assen

Date: Tuesday 24 April 2018 at 12:30 p.m.
Place: Cemetery “De Boskamp” in Assen
Address: Boskamp 5 – 9405 NN Assen, The Netherlands

Programme: Laying of wreaths at the Armenian Genocide monument, Commemorative Ceremony, meeting in the auditorium of the Boskamp cemetery with speeches and artistic performances.

For bus transport from The Hague to Assen please contact Abovian Centre: info@abovian.nl

Հոլանդահայ Կազմակերպությունների Ֆեդերացիա (FAON)
Կայքէջ` www.faon.nl
Էլ. փոստ` info@faon.nl

Մեծ Եղեռնի զոհերի ոգեկոչման միջոցառումներ
2018 թ. ապրիլ ամսվա ծրագիրը
Միջոցառումները կազմակերպել են Համագործակցող Հոլանդահայ Կազմակերպությունները

1. Ցույց Հաագայի «Plein» հրապարակում
• Նիդերլանդների կառավարության կողմից Հայոց ցեղասպանության ճանաչման համար
• Ընդդեմ իշխանության կողմից Հայոց ցեղասպանությունը «ցեղասպանության հարց» անվանելու
• Հանրագրի ներկայացում Հոլանդիայի կառավարությանը

Թվականը` Երեքշաբթի 17 ապրիլի 2018, ժամը` 12-ին
Վայրը` «Het Plein» հրապարակ
Հասցեն` Het Plein – 2511 CR Հաագա, Նիդերլանդներ

Ավտոբուսով ճամփորդելու համար խնդրում ենք զանգահարել` Ալմելո` 0621956216 (ՀԲԸՄ), 0655723507 (ՀՄԸՄ), 0633964887 (Հայ Դատ), Արնհեմ-Նեյմեգեն` 0684870820, Ասեն` 0640500501։

2. Ոգեկոչում Մեծ Եղեռնի հուշարձանի մոտ Ասենում

Թվականը` Երեքշաբթի 24 ապրիլի 2018, ժամը 12:30-ին
Վայրը` Ասենի «Դե Բոսկամպ» գերեզմանատուն
Հասցեն` Boskamp 5 – 9405 NN Assen, Նիդերլանդներ

Ծրագիրը` Ծաղկեպսակների տեղադրում Մեծ Եղեռնի հուշարձանին, ոգեկոչման արարողություն, հանդիպում գերեզմանատան սրահում` ճառեր, գեղարվեստան ելույթներ։

Հաագայից Ասեն ավտոբուսով ճամփորդելու համար խնդրում ենք կապվել Աբովյան միության հետ` info@abovian.nl

Ազատություն սիրող հավերը

Օրեր առաջ այս աքլորների լուսանկարը զարմանքի և ուրախ մեկնաբանությունների առիթ տվեց:
Հետաքրքիր պատմություն է: Դեռ 25 տարի առաջ Հոլանդիայի այս քաղաքում, որտեղ հիմա հիվանդանոցն ու դպրոցն է, գոյություն է ունեցել հավաբուծական ֆերմա, որը քաղաքի ընդարձակման պատճառով լիկվիդացրել են: Հավերի մի ըմբոստ խումբ չի ՝՝համակերպվել՝՝ այս կարգավիճակին և փախուստի է դիմել: Տերն ստանալով իր բոլոր փոխհատուցումները՝ գոհ հեռացել է, իսկ հավերի այս ՝՝խելացի՝՝ խումբը հայտնվել է բնության պատսպարության ներքո: Դպրոցի ու նրան հարող տարածքներում ծառեր ու թփուտներ են, որտեղ էլ լավ միջավայր է ստեղծվել հավերի ձվադրման ու սերունդ շարունակելու համար, չնայած տարիներ շարունակ դպրոցի աշակերտները փնտրել հավաքել են հավի ձվերը և դպրոցական ճաշարանում նաև դրանով սնվել:
Բնականաբար անցուդարձ անող ու կենդանիներ սիրող բնակիչներն էլ իրենց հերթին են կերակրել զբոսնող հպարտ հավերին: Տարբեր գարուններ շարունակ տեսնելի էր հավ մայրիկներին իրենց ճուտիկների հետ զբոսնելիս:
Տարիների ընթացքում հավերը պակասեցին, իսկ այսօր արդեն մնացել են այս երեք հպարտ ու հաղթանդամ աքլորները, որոնք բազմաթիվ փորձություններ անցած թափառում են հիվանդանոցի , դպրոցի ու մերձակա տների շրջակայքում ու գիշերները թառում են մոտակա ծառերի բարձր, բարձր ճյուղերին՝ մեկ օր ևս լուսացնելու ակնկալիքով: Հավանաբար նրանք երանությամբ հիշում են իրենց նախնիների պատմությունը՝ գթառատ տիրոջը, կերակրող անցորդների և արդեն կորցրաց իրենց գեղեցկուհի հավերի մասին: 

Մաստրիխտի Ս. Կարապետ Եկեղեցու Ծխական Խորհուրդը սիրով տեղեկացնում է

29.03.2018

ՔՐԻՍՏՈՍ ՅԱՐԵԱՒ Ի ՄԵՌԵԼՈՑ

ՕՐՀՆԵԱԼ Է ՅԱՐՈՒԹԻՒՆՆ ՔՐԻՍՏՈՍԻ

ՇՆՈՐՀԱՒՈ՛Ր ՍՈՒՐԲ ԶԱՏԻԿ

Սիրելի Կայրենակիցներ,

Մաստրիխտի Ս. Կարապետ Եկեղեցու Ծխական Խորհուրդը սիրով տեղեկացնում է, որ հառաջակա շաբաթվան օրերը՝ (Ավագ Հինգշաբթի, Ուրբաթ, Շաբաթ եւ Կիրակի) ն, կկատարվեն հետեվեալ արարողությունները՝

(Ստորեվ ցուցակոմ կարող եք նայել յուրաքանչյուր օրվան արարողակարգը եւ ժամերը)

***ՈՒՇԱԴՐՈՒԹՅՈՒՆ***

Ա.- Ավագ Հինգշաբթի օրվան (Ոտնլվայի) կապակցությամբ, այն անձերը՝ (ՓՈՔՐ ՈՒ ՄԵԾ ԵՒ ՄԻԱՅՆ ՄԿՐՏՎԱԾՆԵՐԸ) ովքեր որ ցանկանում են իրենց ոտքերը լվանալ, խնդրվում է 30 րոպե շուտ եկեղեցիում գտնվեն, եւ իրենց հետ բերել հողաթափ եւ սրբիչ՝ ոտքերը սրբելու համար:

Բ.- Ավագ Ուրբաթ օրվան (Թաղման կարգի) կապակցությամբ՝ այն անձերը ովքեր ցանկանում են, կարող են իրենց հետ ծաղիկներ բերել (Քրիստոսի Գերեզմանին) դնելու համար:

Գ.- Ավագ Շաբաթ օրվան (Ճրագալույցի Ս. Պատարագին) կապակցությամբ՝ այն անձերը ովքեր ցանկանում են, կարող են իրենց հետ բերել (կանթեղներ), որպեսզի եկեղեցուց (Քրիստոսի Լույսը) վերցնեն եւ իրենց տուները տանեն:

In AvondGasten was de advocaat van de nabestaanden, Vasken Sarkis

• 27 мар, 2018 в 19:47

https://l1.nl/advocaat-familie-slachtoffer-steekpartij-maastricht-in-avondgasten-140015/

Անցյալ տարվա դեկտեմբերին Մաստրիխտի հասարակայնությունը վրդովված էր: Դեպքն ավարտվել էր երկու մարդկանց մահվան ելքով: Ահաբեկչական հարձակու՞մ:

Հետագայում պարզ դարձավ, որ դա շփոթված սիրիացի մարդ էր, ով կարճ ժամանակում երկու հոգու սպանեց: Այսօր նրա դեմ սկսվել է դատական հայցը:

Այս գործով տուժող ընտանիքի փաստաբանն է մեր հայրենակից

Վազգեն Սարկիսը:

Լինբուրգի Հեռուստատեսային այս երեկոյին նա որոշ հարցեր է պարզաբանում, իսկ դատական նիստին բոլորին մի հարց էր հուզել ՝ ինչու՞ սիրիացի Օսաման խեղեց ընտանիքի ճակատագրեր:

Մանրամասը տեսանյութում

Maastricht werd in december opgeschrikt door twee dodelijke steekpartijen. In de eerste paniek werd er gedacht aan een terroristische aanslag.

Later werd duidelijk dat het om een verwarde Syrische man ging, die in korte tijd twee mensen doodstak. Vandaag is de rechtszaak tegen hem begonnen.

In AvondGasten was de advocaat van de nabestaanden, Vasken Sarkis, aanwezig.

Niet alleen de vrouw is om het leven gekomen. De familie is ook geestelijk om het leven gekomen

Vasken Sarkis

De nabestaanden beleven nu een moeilijke periode volgens advocaat Sarkis: ''Niet alleen de vrouw is om het leven gekomen. De familie is ook geestelijk om het leven gekomen.''De familie had gehoop dat Syriër Osama I. tijdens de zitting aanwezig zou zijn. Ze hadden graag antwoord willen krijgen op de vraag; ''waarom?''.

Advocaat Sakris kan nog niet veel kwijt over het rapport. Hij geeft aan dat het rapport niet veel antwoorden geeft maar juist meer vragen oproept. Ook bij de nabestaanden.

AvondGasten

Met sprankelende gasten aan tafel en verslaggevers in de provincie Limburg. Over politiek, sport, kunst, cultuur, economie en maatschappelijke onderwerpen.

Метки:

• Նիդերլանդական թերթեր

Ալկմարի ՀՄԸՄ-ի առաջին մարզահանդեսը

Ալկմարի ՀՄԸՄ-ի առաջին մարզահանդեսը ըստ մասնակիցների չափազանց հաջողված։

Метки:

• Առօրյա

Նիդերլանդների խորհրդարանի սրահում ինքնասպանության փորձ

Հաագայում՝ Նիդերլանդների խորհրդարանի սրահում, մի մարդ փորձել է ինքնասպանություն գործել:

Նշվում է, որ խորհրդարանի այցելուներից մեկը պատկերասրահում կախվելու փորձ է արել:

Ըստ տվյալների՝ տղամարդը անընդհատ այս կողմից այն կողմ է քայլել, ինչից հետո կապել է լարը պատկերասրահի վանդակապատից, գցել պարանոցից և ցած թռել:

Տղամարդուն հաջողվել է ողջ մնալ, սակայն զգալի վնասվածքներ է ստացել:

Պատահարի պատճառով խորհրդարանի աշխատանքը դադարեցվել է: Շենքն էվակուացվել է:

Метки:

• Այլ, 
• Լուսանկար. տեսանյութ, 
• Նիդերլանդական թերթեր

Երեք հայ թեկնածու հաղթել են Նիդերլանդների տեղական ընտրություններում

Հայտնի են դարձել Մարտի 21-ին Նիդերլանդներում կայացած տեղական մարմինների համայնքների ավագանու (Gemeenteraad) ընտրությունների արդյունքները։ Տարբեր կուսակցությունների կազմում 300-ից ավելի համայնքներում առաջադրված 13 հայազգի թեկնածուներից հաղթեցին իրենց կուսակցությունների ցանկում անցողիկ տեղերում հայտնված հայազգի երկու թեկնածուները, իսկ մեկը՝ անհատական արդյունքներով:

Էնքհաուզենի քաղաքային խորհրդում կտեսնենք Արշակ Մազլումյանին: «Աշխատավորական»  (PvdA) կուսակցությունն ընտրության արդյունքում  երկու տեղերից մեկը Արշակինն էր: Առաջինը հենց նրան շնորհավորեցինք.
«Մենք պահպանեցինք մեր տեղերը,- զրույցում ասաց Արշակը:
Երբ խորհրդարանական իշխող կուսակցությունը  տեղական ընտրություններում պահպանում է իր դիրքերը, դա արդեն հոյակապ արդյունք  է: Այնպես որ ես գալիս եմ քաղաքային խորհուրդ»:
«Դեմոկրատներ 66» կուսակցության թեկնածուներից  Ամստելվեյն քաղաքի  ավագանու կազմում տեսնելու ենք  Տավրոս Ասլանյանին: Նա իրենց  կուսակցական ցուցակում 5-րդն  էր, մինչդեռ դեմոկրատներրի քանակը քաղաքապետարանում յոթն է լինելու:
Ամստերդամում  «Աշխատավորական»  (PvdA) կուսակցություննը ցավալի պարտություն կրեց: Գործող 10 հոգանոց թիմ ունեցող ավագանու քաղաքային խորհրդի կազմից, որտեղ լավ հնարավորություն ուներ մեր  հայրենակիցը, անցողիկ շեմը  կրճատվեց կեսով, ընտրությունների արդյունքում 10-ից դառնալով հինգը: Ցավոք, մեր հայրենակից Նշան Սարիջանը (Nisan Sarican) տասնյակի մեջ էր: Նախնական սպասելիքները չարդարացան:
Դրա փոխարեն հայաշատ Ալմելո քաղաքում  իր ավագանու  աթոռը  պահպանեց Ռոբին Ղելիչին՝ Քրիստոնեա-դեմոկրատական կուսակցությունից (CDA): Թեև կուսակցությունն ընտրություններում պահպանեց իր 6 աթոռների քանակը՝  Ռոբինը ցուցակում 7-րդն էր, որն անցողիկ շեմ չէր,սակայն անհատապես  հավաքած ձայների  հաշվին հայ թեկնածուն մնաց  քաղաքային  խորհրդի  ավագանու  կազմում:
«Շնորհակալություն Ալմելոյի հասարակությանը մեր հիասքանչ հայ համայնքին, կրկին ընտրվել եմ 4 տարի աշխատելու:  Շնորհիվ  անհատական ձայների Ես հիմա  CDA- կուսակցության մեջ  Ալմելոյում դարձա 2-րդ  համարը և ունենք 6 տեղ քաղաքապետարանում:  Կշարունակեմ լավ գործեր անել Ալեմելոյի համար, ձեզ հետ միասին»- ֆեյսբուքյան էջում գրել է Ռոբինը:
Այս ընտրապայքարում հայ թեկնածուներից հաղթանակին մոտ էին, ինչպես ասացինք Նշան Սարիջանը, Սևակ Գասպարյանը՝ Թվենթե քաղաք (D66), Սեպուհ Աբրահամյանը՝ աշխատավորական PvdA կուսակցությունից, Մերի վան Էֆերինկ-Շաբոյանը՝ Մաստրիխտից (CDA): Հետաքրքրական է, որ Հաագայի Կանաչների կուսակցությունից առաջադրված Արմինե Ստեփանյանը իր օգտին թեև բավականին անհատական ձայներ հավաքեց՝ սուրջ 300, բայց դա բավարար չեղավ հաղթելու համար: Փաստն այսպես մեկնաբանեց Հաագայի Աբովյան մշակութային միության նախագահ Մաթո Հախվերդյանը.«Արմինեն Հաագայում ոչ միայն հայերից, այլ բնիկ հոլանդացիներից ու այլ ազգերից ճիշտ է, շուրջ 300 ձայն հավաքեց, բայց դա բավարար չեղավ: Հաագայում անհատական ձայներով ընտրվելու համար հարկավոր էր ունենալ մոտ 1400 քվե, այնինչ օրինակ Ալմելոյում կամ Ալկմարում ընդամենը շուրջ 150 անհատական ձայնը բավարար կլիներ ցուցակի մեջ վեր բարձրանալու և ավագանու աթոռ զբաղեցնելու համար» :
Մեր մյուս թեկնածուների հաղթելու հավանականությունը առավել քան համեստ էր, քանի որ ընտրական ցուցակներում համեստ տեղեր են զբաղեցրել:
«Նիդերլանդական օրագիր»

Ռոբին Ղելիչին

Տավրոս Ասլանյանը

Արշակ Մազլումյանը

Մի՜ կրկնեք սխալ, որ երբևէ չամաչեք ինքներդ ձեզնից․․․

Օտարության մեջ գտնվող ամեն մի հայ Մայր Հարենիքից զատված մի պտղունց հողն է, որ երբեք այնպես պարարտ չի լինի ինչպես Հայաստանում, Հայրենիքից հեռացած և պանդխտության ճամփան բռնած ամեն մի հայ ծիրանենու այն սերմն է, որ օտար հողում , օտար արևի ցրտաբեր շողերի տակ երբևէ չի ծաղկի, և ի վերջո օտար լեզվի դռները թակող ամեն մի հայ իր Մայր լեզվի տաճարը կքանդի, եթե չխոսի հայերեն, առավել ևս հայոց լեզուն չսերմանի իր զավակների ու սերունդների մեջ։ Հիմա, երբ Հայաստանն ալրամաղի նման դատարկվում է, և հայոց հասկերն օտար հողում են գլուխ բարձրացնում՝ փորձելով ծաղկել, մեր ազգայինի և հայեցիի պահպանման սուրբ գործընթացն առավել քան արդիական է և մտահոգեցնող։ Փառք Աստծո, որ այսօր  սփյուռքում  անգամ կան  բազմաթիվ հայկական դպրոցներ ու կրթօջախներ՝ մեր ոսկեծամիկ լեզուն սերունդներին ուսանելու: Ավաղ, ծնողների մեծ մասը նախընտրում է իր շաբաթօրյա, կամ կիրակնօրյա հանգիստն անցկացնել մեծամասամբ գինարբուքների և խնջույքների մեջ՝ մի կողմ դնելով իր երեխաների՝ հայեցի կրթման և դաստիարակման գործընթացը, հաճախ արտաբերելով, թե ինչ անհրաժեշտություն կա հայոց այբուբենը իմանալու, հայերեն կարդալ և գրելու, երբ առավելագույնը տարին մեկ անգամ են արձակուրդներին այցելում Հայաստան՝ տեսարժան վայրերը վայելելու համար։
Ինքս ինձ չտարանջատելով որևէ մեկից՝ հաճախ եմ ինքս ինձ հարցնում.  «Մի կերպ զավակներիս կկարողանամ հայեցի կրթել և դաստիարակել, բայց առավելագույնը մեկ սերունդ, հետո կքաղեմ իմ անտարբերության պտուղներն ՝օտարամոլ բարքերով ու սովորույթներով, սրբատյաց և նեռամոլ  ավանդույթներով զետեղված»։
Եվ գուցե մի օր , ամոթի զգացումով և սեփական անձի նկատմամբ զայրույթով լցվեմ,երբ որևէ մեկը հեգնանքով ինձ արտաբերի. «Դու ի՜նչ բանաստեղծ, կամ հայագետ, երբ զավակներդ հայոց լեզվին չեն տիրապետում...»
Հա, մոռացա ասել և կոչ անել Նիդերլանդների Լիմբուրգի մարզի և նրան հարակից շրջանների հայությանը, որ արդեն վաղուց Մաստրիխտի  «Անի» հայ համայնքում գործում է կիրակնօրյա հայկական դպրոց*), որտեղ Ձեր զավակները կարող են անվճար թե՜ հայոց լեզուն սովորել, և թե՜ կրոնի դասերի հաճախել։
Մի՜ կրկնեք  սխալ, որ երբևէ չամաչեք ինքներդ ձեզնից․․․

Հարգանքներով՝ Արտակ Մանուկյան

*)-Նիդրրլանդների գրեթե բոլոր  հայաշատ վայրերում գործում են հայկական  կիրակնօրյա դպրոցներ, որոնք ընդգրկված են  միասնական  Հարթակում,-ծանոթ. ՆԻԴ.ՕՐԱԳՐԻ