ՀՈԿՏԵՄԲԵՐ ԱՄՍՎԱ ԼՈՒՐԵՐԻ ՕՐԱԳԻՐ

ՀՈԿՏԵՄԲԵՐ ԱՄՍՎԱ ԼՈՒՐԵՐ

ԱԲՈՎՅԱՆ մշակութային միությունը 40 տարեկան է

Նիդերլանդական Նիուվեխեյն քաղաքում հոկտեմբերի 19-ին ժամը 17։00/տեղի ժամանակով/ քաղաքի Սուրբ Նիկոլայ եկեղեցու բակում տեղի ունեցավ հայկական խաչքարի բացումն ու օրհնությունը:

Մանրամասը' 

                                                             ՄԱՐԶԱԿԱՆ

Հայաստանի ծանրամարտի կանանց հավաքականի անդամ Ալեքսանդրա Գրիգորյանը Լեհաստանում դարձավ Եվրոպայի մինչև 20 տարեկանների առաջնության ոսկե մեդալակիր:

Նիդերլանդների երկրորդ դիվիզիոնում հանդես եկող «Վիտեսի» կիսապաշտպան Իրակլի Եղոյանը պատրաստ է հանդես գալ Հայաստանի ազգային հավաքականում,այդ մասին հայտնում է Interfootball.am կայքը։

Եղոյանը ծնվել է Վրաստանի մայարքաղաք Թբիլիսիում և 7 հանդիպում է անցկացրել այդ երկրի երիտասարդական հավաքականում։

Եղոյանը 2011 թվականից հանդես է գալիս նիդերլանդական ակումբներում, 2013-17 թթ. եղել է Ամստերդամի «Այաքսի», 2017-24 թթ.` «Տվենտեի» համակարգում։ Նա այս տարվա օգոստոսին երկու տարվա պայմանագիր է կնքել «Վիտեսի» հետ, որի կազմում ընթացիկ մրցաշրջանում 9 խաղում 2 գոլ է խփել։

Ալբանիայի մայրաքաղաք Տիրանայում ընթացող Մ23 տարեկանների ըմբշամարտի աշխարհի առաջնությունում Հայաստանի հունահռոմեական ոճի ըմբշամարտի հավաքականի անդամ Հայկ Խլոյանը նվաճել է ոսկե մեդալ ու դարձել աշխարհի չեմպիոն:

Այս մարզաձևում մեր մարզիկները բավական հաջող  են հանդես գալիս

ԱՐԺԱՆԻ ՄԱՐԴԸ

«Նիկիտա Սիմոնյանը 98 տարեկան է։ Հայաստանի ֆուտբոլի ֆեդերացիան շնորհավորում է լեգենդար ֆուտբոլիստ և մարզիչ Նիկիտա Սիմոնյանին ծննդյան կապակցությամբ:

ՀՖՖ-ն իր խորին երախտագիտությունն է հայտնում Նիկիտա Սիմոնյանին՝ հայկական ֆուտբոլի զարգացման մեջ անգնահատելի ներդրում ունենալու համար: Մաղթում ենք քաջ առողջություն և երջանկություն», ասված է ՀՖՖ-ի շնորհավորական ուղերձում:

Հայկական ֆուտբոլի առաջին թիմը` Երևանի Արարատը նրա օրոք նվաճեց խորհրդային ֆուտբոլի բարձրունքները 1973թ. նվաճելով ՍՍՀՄ չեմպիոնի ու գավաթակիր կոչումը։ Մի առիթով Նիկիտա Սիմոնյանն ասել է.

 ֆուտբոլի ասպարեզում արեցի այն ինչ  Ազնավուրն արեց  Հայաստանի համար , որի համար շատ հպարտ եմ։

                                                                ՔԱՂԱՔԱԿԱՆ  

ՆԱՏՕ-ի գլխավոր քարտուղար Մարկ Ռյուտեն հայտարարել է՝ ռազմական դաշինքը հաստատել է, որ Մոսկվան հյուսիսկորեական զորքեր է տեղակայել Ուկրաինային սահմանակից Ռուսաստանի Կուրսկի շրջանում, հայտնում է Ազատություն ռադիոկայանը։

Այսօր ելույթ ունենալով Բրյուսելում՝ Ռյուտեն Մոսկվայի այդ քայլը որակել է «զգալի էսկալացիա» և պնդել՝ նման զարգացումը վկայում է Ռուսաստանի նախագահ Վլադիմիր Պուտինի «հուսահատության» մասին, որն Ուկրաինայի դեմ պատերազմում արդեն ավելի քան 600 հազար զինվոր է կորցրել։

ՖՍ էջում

ՀԱՅԱՍՏԱՆԻ ՆՈՐ ԴԵՍՊԱՆ ՖՐԱՆՍԻԱՅՈւՄ

ՀՀ նախագահի հրամանագրով Ֆրանսիայի Հանրապետությունում Հայաստանի Հանրապետության արտակարգ և լիազոր դեսպան է նշանակել Արման Խաչատրյանը (նստավայրը` Փարիզ)։

Հիմք է ընդունվել վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի.

ՎԱՐՉԱՊԵՏԸ` ՎԱԶՈՐԴ

Նիդերլանդների վարչապետ Դիկ Շոֆը կեղծանունով մասնակցել է Ամստերդամում անցկացված կիսամարաթոնին և ավարտել ընդամենը երկու ժամում, հայտնում է news am֊ը հղում անելով NOS-ին ։

Դիկ Շոֆը մրցույթին գրանցվել է «Պիտեր Յանսեն» անունով և չի հայտնել իր մասնակցությունը մինչև մրցավազքի ավարտը, ինչպես ինքն է բացատրել՝ ուշադրությունից խուսափելու համար: Սակայն մեկնարկային համարն իր իսկական անունն էր՝ առանց ազգանունի։

Նրան չհաջողվեց ամբողջությամբ թաքնվել զգոն քաղաքացիներից. մի քանի անգամ նրան ճանաչեցին և ուղղակիորեն ողջունեցին որպես «պարոն վարչապետ», իսկ վերջնագծին Շոֆը բռնվեց լրագրողների կողմից:

Դիկ Շոֆը տարածությունը լրացրեց 1 ժամ 53 րոպե արդյունքով։ Նա երկար ժամանակ վազորդ է և արդեն վազել է մարաթոններում։

ՀՀ սփյուռքի գլխավոր գործերի հանձնակատար Զարեհ Սինանյանն ընդունել է  ՀՀ-ում Եվրոպական միության պատվիրակության ղեկավար, արտակարգ և լիազոր դեսպան Վասիլիս Մարագոսին:

Հանդիպմանը քննարկվել են Գրասենյակի կողմից իրականացվող նախաձեռնությունների և ծրագրերի շրջանակում ԵՄ պատվիրակության հետ համագործակցության հարցերն ու առկա հնարավորությունները։

Կողմերն առանձին անդրադարձ են կատարել ԵՄ անդամ երկրների հայ համայնքների հետ ընթացող աշխատանքներին և սփյուռքի տարբեր շրջանակների ներգրավվածությանը Հայաստանում իրականացվող զարգացման ծրագրերում։

Այլ լեզուներով

Եվրոպական  խորհրդարանի Ադրբեջանի մասին բանաձևը

Եվրոպական  խորհրդարանը 453 կողմ, 31 դեմ և 89 ձեռնպահ ձայներով ընդունեց Ադրբեջանում իրավիճակի, մարդու իրավունքների ու միջազգային իրավունքի ոտնահարման և Հայաստանի հետ հարաբերությունների մասին բանաձևը:

Հրապարակած բանաձևով Եվրոպական խորհրդարանը վերահաստատում է պատժամիջոցներ սահմանելու իր կոչը՝ մարդու իրավունքների լրջագույն խախտումներ թույլ տված ադրբեջանցի պաշտոնյաների նկատմամբ։ Պահանջում են ազատ արձակել քաղաքական հայացքների պատճառով կալանավորվածներին, դադարեցնել բռնաճնշումների բոլոր ձևերը՝ ինչպես Ադրբեջանի ներսում, այնպես էլ երկրի սահմաններից դուրս։

Բանաձևում ընդարձակ անդրադարձ կա հայ-ադրբեջանական հարաբերություններին։ Ընդգծելով աջակցությունը երկու երկրների ինքնիշխանությանը և տարածքային ամբողջականությանը՝ եվրոպացի պատգամավորները վերահաստատում են իրենց պահանջը՝ Ադրբեջանի զորքերը դուրս բերել Հայաստանի ինքնիշխան տարածքից։

Հայ Յեղափոխոխական Դաշնակցութիւն կայքն հայտնում է, որ ՀՅԴ անդամ Սարինե Աբրահամյանն ընտրվել է Սոցիալիստ երիտասարդների միջազգային միության գլխավոր քարտուղար։

Ավելին

                                           ԲԱՐԵԳՈՐԾԱԿԱՆ

A very special evening of Armenian Sacred and Folk Songs on November 9th at 19:00. The concert will be held at the Armenian Apostolic Church in Amsterdam. Come and join with your family and your friends to enjoy this beautiful concert program full of Armenian beautiful songs.  

Tickets are available for €15 at the entrance, with payment via Tikkie. This is not just a musical event but also a charitable cause, as all proceeds from the tickets will go towards supporting Milena’s tuition at the Royal Conservatoire in The Hague.

-----------

Նոյեմբերի 9-ին, ժամը 19:00-ին, Հայ Հոգևոր և ժողովրդական երգերի  յուրահատուկ երեկո: Համերգը տեղի կունենա Ամստերդամի ՍՈՒՐԲ ՀՈԳԻ Հայ Առաքելական եկեղեցում։ 

Ձեր ընտանիքի և ընկերների հետ եկեք և  վայելե՛ք հայկական գեղեցիկ երգերով լի այս գեղեցիկ համերգային ծրագիրը։

Տոմսերը հասանելի են մուտքի մոտ 15 եվրոյով: Սա ոչ միայն երաժշտական ​​միջոցառում է, այլ  նաև  ունի բարեգործական նպատակ, քանի որ տոմսերից ստացված ողջ հասույթը կուղղվի Միլենայի Հաագայի թագավորական կոնսերվատորիայի  ուսման վարձին :

Ֆեյսբուքում

LSC Netherlands for Armenia-ն կազմակերպում է բարեգործական պարային երեկո՝ օգնելու արցախցի ընտանիքներին

LSC Nederland voor Armenië organiseert een liefdadigheidsdansavond om families uit Artsakh te helpen

Op 30 november organiseert LSC Nederland voor Armenië een liefdadigheidsdansavond, waarbij alle dansliefhebbers en iedereen die ons wil steunen, worden uitgenodigd om samen te komen voor een avond vol vreugde, muziek en zingeving. Het evenement is bedoeld om hoognodige steun te werven voor families uit Artsakh, die gedwongen werden hun huizen te verlaten en hun thuisland, bezittingen en levensonderhoud verloren.

Ավելին

Laat kinderen muziek maken

m.m.v. Henk Neven, bas-bariton, Ani Ter-Martirosyan, piano en orgel, Festivalkoor Internationaal Lied Festival Zeist, o.l.v. Inge van Keulen, koordirigent, Gregor Schulenburg, duduk, Madat Jeremian, dhol, Khachaturian Trio: Astghik Mamikonyan, viool, Narek Atoyan, klarinet, Julian Burdenko, pianoZaterdag 2 november / 15.00 - 17.00 uurbenefietconcert

Բարեգործական համերգ  նոյեմբերի 2 իմ ,ժամը 15.00 ին Արցախի ( Bergkharabach)  տեղահանվածների համար,որը նվիրվում է Արցախյան պատերազմի զոհված հերոս ' Արեն Մեհրաբյանին ՝Զեյստ միջազգային երաժշտական փառատոնի շրջանակներում, Նիդեռլանդների ( Zeist) քաղաքում(  Kerkelijk centrum Zeist-West) եկեղեցում։ 

Մասնակցում է Նիդեռլանդական երգչախումբ՝ երգելով հայկական երաժշտություն, 

Ինգե ֆան Քայլեն, Հենք Նեվեն,( փառատոնի գեղարվեստական ղեկավար, պրոֆեսոր),  

Գերմանացի դուդուկահար Գրեգոր Շուլենբուրգ։ 

Անի Տեր-Մարտիրոսյան և Խաչատրյան Տրիո։

Համերգի գեղարվեստական ղեկավարներ ՝ Անի Տեր -Մարտիրոսյան և Ինգե Ֆան Քայլեն,

Կազմակերպիչ՝  Լուսի Սպրեյ ՝փառատոնի շրջանակներում։

Համերգի հասույթը տրամադրվելու մարզերում արցախահայ երեխաների երաժշտական դպրոցի ուսման վարձի և երաժշտական գործիքներ ձեռք բերելու համար, ինչպես նաև խիստ կարիքավոր ընտանիքներին աջակցելու համար։

Ավելին այստեղ

                                            ՄՇԱԿՈՒԹԱՅԻՆ           

  

Աբովյան միության 40-ամյակը Հաագայում սկսած նոյեմբերի 14-ից

Աբովյան մշակութային միության 40-ամյակը կսկսվի նոյեմբերի 14-ին կազմակերպվող ընդունելությամբ:

Մանրամասը մյուս միջոցառումների մասին

Արցախյան գրքի շաբաթ

Հոկտեմբերի 26-ին, ժամը 13.00-ից Բուկինիստ, ընկերության՝ Երեւան, Ամիրյան 2 հասցեով մասնաճյուղում մեկնարկեց Արցախյան գրքի շաբաթը: Ցուցահանդես-վաճառքին ներկայացված գրքերը, սկսած ժամը 17.00-ից, Գրքի գիշերվա ակցիայի շրջանակում կվաճառվեն 30% զեղչով:  Գրքատոնի բացմանը ներկա էին հեղինակներ ու գրասերներ։  Միջոցառումը կտևի մինչև նոյեմբերի 2-ը։ 

On October 26, at 1:00 p.m., the Artsakh Book Week started at the branch of the Bookinist company at Amiryan 2, Yerevan. At եxhibition - booksale presented books will be sold at a 30% discount starting from 17.00, as part of the Book Night campaign. Authors and book lovers were present at the opening of the book festival. The event will last until November 2.

Նաիրա Գասպարյան,  բ․գ․թ․, ԵՊՀ դոցենտ

ՆԻԴԵՐԼԱՆԴՆԵՐՈւՄ  ԹՎԱՅՆԱՑՎՈւՄ ԵՆ ՀԻՆ ՀԱՅԿԱԿԱՆ  ՁԵՌԱԳՐԵՐԸ

Նիդերլանդների Լեյդենի համալսարանի գրադարանի արխիվում պահվող բոլոր հին հայկական ձեռագրերն ու գրքերը կթվայնացվեն:

Ամենաթանկարժեք օրինակներից մեկը, որը մոտ ապագայում կթվայնացվի, կլինի հայերենով առաջին տպագիր Աստվածաշունչը, որը հայտնվել է Ամստերդամում 1666 թվականին Ոսկան վարդապետ Երևանցու նախաձեռնությամբ։

Լեյդենի համալսարանի գրադարանը հիմնադրվել է 1575 թվականին և նշանակալի դեր է խաղացել համաշխարհային մշակույթի զարգացման գործում, իսկ այսօր այնտեղ գտնվում է Եվրոպայի ամենամեծ գրքերի հավաքածուն:

Մեղրատոն 2024 

Երևանի Երազ այգում տեղի ունեցավ երևանցիների սիրելի մեղրատոնը, որի կազմակերծիչներից Տիգրան Սեդրակյանը, ով իր տիկնոջ՝ Հեղինե Զալյանի հետ զբաղվում են գիտական մեղվաբուծությամբ։ Ի դեպ, Հեղինեի մեղրամոմից պատրաստած անուշբույր մոմերը հանգստացնում են նյարդերը և ժպիտ պարգևում։  Տիգրանը նաև միջազգային Մեղվաբուծության Դարբնոց Գիտակրթական Կենտրոնի նախագահն է։

 Կազմակերպված ամենահամեղ ու ամենաբուրումնավետ ցուցահանդեսը  Երևանի սրտում ոչ միայն ամենահամեղն էր , այլև ներկայացնում էր մեղուների գործունեությանն ու մեղրին առնչվող բազմաթիվ արտադրանքներ, այդ թվում օճառներ, կոսմետիկ միջոցներ․․, որոնք շատերին անտարբեր չէին թողնի։ Լրացուցիչ ասենք, որ Տիգրան Սեդրակյանը երբեք չի բավարարվում ձեռք բերված գիտելիքով, նա միշտ նորանոր պրպտումների մեջ է, որից շահում է մեղվապրոդուկտի սիրահար հանրությունը։

Նաիրա Գասպարյան

Ավելին այստեղ

Առնհեմ քաղաքի հայ առաքելական եկեղեցում տեղի է ունեցել նիդերլանդաբնակ, տնտեսական գիտությունների թեկնածու Արայիկ Միրզոյանի երկրորդ` «Քեզ որոնելով» գրքի շնորհանդեսը, որին ներկա էին Նիդերլանդների հայ համայնքի մի շարք ներկայացուցիչներ և արվեստասերներ։ 

Մանրամասը

Հայաստանի Գիտությունների ազգային ակադեմիայի և Մյունստերի համալսարանի հնագետները ժամանակակից Արտաշատ քաղաքի մերձակայքում գտնվող հինավուրց Արտաշատ քաղաքում հայտնաբերել են նախկինում անհայտ վաղ քրիստոնեական եկեղեցու մնացորդներ

Տիգրան Մեծի մետաղադրամից ստացված այս հուշանվերը Նիդերլանդական օրագրին է հանձնել Սահակ Սահակյան  տուն թանգարանի տնօրեն Պերճ Սահակյանը, որի համար երախտապարտ ենք։

 ~~~~~~~~

английский

Coin of Tigranes the Great, a symbol of Armenian power and sovereignty during the 1st century BCE. Depicting the legendary king, this ancient artifact reflects the golden era of Armenian history, when Tigranes ruled a vast empire stretching from the Mediterranean to the Caspian Sea.

Տիգրան Մեծի մետաղադրամը, որը խորհրդանշում է հայկական իշխանության և ինքնիշխանության խորհրդանիշը մ.թ.ա. 1-ին դարում։ Առասպելական թագավորին պատկերող այս հնագույն արտեֆակտը արտացոլում է հայոց պատմության ոսկե դարաշրջանը, երբ Տիգրանը կառավարում էր մի հսկայական կայսրություն, որը ձգվում էր Միջերկրականից մինչև Կասպից ծով:

Նիդերլանդներ, Մաստրիխտ։ Հայազգի Սուրբ Սերվատիոս  եկեղեցում հնչել է ՀԱՅՐ ՄԵՐԸ։ Նշված եկեղեցու, այդ թվում նրա մասունքները պահվող խորանի բանալիները վստահված են հայ համայնքի Սուրբ կարապետ հայկական եկեղեցու ծխական խորհրդին։ Սերվատիոսը 4-րդ դարի հայ հոգևորական է, որը եկեղեցական ավանդության համաձայն տարածել է քրիստոնեությունը Հոլանդիայում, Բելգիայում և հիմնել առաջին եկեղեցին ներկայիս Նիդերլանդների տարածքում։ 

Ցավոք, նրա անունը նվազ լսելի է Հայաստանում և այդ ուղղությամբ գրեթե քարոզչական աշխատանք չի տարվում թե՛ Մայր Աթոռի, և թե՛  իշխանությունների կողմից։

Հայաստանի ազգային գրադարանում էր մեր վաղեմի բարեկամ, Ամստերդամի Մաթէոս Ծարեցու անվան գրադարանի պատասխանատու Աննա Մարիա Մատտաարը։

Մատտաարը հոկտեմբերի 3-4-ը գրադարանում անցկացվելիք «Ժառանգության պահպանություն հանուն կայուն ապագայի» միջազգային գիտաժողովի մասնակիցներից է։

Աննա Մարիան մշտապես օգնում է գրադարանի հավաքածուների համալրմանը։ Հայաստան գալիս իր հետ գրքեր է բերում, իսկ Հոլանդիայից մեզ է ուղարկում ՀԱԳ-ում բացակայող հայերեն հրատարակությունների թվային պատճեները, որոնցով համալրվում են գրադարանի առցանց շտեմարանները։

Այս անգամ նա գրադարանին նվիրեց Ամստերդամի հայ երիտասարդների միության «Խորհուրդ» ամսագրի 2017-2023թթ. հավաքածուն։ Հոգևոր բովանդակությամբ հավաքածուն լույս է տեսնում հոլանդերեն։ Ունի ամփոփիչ տարեկան թողարկում։  Աննա Մարիան նաև շուրջ 10 հայագիտական գրքեր նվիրեց գրադարանին։

Ամստերդամի Մաթէոս Ծարեցու անվան գրադարանը տեղավորված է հայկական Սուրբ Հոգի եկեղեցում, որը կառուցվել է 1714 թ-ին։ Ծարեցու անվան գրադարանի գրացուցակում ներկայում  մոտ 1400 գիրք կա։ Եվս 300 անուն գիրք դեռևս մատենագրված չէ։

«Հետնատունը. երիտասարդ աղջկա օրագիրը | Աննը Ֆրանկ» հանրահայտ գրքի թարգմանիչ Աննա Մարիա Մատտաարը գիտաժողովում ելույթ կունենա

«Ընթերցվող կին գրող՝ Աննը Ֆրանկն ու իր օրագիրը» թեմայով։

Հոկտեմբերի մեկյ; ՇԱՌԼ ԱԶՆԱՎՈՒՐԻ հիշատակի օրն է։

Ոսկե հուշադրամ Շարլ Ազնավուրի դիմանկարով, պատրաստված Հայաստանում 

  Մեծագույն  երգչի մասին դեռ 1955թ. Շառլ դը Գոլն է ասել. 

«Դուք կնվաճեք աշխարհը, որովհետև կարողանում եք հուզել»:

10 հազար թուրքական լիրա արժողությամբ թղթադրամում (Թուրքիայի ազգային արժույթ) պատկերված է ազգությամբ հայ Միմար (Հովսեփ) Սինանի դիմանկարը։

Համառոտ տեղեկատվություն այս անձի մասին.

Սինան (ծնվել է 1489 թվականի ապրիլի 15-ին Կայսերի քաղաքի մոտ գտնվող հայկական Ագըռնաս գյուղում - մահացել է 1588 թվականի հուլիսի 17-ին Ստամբուլում) - Օսմանյան կայսրության ամենանշանավոր ճարտարապետներից մեկը։

Կարդալ ավելին.

Հոկտեմբերի 5-ը Ուսուցչի օրն է, դպրոցական կրթության ոլորտի աշխատողների մասնագիտական տոնը։ Նկարներում` Նիդերլանդների Ալմելո քաղաքի Մեսրոպ մաշտոց և Նայմեխենի ՎԱՆ կիրակնօրյա դպրոցների տնօրեններ Սվետլանա Անդրեսյանը և Սվետա Աբրահամյանը։

Շնորհավորում ենք կրթական ոլորտի բոլոր աշխատողների մասնագիտական տոնը։

ԱՇՈՒՆ

Բերքառատ աշնան վերջին բարիքները

Աշնանային հանդերձանք

Մարթեն Յորգանցը բնակվել է նաև Նիդերլանդներում

Քչերը գիտեն, որ երգիչ֊երգահան Մարթեն Յորգանցը Ֆրանսիայում  բնակվելուց առաջ կարճ ժամանակ հաստատվել է Նիդերլանդների Ամստերդամ քաղաքում։ Այժմ երգիչն ապրում և ստեղծագործում է  Մոնրեալում (Կանադա)։ Երգչի կարգախոսն է ՍԵՐ ԵՎ ՄԻՈւԹՅՈւՆ։ Նրան Հայաստանում շատ են սիրում և գնահատում։ Երկրաշարժին հաջորդող դժվարին տարիներին նա միշտ իր ժողովրդի հետ է։  Մարզահամերգային համալիրում ամենից շատ` 88 անգամից ավելի համերգներ կազմակերպվել են Մարթեն Յորգանցի համար։

Լուսանկարներում` Մարթեն Յորգանցը (Marten Yorgantz) Աշտարակում 1989թ։

 Ի դեպ, ներկայումս պարբերաբար Յորգանցը հաճախ է հյուրընկալվում Օշականի ամենահին տանը`  Բունիկ/Bounik ֊ում։

Լուսանկարները լրագրող Վահան Ամատունու արխիվից։

Բունիկ/Bounik

Սիրելի՛ Niderlandakan Oragir / Diary of the Netherlands/Նիդերլանդական օրագիր , մեր լա՜վ բարեկամ, շնորհակալություն Բունիկի ու Մարթեն Յորգանցի բարեկամություն մասին նշելու համար: Առաջին այցի մանրամասներն այստեղ են  https://www.facebook.com/bounikarm/videos/2031094610412699

Արմենուհի Դարչինյանի «ԵՍ ԿԱՄ» գրքի շնորհանդեսը երևանում

 

 Արմենուհի Դարչինյանի հերթական գրքի շնորհանդեսը՝ կազմակերպված երևանյան ամենագողտրիկ վայրերից մեկում, հագեցած էր մշակութային բազմաբովանդակ ծրագրերով։ Հնչեցին երգեր աշխարհահռչակ տենոր` #Vanno #Tadeo #Leoni-ի, սիրված երգիչ Վահագ Ռաշ-#Вааг #Раш-ի կատարմամբ և պարային խմբերի գեղեցիկ ելույթներով։ Մասնակիցների թվում էին նաև  

  «ԳԱՅԱՆԵ»   ՌԱԶՄԱՀԱՅՐԵՆԱՍԻՐԱԿԱՆ Միությունը,  «Էլլադա» պարային համույթը, ասմունքող և վարող Մանե Սոֆյանը, ԵԿՄ Պատանի Երկրապահների Զառի վաշտի ողջ անձնակազմը։ 

Արմենուհին իր պոեզիայով  աշխարհին է հանձնում հոգում կուտակված ողջ լույսն ու սերը։ Արմենուհին սոսկ բանաստեղծուհի չէ, չնայած վաղուց է սկսել տպագրվել հայրենիքում և սփյուռքում՝ կամրջելով երկուսն իրար։ Հայրենի քաղաքում տեղի ունեցած ավերիչ երկրաշարժը թողեց իր դրոշմը, որը գուցև կանխորոշեց բանաստեղծուհու  ապագան և հետաքրքրությունների շրջանակը։ Նրա երրորդ գիրքը եկավ հանրությանը բերելու արդեն հասուն բանաստեղծուհու հոգեկան ապրումները անցած կյանքի մասին, որը խոր արմատներ է գցել նրա հոգում, սակայն Արմենուհին  ապրում է լուսաշող ապագայի նկատմամբ մեծ հավատով։ Նա վստահ է, որ անձրևը մաքրելու է ծանր օրերի հետքերն ու հոգու տխրությունը, հատկապես, երբ հոգում մանկության վերհուշն է ու կարոտը հայրենի եզերքի նկատմամբ։ Նրա հերոսը մարդն է իր արարչագործությամբ։ Արևի ու լույսի սիրահար բանաստեղծուհին իրեն համարում է բնության մի մասնիկ, ում պարտքն է ապրելը, որ ապրեցնի։ Նրա աշխարհը արևի համ ու լույս ունի, որը նրան միշտ պահում է հայրենի  Սպիտակի կողքին։ Թերևս հենց կարոտն է ձևավորել է բանաստեղծուհու ստեղծագործ էությունն ու  քաղաքացիական գիտակցությունը։ Արմենուհին չի կարող հեռու մնալ մարդկային ցավից ու դժվարություններից․ նա միշտ շտապում է օգնության, նրան խորթ չեն նաև բարեգործությունն ու ապրումակցումը։ 

Միջոցառումն իր ողջ գեղեցկությամբ օգնեց հյուրերին կտրվել իրականությունից՝ ու մի պահ դառնալ Արմենուհու գեղեցիկ հույզերի երազային աշխարհի այցելու։

Բնության գրկում անցկացված միջոցառումը հաճելի և անմոռանալի օր պարգևեց բոլորին։

«Նիդերլանդական Օրագրի» համար
Հայաստանի մայրաքաղաք Երևանից` Նաիրա Գասպարյան, բ․գ․թ․, ԵՊՀ դոցենտ

Presentation of the book “I DO EXIST "

by Armenuhi Darchinyan at Canyon Park Resort in Yerevan

 Armenuhi Darchinyan's regular book presentation, organized in one of the most hidden places in Yerevan, was full of multi-content cultural programs. Songs were played by the world-famous tenor Vanno Tadeo Leoni, popular singer Vahag Rash and beautiful performances of dance groups. Among the participants were the "GAYANE" patriotic association, reciter and conductor Mane Sofyan, the “Ellada” dance ensemble, the entire staff of the YKM Young Earth Guards Zar troop.

Armenuhi gives the world all the light and love accumulated in her soul with her poetry. Armenuhi is not just a poetess, although she has long been published in the homeland and in the diaspora becoming a bridge for the both. The devastating earthquake in her hometown left its mark, which perhaps predetermined the future of the poetess and the scope of her interests. Her third book came to bring to the public the already mature poetess’ mental world and feelings about the past life, which has taken deep roots in her soul, and about the bright future. She is sure that the rain will wash away the traces of hard days and the sadness of the soul, especially when there are childhood memories and longing for the native land. Her hero is man with his almighty creation. Armenuhi, who loves the sun and light, considers herself as part of nature, her duty is to live, to help others live. Her world has a taste of light, which always keeps her next to her native Spitak. Perhaps it was this nostalgia that shaped her creative nature and civic consciousness. Armenuhi cannot stay away from human pain and difficulties. She always rushes to help, she is also no stranger to charity and sympathy. 

The event with all its beauty helped the guests to break away from reality, become a visitor of Armenuhi's beautiful emotional dream world for just a couple of moments.

The event held in the lap of nature gave everyone a pleasant and beautiful day.

Մելանյա Պետրոսյանցի գրքերի շնորհանդեսը

Մանկավարժական համալսարանի գրադարանի ընթերցասրահը, որտեղ հավաքվել են գրողներ, գրաքննադատներ, հայտնի գործիչներ, լրագրողներ, ընտանիքի բարեկամներ ու դետեկտիվի սիրահարներ։ Նրանց բոլորին գերել ու մի տեղում է հավաքել գրող, հայկական դետեկտիվ ստեղծագործության զարգացնող ու նորովի մատուցող, բազմաթիվ գրքերի հեղինակ, հրապարակախոս, լրագրող Մելանյա Պետրոսյանցը։ (Ի դեպ միջոցառման ողջ տեսանյութը կարող եք դիտել ավելի ուշ Շամշյանի էջում։ )

Օրենքով գող, ոստիկան, հասարակություն եռանկյանը տ․ Մելանյա Պետրոսյանցի յուրահատուկ դետեկտիվում վերջին շրջանում ավելացած դետեկտիվ Հայկն ու տիկին Նունեն, ով դետեկտիվից ոչ միայն ետ չի մնում այլև կանացի բնածին պրպտող -դետեկտիվային ունակությունների շնորհիվ, նոր շունչ է հաղորդում ժանրին, որը տ․ Մելանյայի դիպուկ վերլուծականի ու կանացի երրորդ աչքի շնորհիվ նոր զարգացում է ապրում այսօրվա հայ իրականության մեջ։ Նշենք, որ լինելով քրեական գեղարվեստական ուղղվածության ենթաժանր, հայկական պետրոսյանցական դետեկտիվը տարբերվում է ընդունված համաշխարհային դետեկտիվից հենց թեկուզ միայն նրանով, որ դետեկտիվ ենթաժանրի զարգացումները՝ սկսած անտիկ շրջանից չինական և եվրոպական, ամերիկյան համանուն ժանրից, հայկականում գլոբալ համատեքստում որոշակի անկրկնելի ազգային երանգներ են ձեռք բերում Մելանյա Պետրոսյանցի շնորհիվ․ այստեղ առեղծվածի լուծումը թվում է թե հեռու է, բայց որոշակի չնախատեսված իրադրություններ տանում են դեպի հանգուցալուծում։ Պետրոսյանցական դետեկտիվը առանձնանում է նրանով, որ այն ընթանում է ժամանակակից գլոբալ զարգացումներին համահունչ՝ արտացոլվելով տիկին Մելանյայի գործերում՝ ըստ անհրժեշտության։ Ամենամեծ արժեքներից է, հաստատապես, Մելանյա Պետրոսյանցի ազգանվեր մտածողությունը՝ 1․ անգամ պատվի համար մեռած օրենքով գողերը արցախյան խնդիրներին հստակ նվիրվածություն են ցուցաբերում, կարողանում են արդարություն հաստատել շնորհիվ բոլոր հարցերում իրենց ունեցած շոշափելի գիտելիքի, հաճախ նրանք համակրելի են և իրենց չեն անջատում արդարությունից, կարողանում են հարցերը լուծել մտքի և ոգու ուժի շնորհիվ։  Երկրորդ, Պետրոսյանցի շնորհիվ էական ընդգծված կարևորություն ունեն ոստիկանանական, ռազմական կառույցներն ու նրանց ներկայացուցիչները, ովքեր հարցերի լուծմանը մոտենում են մասնագիտական պարտքի գիտակցումով և պետականամետ ու ազգանպաստ մոտեցումներով, ինչպիսինն է Պետրոսյանցի դետեկտիվ Հայկը, ով, ենթադրվում է, որ հասարակության մեջ հարգանք վայելող հայտնի հայ  անաչառ դետեկտիվ Հայկ Գաբրիելյանին ամբողջացնող կերպարն է։

Պուարոյի, Հոլմսի, Ագաթա Քրիստիի հերոսները խամրում են տիկին Մելանյայի ստեղծած վառ անհատ-հերոսների համեմատությամբ։ Երրորդ խումբ առավալություններից պետք է նշել թե ինչպիսի վարպետությամբ է կառուցում հեղինակն իր խոսքը, որտեղ ամեն բառ ու գաղափար խիստ ուղղվածություն ունի և նպատակադրված է հանգուցալուծմանը։ Պետք է հատուկ նշել, որ տիկին Մելանյայի  ստեղծագործությունները ճանաչողական առումով և մասնագիտական հմտությունների գերազանց կիրառման շնորհիվ պետք է վաղուց արդեն որոշակի ուշադրության արժանացած լինեին ոստիկանական և ռազմական համապատասխան կառույցների կողմից, քանի որ ավելի նպաստավոր տեսանկյունից նրանց կատարած գերմարդկային աշխատանքը ոչ ոք ավելի լավ ու գրավիչ չի ներկայացրել մինչև օրս։ Չորրորդ էական կողմն այն է, որ, այնուամենայնիվ, անգամ ամենաբացասական կերպարները առաջացնում են մեծ հետաքրքրություն, որովհետև օգնում են ոստիկանության և խուզարկուական գործի ներկայացուցիչներին ավելի լավ պատկերել իրենց ամենօրյա գերլարված պետականամետ աշխատանքում։

5-րդ առանձնահատկությունն էլ այն է, որ երբ հանդիպում են հմայիչ կանացիությունն ու տրամաբանական վերլուծական մտածողությունը, որի վառ դրսևորումն է Մելանյա Պետրոսյանցի դեպքը, ապա մնում է միայն հիացմունք ապրել դրանց առկայությամբ ստեղծված բարձրակարգ դետեկտիվ ստեղծագործություններն ընթերցելիս։

Նաիրա ԳԱՍՊԱՐՅԱՆ

  բ․գ․թ․, ԵՊՀ դոցենտ

Դեկտեմբերի 15-ին Խաչատուր Աբովյանի անվան պետական Մանկավարժական համալսարանի գրադարանում տեղի ունեցավ ժուռնալիստների միության անդամ, արձակագիր Մելանյա Պետրոսյանցի դետեկտիվ, թվով երեք՝ «Ոստիկանը», «Օրենքով գողը», «Մեր ժամանակները» գրքերի շնորհանդեսը: Տեսաերիզը` Գագիկ ՇԱՄՇՅԱՆԻ

BOOK PRESENTATION AT ARMENIAN STATE PEDAGOGICAL UNIVERSITY AFTER KH. ABOVYAN

“THE LAWFUL THIEF” BY MELANIA PETROSYANTS

For the Diary of the Netherlands/ NidOragir
From Yerevan, the capital of Armenia
Naira Gasparyan, PhD, YSU, Associate Professor

At the present moment, the reading room of the university library is crowded, where writers, literary critics, famous public figures, journalists, family friends and detective story lovers have gathered. All of them, carried away by Melania Petrosyants’ detective stories, are in one place to share their fascination and love to the writer, developer and innovator of the Armenian detective genre. Melania Petrosyants, a publicist and journalist, managed to have authored many books. (By the way, you can watch the entire video of the event later on Shamshyan's page.)

The triangle of a lawful thief, policeman, and society recently obtained a new meaning when the freshly added personages of detective Hayk and Mrs. Nune, who thanks to the innate detective abilities of a woman, manages to be on the same line with Hayk, the detective, give a new breath to the genre. Thanks to Melania Petrosyants' accurate analysis and woman's third eye, a new development is taking place in today's Armenian reality of detective story writing. It should be noted that, being a sub-genre of criminal fiction, Petrosyants’ Armenian detective differs from the accepted world detective. The developments of the detective subgenre, starting from the ancient period, from the Chinese and European, American detective genre, show that Petrosyants’ Armenian detective stories have a certain touch of national breath within the global context.

The solution of the mystery seeming to be far away, all of a sudden because of some unforeseen circumstances appear to be directly leading to the solution of the challenging puzzle. Petrosyants’ detective stories are distinguished due to the fact that they move in line with modern global developments when necessary. Melania Petrosyants' national way of thinking is definitely one of the greatest values: firstly, even lawful thieves living for honor show a clear dedication to Artsakh problems, they are able to establish justice due to the tangible knowledge they have in all spheres, they are often sympathetic and do not distance themselves from justice, they are able to solve issues due to the power of mind and spirit; secondly, thanks to Petrosyants, police and military structures and their representatives who approach the solution of safety issues with the awareness of professional duty and having adopted love-towards-your -nation standpoints like Petrosyants’ hero Detective Hayk, who is believed to be created by the example of  the well-known and impartial, respected in the society Armenian detective Hayk Gabrielyan, is a significantly important personage possessing Gabrielyan’s professional skills and knowledge.

Poirot, Holmes, Agatha Christie’s heroes are pale in comparison to the bright individual characters created by Mrs. Melania. Among the third group of advantages, the  mastery of the author with which she constructs her speech, where every word and idea is highly oriented and aimed at the conclusion should be mentioned. It should be specially noted that Melania Petrosyants’ stories in cognitive terms and due to her excellent application of professional skills should have received some attention long ago from the relevant police and military structures, since no one ever presented their superhuman work better and more attractively from a more favorable perspective until today. A fourth essential aspect is that, nevertheless, even the most negative characters are of great interest because they help the police and detectives to better portray themselves in their daily overwhelming but very important work.

Still, the 5th feature is when one can feel extreme admiration reading the high-class detective stories created on the basis of charming femininity and logical-analytical thinking, as it is vividly manifested in Melania Petrosyants’ case.

Խաչքար Նիդերլանդների Նյուվեխայն քաղաքում

 

Հոկտեմբերի 19-ին Նիդերլանդների Նյուվեխայն քաղաքում, Սբ. Նիկողայոս եկեղեցու բակում, Արևմտյան Եվրոպայի Հայրապետական պատվիրակ Գերաշնորհ Տեր Խաժակ Արքեպիսկոպոս Պարսամյանի ձեռամբ կատարվեց խաչքարի օրհնության և օծման կարգ։ 

—————

Արարողությանը մասնակցեցին Ամստերդամի «Սուրբ Հոգի» եկեղեցու հոգևոր հովիվ Արժանապատիվ Տեր Տարոն քահանա Թադևոսյանը և Մաստրիխտի Ս․ Կարապեռ եկեղեցու հոգևոր հովիվ Արժանապատիվ Տեր աստվածատուր քահանա Սարգսյանը։ 

Խաչքար-հուշարձանը, որի հեղինակն է խաչքարագործ և նկարիչ Արտակ Համբարձումյանը, ստեղծվել է բարերար Արմեն Ավանեսովի աջակցությամբ։ Այն նվիրված է հոլանդացի բարեկամ ժողովրդին՝ ի նշան հայ համայնքի բարեկամության և երախտագիտության։

Օրհնության արարողությանը ներկա էին ՀՀ արտակարգ և լիազոր դեսպան Վիկտոր Բիյագովը, Նյուվեխայնի քաղաքապետ տիկին Մարայկե վան Բեուկերինգը՝ իր խորհրդական Ջոն վան Էնգելենի ուղեկցությամբ, Սբ. Նիկողայոս եկեղեցու հոգևոր հովիվը, վարչության անդամները և հայ համայնքի ներկայացուցիչները։

Նիկողայոս եկեղեցին և Նիդերլանդների հայ համայնքը երկար տարիներ պահպանում են ջերմ ու բարեկամական հարաբերություններ։ Եկեղեցում հայ համայնքի համար ամիսը մեկ անգամ անցկացվում են Սուրբ Գրքի սերտողության դասեր և հոգևոր զրույցներ, որոնք կազմակերպվում են Տեր Տարոն քահանա Թադևոսյանի կողմից։

* Հաջորդ օրը՝ հոկտեմբերի 20-ին, Ամստերդամի «Սուրբ Հոգի» եկեղեցում, Սուրբ և Անմահ Պատարագի ավարտին Խաժակ Սրբազանի ձեռամբ քսանմեկ պատանիներ և երիտասարդներ ստացան դպրության աստիճան, հինգ երիտասարդներ՝ կիսասարկավագության աստիճան, իսկ վեց երեխաներ օրհնություն ստացան խորան բարձրանալու համար։ 

Սրբազան Հայրը նաև օրհնեց եկեղեցու երգչախումբը համալրած երիտասարդուհիներին։ Արարողության ավարտին Սրբազան Հայրը եկեղեցու հոգևոր հովվին հանձնեց նորօրհնյալ Սրբալույս Մյուռոնը, որով և կատարվեց ջրօրհնյաց արարողություն։

 ԱՐԵՒՄՏԱՀԱՅԵՐԷՆ

* Նիտերլանտներու Նիուվեխայն քաղաքի Սբ. Նիկողայոս եկեղեցւոյ բակին մէջ, Հոկտեմբեր 19-ին, Արեւմտեան Եւրոպայի Հայրապետական պատուիրակ Գերաշնորհ Տէր Խաժակ Արքեպիսկոպոս Պարսամեանի ձեռամբ կատարուեցաւ խաչքարի օրհնութեան եւ օծման կարգ։ 

--------------------

Արարողութեան մասնակցեցան Ամսդերտամի «Սուրբ Հոգի» եկեղեցւոյ հոգեւոր հովիւ Արժանապատիւ Տէր Տարօն քահանայ Թադէոսեանը եւ Մաստրիխտի Ս․ Կարապետ եկեղեցւոյ հոգեւոր հովիւ Արժանապատիւ Տէր Աստուածատուր քահանայ Սարգսեանը։ 

Խաչքար-յուշարձանի հեղինակը խաչքարագործ-նկարիչ Արտակ Համբարձումեանն է․ յուշակոթողը կառուցուած է բարերար Արմէն Աւանեսովի աջակցութեամբ։ Ան նուիրուած է հոլանտացի բարեկամ ժողովուրդին՝ ի նշան հայ համայնքի բարեկամութեան եւ երախտագիտութեան։

Օրհնութեան արարողութեան ներկայ էին ՀՀ արտակարգ եւ լիազօր դեսպան Վիքթոր Պիագով, Նիուվեխայնի քաղաքապետ տիկին Մարայկէ Վան Պէուկերինկ՝ իր խորհրդական Ճոն Վան Էնկելենի ուղեկցութեամբ, Սբ. Նիկողայոս եկեղեցւոյ հոգեւոր հովիւ, վարչութեան անդամներ եւ հայ համայնքի ներկայացուցիչներ։

Նիկողայոս եկեղեցին եւ Նիտերլանտներու հայ համայնքը երկար տարիներ կը պահպանեն ջերմ ու բարեկամական յարաբերութիւններ։ Եկեղեցւոյ մէջ հայ համայնքի համար ամիսը անգամ մը /ամսուան դրութեամբ/ կը կատարուին Սուրբ Գիրքի սերտողութիւն եւ հոգեւոր զրոյցներ, որոնք կը կազմակերպուին Տէր Տարօն քահանայ Թադէոսեանի կողմէ։

* Յաջորդ օրը՝ Հոկտեմբեր 20-ին, Ամսդերտամի «Սուրբ Հոգի» եկեղեցւոյ մէջ Սուրբ եւ Անմահ Պատարագի աւարտին Խաժակ Սրբազանի ձեռամբ քսանմէկ պատանիներ եւ երիտասարդներ ստացան դպրութեան, հինգ երիտասարդներ՝ կիսասարկաւագութեան աստիճան, իսկ վեց երեխաներ օրհնութիւն ստացան խորան բարձրանալու։ 

Սրբազան Հայրը նաեւ օրհնեց եկեղեցւոյ երգչախումբը համալրած երիտասարդուհիները։ Արարողութեան աւարտին Սրբազան Հայրը եկեղեցւոյ հոգեւոր հովիւին յանձնեց նորօրհնեալ Սրբալոյս Միւռոնը, որով կատարուեցաւ ջրօրհնեաց արարողութիւնը։

հղումը

Շաբաթ օրը, հոկտեմբերի 2024թ 19-ին, Nieuwegein քաղաքիՆիկողայոս եկեղեցում Monseigneur G.W. Van Heukelumstraat հասցեում օրհնվեց հայաստանից բերված և այստեղ տեղադրված հայկական Խաչքարը ։ Հուշարձանը հայ համայնքի նվերն է հոլանդացիներին և մասնավորապես Նիկողայոս եկեղեցուն՝ ի նշան բարեկամության և երախտագիտության։

Խաժակ արքեպիսկոպոս Պարսամյանը և Տարոն քահանա Թադևոսյանը կատարել են օրհնության կարգը, որին ներկա էին նաև Հայաստանի դեսպան Վիկտոր Բիյագովը, խորհրդական Ջոն վան Էնգելենը և Նյուվեգեյնի քաղաքապետը։