Ռուս-թուրքական 1921 թվականի պայմանագրերը քննվում են Ռուսաստանի դատարաններում

Հերթական դատական նիստից առաջ

«Բարև Սիբիր» գրքույկի հղումն այստեղ 

«Նիդերլանդական օրագիրը» ավելի վաղ հայտնել էր, որ «Ռուսաստանի հայերի միություն» Համառուսաստանյան հասարակական կազմակերպության Կեմերովոյի մարզային բաժանմունքը՝ ի դեմս նրա նախագահ, Ռուսաստանի քաղաքացի Գեորգի Անտոնովի,  նամակ-դիմում էր հղել Ռուսաստանի Դաշնության Նախագահ Վ.Վ. Պուտինին, Դաշնային ժողովի Դաշնության խորհրդի նախագահ Վ.Ի.Մատվիենկոյին, Ռուսաստանի Դաշնության Պետական ​​դումայի նախագահ Վ.Վ.Վոլոդինին՝ 1921 թ. մարտի 16-ի Մոսկվայի  և 1921 թվականի հոկտեմբերի 13-ի Կարսի պայմանագրերը  չեղարկելու մասին։  Դիմումին կցվել  էին 1921 թ. Մոսկվայի ու Ղարսի պայմանագրերի շրջանառվող տեքստերը, համապատասխան այլ փաստաթղթեր։

 Սա Ռուսաստանի մի խումբ հայազգի և ռուս իսկական նվիրյալ հայրենասերների նախաձեռնության արդյունք է, որոնց մտահոգությունները Ռուսաստանի իշխող վերնախավին է նամակագրությամբ տեղյակ պահել` Համառուսաստանյան հայերի միության հասարակական կազմակերպության Կեմերովոյի մարզային բաժանմունքի  նախագահ` Գեորգի Անտոնովը։

Պատասխանները չուշացան։  ՌԴ  նախագահի աշխատակազմից, Դաշնության խորհրդից ու Պետդումայից ստացված արձագանքներից բացի ստացվել էր նաև  ԱԳ նախարարության անունից` ԱՊՀ երկրների 4-րդ վարչության տնօրեն Դ. Գոնչարի ստորագրությամբ պատասխան, որը հրապարակեց Կեմերովոյի համայնքային «Доброе утро» թերթը ((№ 4-6, 2021 (170-172))։

Ըստ երևույթին Կեմերովոյի հայ համայնքի բարձրացրած հայկական հարցը որոշակի հետաքրքրություն առաջ բերեց ռուսական իշխանության վերնախավում, քանի որ երեք գերատեսչություններին հասցեագրված նամակին բոլորն էլ պատասխանել էին, իսկ  ԱՊՀ-ի կովկասյան երկրների գծով տնօրեն Դենիս Գոնչարն էլ նույնիսկ պարզաբանել էր այն։    

Ավելին` նախագահի աշխատակազմից մատնացույց էին արել հարցը նաև իրավական ճանապարհով լուծելու ուղին:

Կեմերովոյի մարզային բաժանմունքի  նախագահ Գեորգի Անտոնովը` հետամուտ լինելով արդարության ձայնին, գտնում է, որ Մոսկվայի ու Ղարսի պայմանագրերի մասին ԱՊՀ երկրների 4-րդ վարչության տնօրեն Դենիս Գոնչարի ուղարկած նամակի բացատրությունը անհամաչափ է ,  անտրամաբանական ու թերի և չի արտացոլում այդ տարիների իրականությանը, ավելին`  մոլորության մեջ է գցում, խախտելով քաղաքացիների իշխանության պետական մարմիններից հավաստի տեղեկատվություն ստանալու սահմանադրական իրավունքը: Հենց այս հիմնավորմամբ «Ռուսաստանի հայերի միություն» Համառուսաստանյան հասարակական կազմակերպության Կեմերովոյի մարզային բաժանմունքը՝ ի դեմս նրա նախագահ Գեորգի Անտոնովի, Մոսկվա քաղաքի Պրեսնենսկի շրջանային վարչական դատարանում  հայցադիմում  ներկայացրեց՝ ընդդեմ Ռուսաստանի Դաշնության Արտաքին գործերի նախարարության։

Հայցատուն հանգամանորեն հիմնավորելով իր առարկությունները, դատարանից խնդրում է պահանջել պայմանագրի բնօրինակը, անօրինական ճանաչել պատասխանող կողմի գործողությունները, որն է՝ սխալ կամ ենթադրական հիմքերով, չհիմնավորված փաստեր տրամադրելը, խնդրեց և պարտավորեցրեց պատասխանող կողմին (ՌԴ ԱԳՆ) միջոցներ ձեռնարկել 1921թ. մարտի 16-ի Մոսկվայի և նույն թվականի հոկտեմբերի 13-ի Ղարսի պայմանագրերը չեղյալ համարելու ուղղությամբ։ 

Միանգամից ասենք, որ Ռուսաստանի շրջանային  դատարանը հայցը մերժում է, իսկ բողոքարկումից հետո վերահսկիչ քաղաքային դատարանը այն պարզապես անփոփոխ է թողնում: Գործն այս տարվա երկրորդ կեսին հասնում է երկրորդ վերաքննիչ դատարան, որի մերժումից հետո հայցը կարող էր վիճարկվել Ռուսաստանի գերագույն դատարանում, այնուհետև միջազգային դատական ատյաններում: Այդպես չեղավ, քանի որ վերաքննիչ դատարանը երկու ստորին դատարանների որոշումը բեկանեց կրկին ուղարկելով  այն շրջանային առաջին ատյանի դատարան` եղած խախտումներն ու թերությունները վերացնելու համար:

Շրջանային ատյանի դատարանի նիստը տեղի է ունենալու դեկտեմբերի 8-ին: 

Բոլոր դեպքերում հետաքրքիր զարգացումներն առջևում են, անկախ որոշումներից ու վերջնական արդյունքներից «Ռուսաստանի հայերի միություն» Համառուսաստանյան հասարակական կազմակերպության Կեմերովոյի մարզային բաժանմունքի վճռականությունն ու համառությունը գովեստի է արժանի, իսկ կատարած հսկայական աշխատանքը պարզապես խիզախություն է:Այս ֆոնին անհասկանալի պասիվություն է դրսևորել ու դրսևորում Ռուսաստանի Հայերի Միությունը (Союз Армян России)` հավանություն չտալով կեմերովցիների այս կեցվածքին: Ի սկզբանե նրանց որոշ ներկայացուցիչներ դեմ են եղել այսպիսի հայց դատարան ուղարկելուն: Այսօր նույնիսկ խոսակցություններ կան դատարաններից հայցը հետ վերցնելու, նույնիսկ անհայտ անձինք սպառնալիքներ են հնչեցնում Կեմերովոյի Ռուսաստանի մարզային բաժանմունքի ղեկավար Գեորգի Անտոնովի հասցեին:

Կարծիքներ կան, որ   Ռուսաստանի Հայերի Միության անունից Կեմերովոյի  մարզային բաժանմունքի ղեկավարն իրավունք չունի դատական հայցով հանդես գալու` այն դեպքում, երբ   Ռուսաստանի Հայերի Միության Կեմերովոյի մարզային բաժանմունքն առանձին իրավաբանական կարգավիճակ ունի  և իրավասու է ինքնուրույն որոշումներ կայացնելու: Հետաքրքիր է, որ այս ամենից փորձում են օգտվել հայցը դատարանում վիճարկողները:

Մեղմ ասած այս ամենը տարօրինակ է՝  օգնելու փոխարեն խանգարել:

Մեզ հաջողվեց Երևանում հանդիպել ու զրուցել «Ռուսաստանի հայերի միություն» Համառուսաստանյան հասարակական կազմակերպության Կեմերովոյի մարզային բաժանմունքի նախագահ Գեորգի Անտոնովի հետ: Սա նաև սփյուռքի համաշխարհային գագաթնաժողովի անցկացման ընձեռված դրական կողմերից մեկն էր: Նա նվիրեց «Բարև Սիբիր» գրքույկը, որտեղ մանրամասը շարադրված էր հիշյալ դատական գործընթացի մասին (Այդ պատճառով հոդվածը շատ չենք ծանրաբեռնել): Նրա հետ նաև փոքրիկ հարցազրույց ունեցանք, որը ներկայացնում ենք: 

Դրանից հետո Պարոն Անտոնովը ևս մի քանի հեռուստաընկերություններում եղավ ու հարցազրույցներ տվեց: Թեման` թե ինչպես իրավական ճանապարհով  վիճարկել 1921 թ. մարտի 16-ի Մոսկվայի  և 1921 թվականի հոկտեմբերի 13-ի Կարսի պայմանագրերը: 

Այս հարցազրույցները ևս ներկայացնում ենք ընթերցողին: Կարծում ենք փորձը հետաքրքիր կլինի Եվրոպական և այլ երկրների հայ համայնքների համար:

«Բարև Սիբիր» գրքույկի հղումն այստեղ

https://cloud.mail.ru/stock/74itsnwrkDzFRtvU7kYEkRLb

Այս հղումը (ռուսերեն) ներբեռնելու համար ուժի մեջ է մի քանի ամիս

 Վաղուց գործելու ժամանակն է

21-րդ դարում խնդիրները պետք է լուծվեն միջազգային իրավունքի հիման վրա՝ մարդու կյանքի իրավունքի հիման վրա։

Բռնապետությունը պետք է միայն օրինական լինի. Սա միակ ճանապարհն է լուծելու 20-րդ դարում և դրանից առաջ կուտակված բազմաթիվ համաշխարհային խնդիրները։ Այս նկատառումներից ելնելով մենք դիմեցինք Ռուսաստանի իշխանություններին՝ Մոսկվայի և Կարսի պայմանագրերը չեղյալ հայտարարելու խնդրանքով։

Հարցի քաղաքական կողմին անդրադառնալու նպատակ չունենք։ Մեր խնդիրն է ստանալ ռուսական դատարանի դրական կամ բացասական որոշում՝ միայն ըստ էության։ Բացասական որոշման դեպքում մենք կդիմենք ՄԱԿ-ի Մարդու իրավունքների դատարան՝ միջազգային իրավունքին համապատասխան արդար վճիռ ստանալու համար։

Բոլոր օրինական գրանցված հայկական սփյուռքի կառույցները կարող են այդպես վարվել բոլոր երկրներում, որտեղ նրանք կան, այդպիսով մնալով այն երկրի քաղաքացիներ և հայրենասերներ, որտեղ ապրում են:

Նախ, նման հայտարարությամբ Հայաստան պետությունը պարտավոր է դիմել ՄԱԿ-ի դատարան։

Այս պայմանագրերի չեղյալ հայտարարումը կամ անվավերությունը «կանաչ ճանապարհ» կբացի Վուդրո Վիլսոնի արբիտրաժային վճռի կատարման համար:

Հայկական հարցի լուծումը միայն միջազգային իրավունքի հարթությունում է. Հայ ժողովուրդը ոչ թե որևէ մեկի դեմ է, այլ իրավատեր է երկրի վրա ապրելու իրավունքի։

Ժամանակն է դուրս գալ այն մոլորությունից, թե ինչ-որ մեկը մեր փոխարեն կլուծի մեր խնդիրները։ Մեր խնդիրները լուծելու համար մենք ունենք բոլոր իրավունքները, իրավական հիմքերը, գործիքներն ու հնարավորությունները, քանի որ մենք աշխարհի ամենացանցային ազգն ենք։

Աշխարհի ողջ հայությունը ցեղասպանությունից փրկված հայերի ժառանգներն են։ Հայերի ճակատագիրը հայերի ձեռքերում է և նրանց գործողություններում։

Հրավիրում ենք միանալու և համախմբվելու։ Միասին  մենք ուժ ենք:

Հարգանքով,

Գեորգի Անտոնի Անտոնով

Գեորգի Անտոնովի հանպատրաստի ելույթը սփյուռքի համաշխարհային

 գագաթնաժողովում:

Նյութը պատրաստեց Hay Azian-ը

Տարբեր լուրեր. Նոյեմբեր 2022

15.11

Ֆրանսիայի Սենատն ընդունեց Ադրբեջանի գործողությունները դատապարտող բանաձև

Ֆրանսիայի Հանրապետության Սենատն ընդունել է Հայաստանին աջակցող և Ադրբեջանի նկատմամբ պատժմիջոցներ առաջարկող բանաձև։ Ի թիվս այլ դրույթների՝ Ֆրանսիայի Սենատի բանաձևը.

- պահանջում է հեռացնել Ադրբեջանի զինված ուժերը Հայաստանի սուվերեն տարածքից և հարգել Հայաստանի տարածքային ամբողջականությունն ու ինքնիշխանությունը;

- կոչ է անում ազատ արձակել բոլոր հայ ռազմագերիներին և ապահովել նրանց վերադարձը հայրենիք;

- առաջարկում է Ֆրանսիայի կառավարությանը, եվրոպական գործընկերների հետ համագործակցաբար, պատասխան դիվանագիտական և տնտեսական միջոցներ նախատեսել Ադրբեջանի կողմից իրականացված ագրեսիան պատժելու նպատակով, այդ թվում՝ կիրառել պատժամիջոցներ, որոնք կթիրախավորեն Ադրբեջանի իշխանությունների ունեցվածքը, ինչպես նաև կնախատեսեն էմբարգո կիրառել Ադրբեջանից գազի և նավթի ներկրման հարցում;

- վերահաստատում է Լեռնային Ղարաբաղի Հանրապետության ճանաչման անհրաժեշտությունը և առաջարկում կառավարությանը Լեռնային Ղարաբաղում հիմնել հումանիտար գրասենյակ;

- առաջարկում է կառավարությանը դիտարկել Հայաստանի պաշտպանական կարողությունների ամրապնդմանն աջակցելու հնարավորությունը։

Բանաձևը ներկայացրել են սենատորներ Բրունո Ռըտայոն, Քրիստիան Կամբոնը, Էլիան Ասասին, Պատրիկ Կանները, Էրվե Մարսեյը և Ժիլբեր-Լյուկ Դըվինազը։

Բանաձևի ընդունման նիստին պատվո հյուրի կարգավիճակում ներկա էին Ֆրանսիայում Հայաստանի դեսպան Հասմիկ Տոլմաջյանը և Լեռնային Ղարաբաղի ներկայացուցիչ Հովհաննես Գևորգյանը։

Merci au Sénat 

Merci la France 🇫🇷 

🇦🇲♥️🇫🇷♥️🇦🇲

Սահմանադրության 34-1-րդ հոդվածի համաձայն՝ Ադրբեջանի դեմ պատժամիջոցներ կիրառելու և Հայաստանի տարածքից Ադրբեջանի անհապաղ դուրսբերման պահանջի, 2020 թվականի նոյեմբերի 9-ի հրադադարի մասին համաձայնագիրը կիրառելու և տեւական կայունության հաստատմանն ուղղված ցանկացած նախաձեռնություն խթանելու, ինչպես նաև՝ երկու երկրների միջև խաղաղության հաստատման մասին բանաձեւի միջնորդությունն ընդունվեց Սենատի կողմից։

Կողմ՝ 295

Դեմ՝ 1

Ձեռնպահ՝ 5

Բանաձևն ընդունված է։

--------------------------------

ԱՅՑԵԼՈՒԹՅՈՒՆ ՔՈՒՅՐ ԴՊՐՈՑ

15.11.2022/Stichting VAN /  Նիդ.օրագիր

Ստեփանավանի շրջանի Սվերդլով գյուղի Միջնակարգ դպրոցն արդեն վաղուց հարազատ է դարձել Նիդերլանդների  Նայմեխենի կիրակնօրյա  դպրոցի կոլեկտիվին ։ Հայաստան այցելության որոշակի ժամանակահատվածում ՎԱՆ հայկական դպրոցի տնօրեն տիկին Սվետա Աբրահամյանը անպայման  ժամանակ է հատկացնում՝  այցելելով քույր դպրոց։  Այս անգամ  նա Ծանոթացավ դպրոցի Նախակրթարանի նոր ուսուցչուհի Հասմիկի հետ։

  Դպրոցի տնօրեն Արմեն Ղուկասյանի հետ պայմանավորվածություն է ձեռք բերվել ապագայում ևս շարունակել  համագործակցությունը և փոխադարձ շփումները Սվերդլով գյուղի և Նայմեխենի հայկական դպրոցների միջև, զարգացնել ու խորացնել մշակութային և ուսումնական կապերը։

23.11

Ռուսաստանը ճանաչվեց որպես պատերազմի ժամանակ ահաբեկչության մեթոդներ կիրառող երկիր

Եվրախորհրդարանը բանաձև է ընդունել, որով Ռուսաստանը ճանաչում է ահաբեկչության հովանավոր։ Եվրամիության օրենսդիր մարմնի ներկայացուցիչները հայտարարել են, որ հող են նախապատրաստում նախագահ Վլադիմիր Պուտինին և նրա կառավարությանը միջազգային տրիբունալ հասցնելու համար:

«Ռուսաստանի Դաշնության կողմից Ուկրաինայի խաղաղ բնակչության դեմ իրականացվող կանոնավոր հարձակումներն ու վայրագությունները, քաղաքացիական ենթակառուցվածքների ոչնչացումը և միջազգային մարդասիրական իրավունքի մյուս լուրջ խախտումները հավասար են Ուկրաինայի բնակչության դեմ ահաբեկչություններին և ռազմական հանցագործություններ են», - ասվում է փաստաթղթում։

Դրանում Ռուսաստանը ճանաչված է որպես պատերազմի ժամանակ ահաբեկչության մեթոդներ կիրառող երկիր։ Պարտադիր կատարման ուժ չունեցող փաստաթղթին կողմ են քվեարկել 494, ձեռնպահ՝ 44, դեմ՝ 58 պատգամավոր։

21.11

Ֆուտբոլի աշխարհի առաջնության անդրանիկ խաղում Նիդերլանդների հավաքականը հաղթեց Սենեգալի  ընտրանուն։ Խաղի մինչև 83 րոպեն անցավ գրեթե հավասար պայքարում։ Միայն վերջին րոպեներին հոլանդացիների խաղը ստացվեց ։  84 րոպեին 8 համարի  գլխի հաջող հարվածը առաջ մղեց Նարնջագույններին։ Խաղի 90 րոպեին հաշիվը կրկնապատկվեց՝ 2։0  

<iframe src="https://www.facebook.com/plugins/video.php?height=317&href=https%3A%2F%2Fwww.facebook.com%2FNidOragir%2Fvideos%2F1135101110730108%2F&show_text=false&width=560&t=0" width="560" height="317" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

ԴԵՍՊԱՆՈՒԹՅԱՆ ԿԱՅՔԻ ԼՈՒՐԵՐ

Հայաստանը բարձր է գնահատում Լյուքսեմբուրգի խորհրդարանի կողմից եզդիների ցեղասպանության ճանաչումը 

Դեսպանի հանդիպումները  Լյուքսեմբուրգի խորհրդարանականների հետ

Նոյեմբերի 18-ին դեսպան Տիգրան Բալայանն առանձին հանդիպումներ ունեցավ Լյուքսեմբուրգի խորհրդարանի արտաքին հարաբերությունների հանձնաժողովի նախագահ Իվ Կրուխտենի, ԵԱՀԿ ԽՎ, ԵԽԽՎ, ՆԱՏՕ ԽՎ Լյուքսեմբուրգի պատվիրակությունների ղեկավար  Գուստի Գրասի, Կանաչների կուսակցության անդամ, պատգամավոր Շարլ Մարգի և Քրիստոնեա-սոցիալական կուսակցության արտաքին քաղաքական  հարցերով խոսնակ, պատգամավոր Լորան Մոզարի հետ: 

Շնորհակալություն հայտնելով Լյուքսեմբուրգի խորհրդարանի կողմից եզդիների ցեղասպանությունը ճանաչող միաձայն բանաձևի ընդունման կապակցությամբ՝ դեսպանը պատգամավորներին հանձնեց Հայաստան-Լուքսեմբուրգ խորհրդարանական բարեկամության խմբի նախագահ Սոնա Ղազարյանի և Հայաստանի եզդիական փոքրամասնությունը ներկայացնող պատգամավոր Ռուստամ Բաքոյանի երախտագիտական նամակը։ 

Դեսպանը կարևորեց Լյուքսեմբուրգի խորհրդարանի որոշումը, որը  ցեղասպանության ոճրագործության պատասխանատուներին պատժելու, արդարադատությանը հասնելու, մարդկության դեմ հանցագործությունների  կանխարգելմանն ուղղված հստակ քայլ է։

Տ. Բալայանը խորհրդարանականներին տեղեկացրեց, որ Հայաստանի խորհրդարանը դեռևս 2018 թ.  առաջինն էր, որ ճանաչեց եզդիների ցեղասպանությունը և միջազգային ասպարեզում այս հարցում առաջնորդող դերակատարություն է ստանձնել։

Դեսպանը պատգամավորներին  երախտիքի խոսք  արտահայտեց նաև օրեր առաջ խորհրդարանում կայացած արտաքին քաղաքական հարցերով քննարկման ժամանակ իրենց  ելույթներում Հայաստանին անվերապահ աջակցություն հայտնելու, Ադրբեջանի ագրեսիվ գործողությունները դատապարտելու և ագրեսորին պատասխանատվության կանչելու հայտարարությունների կապակցությամբ։

Շեշտելով հայ-ադրբեջանական սահմանին ԵՄ դիտորդական առաքելության կարևոր դերակատարությունը՝ երկուստեք ընդգծվեց    Ադրբեջանի ղեկավարության սադրիչ գործողությունների  կանխարգելմանն ուղղված հստակ և հետևողական քայլերի անհրաժեշտությունը։

Տ․ Խաժակ Արքեպիսկոպոս Պարսամյանը՝ ուղեկցությամբ Նիդերլանդներում ու Լյուքսեմբուրգում ՀՀ դեսպան Տիգրան Բալայանի նոյեմբերի 17-18-ին այցելեց Լյուքսեմբուրգի Մեծ Դքսությունը։ 

Նոյեմբերի 17-ի երեկոյան Սրբազանը և դեսպան Բալայանը առիթ ունեցան հանդիպելու և զրուցելու երկրի հայ համայնքի մի շարք ներկայացուցիչների հետ։

Հաջորդ օրն առավոտյան նրանք այցելեցին Լյուքսեմբուրգի Կաթոլիկ Եկեղեցու առաջնորդարանը ուր հյուընկալվեցին Լյուքսեմբուրգի արքեպիսկոպոս՝ Կարդինալ Ժան-Կլոդ Հոլերիխին։ 

Հանդիպման հիմնական նպատակն էր՝  քննարկել Լյուքսեմբուրգ քաղաքի կաթոլիկ եկեղեցիներից մեկի առջև հայկական խաչքարի տեղադրման հետ կապված հարցերը։

Զրույցի սկզբում Սրբազան Հայրը փոխանցեց Վեհափառ Հայրապետի ողջույնները և Էջմիածին այցելելու հրավերը, ինչի համար Կարդինալը իր շնորհակալությունը հայտնեց, փափագելով այցելել աշխարհի առաջին քրիստոնյա երկիրը։ 

Սրբազանն իր երախտագիտությունը հայտնեց եվրոպական ամենափոքր երկրի, ուր կաթոլիկ բնակչությունը կազմում է շուրջ 87% ՝ Հայաստանի հանդեպ ցուցաբերած դրական դիրքորոշման, զորակցության և բարյացակամ հարաբերությունների համար։

Խաժակ Սրբազանը տեղեկացրեց Կարդինալ Հոլերիխին՝ որը 2018 թվականից նախագահում է Եվրոմիության Կաթոլիկ Եկեղեցու Եպիսկոպոսաց ժողովը (COMECE)՝ վերջերս ստեղծված Եվրոպայի Արևելյան Ուղղափառ Եկեղեցիների Եպիսկոպոսաց Խորհուրդի մասին։ Նա ընդգծեց, որ նորաստեղծ խորհուրդի առաջիկա նպատակներից է երկխոսություն սկսել COMECE-ի հետ՝ հովվական և հասարակական հարցերի շուրջ։ Կարդինալ  Հոլերիխը ուրախությամբ ընդունեց առաջարկը։ Սրբազանի խնդրանքը՝ եկեղեցի տրամադրել հայ համայնքի  հոգևոր կարիքների բավարարման համար՝ բարեհաճությամբ և պատրաստակամությամբ  ընկալվեց Լյուքսեմբուրգի կաթոլիկ առաջնորդի կողմից։

Ջերմ և բարեկամական մթնոլորտում ընթացող զրույցի ավարտին, Սրբազանը որպես հուշ, փոխանցեց բարձրաստիճան հոգևորականին Մայր Աթոռ Էջմիածնից բերված «Տիրամայրը մանկան հետ» փայտե սրբապատկերը։

----------------------------

Առաջին ծանրքաշային կատեգորիայում (90.7 կիլոգրամ) հանդես եկող ֆրանսահայ բռնցքամարտիկ Արսեն Գուլամիրյանը 12 ռաունդ տևած մարտում միավորներով հաղթել է ռուսաստանցի Ալեքսեյ Եգորովին և Բռնցքամարտի համաշխարհային ընկերակցության (WBA) վարկածով պաշտպանել է աշխարհի չեմպիոնի տիտղոսը՝ այս մասին հայտնում է "Ազատություն" ռադիոկայանը։ 

Մարտը տեղի է ունեցել այսօր Կաննում: Բոլոր երեք մրցավարները հաղթող են ճանաչել 35-ամյա Գուլամիրյանին՝ 117:111, 117:111: Եգորովը հանդես չի եկել Ռուսաստանի դրոշի և օրհներգի ներքո:

Հայաստանում 1987 թվականին ծնված Արսեն Գուլամիրյանը պրոֆեսիոնալ ռինգում երբևէ պարտություն չի կրել: Նա անցկացրած բոլոր 28 մարտերում հաղթել է, ընդ որում 18-ում՝ նոկաուտով:

18.11

Նիդերլանդների դատարանը հեռակա կարգով ցմահ ազատազրկման է դատապարտել Ամստերդամ-Կուալա Լումպուր չվերթն իրականացնող օդանավը 2014 թվականի հուլիսի 17-ին Ուկրաինայի օդային տարածքում «Բուկ» հրթիռով ոչնչացնելու համար մեղադրվող չորս ռուսամետ անջատականներից երեքին:

Ամստերդամի մոտակայքում գտնվող Սխիպհոլ օդանավակայանի համալիրի տարածքում ընթացող դատական նիստում վճիռն ընթերցել է նախագահող դատավոր Խենդրիկ Ստենխեյսը:

«Այս դեպքում մեղավորների համար պետք է ընտրել միակ հնարավոր պատժաչափը՝ ցմահ ազատազրկում: Դատարանը պահանջում է բանտարկել մեղավորներին: Մենք գիտակցում ենք, որ պատժաչափի սահմանումը որևէ կերպ չի ամոքի հարազատներին և մտերիմներին կորցրածների ցավը: Բայց հիմա գոնե պարզ է դառնում, թե ովքեր են մեղավորները»,- ասել է դատավորը:

Դատարանը մեղավոր է ճանաչել Իգոր Գիրկինին, Սերգեյ Դուբինսկուն և Լեոնիդ Խարչենկոյին: Չորրորդ ամբաստանյանլը՝ Օլեգ Պուլատովը, որի շահերը հոլանդացի փաստաբաններն են ներկայացրել, այսօր արդարացվել է:

Մալայզիական օդանավի խոցման հետևանքով զոհվել են «Բոինգում» գտնվող բոլոր ուղևորները և անձնակազմի անդամները՝ 298 մարդ:

Ռուսաստանը կտրականապես հերքում է ուղևորատար օդանավի ոչնչացման հետ առնչություն ունենալու մեղադրանքը:

Փորձագետների մի մասը ենթադրում է, որ արձակելով Ռուսաստանի տարածքից բերված «Բուկը», ռուս անջատականները համոզված են եղել, որ թիրախն Ուկրաինայի օդուժի ռազմական ինքնաթիռն է: «Բուկը» փոխադրող բեռնատար մեքենան հաջորդ օրը շտապ վերադարձել է Ռուսաստան:

Ադրբեջանի ռազմաքաղաքական ղեկավարությունը  շարունակում է  ոչնչացնել և խեղաթյուրել Արցախի բռնազավթված  բնակավայրերում գտնվող մշակութային արժեքները։ Նոյեմբերի 16-ին AZTV _ի ցուցադրած տեսանյութում ակնհայտ երևում է, թե ինչպես են զավթիչները շարունակում  խեղաթյուրել  Ամենափրկիչ եկեղեցու ճարտարապետությունը։ Այս ամենը խոսում է այն մասին, որ   Ադրբեջանը շարունակում է իր  ցեղասպան քաղաքականությունը։ 

Հովիկ Ավանեսով 

Մեսրոպ Մաշտոց Համալսարանի Կովկասագիտության կենտրոն ի ղեկավար

13.11

Անթալիայում ընթացող Եվրոպայի պատանեկան առաջնությունում, վերջին մրցախաղից առաջ  Մարիամ Մկրտչյանը  ժամանակից շուտ նվաճեց Եվրոպայի Մ18 տարեկանների  չեմպիոնի տիտղոսը:

11.11

 ՀՅԴ Հայ Դատի Եվրոպայի գրասենյակի հիմնադրության 20-ամյակի առթիվ 2022թ. նոյեմբերի 9-ին Բրյուսելում տեղի է ունեցել հանդիսավոր ընդունելություն:

 Միջոցառմանը ներկա էին ՀՅԴ Բյուրոյի ներկայացուցիչ և ՀՅԴ Հայ դատի Կենտրոնական խորհրդի նախագահ Հակոբ Տեր-Խաչատուրյանը, Բելգիայի Թագավորությունում ՀՀ արտակարգ և լիազոր դեսպան, ԵՄ-ում ՀՀ ներկայացուցչության ղեկավար Աննա Աղաջանյանը, Հյուսիսատլանտյան պայմանագրի կազմակերպությունում ՀՀ առաքելության ղեկավար Արման Իսրայելյանը, Եվրոպական Խորհրդարանի բոլոր հիմնական քաղաքական խմբերից մեծ թվով պատգամավորներ։

Միջոցառմանը ներկա էին նաև Բելգիայի Թագավորության Ֆեդերալ խորհրդարանի պատգամավորներ, Բելգիայի հայ համայնքի ներկայացուցիչներ, Հայ Դատի Եվրոպայի  հանձնախմբի գործընկերներ և բարեկամներ:

ԼԱՎ ԼՈՒՐ

ԵՎՐԱՄԻՈՒԹՅԱՆ «ԼԱՎԱԳՈՒՅՆ ՆԱԽԱԳԻԾ» ԱՆՎԱՆԱԿԱՐԳՈՒՄ ԱՅՍ ՏԱՐԻ ԵՎՍ ՀՈԼԱՆԴԱՀԱՅԵՐՆ ԵՆ

Նիդերլանդահայ «Լուսավոր Ապագա» ՀԿ (Bright Future Foundation) կամավորների կողմից իրականացվող «Երկլեզու գիրք՝ օտարազգի երեխաների համար» միջազգային նախագիծն ընդգրկվել է Եվրամիության Solidarity Awards 2022 «Լավագույն նախագիծ» անվանակարգում։

Առաջարկում ենք քվեարկել նախագծի օգտին՝ ընտրելով Bilingual Book for International Children նախագիծը՝ https://www.europeansolidaritycorps.nl/solidarity_awards...

Նախագծի կարճ վիդեո-բովանդակությանը կարող եք ծանոթանալ այստեղ՝ https://www.youtube.com/watch?v=Cu-T9a_Jylk

Թրեյներ Իլոնա Բրուխմանի խոսքով՝ այս նախագիծը յուրօրինակ է ոչ մաիայն նրանով, որ տարբեր ազգություններ ունեցող երիտասարդները միասին ստեղծել են երկլեզու գիրք (http://www.brightfuturenl.com/.../team-eu-solidarity...), այլ նաև նրանով, որ ողջ նկարազարդումը կատարել են տաղանդավոր երեխա-նկարազարդողները (6- ից15տարեկան)՝ աշխարհի տարբեր երկրներից (https://www.brightfuturenl.com/.../results-young...)։

Նախագծի մասին ավելի մանրամսն ՝ www.brightfuturenl.com/bilingual-book

Հիշեցնենք, որ նիդերլանդահայ «Լուսավոր Ապագայի» նախորդ տարվա «ՀՈԼԱՆԴԵՐԵՆ ՈՉ-ՀՈԼԱՆԴԱՑԻՆԵՐԻ ՀԱՄԱՐ» նախագիծն արժանացել էր տարվա լավագույն նախագիծ կոչմանը (մանրամասն՝ http://www.brightfuturenl.com/.../we-won-eu-solidarity...)

ՀԱՐԱՏԵՎ ԱՐՑԱԽԻ ՇԱՐՈՒՆԱԿԱԿԱՆ ԳՈՒՅՆԵՐԸ

Снежана Тамразян / Փախստականների միավորում հանուն արդարության

Արդեն երկրորդ տարին է Արցախում «Փախստականների միավորում հանուն արդարության» երիտասարդական կազմակերպությունը անցկացնում է «Ցավդ տանիմ , Արցախ» փառատոնը ՝ բազմաթիվ միջոցառումներով և մրցույթներով։ Հերթական նախաձեռնությունը նկարչության մրցույթն է՝ «Վաղվա Արցախը» թեմայով։

Երեխաների նկարներում արտացոլվում են խաղաղության երազանքը, անհոգ մանկությունը, խաղն ու պարը։ Մրցույթին հոկտեմբերի 15-ից առայսօր մասնակցել է 193 պատանի և երիտասարդ։ Մրցույթն ավարտվելու է սույն թվականի դեկտեմբերի 1-ին , իսկ արդյունքներն ամփոփվելու են դեկտեմբերի 25-ին ՝ ամանորյա մեծ միջոցառմամբ։

Ամանորը հրաշքներին հավատալու և հրաշքներ գործելու լավագույն առիթն է ։ Իր նվերներով , ինչպես նախորդ տարի, մասնակիցներին ուրախացնելու է «ՎԻՎԱ» բարեգործական ընկերությունը։

Հավատանք հրաշքներին, գործենք և տեսնենք Արցախը մասնակիցների պատկերած ապագայով , և թող իրականություն դառնա բոլորիս ամենանվիրական երազանքը՝ խաղաղությունն Արցախ աշխարհում։

Գինու Գործարանում Voskevaz Winery. Հայկական գինու մշակութային հասցեն Եվրոպայի ճանապարհին

Երևանից ընդամենը 18 կիլոմետր հեռավորության վրա, Արագած լեռան փեշերին, գտնվում է Ոսկեվազ գեղեցիկ անվամբ մի վայր, որտեղ ժամանակը կարծես դանդաղում է, իսկ գինին՝ պատմություն է պատմում։ Voskevaz Winery-ն (Ոսկեվազի գինու գործարան) այսօր դարձել է ոչ միայն գինեգործական կենտրոն, այլև Հայաստանի մշակութային ու զբոսաշրջային կարևոր կանգառներից մեկը։

Հիմնադրված դեռևս 1932 թվականին, Ոսկեվազի գինու գործարանը վերածնվել է նոր ձևաչափով՝ պահպանելով հայկական գինեգործության բազմադարյա ավանդույթները։ Քարե ամրոց հիշեցնող ճարտարապետությունը, ձեռքով պատրաստված կավե կարասները և ավանդական գինու մառանները ստեղծում են միջավայր, որտեղ այցելուն դառնում է ոչ թե դիտորդ, այլ գինեգործության գործընթացների մասնակից։

Վերջին տարիներին Voskevaz Winery-ն առանձնակի հետաքրքրություն է առաջացրել արտասահմանյան զբոսաշրջիկների շրջանում։ Նիդերլանդական օրագրի (Diary of the Netherlands / Նիդերլանդական օրագիր) պատրաստած ինտերակտիվ ուղիղ եթերը ևս մեկ վկայություն է այդ հետաքրքրության մասին։ Շրջայցի ընթացքում գործարանի փոխտնօրեն Արման Հովհաննիսյանը ներկայացնում է, թե ինչպես է գինեգործությունը Ոսկեվազում դառնում մշակութային փորձառություն՝ համադրելով պատմությունը, ճարտարապետությունն ու համը։

Գործարան այցը ներառում է ոչ միայն գինու համտես, այլև ծանոթություն հայկական կարասային գինեգործության հնագույն մեթոդին, որը համարվում է աշխարհի ամենահին տեխնոլոգիաներից մեկը։ Այցելուները բացահայտում են, թե ինչպես է հայկական հողը, արևը և խաղողի տեղական տեսակները ձևավորում գինու բնավորությունը։

Voskevaz-ը դարձել է յուրօրինակ կամուրջ Հայաստանի և Եվրոպայի միջև։ Եվրոպահայ և օտարերկրյա գինու սիրահարները այստեղ գտնում են ոչ թե պարզապես նոր ապրանք, այլ մի մշակույթ, որն արժե ճանաչել և փոխանցել։ Պատահական չէ, որ հայկական այս գինիները աստիճանաբար իրենց տեղն են զբաղեցնում եվրոպական գինու քարտեզի վրա։

Այսօր Ոսկեվազի գինու գործարանը ներկայանում է որպես զբոսաշրջային բրենդ, որտեղ համադրվում են պատմությունը, գինեգործությունը և հյուրընկալությունը։ Այն մի վայր է, որտեղ Հայաստանը խոսում է իր իսկ ձևով՝ գինու լեզվով։

Voskevaz: Armenia’s Wine Heritage on Europe’s Cultural Route

Just 18 kilometers from Yerevan, on the slopes of Mount Aragats, lies a place where time slows down and wine becomes a storyteller. Voskevaz Winery is today not only a winemaking facility, but one of Armenia’s most distinctive cultural and tourism destinations.

Founded in 1932, Voskevaz Winery has been reborn in a contemporary format while carefully preserving Armenia’s centuries-old winemaking traditions. Its fortress-like stone architecture, handcrafted clay karas (traditional amphorae), and atmospheric wine cellars create an environment where visitors are not mere observers, but active participants in a living tradition.

In recent years, Voskevaz Winery has attracted growing interest from international travelers. This interest was also highlighted by an interactive live broadcast produced by Diary of the Netherlands, offering viewers a closer look at the winery and its philosophy. During the tour, Arman Hovhannisyan, Deputy Director of Voskevaz Winery, explains how winemaking here evolves into a cultural experience that unites history, architecture, and taste.

A visit to Voskevaz goes beyond wine tasting. Guests are introduced to the ancient Armenian method of fermenting and aging wine in karas—one of the oldest known winemaking techniques in the world. Through this process, visitors discover how Armenia’s soil, sun, and indigenous grape varieties shape the unique character of its wines.

Voskevaz has become a symbolic bridge between Armenia and Europe. European wine enthusiasts and members of the Armenian diaspora find here not just a new wine, but a culture worth discovering and sharing. It is no coincidence that Armenian wines from Voskevaz are steadily securing their place on Europe’s wine map.

Today, Voskevaz Winery stands as a tourism brand, where heritage, winemaking, and hospitality meet. It is a destination where Armenia speaks in its own voice—the universal language of wine.

Ամստերդամի պատմական «Սուրբ Հոգի» եկեղեցու վերաբացման 33-րդ տարեդարձը

 

««Ամստերդամի պատմական «Սուրբ Հոգի» եկեղեցու վերաբացման 33-րդ տարեդարձը»» վերտառությամբ հոդվածը հրապարակել են սփյուռքյան «Ժամանակ» և «Մարմարա» օրաթերթերը։

Նոյեմբեր 19-20-ին Ամստերդամի «Սուրբ Հոգի» եկեղեցին հյուրընկալեց Արևմտյան Եվրոպայի հայրապետական պատվիրակ Գերշ․ Տ․ Խաժակ Արք․ Պարսամյանին, որը ժամանել էր նախագահելու համայնքի հիմնադրման 33-րդ տարեդարձին նվիրված արարողությունները։

Նոյեմբերի 19-ին Սրբազան Հայրը նախ հանդիպում ունեցավ եկեղեցու ծխական խորհրդի հետ: Հընթացս ընթրիքի եկեղեցվո հոգևոր հովիվ Տեր Տարոնը ներկայացրեց նորանշանակ ծխական խորհրդի անդամներին, որից հետո Սրբազան Հայրը խոսեց ներկաներին ծխական խորհրդի կարևորության և առաքելության մասին:

Նույն օրը տեղի ունեցավ հանդիպում երիտասարդների հետ: «Սուրբ Հոգի» եկեղեցվո ԱՅՈ երիտասարդաց միությունը կազմակերպել էր դասախոսություն պսակի խորհրդի և հարաբերությունների մասին թեմայով: Խաժակ Սրբազանը հետաքրքիր կերպով, տարբեր օրինակներով ներկայացրեց երիտասարդներին ընտանիքի մոդելը, հարատև ու երջանիկ միության պահպանման գրավականները: Հանդիպման հենց սկզբում ձևավորվեց ազատ, անկեղծ ու անմիջական մթնոլորտ, որն էլ առիթ հանդիսացավ երիտասարդներին անկաշկանդ հղել իրենց հուզող հարցերը և ստանալ սպառիչ պատասխաններ:

Նոյեմբերի 20-ին Սուրբ և Անմահ պատարագը մատուցեց Սրբազան Հայրը: Պատարագի ավարտին կատարվեց հոգեհանգստյան արարողություն եկեղեցին կառուցողների և պատմության ընթացքում իրենց ծառայությունը հայ համայնքին ու եկեղեցու պահպանման համար բերած ննջեցյալ հայորդիների համար: Ապա կատարվեց մատաղօրհնության ավանդական արարողություն, որին էլ հաջորդեց սիրո սեղանը: Ներկաներն իրենց սրտաբուխ նվիրատվությունը կատարեցին ի պահպանություն և ի պայծառություն «Սուրբ Հոգի» եկեղեցու և ծխական համայնքի:

Ամսթերտամի պատմական «Սուրբ Հոգի» եկեղեցւոյ վերաբացման 33-րդ տարեդարձը

---------------

19-20 Նոյեմբերին Ամսթերտամի «Սուրբ Հոգի» եկեղեցին հիւրընկալեց Արեւմտեան Եւրոպայի հայրապետական պատուիրակ Գերշ․ Տ․ Խաժակ Արք․ Պարսամեանը, որ ժամանած էր նախագահելու տեղի եկեղեցական համայնքի հիմնադրման 33-րդ տարեդարձին նուիրուած արարողութիւնները։

Նոյեմբերի 19-ին Սրբազան Հայրը նախ հանդիպում ունեցաւ եկեղեցւոյ ծխական խորհուրդի հետ: Յընթացս ընթրիքի՝ եկեղեցւոյ հոգեւոր հովիւ Տէր Տարօն ներկայացուց նորանշանակ ծխական խորհուրդի անդամները, որմէ ետք Սրբազան Հայրը ներկաներուն խօսեցաւ ծխական խորհուրդի կարեւորութեան եւ առաքելութեան մասին:

Նոյն օրը տեղի ունեցաւ երիտասարդներու հետ հանդիպում: «Սուրբ Հոգի» եկեղեցւոյ ԱՅՈ երիտասարդաց միութիւնը դասախօսութիւն կազմակերպած էր պսակի խորհուրդի եւ յարաբերութիւններու մասին թեմայով: Խաժակ Սրբազանը հետաքրքիր կերպով, տարբեր օրինակներով ներկայացուց երիտասարդներուն ընտանիքի մոտելը, յարատեւ ու երջանիկ միութեան պահպանման գրաւականները: Հանդիպման սկիզբը ձեւաւորուեցաւ ազատ, անկեղծ ու անմիջական մթնոլորտ, որ առիթ հանդիսացաւ երիտասարդներուն անկաշկանդ յղել իրենց յուզող հարցերը եւ ստանալ սպառիչ պատասխաններ:

Նոյեմբերի 20-ին Սրբազան Հայրը Սուրբ եւ Անմահ պատարագ մատուցեց: Պատարագի աւարտին հոգեհանգստեան արարողութիւն կատարուեցաւ եկեղեցին կառուցողներու եւ պատմութեան ընթացքին իրենց ծառայութիւնը հայ համայնքին ու եկեղեցւոյ պահպանման համար մատուցած ննջեցեալ հայորդիներու համար: Ապա կատարուեցաւ մատաղօրհնութեան աւանդական արարողութիւն, որուն յաջորդեց սիրոյ սեղանը: Ներկաները իրենց սրտաբուխ նուիրատուութիւնը կատարեցին ի պահպանութիւն եւ ի պայծառութիւն «Սուրբ Հոգի» եկեղեցւոյ եւ ծխական համայնքի:

Նիդերլանդահայ նկարիչ Ալիկ Ասատրյանի աշխատանքները Հայաստանում

Հոկտեմբերի 21-ին, ժամը 17։00-ին SarGallery 'Yerevan -ում բացվեց Ալիկ Ասատրյանի «Մի քիչ ուրախ, մի քիչ տխուր հեքիաթ» խորագրով անհատական ցուցահանդեսը։

Մուտքն ազատ էր: Հոկտեմբերի 27-ի մեր ուղիղ նկարահանումը: Այս օրերին Ալիկ Ասատրյանը մասնակցում էր Մաչանենց տան կազմակերպած ամենամյա սիմպոզիումին:

Ի դեպ այստեղ եղանք երկու անգամ, երկրորդ անգամը մեր գործընկերների հետ Աբովյան մշակութային միության նախագահ Մաթո Հախվերդյանի և Նայմեխենի ՎԱՆ միության նախագահ Սվետա Աբրահամյանի հետ:

---------------------------------------------------  

Այսօր մեր բարեկամներն առաջարկեցին լինել Հայաստանի հոգևոր մայրաքաղաք #Էջմիածնում, որտեղ էլ կարճ շրջայցով եղանք Machanents House / Մաչանենց տուն : Թեև չհանդիպեցինք «Հայ միասնության խաչ» (ՀՄԽ) բարեգործական մշակութային հասարակական կազմակերպության հիմնադիր-նախագահ Գրիգոր Մաչանենց Բաբախանյան ին, ով 2010 թվականին հիմնադրել է «Մաչանենց տուրիզմ և արտ» սոցիալական ձեռնարկությունը, այնուամենայնիվ կարողացանք գտնել ու տեսնել հոլանդաբնակ մեր ընկերոջ՝ Alik Assatrian-ի սիմպոզիումի ժամանակ կատարած աշխատանքները։ Թե ինչպե՛ս դա եղավ, դիտեք ուղիղ նկարահանված տեսանյութը։ 

  Նիդերլանդահայ նկարիչ Ալիկ Ասատրյանի աշխատանքները Հայաստանում: