Նիդերլանդների Դեն Բոսի և շրջակա բնակավայրերի հայ համայնքը հնարավոր է ունենա իր սեփական աղոթատեղին

• Նիդերլանդների Հյուսիսային Բրաբանդի նահանգ է այցելել Հայ Առաքելական եկեղեցու Վատիկանի և Արևմտյան Եվրոպայի Հայրապետական Պատվիրակ Գերաշնորհ Խաժակ Պարսամյանը
• Նախադրյալներ կան, որ այս եկեղեցին Նիդերլանդներում ծառայի որպես Հայ Առաքելական եկեղեցու հոգևոր կենտրոն:

Սուրբ Կատարինա եկեղեցում առաջին անգամ հայ հոգևորականները սուրբ պատարագ են մատուցել

Դեն Բոսի «ՈՒրարտու» հայ համայնքի կյանքում հիշարժան իրադարձություն էր տեղի ունենալու: Ապրիլի 13-ին Հյուսիսային Բրաբանդի մարզ էր այցելել Հայ Առաքելական եկեղեցու Վատիկանի և Արևմտյան Եվրոպայի Հայրապետական Պատվիրակ Գերաշնորհ Խաժակ Պարսամյանը: Տեր Արմեն քահանա Մելքոնյանի հետ նրանք Դոտրեխտի հայ հավատացյալների հետ շփվելուց հետո այցելեցին Դեն Բոս (կամ` Հերթոգենբոս), որտեղ նախ պետք է հանդիպեին կիրակնօրյա դպրոցի սաներին ու նրանց ծնողներին, իսկ հետո` հաջորդ օրը, տեղի Սուրբ Կատարինե եկեղեցում անմիջական մասնակցություն ունենային Ծաղկազարդի Սուրբ Պատարագի արարողությանը: Նախադրյալներ կան, որ հիշյալ եկեղեցին ընդմիշտ ծառայի տեղի հայ հավատացյալներին: Ամեն ինչի մասին անդրադառնանք հերթականությամբ: Ընդհանրապես արժանին պետք է մատուցել Խաժակ սրբազանին Նիդերլանդների հայ համայնքին այդչափ ուշադրություն դարձնելու համար: Նա եղել է գրեթե բոլոր հայաշատ համայնքներում ու իր խորհուրդներով, կերտիչ խոսքով ու գործով նեցուկ եղել ազգանպաստ գործերի:

Դժվար է ասել` թե Հերթոգենբոսը նախկինում որքանով է առնչություն ունեցել հայ կյանքին: Ներկայիս համայնքը մեկ տասնամյակ էլ չկա ինչ ձևավորվել է: Թարգմանաբար քաղաքի անունը նշանակում է Հերցոգյան անտառ:Քաղաքը գտնվում է Նիդերլանդների կենտրոնական մասերում, տեղանքը ճահճային է` Աա և Դոմել գետերի խառնարանի միջնամասում: Վայրը մի ժամանակ բրաբանտի իշխանների համար անտառ ու որսատեղի է եղել: Դեն Բոսը քաղաքի կարգավիճակ է ստացել 1185 թվականին Բրաբանդի հերցոգ Հենրիխի առաջինի կողմից: Քաղաքը իր ծաղկման գագաթնակետին է հասել XIV-XV դարերում: Ներկայումս Նիդերլանդները Հյուսիսային Բրաբանդի նահանգի (մարզի) վարչական կենտրոնն է, գտնվում է Ամստերդամից 80կմ հարավ-արևելք, ունի 153 հազ. բնակիչ : Զուիդ-Վիլեմսվարտ ջրանցքի նավահանգիստն է : Բնակչությունը 2018 թ. տվյալներով կազմել է 153.000 մարդ: Մարզի 4-րդ խոշոր քաղաքն է` Էյնդհովենից, Թիլբուրգից, Բրեդայից հետո: Երկրի խոշոր տրանսպորտային երկաթուղային հանգույց է, որով իրար են կապվում Նիդերլանդների շատ քաղաքներ:Զբաղեցնում է 91.26 կմ² տարածք: 

Սակավթիվ հայերին` 90-ական և 2000 թվականներից հետո բազմաթիվ հայաստանաբնակ հայեր են համալրել մարզը: Որպես գաղթօջախի կազմավորման կազմակերպչական աշխատանքներում մեծ ավանդ ունեցավ պրոֆեսոր, երջանկահիշատակ Մարտուն Էլբակյանը, որի ջանքերով ստեղծվեց «Կոմիտաս», ապա «ՈՒրարտու» հայ համայնքը: Նա անձամբ դասավանդում էր իր ստեղծած դպրոցում: Կարճ ժամանակ հետո ճանաչվեց Նիդերլանդների լավագույն ուսման վարպետներից մեկը` արժանանալով թագավորական պարգևի, իսկ Մայր Հայրենիքի կողմից` Մեսրոպ Մաշտոց մեդալի: Թեև անժամանակ մահը ընդհատեց նրա սկսած գործը, այնուհանդերձ կողքը եղած նվիրյալները շարունակեցին նրա սկսած գործը`կազմակերպչական աշխատանքներն իրենց ուսերին վերցնելով: Այժմ համայնքի դպրոցը, որտեղ սովորում են 19 երեխաներ` Մարտուն Էլբակյանի անունով է:

Դեն Բոս մեր այցելության օրը, երբ կիրակնօրյա դպրոցի սաները պատրաստվում էին հայերենի իրենց իմացությամբ հանդես գալ Սրբազանի ու իրենց ծնողների առջև աշխույժ կազմակերպչական աշխատանքների իրարանցման մեջ տեսանք «ՈՒրարտու»-ի վարչության նախագահ Տոնի Պոգոսյանին, փոխնախագահ Մուրադ Մուրադյանին, ակտիվիստներ Լոռի և Գոհար Թիւրպէնտեաններին, դպրոցի տնօրեն տիկին Լոռային, ուսուցչուհիներ տիկին Անժելային, Ջեմմային և մյուսներին, որոնք փութաջանորեն նախապատրաստվում էին դիմավորել Գերաշնորհ Խաժակ արքեպիսկոպոս Պարսամյանին և Արմեն քահանա Մելքոնյանին: Նրանց այցելությունը ոգևորության ու հայրենիին նվիրվելու մեծ տոնի վերածվեց: Այբբենարանին, հայ գրերին ու Մայր Հայաստանին նվիրված երեխաների ելույթներին հաջորդեց` հայկական ժողովրդական մեղեդու ներքո նրանց պարը: Պրուսույց Լուսինեն կարողացել էր պարի լեզվի հմայքով թափանցել երեխաների ներաշխարհը` այս արվեստից մասնիկ հանելով նրանց: Անմասն չմնացին նաև ծնողները` արտասանելով Սահյանից ու Սևակից:

Գաղտնիք չէ, որ սփյուռքի հայ համայնքին միաբան է պահում հայ եկեղեցին ու հայ դպրոցը , որտեղ կարող են կենդանի շփումների միջոցով առավել զորացնել իրենց հավատքը և համայնքային կյանքը:

Գաղտնիք չէ, որ սփյուռքի հայ համայնքին միաբան է պահում հայ եկեղեցին ու հայ դպրոցը , որտեղ կարող են կենդանի շփումների միջոցով առավել զորացնել իրենց հավատքը և համայնքային կեանքը:

Ապրիլի 13/14-ի ուղիղ ֆեյսբուքյան ռեպորտաժների տեսագրությունը

Հաջորդ օրը` ապրիլի 14-ին, արդեն բազմաթիվ հայեր պետք է ականատեսը լինեին սրբազանի մատուցած պատարագին` Դեն Բոսի Սուրբ Կատարինե եկեղեցում: Ալեքսանդրիացի Կատարինան` ում անունով կոչվում է եկեղեցին, նահատակվել է 307 թ. նոյեմբերի 25-ին, միջնադարյան ամենատարածված սրբերից մեկն է: Նրա կյանքն ու գործը մաքրաբարության չափանիշ է եղել, շտապ օգնել է նրանց, ովքեր դրա կարիքն են ունեցել: 

Ցավոք այսօր շտապ օգնության կարիք ունի այս եկեղեցին...    Այն վաճառքի էր հանվել ու հիմա վարձակալությամբ է տրվելու հայ համայնքին: Լավ հնարավորություններ են պահպանվում շենքը սեփականության իրավունքով ձեռք բերելու համար: 

Նման գաղապարը  նաև սրբազանն է  խրախուսում: Մեր զրույցում նա հավաստեց, որ իր  կապերով, ու ինչու չէ` անձնական միջամտությամբ, կարելին կանի, որ այս կառույցը  հայ հավատացյալներին  ծառայելուց բացի դառնա հայ հոգևոր, կրթական ու մշակութային կենտրոնը` Նիդերլանդներում:

 Հետաքրքիր պատմություն ունի Հռոմի կաթոլիկ դավանանքին պատկանող այս եկեղեցին: Այն կառուցվել է գոթական ոճով`  1533թվականին: Վերջին դարաշրջաններում մի քանի անգամ փոփոխության է ենթարկվել: 1842թ.ճարտարապետ Jos de Kroon-ի կողմից վերակառուցելուց հետո կոչվել է` Նոր եկեղեցի: Այնուհետև ճարտարապետ Յան Սթույթը  1917թ վերակառուցել է Արեւելյան Եվրոպայում եւ Ռուսաստանում վաղ քրիստոնեական ճարտարապետության վերածնունդը խորհրդանշող Նեո-բյուզանդական ճարտարապետության ոճով, գմբեթը կառուցվել է ժամանակի վերջին շնչով` ունի երկաթբետոնյա կառուցվածք,  ութ անկյուններով հենվում են   ենթակառուցվածքների վրա, որոնց գագաթներին խաչեր են: Այդ պատճառով անվանվել է` Kruiskerk (Խաչվանք):  

Գմբեթը եկեղեցու ամենաբարձր մասն է, հարակից սյուներին ներկայացված են  երգչախմբի 8 խոշոր փայտե արձանները, որոնք պատրաստել է Բոսխեի հայտնի քանդակագործ Ջոզ Ջ.Ա. Կուիփերսը (1862):

Վերջին տարիներին շենքն անգործության է մատնվել, 2015թթ կեսերից շենքը կորցրել է իր եկեղեցական գործառույթը և դժվար է ասել, երբ է տեղի ունեցել վերջին եկեղեցական արարողակարգը: Նույնիսկ որոշել են շենքը հարմարեցնել թատերական ներկայացումների, իսկ հիմա էլ վաճառքի են հանել: Յուրահատուկ այս կառույցն ունի Ազգային հուշարձանի կարգավիճակ, որն համարակալված է 21692 թվով: Եկեղեցին դժվարին ժամանակներ էլի է ապրել, երբ Նապոլեոնի արշավանքների ժամանակ ծառայել է ձիարան ու պահեստարան: 

Մի քանի օր անընդմեջ ՈՒրարտու հայ համայնքի անդամների ու հոգևոր հովվի  թեթև ձեռքով փութաջանորեն մաքրվել, կարգի են բերվել եկեղեցու ներսը` որոշ առումներով պարագաներն ու դասավորությունները համապատասխանեցվել  են հայ եկեղեցու պահանջներին: Ներքին ձևավորումը ներառում է դեռևս 1841թ-ից պահպանված աթոռները, հին է նաև ամբիոնը: Պահպանվում է երգեհոն տեղադրող եզակի վարպետներից մեկի  Հոհաննես Վոլեբրիխտի (Johannes Vollebregt) 1851թ սեփական ձեռքերով տեղադրած երգեհոնը: Յուրահատուկ են բելգիացի գեղանկարիչ Պիտեր Յոզեֆ Վերհագենի (Pieter Jozef Verhagen-ի 1728-1811) ինը խոշոր գեղանկարները: 

Սուրբ Կատարինեի քանդակը ժամացույցի ներքնամասում

Չնայած գարնան համար ոչ բնորոշ ցուրտ եղանակին (+3 ) Դեն Բոսի, Դոտրեխտի և մերձակա այլ շրջանների բնակավայրերից հարյուրավոր հայ հավատացյալներ էին ներկա առաջին անգամ այստեղ տեղի ունեցող հայկական պատարագին: Եկեղեցի մուտք գործելուց առաջ հավատացյալները հոգևոր հայրերի հետ մասնակցեցին եկեղեցու «դռնաբացեքի» արարողությանը: Սրբազան Հայրը հավատացյալների հետ միասին երգեցին «Բաց մեզ Տէր» հոգեթով շարականը, հետո բացվեցին եկեղեցու փակ դռները և հավատացեալները Սրբազան Հոր և Տէր Արմէն քահանայի առաջնորդությամբ ներս մտան` կտրելով մուտքի ժապավենը: Տաճարը տևական դադարից հետո կրկին վերակենդանացավ: Սուրբ Պատարագը իր մեջ ներառեց մի քանի արարողակարգեր` մանուկների օրհնության կարգ, մեղքերի թողություն, դպրության կարգ` որով Հայ Առաքելական Եկեղեցին համալրվեց Աստծո ծառաներով, օրհնանքի խոսք` Գերաշնորհ Խաժակ Պարսամյանի կողմից, բուն Ծաղկազարդը մանուկների օր, Հիսուս Քրիստոսի հաղթական մուտքը Երուսաղեմ` որպես Թագավոր, օրհնված ձիթենու և ուռենու ոստերի բաժանում ժողովրդին և հաղորդակցություն: Պատարագն ուղեկցվում էր Արհնեմի երգչախմբի հոգեթով երաժշտական կատարումներով:
Պատարագի ավարտից հետո Սրբազան հայրը զրույց ունեցավ իրեն այցելած Դեն Բոսի Կաթոլիկ թեմի եպիսկոպոս Antonius Lambertus Maria Hurkmans-ին ու իր երախտագիտական խոսքն ասաց հայ համայնքին օգնելու նրա պատրաստակամության համար: Հայրապետական Պատվիրակը  փոխադարձ համագործութեան համար բարձրաստիճան հոգևորականին հրավիրեց Վատիկան:

Այսպիսով պատմական բազմաթիվ անցքերին հաղորդ Դեն Բոսի Սուրբ Կատարինա եկեկեղեցում առաջին` և հույսով ենք էլի բազմաթիվ անգամներ ու ընդմիշտ կհնչեն հայկական պատարագներ, տեղի կունենան ծիսակատարություններ: Հերթականը` ապրիլի 21-ին, Սուրբ Զատիկի  կապակցությամբ և հնարավոր է արդեն Նիդերլանդների  Թագավորությունում Հայաստանի արտակարգ և լիազոր դեսպան Տիգրան Բալայանի պատվավոր ներկայությամբ: Ինչպես սրբազանն է ասում` հավատով, հույսով, որ այն շուտով որպես հայկական եկեղեցի օծվելու ու ընդմիշտ ծառայելու է հավատացյալ մեր ժողովրդին:

Hay Azian
Նիդերլանդական օրագիր

's-Hertogenbosch

13/14 April 2019

Սրբազան Խաժակ Պարսամյանը Դեն Բոսի Կաթոլիկ թեմի եպիսկոպոս Antonius Lambertus Maria Hurkmans-ի հետ

Սբ. Գրիգոր Նարեկացու աղոթքների ամենամյա ընթերցումներ Ամստերդամի Begijnhofkapel եկեղեցում

Արդեն չորրորդ տարին է հարգանքի տուրք է մատուցվում Սուրբ Գրիգոր Նարեկացու հիշատակին: Նախորդ երեք տարիներին այս երեկույթը նշվել է Ամստերդամի «Սուրբ Հոգի» Հայ Առաքելական Եկեղեցում:

Ինչպես փոխանցում են Հայաստանի դեսպանությունից ապրիլի 16-ին Ամստերդամի Բեխիյնհոֆկապել (Begijnhofkapel) եկեղեցում, տեղի ունեցան «Սուրբ Գրիգոր Նարեկացի» հիմնադրամի նախաձեռնությամբ ավանդական դարձած Սբ. Գրիգոր Նարեկացու աղոթքների ամենամյա ընթերցումները, որոնց պատվո հյուրերն էին Նիդերլանդներում ՀՀ դեսպան Տիգրան Բալայանը և Սուրբ Աթոռի նվիրակ արքեպիսկոպոս Ալդո Կավալին (Archibishop Aldo Cavalli):

Արդեն չորրորդ անգամ տեղի ունեցող միջոցառումն առանձհատուկ էր, քանի որ դրա շրջանակներում տեղի ունեցավ նաև Նարեկացու «Մատյան ողբերգության» հոլանդերեն թարգմանության առաջին պրակի շնորհանդեսը։

Բացելով միջոցառումը «Սուրբ Գրիգոր Նարեկացի» հիմնադրամի տնօրեն Վահան Ավագյանը ներկայացրեց Ավագ շաբաթվա ընթացքում կազմակերպրվող միջոցառման խորհուրդը՝ արժևորելու Նիդերլանդներում գործող եկեղեցիների միասնականությունը և դավանած արժեքները։

Գրիգոր Նարեկացու կյանքն ու գործունեությունը, Հայ առաքելական եկեղեցու և Հռոմի կաթոլիկ եկեղեցու կողմից նրան տրվող գնահատանքն իր խոսքում ներկայացրեց Արևմտյան Եվրոպայում Մայր Աթոռ Սուրբ Էջմիածնի պատվիրակ Խաժակ արքեպիսկոպոս Պարսամյանը։

Հայ-առաքելական եկեղեցու և Հռոմի կաթոլիկ կեղեցու համագործակցության և առաքելության մասին ներկաների հետ կիսվեց Ամստերդամի եպիսկոպոս Յոհաննես Վիլլիբրորդուս Հենդրիկսը (Johannes Willibrordus Hendriks) ՝ նշելով, որ մեծ պատիվ է Ամստերդամում կարևոր սրբավայր հանդիսացող Բեխիյնհոֆկապել եկեղեցում հյուրընկալել Նարեկացուն նվիրված միջոցառումը։

«Մատյան ողբերգության» հոլանդերենի թարգմանության հեղինակ, Օքսֆորդի համալսարանի հայագիտական ուսումնասիրությունների պրոֆեսոր Թեո վան Լինտը (Theo van Lint) իր խոսքում ներկայացրեց այն խորը զգացմունքները, որոնք ունեցել է Նարեկացու ստեղծագործություններին ծանոթանալիս և ոգեշնչումը՝ այն հոլանդերենով թարգմանելու ճանապարհին։

Այնուհետև տեղի ունեցան Նարեկացու աղոթքների ընթերցումները Նիդերլադներում գործող եկեղեցիների առաջնորդների՝ Կաթոլիկ եկեղեցու եպիսկոպոս Յոհաննես Վիլլիբրորդուս Հենդրիկս (հոլանդերեն), Ասորական Ուղղափառ Եկեղեցու արքեպիսկոպոս՝ Մոռ Պոլիկարպոսը (Archibishop Mor Polycarpus Augin Aydin) (անգլերեն), Ռուս Ուղղափառ Եկեղեցու արքեպիսկոպոս Յելիսեյը (Архиеписком Елисей) (ռուսերեն), Ղպտի Եկեղեցու եպիսկոպոս՝ Անբա Արսենին (Bishop Anba Arseny, արաբերեն), Հայ Առաքելական եկեղեցու քահանա՝ Տեր Տարոն Թադևոսյանը (հայերեն):

Միջոցառմանը երաշժտական կատարումներով հանդես եկավ Նիդերլանդների Ազգային Օպերայի սոպրանո Ջուլիետտա Ալեքսանյանը և քանոնահար Մեղրիկ Կարապետյանը։

Նիդերլանդներում հավատարմագրված ԵԱՏՄ դեսպանների հանդիպում

Ապրիլի 11-ին ԵԱՏՄ-ում նախագահող Հայաստանի դեսպան Տիգրան Բալայանի նախաձեռնությամբ կայացավ հանդիպում Բելառուսի դեսպան Նիկոլայ Բորիսևիչի, Ղազախստանի դեսպան Մագժան Իլյասովի և Ռուսաստանի դեսպան Ալեքսանդր Շուլգինի հետ: Այդ մասին  փոխանցում է  Հայաստանի  դեսպանատան կայքը:

Հանդիպման ընթացքում քննարվեցին հոլանդական գործարար շրջանակների համար Եվրասիական տնտեսական միության շուկայի հնարավորությունների բացահայտմանը նվիրված համատեղ միջոցառում կազմակերպելու հնարավորությունները։

Հանդիպման շրջանակներում դեսպանները Եվրասիական տնտեսական հանձնաժողովի նախագահ Տիգրան Սարգսյանին ուղղված համատեղ նամակ ստորագրեցին՝ առաջարկելով դիտարկել վերոնշյալ միջոցառմանը մասնակցելու նպատակով Եվրասիական տնտեսական կոլեգիայի բարձրաստիճան պատվիրակություն գործուղելու հնարավորությունը։

«Երևանյան Հեռանկարները» նոր իրականության միջավայրում

ՀԱՅԱՍՏԱՆՅԱՆ ՄՇԱԿՈՒԹԱՅԻՆ ԱՖԻՇԱ

«Երևանյան Հեռանկարներ» միջազգային երաժշտական փառատոնը հայտարարում է իր 20-րդ հոբելյանական փառատոնի բացման մասին
Ապրիլի 29-ին ժամը 19:30 Արամ Խաչատրյան համերգասրահում բրիտանական «The Swingles» լեգենդար վոկալ խմբի համերգով կազդարարի հոբելյանական տարվա մեկնարկը:
Հիսուն տարվա պատմություն և հինգ Գրեմմի մրցանակ ունեցող խումբը ձևավորվել է Փարիզում` Ուորդ Սվինգլի կողմից: Առաջին «Սվինգլները» էստրադային երգիչները` աշխատել են Շարլ Ազնավուրի, Էդիտ Պիաֆի և Միշել Լեգրանի հետ, նրանց մեջ էր նաև վերջինիս քույրը` Քրիստին Լեգրանը: Խմբին համաշխարհային ճանաչում բերեց 1960թ.-ին թողարկած Յոհան Սեբաստիան Բախի ստեղծագործությունների փոխադրումը ութ ձայների համար: «Սվինգլների» նորարարական և վիրտուոզ երգեցողությանը անմիջապես հիացական արձագանքներ ուղղեցին Էլլա Ֆիցջերալդը, Եհուդի Մենուհինը, այլ մեծանուն երաժիշտներ:

Երևանում խումբը հանդես կգա Look Back (ForWard) ծրագրով, որը հետհայացք է «Սվինգլ»-ի հիսունամյա փառահեղ երաժշտական պատմությանը: Այն ներառում է 60-ականների և 70-ականների երգիչ-երգահանների ստեղծագործություններ, մերօրյա բրիտանական ֆավորիտներ, Բախ, Սայմըն և Գարֆունկել, Բիթլզ և ավելին:

«Սվինգլների» երկացանկը ընգրկում է համաշխարհային դասական, ջազ, էթնիկ, ժամանակակից` բոլոր ազգերի և ժամանակների երաժշտություն: Այսօր խմբի կազմում ընդգրկված են յոթ երգիչներ` Բրիտանիայից, ԱՄՆ-ից, Կանադայից և Գերմանիայից:

«Սվինգլը» արդեն կես դար շարունակ ընդլայնում է վոկալ երաժշտության պատկերացումների հորիզոնը։ Նրանք դարձել են բազմամիլիոնանոց լսարանի սիրելիները,հոլիվուդյան և այլ հայտնի ֆիմերի սաունդթրեքերը ձայնագրելու համար: Խումբը համարվում է մոլորակի ակապելա երգեցողության բոլոր ժամանակների չգերազանցված վարպետը:

Մարդկային ձայնով տարբեր երաժշտական գործիքների ձայների վերարտադրումը «Սվինգլների» չգերազանցված կարողությունն է, որը տասնյակ տարիների ընթացքում նմանակվել է բազմաթիվ կատարողների կողմից` ոգեշնչման աղբյուր դառնալով բազմաթիվ կոմպոզիտորների համար:
Լուչիանո Բերիոն իր սենսացիոն «Սինֆոնիայում առաջին անգամ ուսումնասիրեց և բացահայտեց
«Սվինգլների» ձայները նվագախմբային դասակարգմամբ: Խումբը նույն շուքով և մեծագույն արձագանքների ներքո, շարունակում է կատարել այդ ստեղծագործությունը ողջ աշխարհում, որի վերջին կատարումները հնչել են Սան Ֆրանցիսկոյի Դեյվիս համերգասրահում՝ Մայքլ Թիլսոն Թոմասի, Լոնդոնի «Ռոյալ Ֆեստիվալ» համերգասրահում՝ Վլադիմիր Յուրովսկու և Միլանի Լա Սկալայում՝ Ջոն Աքսելրոդի ղեկավարությամբ։
Հյուսիսային և Հարավային Ամերիկա, Եվրոպա և Ասիա իրենց կանոնավոր շրջագայություններից բացի խումբը յուրաքանչյուր հունվար ամսին Քինգս Փլեյսում հանդես է գալիս իր
«Լոնդոնյան ակապելլա» փառատոնով: Բրիտանական մայրաքաղաքում փառատոնն առաջինն է իր տեսակի մեջ, որը հյուրընկալում է աշխարհի ամենատաղանդավոր վոկալի վարպետներին։

... Շքեղ վերարտադրություններ՝ նուրբ բիթբոքսի և հնչեղ հարմոնիաների ուղեկցությամբ․․․ հերոսական երգեցողություն, որն իսկապես սարսուռ է առաջացնում։ – THE GUARDIAN
Վոկալ և երգչախմբային աշխարհը վերջին 50 տարվա ընթացքում էականորեն փոխվել է․․․ բայց <<Սվինգլս>>-ին հաջողվել է պահպանել իր արտառոց նշաձողը` շարունակել բարգավաճել։ – CHICAGO SUN-TIMES

«Սվինգլները» հրաշագեղ ակորդները երգում էին լազերային ճշգրտությամբ... սա տրիումֆ էր – THE DAILY TELEGRAPH
«Երևանյան հեռանկարներ» 20-րդ միջազգային երաժշտական փառատոնը անց է կացվում ՀՀ վարչապետ Նիկոլ Փաշինյանի հովանու ներքո:

«Երևանյան Հեռանկարներ» միջազգային երաժշտական փառատոնի հիմնադիր նախագահն է կոմպոզիտոր Ստեփան Ռոստոմյանը: Փառատոնի 20-րդ հոբելյանական տարին իրականանում է «Իմ քայլը» հիմնադրամի աջակցությամբ:

«Երևանյան Հեռանկարները» նոր էջ է բացել Հայաստանի երաժշտական կյանքում` երկու տասնյակ տարիների ընթացքում փոխելով իրականությունն ու ստեղծելով նախկինում նմանը չունեցող միջավայր:

Ֆրանսիայի նախագահը կատարել է փետրվարին հայ համայնքի ներկայացուցիչներին տված իր խոստումը:

Ֆրանսիայի նախագահը կատարել է փետրվարին հայ համայնքի ներկայացուցիչներին տված իր խոստումը: Ապրիլի 10-ին Էմանուել Մակրոնը հրամանագիր է ստորագրել եւ ապրիլի 24-ը պաշտոնապես հռչակել Հայոց ցեղասպանության զոհերի հիշատակի օր:
Հիշեցնենք, որ Ֆրանսիան ճանաչել է Հայոց ցեղասպանությունը 2001թ.:

French President Emmanuel Macron on Wednesday signed an order declaring April 24 as a day of commemoration of the Armenian Genocide. 
According to the document, a ceremony paying tribute to the Armenian Genocide victims are set to be held in Paris on this day every year. Similar events can also be held in each department at the initiative of the community heads. The French prime minister is responsible for the implementation of this decision, the order says.

Արձագանքներ Իտալիայի խորհրդարանի Հայոց ցեղասպանության ճանաչման նախաձեռնության ընդունման վերաբերյալ

ԻՏԱԼԻԱՅԻ ԽՈՐՀՐԴԱՐԱՆԸ ՄԵԿ ԱՆԳԱՄ ԵՎՍ  ՃԱՆԱՉԵՑ ՀԱՅՈՑ ՑԵՂԱՍՊԱՆՈՒԹՅՈՒՆԸ

Թուրքիայի Արտաքին գործերի Նախարարությունը  իր մոտ է հրավիրել Անկարայում Իտալիայի դեսպան Մասսիմո Ջայանիին (Massimo Gaiani),  Իտալիայի խորհրդարանի Հայոց ցեղասպանության ճանաչման վերաբերյալ նախաձեռնության ընդունման առթիվ: Այդ մասին հաղորդում է թուրքական ընդդիմադիր «Sözcü» թերթը` հղում անելով իտալական ԶԼՄ-ներին:

Իտալիայի խորհրդարանը  քվեարկության դրեց 1915 թվականի հայերի կոտորածների մասին Առաջին համաշխարհային պատերազմի ժամանակ պատգամավորական  Five Star Movement խմբակցությանն  կողմից առաջարկված միջնորդությունը: Թուրքիան ժխտում է, որ Օսմանյան կայսրությունում հայերի ջարդը ցեղասպանություն է 29 երկրներից կառավարությունները եւ խորհրդարանները, ներառյալ Բրազիլիան, Կանադան, Ֆրանսիան, Գերմանիան, Իտալիան եւ Ռուսաստանը, ճանաչել են 1915 թվականի իրադարձությունները որպես ցեղասպանություն: Բուռն են թուրքական կողմից հնչած արձագանքները: Միակ  մխիթարությունը այն է, որ օրենքն ընդունվելու դեպքում այն իրավական պարտավորության  ուժ չունի:
«Մենք կտրականապես դատապարտում ենք իտալական խորհրդարանի վերջին փորձը` մեր ժողովրդի պատմությունը խեղաթյուրելն ու քաղաքականացնելը », - հայտարարել է Թուրքիայի նախագահության հաղորդակցության տնօրեն Ֆահրտթին Ալթունը` քվեարկությունից հետո:
«Հիշողությունների վրա հարձակվելու փոխարեն, մենք պետք է բոլորս միասին աշխատենք, որպեսզի ճշմարտությունը գերազանցի մտածացին ​​գաղափարը», - ավելացրել է Ալթունը:
Այսօր Թուրքիայի «Արդարություն եւ զարգացում» իշխող կուսակցությունը ևս դատապարտող հայտարարություն է տարածել: Խոսնակ Օմեր Չելիքը հայտարարել է, որ Իտալիան խաբված է հայկական սփյուռքի կողմից, որը ոչ մի կերպ չի ցանկանում նորմալ հարաբերություններ զարգացնել Թուրքիայի եւ Հայաստանի միջեւ:
dailysabah թուրքական կայքը Իտալիայի խորհրդարանի միջնորդությունը «տեղին չի  համարում», սակայն ընդունում է, որ Երկրորդ համաշխարհային պատերազմի ժամանակ երկու կողմերում զոհեր են եղել:
Անկարան բազմիցս առաջարկել է Թուրքիայից եւ Հայաստանից պատմաբանների համատեղ հանձնաժողով ստեղծել եւ միջազգային փորձագետների հետ քննարկել խնդրի լուծումը,- հոդվածը եզրափակել է թուրքական կայքը:

ֆեյսբուքյան դեսպանատան էջում գրառում է կատարել Իտալիայում ՀՀ դեսպան Վիկտորյա Բաղդասարյանը.
«Ողջունում ենք ապրիլի 10-ին Իտալիայի պատգամավորների պալատի կողմից 382 կողմ, 43 ձեռնպահ, 0 դեմ ձայներով Հայոց ցեղասպանության ճանաչման վերաբերյալ նախաձեռնության ընդունումը։
Շնորհակալություն ենք հայտնում Պատգամավորների պալատում ներկայացված բոլոր քաղաքական ուժերին Նախաձեռնությանը սատարելու համար։ Առանձնահատուկ շնորհակալություն ենք հայտնում Նախաձեռնության հեղինակ իշխող "Լեգա" կուսակցության անդամ, պատգամավոր Պաոլո Ֆորմենտինիին և 34 համահեղինակներին, ինչպես նաև իրենց ելույթներով Նախաձեռնությունը սատարող բոլոր խորհրդարանականներին։
Պատգամավորների պալատը, հարգանքի տուրք մատուցելով Հայոց ցեղասպանության զոհերի հիշատակին, ընդգծեց, որ մեկ դար առաջ Օսմանյան կայսրությունում հայերի դեմ իրականացվածը հենց ցեղասպանություն է, և կոչ արեց Իտալիայի կառավարությանը պաշտոնապես ճանաչել Հայոց ցեղասպանությունը և դրան միջազգային հնչեղություն հաղորդել։
Այս քայլով իտալական կողմը վերահաստատեց իր հավատարմությունը համամարդկային արժեքներին՝ իր ներդրումն ունենալով ցեղասպանությունների և մարդկության դեմ հանցագործությունների կանխարգելման ճանապարհին»։

• «Նիդերլանդական Օրագիր»

Առաջիկա շաբաթը Մաստրիխտի Սուրբ Կարապետ եկեղեցում

Առաջիկա շաբաթը հարուստ է եկեղեցական  կյանքով:Բացառություն չէ նաև Մաստրիխտում (Surp Karapet- Armeens Apostolische Kerk Maastricht )
Պատարագիչն ու օրվան պատգամը փոխանցողն է,Տեր Աստվածատուր քհն Սարգսյանը, Պատարագի ավարտին տեղի կունենա երեխաների օրհնություն, (ծնողները բերելով իրենց զավակներին) որից հետո “առաջին անգամ լինելով Ս. Կարապետ եկեղեցում կկատարվի (ԴՌՆԲԱՑԷՔ) ի արարողություն: Սրանով սակայն չեն սահմանափակվում շաբաթվա արարողակարգերը:
Ներկայացնում ենք
ԾՐԱԳԻՐ
Մաստրիխտի Սբ- Կարապետ եկեղեցու առաջիկա շաբաթ տեղի ունենալիք միջոցառումների:
Ավելի մանրամասը ծանոթանալու համար սլաքը հպեք լուսանկարին:
Beste geloofsgenoten,
Hierbij vragen wij graag uw aandacht voor het hieronder opgestelde programma betreffende de kerkdiensten gedurende de Goede Week en de paasviering van de Armeens Apostolische Kerk ‘Surp Karapet te Maastricht.

GOEDE WEEK
Deze week duurt van Palmzondag t/m de zaterdag voor het Pasen. Gezien het feit dat Jezus Christus zijn laatste en voornaamste daden gedurende deze week heeft gerealiseerd, wordt deze week ‘De Goede week’ genoemd.

Նարեկյան ավանդական ընթերցումներն այս անգամ Ամստերդամի Begijnhof եկեղեցում

«Սուրբ Գրիգոր Նարեկացի» (Stichting Sint Grigor Narekatsi )
հիմնադրամը  Ապրիլի 16-ին, այս անգամ Ամստերդամի Begijnhof պատմական եկեղեցում, արդեն 4-րդ անգամ կազմակերպում է Սուրբ Գրիգոր Նարեկացու երկերի ընթերցանությանը:
Այդ օրը նրա ստեղծագործությունները տարբեր լեզուներով կընթերցեն Նիդերլանդների հայ համայնքի հոգևոր և քաղաքական գործիչները, Ամստերդամի քույր եկեղեցիների հոգևոր հովիվները և այլոք:
Հիշեցնենք, որ նախորդ երեք անգամները միջոցառումը կազմակերպվել է հայկական Սուրբ Հոգի եկեղեցում: Նարեկացու գործերի ամենամյա ընթերցանությունների կազմակերպման որակն ու բովանդակությունը տարեցտարի բարելավվում է և գնալով ավելի շատ մարդիկ են անմիջականորեն ցանկություն հայտնում մասնակցել միջոցառմանը:
Հանդիպման հստակ հասցեն և մանրամասները` ներկայացված լուսապաստառում:
_______
Grigor Narekatsi Zondagsschool
19 ч. · 
❗️4E JAARLIJKSE ST. GRIGOR NAREKATSI LEZINGEN❗️

Hierbij vragen wij aandacht voor de 4e jaarlijkse "Sint Grigor Narekatsi Lezingen", die volgende week dinsdag 16 april plaats zullen vinden in de Begijnhofkapel in Amsterdam (Spui).

Lees alle benodigde informatie over het unieke oecumenische evenement in de flyer (zie foto) en let er op dat er weinig parkeergelegenheid is bij de Begijnhofkapel.

Graag tot dan!

@Stichting St. Grigor Narekatsi Amsterdam

Լուսանկարային տեսահոլովակ երեք տարի առաջ տեղի ունեցած միջոցառումից:

Նատալիա Օրեյրիոն գեղեցիկ համերգ ունեցավ երևանի Կարեն Դեմիրճյան մարզահամերգային համալիրում

Երեկ` ուշ երեկոյան, Նատալիա Օրեյրիոն գեղեցիկ համերգ ունեցավ երեւանի Կարեն Դեմիրճյանի անվան մարզահամերգային  համալիրում: Համերգի  օրը` ապրիլի 7-ը, պատահական չէր ընտրված, այն հատուկ  նվիրված էր կանանց գեղեցկության օրվան: Այն տպավորիչ էր և բուռն արձագանք ունեցավ:  Մեր թղթակից Մարիամ Կիրակոսյանը  պատմեց, որ համերգի ժամանակ հաճելի անակնկալ է մատուցել Նատալիայի որդուն` Ատաուալպային: Վերջինիս նա նվիրել է հայկական դհոլ (երաժշտական գործիք):

Հիշեցնենք, որ դեռ ապրիլի 6-ին մամուլի ասուլիսի ժամանակ Նատալիան հետաքրքրվել էր, թե իր որդին հայկական ինչպիսի գործիքի վրա կարող է խաղալ, Մարիամը նշել էր հենց դհոլը: Համերգի ժամանակ, երբ մայր ու որդի ստացան դհոլը, փորձեցին ու միասին հաջող նվագեցին:

Հիշարժան էր Հայաստանի օրհներգի կատարումը: Օրեյրիոյի ձեռքում հայկական եռագույն դրոշի հետ միասին Ուրուգվայի ու Արգենտինայի դրոշներն էին: Այնուհետև նա հիշյալ դրոշները ձեռքում կատարեց իր ֆիլմի հայտնի երգերից մեկը` Cambio Dolor-ը:

Իր տպավորությունները  կիսելով` մեր թղթակից Մարիամ Կիրակոսյանը եզրափակեց.

«Այսպիսով, կարող ենք ասել, որ մենք, լավագույնս արեցինք մեր երկիրը ներկայացնելու, նրա մշակութային ու ազգային հատկանիշները ճիշտ տեսանկյունով մատուցելու համար»:

Շատերը մեզ գրում են, թե ինչու՞ ենք այսչափ մեծ ծավալով ներկայացնում Նատալիա Օրեյրիոյի երևանյան հյուրախաղերը: Ասենք, որ նրան աշխարհում շատերն են ճանաչում և միայն այս փաստը բավական է, որ նա իր այցելությամբ ճանաչելի է դարձնում մեր երկիրն ու մշակույթը ողջ աշխարհում:

Հավելենք, որ Նատալիա Օրեյրիոն նաև UNICEF-ի բարի կամքի դեսպան է և տարբեր երկրներ իր շրջագայությունների ընթացքում լավագույնս է ներկայացնում մեր երկիրը: Օրեյրիոյի խոսքերով`վերջերս քննարկման է դրվել Հայաստանի համար ֆինանսներ գտնելու հարցը :

«ՆԻԴԵՐԼԱՆԴԱԿԱՆ ՕՐԱԳԻՐ»

ՏԵՍԱԵՐԻԶՆԵՐ

 video

Ապրիլի 7-ը Մայրության ու գեղեցկության տոնն է

Նիդերլանդներում, Հայաստանում ու աշխարհի չորս կողմերում բնակվող սիրելի քույրեր, մայրեր ու տատիկներ, չքնաղ ու աննման հայուհիներ, Շնորհավորում ենք բոլորիդ` Մայրության եւ գեղեցկության տոնի կապակցությամբ: Սիրելիներ դուք արժանի եք ամենաջերմ խոսքերին ու մեծարանքին, եղեք առողջ ու երջանիկ` ձեր հարազատների հոգատար շրջապատում:

«ՆԻԴԵՐԼԱՆԴԱԿԱՆ ՕՐԱԳԻՐ»

Աննա Հարությունյանի հեղինակային ծրագիրը` «Ժամանակի փոխակերպումն արվեստների միջոցով»

 Երևանի Ստանիսլավսկու անվան դրամատիկական թատրոնի բեմում ապրիլի 26-ին կներկայացվի ՀՀ վաստակավոր նկարչուհի Աննա Հարությունյանի «Ժամանակի փոխակերպումն արվեստների միջոցով»  խորագրով բացառիկ հեղինակային ծրագիրը: Այն ներկայացնում է արվեստի տարբեր տեսակների սինթեզ՝ մեկ ներկայացման մեջ: Ներկայացումը ներառվել է 2019թ.-ի ապրիլին Երևանում անցկացվող ֆրանկոֆոնիայի օրերի շրջանակներում իրականացվող մշակութային ծրագրերի ցանկում, անցկացվում է ՀՀ մշակույթի նախարարության և ՀՀ-ում Շվեյցարիայի դեսպանատան աջակցությամբ:
Հայերեն և ֆրանսերեն ներկայացման նպատակն է նորովի ներկայացնել հայ մշակույթը: Ծրագրի հիմքում ընկած են Աննա Հարությունյանի «Ու ոչ մի բան չկար…», «Աշխարհի ստեղծումը», «Աշխարհի խաչելությունը», «Աշխարհի 7 խոհրդանիշները», «Աշխարհի պատուհանը» մոնումենտալ նկարները:
Այս հինգ գործերն իրենց բովանդակային առումով և´ գլոբալ են, և´ խիստ հայկական, քանզի ընդհանուր առմամբ արտահայտելով աշխարհի ստեղծման և քաղաքակրթության զարգացումը մասնավորապես արտահայտում են հայ ժողովրդի դերակատարումն այս գործում: Ծրագիրն իր մեջ ներառելու է նկարչություն, երաժշտություն, գրականություն, հագուստի մոդելավորում, ժամանակակից տեխնիկայի օգտագործում, մասնավորապես՝ լեդ էկրան, 3D անիմացիա, մնջախաղ, լուսային, ձայնային և հոտային էֆեկտներ: Օգտագործվելու է ամենատարբեր ժանրերի երաժշտություն: Բեմում յուրօրինակ ձևով կհայտնվի նկարը, որն այնուհետև կլուծվի էկրանին, որտեղից դուրս կգան 3 տարբեր մոդելներ այդ նույն նկարի էսքիզներով արված հագուստներով նախշերով:

Մեր թղթակիցը բառացի հայկական տարազով զարդարեց Նատալիա Օրեյրիոյին

Ապրիլի 7-ին՝ Կարեն Դեմիրճյանի անվան մարզահամերգային համալիրում կայանալիք համերգից առաջ ուրուգվացի հայտնի երգչուհի և դերասանուհի Նատալիա Օրեյրիոն այսօր հանդիպեց լրագրողների հետ: Ինչպես նախորդ անգամ, երբ Զվարթնոց օդանավակայանում դիմավորելիս ՆԻԴԵՐԼԱՆԴԱԿԱՆ ՕՐԱԳՐԻ թղթ Մարիամ Կիրակոսյանին (Marisha Shik) հաջողվեց բացառիկ հարցազրույց ունենալ (այն արդեն ներկայացրել ենք) այս անգամ էլ Մարիամը անակնկալ մատուցեց: Կես կատակ, կես լուրջ նա Օրեյրիոյին հարցրեց, թե հնարավո՞ր է հայկական արմատներ ունենա, Օրեյրիոն պատասխանեց՝ ոչ:
«Բայց իմ քեռիներից մեկի կինը հայ է»,- հավելեց նա:
Այս պատասխանից հետո նա Օրեյրիոյին բառացի զարդարեց հայկական տարազով: Նրա մեջքին ամրացրեց հայկական գոտի, ապա ազգային գլխարկ դրեց ու նույն կտորից պայուսակ նվիրեց, դոշին էլ ամրագրեց եռագույնը խորհրդանշող կրծքազարդ:
«Տեսնո՞ւմ եք` ինչ հայ աղջիկ եմ»,-եղավ ուրուգվացի երգչուհու ուրախ պատասխանը:
Դերասանուհին նաև UNICEF-ի բարի կամքի դեսպան է, նա հայտնեց, որ այս ուղղությամբ հանդիպումներ կունենա:
Սպասում ենք Մարիամ Կիրակոսյանի թղթակցությանը` ԵՐԵՎԱՆԻՑ

Տեսաերիզ`Սյունե Առաքելյանի

----------------------------------------------------------------

Այժմ ընթերցողի ուշադրությանն ենք ներկայացնում մեր թղթակցի հենց նոր ուղարկած հոդվածը 

ՆԱՏԱԼԻԱ ՕՐԵՅՐՈՅԻՆ ԷԼ ՀԱՅ ԴԱՐՁՐԵՑԻՆՔ

Այսօր՝ ապրիլի 6-ին, «Գրանդ հոթել Երևան» հյուրանոցում տեղի ունեցավ Հայաստան ժամանած հանրահայտ ուրուգվայցի եչգչուհի և դերասանուհի Նատալիա Օրեյրոյի մամլո-ասուլիսը։ «Ինչպե՞ս եք», - իր լուսավոր ժպիտով, հայերեն հստակ արտասանությամբ ողջունեց լրագրողներին Օրեյրոն։

Նրբանկատ և անմիջական այս արտիստն, իրոք, յուրօրինակ է. վստահորեն կարելի է ասել, որ «աստղային հիվանդությունն» իրեն շրջանցել է։ Այն տասնյակ ռուս երկրպագուները, որ երեկ Հայաստան են ժամանել հենց իր համար, ասես իրեն չեն սպասում դռներից այն կողմ; այն գլխապտույտ հաջողությունները, որ Օրեյրոն ունեցել է և ունի այսօր…, ասես, այս ամենն իր կողքով է «անցել»։ Նատալիան մնացել է այն նույն հասարակ և շփվող 18տարեկան Միլին, ում մենք սիրեցինք «Վայրի հրեշտակը» սերիալից հետո։ 

    «Ես հիշում եմ Ձեզ, Դուք ինձ հարցեր էիք ուղղում օդանավակայանում,- անսպասելիորեն ասաց նա ինձ։ - Կներեք, որ անչափ հոգնած էի և չկարողացա ավելի շատ շփվել Ձեզ հետ։ Եկել եմ հյուրանոց և մի ողջ օր քնել եմ. շատ հոգնած էի»։ Երգչուհին ասաց, որ հոգնածության պատճառով, ցավոք, երեկ իրեն չի հաջողվել ընտանիքի հետ զբոսնել Երևանով. «Ամուսինս՝ Ռիկարդոն, և որդիս՝ Ատաուալպան, հասցրել են տեսնել մի քանի պատմական եկեղեցիներ։ Նրանք շատ տպավորված էին և ինձ հիացմունքով պատմեցին իրենց տեսածը։ Նրանք մի շատ մեծ հաց էին բերել՝լավաշ. ամբողջ գիշեր ուտում էինք»։

-Նատալիա, հայտնի մարդիկ հաճախ դեպրեսիոն շրջան են ունենում իրենց կյանքում։ Դուք այն եզակի արտիստներից եք, ով, միշտ ուրախ է, բարձր տրամադրությամբ, կարծես, երբեք չի տխրում։ Արդյո՞ք իրականում դա այդպես է։ Ինչպե՞ս եք կարողանում միշտ լինել ուրախ՝ հաջող կերպով համատեղելով ընտանիքն ու կարիերան։ 

-Շատ լավ հարց է. բոլորս էլ մեր կյանքում ունենում ենք հոգնածության պահեր, անհաջողություններ և հիասթափություններ։  Կարծում եմ, այսօր մենք ապրում ենք մի իրականության մեջ, որտեղ տագնապային հոգեվիճակն ամենուր է։ Կյանքի ռիթմն անչափ արագ է։ Այս խնդիրը լուծել անհրաժեշտ է դեռ մանուկ հասակից՝ երեխաներին մեջ սերմանելով, որ ոչինչ միանգամից չի լինում, ամեն ինչն իր ժամանակն ունի։ Ես միշտ շատ քրտնաջան եմ աշխատում և փորձում եմ հետևողական լինել իմ բոլոր ցանկությունների հանդեպ։ Պետք է կարողանալ գտնել հավասարակշռություն հանգստի և քրտնջան աշխատանքի միջև, ինչը փորձում եմ անել։ Ինձ համար փրկություն է բնության գրկում  գտնվելը, երբ կարողանում եմ  ներդաշնակ լինել ինքս ինձ հետ՝ գտնելով այն խաղաղությունը, որն ինձ օգնում է վերականգնել ուժերս՝ հետագայում ավելի ակտիվ աշխատելու համար։ 

   Օրեյրոն հանդիսանում է ՅՈՒՆԻՍԵՖԻ բարի կամքի դեսպան։ «Վերջերս Արգենտինայում կայացած հերթական հանդիպման ժամանակ քննարկման է դրվել Հայաստանի համար ֆինանսավորում գտնելու հարցը, - պատմեց Օրեյրոն։ - Մեր նպատակն է սոցիալական կարևորության խնդիրները տարածել ոչ միայն մեր երկրում և տարածաշրջանում, այլ նաև, ծանոթանալով այլ երկրներում տիրող իրավիճակին, ներկայացնել նաև մերը»։

   «Անմոռանալի շրջագայություն» շոու-ծրագրի շրջանակներում Նատալիան արդեն 11 համերգ է ունեցել Ռուսաստանի մի շարք քաղաքներում, ինչպես նաև՝Բելառուսում և Մոլդովայում։ Լրագրողների այն հարցին, թե համերգների ժամանակ, արդյո՞ք, եղել են հետաքրքիր իրադարձություններ, Նատալիան պատմեց, որ Սվետլոգորսկում մարտի 31-ին՝ Ֆակունդո Առանայի (Վայրի Հրեշտակի Իվոն) ծննդյան օրը, հենց համերգի ժամանակ բեմից նա Ֆեյսթայմով զանգահարել է Ֆակունդոյին և իր հանդիսատեսի հետ միասին շնորհավորել նրա ծնունդը: «Ես շատ կուզեի, որ մի օր Ֆակունդոն ինձ ուղեկցեր իմ շրջագայություններից որևիցե մեկի ընթացքում։ Միշտ ստիպված եմ  լինում լրացուցիչ ճամպրուկ գնել՝ իրեն հասցեագրված նվերները Արգենտինա տեղափոխելու համար։ Այնպես որ, թող հետս ճամփորդի, որ իր նվերների ճամպրուկի գումարը ինքը վճարի», - կատակեց Օրեյրոն։

Ֆակունդո Առանայի հետ համագործակցության արդյունքում էր, որ 90-ականները հիշարժան և ճակատագրական դարձան Օրեյրոյի կարիարայի համար։ Այն հարցին, թե առաջիկայում սպասվու՞մ են նոր համագործակցություններ Ֆակունդո Առանայի հետ, Նատալիան անկեղծացավ. «Հաճախ հեղինակները փորձում են կրկնել ֆիլմի հաջողությունը, բայց միշտ չէ, որ ստացվում է»։ Այնուամենայնիվ, Ֆակունդո - Նատալիա զույգն այնքան վառ ու տպավորիչ էր, որ իրենց համատեղ երկրորդ՝ «Դու իմ կյանքն ես» (Sos Mi Vida) նախագիծն, անկասկած, կարելի է համարել ստացված։ «Կյանքի այս փուլում ես կգերադասեմ չմարմնավորել երիտասարդ կերպարներ։ Եթե մի փոքր երկար սպասենք, ապա մեր «զույգը» կվերամիավորվի արդեն տատիկ-պապիկի կերպարով», - ծիծաղում է Նատալիան։

Օրեյրոն շատ զգացված էր հայ լրագրողների ջերմ ընդունելությունից։ Մամլո-ասուլիսի շրջանակներում նա նույնիսկ ստացավ հայկական «անձնագիր»՝ դառնալով «բազմաքաղաքացի». ինչու՞ միայն ռուսականն ունենա։  

Հաջողակ երգչուհի և դերասանուհի լինելուց բացի՝ Նատալիան 2008թ.-ից իր քույր Ադրիանա Օրեյրոյի հետ համատեղ ստեղծել է «Լաս Օրեյրո» հագուստի բրենդը։ Խանութն, ի դեպ, գտնվում է «Արմենիա» փողոցի վրա։ Մենք որոշեցինք մեր հայկականը փորձել դարձնել ոգեշնչման աղբյուր Նատալիայի համար. միգուցե մի օր նա որոշի ներառել հայկական էլեմենտներ՝ «Լաս Օրեյրոյի» հերթական հավաքածուի շրջանակներում՝ այդպիսով տարածելով հայկական մշակույթը աշխարհով մեկ։

-Նատալիա, Ցեղասպանությունից հետո մենք՝ հայերս սփռվել ենք ողջ աշխարհով մեկ։ Մենք ունենք աշխարհահռչակ հայեր՝ Շառլ Ազնավուր, Սերժ Թանկյան և այլն։ Եթե շատ լավ փնտրենք, գուցե, Ձեր մեջ էլ հայի արյուն գտնենք։ 

-Այո, այո, իմ քեռիներից մեկի կինը հայ է։ (ԾԻԾԱՂՈՒՄ Է)

Իմ առաջարկին մասնակցել մեր նախաձեռնած «Ես հայ եմ» մարտահրավերին, Նատալիան մեծ սիրով համաձայնեց։ Նրան նվիրեցինք Սովետական ձեռագործ արտադրության արծաթեպատ քյամար (գոտի), հայկական նախշերով գլխարկ և պայուսակ, ինչպես նաև՝ «Ալեքսիս Աքսեսուարներ» ընկերության կողմից սիրով տրամադրված նռան դիզայնով և հայկական դրոշի գույներով ապակուց ձեռագործ կրծքազարդեր։ Մարտահրավերը ստացվեց. երգչուհին միանգամից մտավ հայի կերպարի մեջ և սկսեց ակտիվ լուսանկարվել։ 

  Եվ ահա նա «հայ» է, ու պետք է համտեսի հայկական բարիքները։ Մամլո-ասուլիսը հիշարժան դարձրեցինք ոչ միայն հանրահայտ արտիստի հայկական կերպարանափոխությամբ, այլ նաև մեր խմբագրության անունից կազմակերպեցինք մեծ քաղցր հյուրասիրություն։ Օրեյրոն տեղում համտեսեց հայկական սուջուխը, իսկ մնացած հյուրասիրությունը խնդրեց իր սենյակ տեղափոխել։ 

  Համոզված ենք, որ ապրիլի 7-ին Կ.Դեմիրճյանի անվ. մարզահամերգային համալիրում կայանալիք համերգը հաջողված կլինի, և Նատալիան կրկին կգա Հայաստան. չէ՞ որ նա ուղղակիորեն նպաստում է Հայաստանի տուրիզմի զարգացմանը. «Անմոռանալի շրջագայության» շնորհիվ՝ հատուկ Նատալիայի կողքին լինելու համար, Ռուսաստանից և եվրոպական մի շարք երկրներից Հայաստան են ժամանել տասնյակ երկրպագուներ՝ իր ֆան-ակումբի անդամները, ինչպես նաև ՝ 40-ից ավել շոուի մասնակիցներ և անձնակազմ։ 

   Կազմակերպիչները վստահեցնում են, որ հայ հանդիսատեսին սպասվում է իրապես ԱՆՄՈՌԱՆԱԼԻ, 2 ժամ տևողությամբ և կենդանի հնչողությամբ շոու-ծրագիր։ 

Տոմսերը կարելի է ձեռք բերել www.tomsarkgh.am կայքից։ 

ՄԱՐԻԱՄ ԿԻՐԱԿՈՍՅԱՆ

(«Նիդ.օրագրի» հատուկ թղթ.

6 ապրիլի Երևան)

Ավելի  շատ լուսանկարներ դիտելու  համար այցելեք`

https://www.facebook.com/pg/NidOragir/photos/?tab=album&album_id=2259711297426928

Տիգրանե Հակոբյանը Բելգիայի մայրաքաղաք Բրյուսելի տեսարժան վայրերով

«Նիդերլանդական օրագրի» թղթակից (Tigranne Hakobjan ) Տիգրանե Հակոբյանը շրջել է Բելգիայի մայրաքաղաք Բրյուսելի տեսարժան վայրերով և յուրովի ներկայացրել իր տեսածը:
Հանգստյան օրերի ծրագիր  ''Այցելություն Բրյուսել'' 🇧🇪Weekend trip #Brussels