Նիդերլանդներում կարող է ընտրվել առաջին հայ պատգամավորը
15.10.2025
Հոկտեմբերի 29-ին Նիդերլանդներում կայանալիք խորհրդարանական ընտրություններում մեծ հավանականությամբ առաջին անգամ կարող է ընտրվել հայ պատգամավոր։
GroenLinks/PvdA դաշինքի ցուցակի 15-րդ՝ անցողիկ տեղում է խորհրդարանական թեկնածու Անի Զալինյանը, որն այժմ Հեմսկերքի քաղաքային իշխանության անդամ է և պատասխանատու է “Բնակարանային հարցերի” ոլորտում։
Հոկտեմբերի 12-ին Զալինյանը հանդիպեց Հաագայի «Աբովյան» մշակութային միության անդամների հետ։ Հանդիպման ընթացքում նա պատմեց իր կյանքի ճանապարհի, կրթության, քաղաքականություն ընտրելու որոշման և համայնքային աշխատանքի մասին։ Զալինյանը շեշտեց, որ իր համար խորհրդարանում հայի ներկայությունը ոչ միայն անձնական հաջողություն է, այլև՝ հպարտության ու պատասխանատվության պահ հայ համայնքի համար։
«Գրավիչ քննարկում էր՝ լի ներշնչանքով ու անկեղծությամբ։ Ձեր քվեն կարևոր է՝ անկախ նրանից, թե ում եք ընտրում», – նշված է «Աբովյան» մշակութային միության կայքում։
Ավելի վաղ «Նիդերլանդական օրագիրը» ներկայացրել էր առաջիկա խորհրդարանական ընտրություններում հայ թեկնածուներին՝ GroenLinks/PvdA դաշինքի ցուցակի 15-րդ համարի թեկնածու Անի Զալինյանին և JA21 պահպանողական-լիբերալ կուսակցության ցուցակի 43-րդ համարի թեկնածու Արտակ Ավդալյանին։
Ontmoeting met Ani Zalinyan kandidaat Groenlinks/PvdA voor de Tweede Kamer
Meeting with Ani Zalinyan, candidate for GroenLinks/PvdA for the House of Representatives
GroenLinks/PvdA դաշինքի թեկնածու Անի Զալինյանի հետ
Հայ համայնքը Նիդերլանդներում կոչ է անում ակտիվ մասնակցել ընտրություններին և հոկտեմբերի 29-ին լինել քվեատուփերի մոտ։
**************************
10 հոկտեմբեր
Հայաստանում Նիդերլանդների դեսպանությունը հետևյալն է հայտնում.
Ուրախ ենք հյուրընկալել մեր նոր պրակտիկանտ Խյուս Ռոտինկին, ով 6 ամիս է անցկացնելու Հայաստանում Նիդերլանդների Թագավորության դեսպանատանը:
«Ես անհամբեր սպասում եմ այս նոր մարտահրավերին` նպաստելու նիդերլանդա-հայկական հարաբերություններին և անձամբ ականատես լինելու հայկական հայտնի հյուրընկալությանը»,- ասում է Խյուսը:
Բարի գալու՜ստ դեսպանատան մեր ընտանիք, Խյուս:
We are happy to host Guus Rotink as he starts his 6 month internship at the Embassy of the Kingdom of the Netherlands in Armenia!
“I look forward to this new challenge, contribute to Dutch - Armenian relations and experience the famous Armenian hospitality first hand,” Guus says.
Welcome to the board, Guus!
12.հոկտեմբեր 2025
Լեգենդար Նիկիտա Սիմոնյանը պարգևատրվել է Ռուսաստանի աշխատանքի հերոսի կոչմամբ
Ռուսաստանի նախագահ Վլադիմիր Պուտինը ստորագրել է հրամանագիր, որով անվանի ֆուտբոլիստ և մարզիչ Նիկիտա Սիմոնյանը պարգևատրվել է Ռուսաստանի աշխատանքի հերոսի բարձրագույն կոչմամբ։
Համաձայն հրամանագրի՝ Սիմոնյանը արժանացել է այս պատվին՝
«պետության նկատմամբ ունեցած առանձնահատուկ ծառայությունների, ինչպես նաև ֆուտբոլի զարգացման և հանրահռչակման գործում ունեցած մեծ ավանդի համար»։
Նիկիտա Սիմոնյանը ծնվել է 1926 թվականին Աբխազիայի Սուխումի քաղաքում։ Նա երկար տարիներ հանդես է եկել Մոսկվայի «Սպարտակ» ակումբում՝ դառնալով թիմի պատմության լավագույն ռմբարկուն՝ 160 գոլով։ Ավարտելով խաղային կարիերան՝ Սիմոնյանը դարձել է մարզիչ, ղեկավարել է մի շարք ակումբներ, այդ թվում՝ Երևանի լեգենդար «Արարատը», որի հետ հասել է զգալի հաջողությունների։
Ներկայումս նա հանդիսանում է Ռուսաստանի ֆուտբոլային միության առաջին փոխնախագահը։
Սիմոնյանը 98 տարեկան է։
Այո՛, հրաշալի նորություն է հայկական սպորտի համար 🇦🇲💪
Վարազդատ Լալայանը դարձյալ ապացուցեց, որ աշխարհի լավագույններից մեկն է գերծանր քաշային կարգում։
Ահա ամփոփ տեղեկությունները․
🏆 Մրցում – Ծանրամարտի աշխարհի առաջնություն
📍 Վայր – Ֆյորդե, Նորվեգիա
🏋️♂️ Քաշային կարգ – Գերծանր (109+ կգ)
Պոկում – 211 կգ
Հրում – 250 կգ
Երկամարտի ընդհանուր արդյունք – 461 կգ
🥇 Արդյունք – Աշխարհի կրկնակի չեմպիոն
Սա Վարազդատ Լալայանի երկրորդ անընդմեջ ոսկե մեդալն է աշխարհի առաջնությունում՝ ինչը մեծ հաջողություն է ինչպես նրա, այնպես էլ Հայաստանի ծանրամարտի համար։
🇳🇱🇦🇲 Շնորհավորանք դեսպան Մարիկե Մոնրոյ-Վինթերին
🥳🎈 Ջերմորեն շնորհավորում ենք Հայաստանում Նիդերլանդների Թագավորության արտակարգ և լիազոր դեսպան՝ տիկին Մարիկե Մոնրոյ-Վինթերին, ծննդյան տարեդարձի առթիվ։ Մաղթում ենք առողջություն, անձնական և մասնագիտական հաջողություններ, ինչպես նաև՝ նիդերլանդա-հայկական հարաբերությունների հետագա սերտացում և հզորացում նրա դիվանագիտական գործունեության ընթացքում։
🇳🇱🇦🇲 We warmly congratulate Her Excellency Marieke Monroy-Winter, Ambassador of the Kingdom of the Netherlands to Armenia, on her birthday! We wish her good health, success, and continued strengthening and deepening of Dutch-Armenian relations throughout her diplomatic mission.
Գեղեցիկ հիշատակում 🌿
Թարգմանչաց տոնը հայ ժողովրդի համար միայն եկեղեցական տոն չէ, այլ մեր ինքնության, լեզվի և մշակույթի ծննդյան օրն է։
Սուրբ Մեսրոպ Մաշտոցն ու Սուրբ Սահակ Պարթևը ոչ միայն Աստծո խոսքը հայերեն դարձրին, այլ նաև հայերին տիրապետելու հնարավորություն տվեցին սեփական լեզվով հավատալու, սովորելու և մտածելու։ Այդ պատճառով էլ ժողովրդականորեն ասում են՝
«Երբ Աստված խոսեց հայերեն»,
քանի որ Սուրբ Գիրքն առաջին անգամ հնչեց մեր հայրենի լեզվով՝ մեր ժողովրդի սրտում։
✨
Սբ. Մեսրոպ և Սբ. Սահակ,
բարեխոսեցեք առ Տեր
հայ ժողովրդի, լեզվի և հավատքի ամրապնդման համար։
ԵՐԵՎԱՆԻ ՏՈՆԸ
Արգիշտի I արքայի արձանագրությունը Էրեբունի քաղաքի հիմնադրման մասին
«Խալդի աստծու մեծությամբ Արգիշտին` Մենուայի որդին, այս ամրոցը հոյակապ կառուցեց և անվանեց Էրեբունի ի բարօրություն Բիայնիլի երկրի և ի սարսափ թշնամիների: Արգիշտին ասում է` հողը այստեղ ամայի էր, այնտեղ ես մեծ գործեր կատարեցի: Խալդյան մեծությամբ Արգիշտին` Մենուայի որդին արքա է հզոր, արքա Բիայնիլի երկրի, տերը Տուշպա քաղաքի»:
Here is the English translation of King Argishti I’s inscription about the founding of the city of Erebuni:
"By the greatness of the god Haldi, Argishti, son of Menua, built this mighty fortress and named it Erebuni for the glory of the land of Biainili and to instill fear among its enemies. Argishti says: The land was a wilderness before; by my great works, I made it prosperous. By the greatness of Haldi, Argishti, son of Menua, is a mighty king, king of the land of Biainili, lord of the city of Tushpa."
Բարեգործական համերգով Մոնակոյում կնշվի Հայաստանի Անկախության տոնը։
Մուտքը բաց է բոլոր հայերի և բարեկամների համար, ովքեր կցանկանան կիսել տոնական օրը միասին և աջակցել Հայաստանի ու Սփյուռքի կապերի ամրապնդմանը։
Միջոցառումը կմեկնարկի Հոկտեմբերի 21-ին Մոնակոյում` նվիրված Հայաստանի Անկախության տոնին։ Բարեգործական համերգը կազմակերպված է Վրույր Փենեսյանի նախաձեռնությամբ և Ֆրանսիայում Հայաստանի դեսպանատան բարձր հովանու ներքո։ Միջոցառումը նպատակ ունի ոչ միայն արժևորել անկախությունը, այլև խթանել Հայաստանի և Մոնակոյի միջև մշակութային ու հասարակական կապերի ամրապնդումը։
Համերգին կմասնակցեն աշխարհահռչակ հայ երաժիշտներ՝ Անգլիայից, Իտալիայից, Ավստրիայից և Ֆրանսիայից։ Մուտքը բաց է բոլորի համար՝ հայերի և Հայաստանի բարեկամների, ովքեր կցանկանան միասին նշել տոնական օրը և աջակցել հայրենասիրական նախաձեռնություններին։
Միջոցառման ընթացքում կներկայացվի նաև Amanoo բնակելի համալիրը, որը նախատեսված է հայրենադարձվող ընտանիքների և ներդրողների համար։ Նախաձեռնության նպատակը հայրենակիցներին ծանոթացնելն է Հայաստանում բնակության, ներդրումների և նոր կյանքի հնարավորություններին։ Վրույր Փենեսյանի խոսքով՝ «նման հանդիպումները ոչ միայն ոգեշնչում են, այլև խթանում հայրենադարձությանը՝ ցույց տալով, թե որքան հնարավորություններ կան Հայաստանում ապրելու և ստեղծագործելու համար»։
Բացի այդ, համերգին կմասնակցի Wilco ընկերությունը՝ ներդրումային և ֆինանսական կառավարման ոլորտում միջազգային փորձ ունեցող կազմակերպություն, որն ի նպաստ Հայաստանի հետ տնտեսական կապերի խորացման կներկայացնի իր ծառայությունները։
Փենեսյանը շեշտել է, որ Մոնակոյի հայկական համայնքը, թեև փոքր է, սակայն ունի ազդեցիկ դիրք և մեծ ներուժ․ «Այս միջոցառումը ևս մեկ առիթ է արժևորելու մեր անկախ պետությունը և միավորելու ջանքերը՝ հանուն հայրենիքի ու համայնքի զարգացման»։
Համերգը կկայանա Մոնակոյի մայր տաճարում՝ դառնալով տարվա ամենակարևոր մշակութային իրադարձություններից մեկը տեղի հայկական համայնքի համար
👑 Թագուհի Մաթիլդան Հայաստանում. աշխատանքային այց կրթության և բնապահպանության ուղղությամբ
14.10.2025/Ն.Գասպարյան, H.Azian /Նիդ.օրագիր
Բելգիայի թագուհի Մաթիլդան (52) հոկտեմբերի 13-ին ժամանել է Հայաստան՝ աշխատանքային այցով՝ որպես ՄԱԿ-ի Կայուն զարգացման նպատակների (SDG) հատուկ դեսպան։ Նրա այցը կենտրոնացած է կրթության, ստեղծարարության և շրջակա միջավայրի թեմաների վրա։
Առաջին օրը Թագուհին մասնակցեց ճեպազրույցի ՄԱԿ-ի հայաստանյան գրասենյակում, այնուհետև այցելեց «Mission Armenia» կենտրոն՝ ծանոթանալով փախստականների և սոցիալական աջակցության ծրագրերին։ Օրվա երկրորդ կեսին նա հանդիպեց Երևանի պետական համալսարանի ուսանողների հետ և այցելեց TUMO ստեղծարար տեխնոլոգիաների կենտրոն։
Այցի երկրորդ մասը նվիրված է բնապահպանական նախաձեռնություններին։ Մաթիլդան կայցելի Գեղարքունիքի մարզ՝ ծանոթանալու անտառվերականգնման ծրագրերին, որոնք միտված են անապատացման դեմ պայքարին և կլիմայի փոփոխության հետևանքների մեղմացմանը։
Հայաստանը պատրաստվում է հյուրընկալել COP17 կենսաբազմազանության համաժողովը 2026 թվականին։ Այս համատեքստում Թագուհու այցը կարևոր դեր ունի միջազգային համագործակցության ամրապնդման և բնապահպանական քաղաքականությունների առաջմղման գործում։
Աշխատանքային այցի ընթացքում նախատեսված են հանդիպումներ պետական պաշտոնյաների և քաղաքացիական հասարակության ներկայացուցիչների հետ՝ կրթության, թվային նորարարության և բնապահպանության ոլորտներում համատեղ ծրագրեր քննարկելու համար։
***********************
St. GRIGOR NAREKATSI ZONDAGSSCHOOL KONDIGT TOELATING AAN VOOR ARMEENSE TAALCURSUSSEN‼️
De cursussen zijn bedoeld voor Armeenstalige personen van 16 jaar en ouder die geen Armeens kunnen lezen en schrijven. De cursussen worden in Oost-Armeens gehouden.
Locatie: De Boomsspijker Dock Buurthuis, Recht Boomssloot 52, Amsterdam
of
Armeens Apostolische Kerk Amsterdam, Krom Boomssloot 22, Amsterdam
Tijd en duur: drie zondagen per maand, van 13:15 tot 14:15 uur.
Eerste les: 2 november.
Kosten: 15 euro per maand.
Voor inschrijving kunt u bellen naar: 0624255169 (Alisa Movsesyan)
Schoolbestuur
ԱՄՍՏԵՐԴԱՄԻ ՍՈՒՐԲ ԳՐԻԳՈՐ ՆԱՐԵԿԱՑՈՒ ԱՆՎԱՆ ԿԻՐԱԿՆՕՐՅԱ ԴՊՐՈՑԸ
հայտարարում է ընդունելություն
16 և բարձր տարիք ունեցող հայախոս անձանց համար, ովքեր չեն կարողանում կարդալ և գրել հայերեն։
Դասընթացը նախատեսված է արևելահայերենի ուսուցման համար։
Վայրը՝ De Boomsspijker Dock Buurthuis, Recht Boomssloot 52, Amsterdam
կամ
Armeens Apostolische Kerk Amsterdam, Krom Boomssloot 22, Amsterdam
Ժամը և տևողությունը՝ երեք կիրակի, 13:15-ից մինչև 14:15-ը։
Առաջին դասը՝ նոյեմբերի 2-ին:
Վճարը՝ ամսական 15 եվրո։
Գրանցման համար զանգահարել՝ 0624255169 (Ալիսա Մովսեսյան)
Կոմիտասի երանգները հնչեցին Առնհեմում
14.10.2025/Նիդ.օրագիր
Մեծ հաջողությամբ կայացավ Կոմիտասին նվիրված համերգը, որը տեղի ունեցավ հոկտեմբերի 11-ին՝ Առնհեմի Հայ Առաքելական Եկեղեցու դահլիճում։ Երեկոն լեցուն էր ջերմությամբ, խորը զգացմունքներով և Կոմիտասյան երաժշտության անմոռանալի հնչյուններով։
Համերգին մասնակցեցին Նիդերլանդների Հայ Առաքելական Եկեղեցիների երգչախմբերը, ինչպես նաև տարբեր երկրներից ժամանած երգիչներ ու երգչուհիներ։ Հատուկ շնորհակալություն Ամստերդամի «Սուրբ Հոգի» եկեղեցու երգչախմբին և խմբավար Մերի Այգեցիին՝ իրենց անմիջական մասնակցության և բարձրարվեստ կատարումների համար։
Այս միջոցառումը ոչ միայն Կոմիտասի հիշատակի երեկո էր, այլև հայ երաժշտության, հոգևոր կապի և մշակութային ժառանգության տոն։ Կոմիտասի ոգին շարունակում է ապրել յուրաքանչյուր երգի և հնչյունի մեջ՝ ոգեշնչելով նոր սերունդներին։
Հայաստան-Նիդերլանդներ Ռազմավարական գործընկերության մասին հռչակագրի կետերի իրականացմանն ուղղված այց Նիդերլանդներ
Հոկտեմբերի 13-ից 14-ը, Հայաստան-Նիդերլանդներ Ռազմավարական գործընկերության մասին հռչակագրի տնտեսական համագործակցությանը և ենթակառուցվածքներին վերաբերող կետերի իրականացումն ապահովելու նպատակով, կայացել է ՀՀ արտաքին գործերի, էկոնոմիկայի, շրջակա միջավայրի, տարածքային կառավարման և ենթակառուցվածքների նախարարների տեղակալների համատեղ այցը Նիդերլանդների Թագավորություն:
ՀՀ շահագրգիռ գերատեսչություններից կազմված պատվիրակությունը Նիդերլանդներ կատարած աշխատանքային այցի շրջանակում մի շարք հանդիպումներ է ունեցել Նիդերլանդների ԱԳ նախարարության արտաքին տնտեսական հարաբերությունների գլխավոր տնօրինության, Նիդերլանդների ներդրումների միջազգային կազմակերպության, գյուղատնտեսության, ձկնորսության, պարենային անվտանգության և բնապահպանության նախարարության, ջրային գործընկերության, CBI - զարգացող (գործընկեր) երկրներից ներմուծումների խթանման կենտրոնի, Միջազգային ներդրումների գործակալության ներկայացուցիչների և այլ գործընկերների հետ:
Այցի ընթացքում կողմերն արդյունավետ քննարկումներ են ունեցել ռազմավարական գործընկերության խորացմանն ուղղված համատեղ աշխատանքների շուրջ՝ նախանշելով գործուն քայլեր։
Անդրադարձ է կատարվել երկկողմ տնտեսական համագործակցությանը, զբոսաշրջության, տրանսպորտի, կիբերանվտանգության, առևտրի և ներդրումների ոլորտներին առնչվող հարցերի լայն շրջանակի, ժամանակակից տեխնոլոգիական լուծումների միջոցով գյուղատնտեսական համագործակցությանը, հիբրիդային սպառնալիքների դեմ պայքարին, ջրային ռեսուրսների կառավարմանը:
Ռուբեն Խաչատրյանը ընտրվել է IUCN-ի տարածաշրջանային խորհրդական՝ ներկայացնելով Արևելյան Եվրոպան, Հյուսիսային և Կենտրոնական Ասիան
15.10.2025/Նիդ.օրագիր
Այս նշանակալի հաջողությունը ոչ միայն ճանաչում է Խաչատրյանի ավելի քան երկու տասնամյա աշխատանքի արդյունքը, այլև կարևոր քայլ է Հայաստանի և ամբողջ տարածաշրջանի բնապահպանական ձայնը միջազգային հարթակներում բարձրացնելու ուղղությամբ։
Երկու տասնամյակ՝ բնության ծառայության մեջ
Ռուբեն Խաչատրյանը շուրջ 20 տարի առաջնորդում է Հայաստանի ամենաազդեցիկ բնապահպանական կազմակերպություններից մեկը՝ FPWC-ը, որը հայտնի է իր բազմաշերտ գործունեությամբ՝ սկսած վայրի կենդանիների փրկությունից մինչև համայնքների կայուն զարգացման ծրագրեր։
Նրա ղեկավարությամբ FPWC-ն ստեղծել է Կովկասյան Վայրի Բնության Պահպանավայր (Caucasus Wildlife Refuge)՝ ավելի քան 35,000 հեկտար տարածքով, որը ներկայումս ծառայում է որպես կենսաբազմազանության կարևոր օղակ՝ կապելով պետական արգելոցները և ապահովելով անցման ուղիներ endangered կենդատեսակների՝ ինչպես պարսկական ընձառյուծի և bezoar այծի համար։
Խաչատրյանի նախաձեռնած ծրագրերից առանձնանում է նաև SunChild միջազգային բնապահպանական փառատոնը, որն արդեն 13 տարի շարունակ կրթում ու ներգրավում է երիտասարդությանը՝ ֆիլմի, արվեստի և համայնքային նախագծերի միջոցով։
Մարդկային մոտեցում՝ բնության պահպանության կենտրոնում
Խաչատրյանի գործունեության առանցքում մշտապես եղել է այն համոզմունքը, որ «իրական պահպանությունը սկսվում է մարդկանցից»։ FPWC-ի ծրագրերը հաճախ միավորում են տեղական համայնքները, պետական կառույցներն ու միջազգային գործընկերներին՝ ստեղծելով համատեղ գործողության մոդելներ։
Վերջին տարիներին հիմնադրամը մեծ ուշադրություն է դարձրել մարդու և վայրի կենդանիների համակեցության խնդիրներին՝ իրականացնելով ծրագրեր մեղվաբուծության, արևային էներգիայի կիրառման և գյուղական բնակավայրերի անվտանգ զարգացման ուղղությամբ։
Այս մոտեցումը միջազգային հանրության կողմից գնահատվել է որպես մոդելային օրինակ համայնքահեն պահպանության, որը կարող է կրկնօրինակվել նաև տարածաշրջանի այլ երկրներում։
Միջազգային ճանաչում և նոր պատասխանատվություն
Խաչատրյանի ներդրումները վաղուց են հատուցվել միջազգային հարթակներում։ 2014-ին նա արժանացել է Հայաստանի Բնապահպանության նախարարության ոսկե մեդալին, իսկ 2018-ին՝ Գերմանիայում շնորհվող Ֆրանկֆուրտի Պահպանության մրցանակին։
Նրա նախաձեռնությամբ FPWC-ի Wildlife Rescue Center-ը փրկել է տասնյակ անօրինական կերպով պահվող արջերի և այլ կենդանիների, որոնց պատմությունները լուսաբանվել են միջազգային մեդիաներում, ներառյալ Al Jazeera-ն։
Այսօր, երբ նա ստանձնում է IUCN-ի տարածաշրջանային խորհրդականի պաշտոնը, Խաչատրյանը նպատակ ունի խորացնել տարածաշրջանային համագործակցությունը, ամրապնդել բնապահպանական կառավարման ինստիտուտները և առաջ մղել «կենսաբազմազանության և համայնքների հարմոնիկ համակեցության» գաղափարը։
«Այս ընտրությունը ոչ թե մեկ անհատի հաղթանակ է, այլ ողջ տարածաշրջանի ձայնի ուժեղացում։ Մեր նպատակն է ստեղծել մի միջավայր, որտեղ մարդն ու բնությունը ապրում են փոխադարձ հարգանքի ու պատասխանատվության մեջ», — նշել է Ռուբեն Խաչատրյանը իր շնորհավորական ուղերձում։
Հայաստանի ձայնը՝ գլոբալ բնապահպանական քաղաքականության մեջ
Ռուբեն Խաչատրյանի ընտրությունը նշանավորում է նաև Հայաստանի աճող դերակատարությունը գլոբալ բնապահպանական քաղաքականության ձևավորման մեջ։
FPWC-ի վերջին ծրագրերը՝ անտառների վերականգնման, ջերմային տեսախցիկների տեղադրման, արևային էներգիայի զարգացման և կլիմայական դիմադրողականության բարձրացման ուղղությամբ, վկայում են Հայաստանի աճող ներուժի մասին բնության պահպանության և կայուն զարգացման ոլորտներում։
Այս ընտրությունը ոչ միայն անձնական ձեռքբերում է, այլև վստահության քվե ողջ Հայաստանի բնապահպանական համայնքի նկատմամբ։
Խաչատրյանի առաջնորդությամբ Հայաստանը պատրաստ է ավելի լայն մասնակցություն ունենալ բնապահպանական գլոբալ օրակարգին՝ իր փորձով, գիտելիքով և ամենակարևորը՝ բնության հանդեպ սիրով։
ՊԱՐԶԱԲԱՆՈւՄ
Ոչ թե Նիդերլանդցի, այլ կանադացի․ ով է Ռոբերտ Ամստերդամը՝ Սամվել Կարապետյանի փաստաբանը
16.10.2025/ Նիդ.օրագիր/Hay Azian
Հայկական որոշ լրատվամիջոցներ և մեկնաբաներ սխալմամբ օտարազգի փաստաբան Ռոբերտ Ամստերդամին վերագրում են, որ նա Նիդերլանդցի է և եկել է Նիդերլանդներից։ Ձեռքի հետ էլ Նիդերլանդներին վերաբերվող կատակներ անում։ Մինչդեռ դա այդպես չէ։
Հանրային աղբյուրների համաձայն՝ Ռոբերտ Ամստերդամը ծնվել է ԱՄՆ-ում՝ Նյու Յորքի նահանգի Ուայթ Փլեյնս քաղաքում։ Նրա ընտանիքը հետագայում հաստատվել է Կանադայում, որտեղ Ամստերդամը ստացել է իրավաբանական կրթություն և սկսել իր մասնագիտական գործունեությունը։ Նա իրավաբանական որակավորում ունի ինչպես Կանադայում, այնպես էլ Միացյալ Թագավորությունում՝ որպես solicitor (փաստաբան)։
Ամստերդամը ղեկավարում է միջազգային իրավաբանական ընկերություն՝ Amsterdam & Partners LLP, որի գրասենյակները գտնվում են Լոնդոնում և Վաշինգտոնում։ Նրա ընկերությունն մասնագիտացած է քաղաքականապես զգայուն գործերով, հաճախ ներկայացնելով գործարարների, ընդդիմադիր գործիչների կամ պետական մակարդակի վեճերի մեջ ներգրավված անձանց շահերը։
Ռոբերտ Ամստերդամը և Սամվել Կարապետյանի գործը
Վերջին օրերին Ռոբերտ Ամստերդամը Երևանում հանդես է գալիս որպես ռուսաստանաբնակ գործարար Սամվել Կարապետյանի իրավական ներկայացուցիչ։ Կարապետյանը Հայաստանի նախկին բարձր մակարդակի գործարարներից է՝ «Տաշիր» խմբի հիմնադիրն ու ղեկավարն։
Ամստերդամը իր հրապարակային հայտարարություններում խիստ քննադատել է Հայաստանի իշխանություններին, այդ թվում՝ վարչապետ Նիկոլ Փաշինյանին և նրա տիկնոջը՝ Աննա Հակոբյանին։ Իր ելույթներում և մամուլի ասուլիսներում նա Հայաստանի կառավարության գործողությունները որակել է որպես «քաղաքական հետապնդում» և «իրավական կամայականություն»։
Այս հայտարարությունները Հայաստանում լայն արձագանք են գտել՝ առաջացնելով քննարկումներ ոչ միայն Կարապետյանի գործի իրավական, այլև քաղաքական ենթատեքստի շուրջ։ Միևնույն ժամանակ, որոշ լրատվամիջոցներ և մեկնաբաններ սխալմամբ ներկայացրել են Ամստերդամին որպես Նիդերլանդցի իրավաբան՝ թերևս նրա ազգանվան կամ «Amsterdam & Partners» ընկերության անվան պատճառով։
Հակառակ տարածված կարծիքին, Ռոբերտ Ամստերդամը ոչ մի կապ չունի Նիդերլանդների հետ, բացի իր ընտանիքի անունից, որն ունի հոլանդական արմատներ։ Նա երբևէ չի ներկայացվել կամ գրանցվել որպես Նիդերլանդների քաղաքացի կամ փաստաբան։
Իր պաշտոնական կայքէջում և վավերացված աղբյուրներում (օր.՝ Wikipedia, ամերիկյան և բրիտանական իրավաբանական ռեգիստրներ) հստակ նշվում է, որ Ամստերդամը Կանադայի քաղաքացի է և գործում է միջազգային իրավական դաշտում՝ կենտրոնանալով մարդու իրավունքների, բիզնես վեճերի և քաղաքական հետապնդումների գործերի վրա։
Այսպիսով, փաստացի տեղեկությունները վկայում են, որ Ռոբերտ Ամստերդամը Նիդերլանդներից չէ․ նա ամերիկա-կանադական ծագում ունեցող միջազգային փաստաբան է, որը ներկայումս պաշտպանում է Սամվել Կարապետյանի շահերը և հանդես է գալիս կտրուկ քննադատությամբ Հայաստանի ներկայիս իշխանությունների հասցեին։
Այն, որ նրա ազգանունը համընկնում է հոլանդական քաղաքի անվան հետ, պարզապես լեզվաբանական զուգադիպություն է, որը չպետք է շփոթության տեղիք տա՝ հատկապես քաղաքականապես զգայուն գործերի լուսաբանման ժամանակ։
Կոռումպացված պաշտոնյաներ
🇺🇳 2025 թ. փետրվարի 17-ին ՄԱԿ-ի Անձանց կամայական կալանավորման հարցերով աշխատանքային խումբը (UNWGAD) հրապարակեց թիվ 46/2024 եզրակացությունը՝ Ռուբեն Վարդանյանի կալանավորման վերաբերյալ։
Խմբի կարծիքով՝ Վարդանյանի կալանավորումը Ադրբեջանի կողմից կամայական չի եղել։
🔎 Սակայն Միջազգային քրեական դատարանի առաջին դատախազ Լուիս Մորենո Օկամպոն իր փորձագիտական կարծիքում բացահայտել է շահերի բախման լուրջ դեպք, որը կասկածի տակ է դնում ՄԱԿ-ի հանձնախմբի անաչառությունը։
💰 Պարզվել է, որ հանձնախմբի նախագահողը՝ Գաննա Յուդկիվսկան, հանդիսանում է Equity Law Firm ընկերության գործընկեր, որը Ուկրաինայում ներկայացնում է Ադրբեջանի պետական նավթային ընկերությունը՝ SOCAR-ը։
Սա նշանակում է ուղղակի ֆինանսական կապ Ադրբեջանի հետ՝ այն երկրի, որը Վարդանյանի գործով հակառակ կողմն է։
ՄԱԿ-ի կանոններով, նման իրավիճակում պարտադիր է ինքնաբացարկը, սակայն Յուդկիվսկան՝
❌ Չի հայտնել SOCAR-ի հետ կապի մասին,
❌ Չի ներկայացրել ինքնաբացարկ,
❌ Եվ մասնակցել է թիվ 46/2024 եզրակացության պատրաստմանը։
🇦🇿 Ավելին, Յուդկիվսկայի ամուսինը՝ ադրբեջանական արմատներով ուկրաինացի քաղաքական գործիչ է, ով
– մեղադրվում է կոռուպցիայի մեջ,
– ունի սերտ կապեր Ադրբեջանի հետ,
– և հրապարակայնորեն աջակցել է Ալիևի դիրքորոշմանը Լեռնային Ղարաբաղի հարցում։
⚠️ Այս ամենը նշանակում է, որ Յուդկիվսկայի մասնակցությունը խախտում է՝
❌ ՄԱԿ-ի վարքագծի կանոնագիրը,
❌ WGAD-ի աշխատանքային մեթոդները,
❌ Եվ ՄԱԿ-ի աշխատակազմի շահերի բախման կանոնակարգը։
Այդ պատճառով թիվ 46/2024 եզրակացությունը պետք է դիտարկել որպես կասկածելի և կողմնակալ։
⚖️ ՄԱԿ-ը պարտավոր է անհապաղ վերանայել Ռուբեն Վարդանյանի գործը։
Անաչառությունը չի կարող լինել ընտրովի՝ այն արդարադատության հիմքն է։
Վատիկանում տեղի ունեցաւ Սուրբ Իգնատիոս Արքեպիսկոպոս Մալոյեանի և այլ Երանելիների Սրբադասման հանդիսաւոր արարողութիւնը
Վատիկան, 19 Հոկտեմբեր 2025 թ.
Այսօր Վատիկանի Սուրբ Պետրոսի հրապարակում, Նորին Սրբութիւն Լեւոն ԺԴ. Պապին նախագահութեամբ, տեղի ունեցաւ Հայոց ցեղասպանութեան նահատակ Երանելի Իգնատիոս Արքեպիսկոպոս Մալոյեանի եւ ևս վեց Երանելիների Սրբադասման հանդիսաւոր արարողութիւնը։
Հայ Կաթողիկէ Եկեղեցին եւ համայն հայ ժողովուրդը խորը հուզմունքով եւ հպարտութեամբ նշեցին այս պատմական օրը՝ ի նշան հաւատքի, նահատակութեան եւ սիրոյ վկայութեան։
Արարողությանը ներկա էր Հայաստանի Հանրապետության Վարչապետը, ով ժամանել էր Վատիկանի Սուրբ Պետրոսի հրապարակ՝ մասնակցելու Սուրբ Պատարագին եւ իր հարգանքը մատուցելու սուրբ հռչակուած հայ արքեպիսկոպոսին ու մյուս երանելիներին։
«Ժամանեցի Սուրբ Պետրոսի հրապարակ՝ ներկա գտնվելու Արքեպիսկոպոս Իգնատիոս Մալոյանի և ևս վեց Երանելիների սրբադասման արարողությանը», – գրել է Վարչապետը իր պաշտոնական հաղորդագրության մեջ։
📖 Կարճ կենսագրական
Իգնատիոս Մալոյեանը ծնած է 1869 թուականին Մարտին քաղաքում, ներկայիս Թուրքիոյ տարածքին։ Մանկութենէն ի վեր ցուցաբերած է խորը աղօթասիրութիւն և հաւատքի նուիրում։
1883-ին ընդունուած է Լիբանանի Զմմառի վանք՝ Հայ Կաթողիկէ Պատրիարքական Կղերական Միաբանութիւն։
1896-ին ձեռնադրուելով քահանա՝ ստացած է Իգնատիոս անունը եւ իր հովուական ծառայութիւնը շարունակած է Աղեքսանդրիա, Գահիրէ եւ Կ.Պոլիս քաղաքներուն մէջ։
1911-ին ընտրուած է Մարտինի Արքեպիսկոպոս։ Առաջին համաշխարհային պատերազմի ընթացքին ձերբակալուած է իր քահանաներուն եւ հաւատացեալներուն հետ՝ մերժելով ուրանալ իր հաւատքը։
1915 թուականի Յունիսի 11-ին նահատակուած է՝ դառնալով հաւատքի վկայ եւ նահատակ։
***********
Այո, ցավոք, Հայաստանի ֆուտբոլի ազգային հավաքականը ևս մեկ պարտություն կրեց արտագնա խաղում։ Մեր թիմը Դուբլինում 0-1 հաշվով զիջեց Իռլանդիայի ընտրանուն, և չնայած մեր հավաքականի որոշակի պահերին ու պայքարին՝ հաշիվը փոխել չհաջողվեց։ Մինչ այդ մեր հավաքականը 2֊0 զիջել էր Հունգարիային։ Առաջիկա երկու հանդիպումներին` Հունգարիայի (տանը) և Պորտուգալիայի (դրսում) հետ դժվար թե հաջողվի մեր թիմին հաղթահարել այս փուլն ու անցնել աշխարհի առաջնության եզրափակիչ փուլ։
**************
15.10.2025/Նիդ.օրագիր/Anna Martirosyan
Հետաքրքիր փաստեր Նիդերլանդների Corpus մարդու մարմնի թանգարանի մասին.
1 Գտնվում է Նիդերլանդների Լեյդեն քաղաքի մոտ՝ Օեգստգեեստում։
2 Բացվել է 2008 թվականին։
3 Թանգարանի կարգախոսն է “Journey through the human body”։
4 Շենքը կառուցված է 35 մետր բարձրությամբ նստած մարդու ֆիգուրի ձևով։
5 Մուտքը սկսվում է ծնկից, այցելուները քայլում են մարմնի ներսով մինի վերելակով՝ մինչև ուղեղ։
6 Ցուցադրությունները ինտերակտիվ են՝ համակցված ձայնով, լուսային և մեդիա-էֆեկտներով։
7 Յուրաքանչյուր հատված ներկայացնում է մարդու օրգանային համակարգերից մեկը՝ մարսողական, շնչառական, արյունատար և այլն։
8 Ցուցադրվում են իրական չափի և շարժվող մոդելներ՝ օրինակ՝ beating heart կամ working muscles։
9 Թանգարանը համատեղում է կրթությունը և զվարճանքը՝ նպատակ ունենալով բարձրացնել առողջ ապրելակերպի մասին տեղեկացվածությունը։
10 Ցուցադրությունը հարմար է ինչպես երեխաների, այնպես էլ մեծահասակների համար, բայց մարդկանց հատուկ քանակով։
11 Յուրաքանչյուր այց տևում է մոտ 1 ժամ։
12 Թանգարանի վերջում գործում է առողջ սննդի և ֆիզիկական ակտիվության վերաբերյալ ինտերակտիվ գոտի։
13 Corpus-ը առաջին թանգարանն է աշխարհում, որը ամբողջությամբ նվիրված է մարդու մարմնի ուսումնասիրությանը այս ձևաչափով։
Հավաքեց` Anna Martirosyan-ը
Մեր հայրենակից Անահիտ Աղաբեկյանը (Anahit Aghabekyan ) Նիդերլանդական օրագրի հավատարիմ օգտատերերից է և տարածում է մեր նյութերը, որի համար շնորհակալ ենք: Սակայն Այլ բանի մասին ենք ուզում հայտնել: Անահիտը նաև հետաքրքիր տեսանյութեր է պատրաստում նիդերլանդական կյանքից: Այժմ ներկայացնում ենք դրանցից մեկը`
Ավտոտնակ ջրի տակ
Լուվրի թանգարանում տեղի ունեցած խոշոր գողությունը․ ինչ է հայտնի այս պահին
Ֆրանսիայի մայրաքաղաք Փարիզի Լուվրի թանգարանում տեղի ունեցած խոշոր գողությունը դարձել է համաշխարհային լրահոսի գլխավոր թեման։ Գողերն աչքի են ընկել բացառիկ կազմակերպվածությամբ և արագությամբ․ ընդամենը յոթ րոպեում նրանք կարողացել են դուրս բերել թանգարանի պատմական արժեք ունեցող զարդեր։
----------------------------------------------------------------------------
Գյումրիի քաղաքապետը և ևս 7 անձ ձերբակալվել են կաշառք ստանալու և կաշառք տալու մեղադրանքներով, հայտնում է Հակակոռուպցիոն կողմիտեն:
