Դեսպան Բալայանը հանդիպել է Հաագայի «Աբովյան» մշակութային միության անդամներին

 Նիդերլանդներում ՀՀ նորանշանակ դեսպան Տիգրան Բալայանը  շարունակում է կիրակի օրերը այցելեց Նիդերլանդներում գտնվող խոշոր հայ  համայնքներին, ծանոթանալ  համայնքային կյանքին, ներկայացնել Հայաստանի ներքաղաքական իրավիճակը: Դեսպանն արդեն եղել է Մաստրիխտում, Ալմելոյում, Ամստերդամում: Նոյեմբերի 25-ին Տիգրան Բալայանը եղել է Հաագայի «Աբովյան» մշակութային միությունում,- Այդ մասին հայտնում է դեսպանատան ֆեյսբուքյան կայքը: Նա հանդիպել է միության ակտիվի, միության հովանու տակ գործող հայկական կիրակնօրյա դպրոցի աշակերտների ծնողների և Հաագայի հայ համայնքի անդամների հետ։

Ողջունելով և շնորհավորելով Հայաստանի դեսպանին «Աբովյան» միության ղեկավար, Նիդերլանդների հայկական միությունների ֆեդերացիայի նախագահ Մաթո Հախվերդյանը նշեց, որ թեև նորանշանակ դեսպանը նոր մարդ չէ Նիդերլանդներում և Հաագայում և ունի հոլանդական կողմի և հայ համայնքի հետ աշխատանքի փորձառություն, այնուամենայնիվ հայ համայնքը պատրաստ է աջակցել հայ-նիդերլանդական կապերի ամրապնդման ուղղությամբ դեսպանության ծրագրերի իրականացմանը։

Դեսպան Բալայանը շնորհակալություն հայտնեց ջերմ ընդունելության համար նշելով, որ Բյուսելում աշխատելու տարիներին «Աբովյան» միության գրասենյակը դարձել է Հաագայում իր հարազատ հասցեն, ուր ծնվել և իրագործվել են շատ գաղափարներ։ ՀՀ դեսպանը վստահություն հայտնեց, որ տարիներ առաջ հաստատված արդյունավետ համագործակցությունը նոր թափ կստանա։

Հանդիպման ընթացքում դեսպան Բալայանը ներկայացրեց Հայաստանի վերջին շրջանի ներքաղաքական զարգացումները, անդրադարձ կատարեց արտահերթ խորհրդարանական ընտրությունների անցկացմանը և դրանց կարևորությանը, երկրի տնտեսական զարգացման ուղղություններին և այդ նպատակով կառավարության կողմից իրականացվող քայլերին, պատասխանեց ներկաների բազմաթիվ հարցերին։

ՀՀ դեսպանը կարևորեց հոլանդահայերի մասնակցությունը Հայաստանի զարգացմանը, Հայրենիքում նոր աշխատատեղերի ստեղծմանը և հայրենադարձությունը։ Այս համատեքստում Տիգրան Բալայանը տեղեկացրեց, որ ընտրություններից հետո նախատեսվում է բարեփոխել հարկային օրենսգիրքը և ներկայացրեց Հայաստանում արտասահմանցի ներդրողների համար նախատեսված արտոնությունները՝ հորդորելով այս ամենի մասին պատմել գործընկերներին և պոտենցիալ ներդրողներին։


«Ես պատրաստ եմ յուրաքանչյուրիդ հետ գնալ հանդիպումների Հայաստան ներդրում կատարելու կամ Հայաստանի արտադրանքի նկատմամբ նույնիսկ թեթև հետաքրքրություն ցուցաբերած գործարարի հետ, բանակցել, ներկայացնել ու համոզել նրանց։Համոզված եմ, որ միասնական ուժերով մենք կարող ենք արդյունքների հասնել», ընդգծեց դեսպան Բալայանը։


Այնուհետև «Աբովյան» միությունում տեղի ունեցավ Երևանի 2800 ամյակին նվիրված դասախոսություն, որի ընթացքում հնագետ դոտկտոր Յանիկ Ռաչինսկի-Հենկը ներկայացրեց Էրեբունի ամրոցի հիմնադրման, դրա պեղումների պատմությունը և Երևանի տարածքում այլ հնագիտական վայրերում արված բացահայտումները։

Լուսանկարները մեծ դիտելու համար սլաքն ուղղել լուսանկարին և հպել:

«Քո արվեստը դպրոցում» թեմայով նախագծին ներկա են եղել նախարարի պաշտոնակատարները

ՀԱՅԱՍՏԱՆՅԱՆ ԼՐԱՏՈՒ

ՀՀ կրթության և գիտության նախարարի պաշտոնակատար Արայիկ Հարությունյանը և մշակույթի նախարարի պաշտոնակատար Լիլիթ Մակունցնայցելել են Երևանի «Վարդանանց ասպետներ»  թիվ 106 հիմնական դպրոց, որտեղ նկարիչ Պետո Պողոսյանը «Քո արվեստը դպրոցում» նախագծիշրջանակում անցկացրել է կերպարվեստի առաջին դասը: 8-րդ դասարանի աշակերտների համար նախատեսված կերպարվեստի դասի ընթացքումնկարիչը ներկայացրել է ժամանակակից վարպետների՝ ջրաներկով արված նկարներ, պատմել ջրաներկով աշխատելու հմտությունների մասին, իսկվերջում աշակերտների հետ համատեղ կտավ ստեղծել:
Այսպիսով՝ տրվել է «Քո արվեստը դպրոցում» կրթամշակութային նախագծի մեկնարկը, որը երկու նախարարությունների հերթական համատեղնախաձեռնությունն է և նպատակ ունի դպրոցներում խթանել արվեստի քարոզչությունը:
«Սիրելի՛ աշակերտներ, մենք ցանկացել ենք, որ նկարիչը, երաժիշտը, գրողը կամ գրականության մասնագետը այցելի դպրոց՝ ջութակով,թավջութակով, կտավով, ջրաներկով, գրքով, և ձեզ ներկայացնի իր ստեղծագործական առօրյան, պատմի իր արվեստի մասին: Դպրոցը պետք էվերագտնի իրական արժեքները, և դրա համար անհրաժեշտ է, որ բարձր արվեստն ամեն օր մտնի դպրոց»,-դիմելով դպրոցականներին՝ ասել է ԿԳնախարարի պաշտոնակատար Արայիկ Հարությունյանը:
 Նա նաև հետաքրքրվել է, թե արդյոք աշակերտներն օգտվել են թատրոն, համերգասրահ և թանգարան այցելելու աբոնեմենտային ծրագրից:Նախարարին աշակերտները տեղեկացրել են, որ այժմ թանգարանի ընտրության հարցն են քննարկում, որպեսզի առաջիկայում այցելեն որևէհաստատություն:
Մշակույթի նախարարի պաշտոնակատար Լիլիթ Մակունցն իր խոսքում նշել է, որ դպրոցներ այցելության համար ընտրվել են հիմնականումերիտասարդ արվեստագետներ, ովքեր նորովի են ներկայացնում արվեստի կարևորությունն ու գրավչությունը. «Դուք կտեսնեք և կզգաք, թե ինչքանհետաքրքիր են արվեստն ու մշակույթը: Համոզված ենք, որ այս շփումները լայնացնելու են ձեր մտահորիզոնը, կկարողանաք ինքներդ ձեր մեջբացահայտել ձեր արվեստը: Մենք չենք կարծում, որ արվեստի հետ ձեր շփումն ավարտվելու է այս նախագծի դասերով: Միգուցե հետագայում մենքհանդիպենք ձեր գիրքը հրատարակելիս, ձեր ցուցահանդեսը դիտելիս կամ համերգային կատարումն ունկնդրելիս»,- նշել է Լ. Մակունցը և հույսհայտնել, որ իրենք ընկերանալու են արվեստի և արվեստագետի հետ:

Արվեստի դասից հետո լրագրողների հետ զրույցում ԿԳ նախարարի պաշտոնակատար Արայիկ Հարությունյանը տեղեկացրել է, որ «Քո արվեստըդպրոցում» նախագծի շրջանակում ընտրվել են գրականության, կերպարվեստի և երաժշտության ոլորտների շուրջ 50 արվեստագետներ, որոնցիցյուրաքանչյուրը պետք է այցելի Երևանի և մարզերի 30 դպրոց: Արայիկ Հարությունյանը նաև հավելել է, որ զուգահեռաբար մշակույթինախարարության հետ համատեղ այժմ ընթանում է Դաս Ա նախագիծը՝ ավագ դպրոցի աշակերտների համար, որի շրջանակում դպրոցականներնայցելում են սիմֆոնիկ երաժշտության համերգների: Զուգահեռաբար վարչապետի պաշտոնակատար Նիկոլ Փաշինյանի առաջարկով՝ քննարկվում էհեռավոր գյուղերի դպրոցներում որոշակի ժամանակով  թանգարանային նկարների ցուցադրություն կազմակերպելու հարցը:
Նշենք, որ թիվ 106 դպրոց կատարած այցի ընթացքում Արայիկ Հարությունյանը ծանոթացել է դպրոցի խնդիրներին, դրանք քննարկել դպրոցի տնօրենՄարինե Վարդանյանի և մանկավարժների հետ:

Երևան-Էրեբունի 2800-ամյակին նվիրված տոնակատարություն. Հանդիպում ՀՀ դեսպան դոկտ. Բալայանի հետ

 • Jerevan-Erebuni 2800 en Ontmoeting ambassadeur Balayan
• Yerevan-Erebuni 2800 and Meeting Ambassador Balayan
• Երևան-Էրեբունի 2800 և Հանդիպում դեսպան Բալայանի հետ

Sunday, 25 November 2018

Ժամը 13-ին
Հանդիպում Նիդերլանդների Թագավորությունում Հայաստանի Հանրապետության արտակարգ և լիազոր դեսպան դոկտ. Տիգրան Բալայանի հետ Աբովյան մշակութային միության կենտրոնում։

Ժամը 14-ին
Երևան-Էրեբունի 2800-ամյակին նվիրված տոնակատարություն։ Նիդերլանդների Թագավորությունում Հայաստանի դեսպան Ն.Գ. պարոն Տիգրան Բալայանի ողջույնի խոսքից հետո, Երևանի պատմության մասին դասախոսությամբ հանդես կգա հնագետ դոտկ. Յանիկ Ռաչինսկի-Հենկը։ Այնուհետև, Աբովյան մշակութային միության երիտասարդական երգչախումբը Սվետլանա Աղաջանյանի ղեկավարությամբ, կկատարի Երևանի մասին երգեր։ Տոնախմբությունը կշարունակվի հայկական ընթրիքով, երաժշտությամբ և պարով։

Վայրը` Աբովյան մշակութային միության կենտրոն
Հասցեն` Weesperstraat 91 - 2574 VS Հաագա
Մուտքը` Ազատ է
Meal: 5 եվրո մեկ անձի համար

Viering 2800 jaar Jerevan-Erebuni
Ontmoeting ambassadeur Armenië Dr. Balayan

Zondag, 25 november 2018

13.00 uur
Ontmoeting met buitengewoon en gevolmachtigd ambassadeur van de republiek Armenië in Nederland Zijne Excellentie Dr. Tigran Balayan in het clubhuis van de Vereniging Abovian.

14.00 uur
Feestelijke themadag over 2800 jaar Jerevan-Erebuni. Na het welkomstwoord van Z.E. de heer Tigran Balayan, ambassadeur van Armenië in Nederland, zal archeoloog drs. Yannick Raczynski-Henk een presentatie geven over geschiedenis van Jerevan. Daarna zal het jeugdkoor van onze Vereniging onder leiding van mw. Svetlana Aghadjanyan optreden met liederen over Jerevan-Erebuni. De themadag wordt afgesloten met een gezellige Armeense maaltijd, muziek en dans.

Plaats: Clubgebouw Vereniging Abovian
Adres: Weesperstraat 91 – 2574 VS Den Haag
Toegang: Vrij
Maaltijd: 5 euro p.p.

Andere activiteiten: 25 november 2018 om 12.00 uur – Workshop Sieraden maken – Iedereen krijgt de gelegenheid iets moois te maken, een fantastische haarspeld, modieuze armbandjes etc. Tijdens de activiteit kunnen jongens en meisjes, met hun vaders en moeders, maar zeker ook ouderen met eenvoudige middelen een mooie haarversiering of armband maken. Iedereen is welkom! De workshop wordt verzorgd door Kohar Awetisian en Ani Davtyan. 2 december 2018 om 12.00 uur – Help, mijn kind gaat uit! – Een voorlichting over opvoeding, uitgaan en middelengebruik. Tijdens deze voorlichting maakt u kennis met de ‘ingrediënten’ die nodig zijn om met uw kind hierover in gesprek te gaan en te blijven: Er is gelegenheid tot het stellen van vragen en het uitwisselen van ervaringen. Presentatie door Mw. Inge Kuiper en Mw. Audrey Wijk preventie-deskundigen van Indigo Preventie regio Haaglanden. 9 december 2018 om 12.00 uur – Workshop klusjes en reparaties – Klusjes in Huis. Leer zelf de klusjes en kleine reparaties in huis doen. Een praktische en gezellige middag voor jong en oud, waarin veelvoorkomende klusjes en reparaties in huis aan bod komen. De workshop wordt verzorgd door zeer ervaren en deskundige technicus Arman Melikjan 23 december 2018 om 15.00 uur – Kerstfeest van de Vereniging Abovian

---

Celebration of 2800th anniversary of Yerevan-Erebuni
Meeting with Ambassador of Armenia Dr. Balayan

Sunday, 25 November 2018

13:00 uur
Meeting with the Extraordinary and Plenipotentiary Ambassador of the Republic of Armenia to the Kingdom of Netherlands His Excellency Dr. Tigran Balayan at Abovian Centre.

14:00 uur
Celebration of 2800th anniversary of Yerevan-Erebuni. After the welcome speech of H.E. Mr. Tigran Balayan, ambassador of Armenia to the Kingdom of Netherlands, the archaeologist Drs. Yannick Raczynski-Henk will give a presentation on Yerevan's history. Thereafter, the youth choir of Abovian Association under the direction of Ms. Svetlana Aghadjanyan will perform songs about Yerevan-Erebuni. The celebration will continue with Armenian meal, music and dance.

Location: Abovian Centre
Address: Weesperstraat 91 – 2574 VS Den Haag

Կարելի է ձեռք բերել Գրիգոր Նարեկացու հոլանդերեն թարգմանությամբ գիրքը

Այս մասին հայտնում է  «Սուրբ Գրիգոր Նարեկացի» (Stichting Sint Grigor Narekatsi) հիմնադրամի կայք էջը:
Ավելի վաղ հրապարակվել էր, որ Երևանում «Նարեկացիական ընթերցումներ» միջազգային 4-րդ գիտաժողովին  տեղի է ունեցել Գրիգոր  Նարեկացու   նիդերլանդերեն թարգմանությամբ գրքի շնորհանդեսը: Սա Գրիգոր Նարեկացու «Մատեան»-ի առաջին 15 աղոթքների հոլանդական տարբերակն է, որը կատարել է Օքսֆորդի պրոֆեսոր եւ միջնադարյան հայ գրականության առաջատար մասնագետ Թեո Վան Լինտը: Ի դեպ այս գործում աջակցել է Ամստերդամի «Սուրբ Գրիգոր Նարեկացի» (Stichting Sint Grigor Narekatsi) հիմնադրամը, որի ջանքերով ու նախաձեռնությամբ էլ գիտաժողովի նախօրեին ներկայացվեց գիրքը: Գիրքը տպագրված է սահմանափակ քանակով, և ահա հետաքրքիր մեկնաբանություններ ու առաջարկություններ են ստացվել, շատերը պարզապես մեծ ցանկություն ունեն գնել, ձեռք բերել սահմանափակ շրջանառության մեջ գտնվող գիրքը:  «Սուրբ Գրիգոր Նարեկացի» (Stichting Sint Grigor Narekatsi) հիմնադրամը հետևյալ հաճելի լուրն է հաղորդում:

Կա Գիրքը գնելու առաջին հնարավորությունը`  Դեկտեմբերի 8-ին, շաբաթ օրը տեղի ունեցող Երևանի 2800-ամյա հոբելյանին նվիրված «Ես սիրում եմ Երեւանը» միջոցառման օրը ցանկացողներն այն կարող են ձեռք բերել  € 10 արժողությամբ:

📙✝️BOEK DER WEEKLAGING (NAREK) IN HET NEDERLANDS NU VERKGRIJGBAAR✝️📙

Beste landgenoten,

Eerder kondigden wij de lancering van de Nederlandse vertaling van de eerste 15 gebeden van het Boek der Weeklaging van St. Grigor Narekatsi aan. De presentatie van de gebeden, vertaald door prof. Theo van Lint (Universiteit Oxford) en in beperkte oplage uitgegeven door de Stichting St. Grigor Narekatsi, vond plaats in de Matenadaran in Yerevan. Wij kregen veel reacties en aanvragen binnen betreffende de verkrijgbaarheid van het boek. We kunnen nu het volgende melden:

De eerste mogelijkheid om het boek aan te schaffen is tijdens de feestavond 'I love Yerevan' op zaterdag 8 december 2018 en de prijs bedraagt €10,-. Alle informatie over het feest is op veel plaatsen op deze facebookpagina terug te vinden.

Stichtingsbestuur

Քիմիական զենքի կոնվենցիայի մասնակից պետությունների 23-րդ կոնֆերանսը

Նոյեմբերի 19-20-ը, ապա 21-30-ը Համաշխարհային համաժողովի կոնվենցիայի կենտրոն Հաագայում տեղի է ունենալու CSP-23 եւ RC-4 - Մասնակից պետությունների 23-րդ  կոնֆերանսը եւ Չորրորդ վերանայման կոնֆերանսը: Մասնակից պետությունների համաժողովը (CSP) վերահսկում է Քիմիական զենքի կոնվենցիայի (CWC) իրականացումը, նպաստում է պայմանագրի նպատակներին  հասնելուն եւ դիտարկվում է պայմանագրի դրույթների համապատասխանությունը: Կոնֆերանսը բաղկացած է OPCW- ի բոլոր անդամ երկրների ներկայացուցիչներից, որոնցից յուրաքանչյուրը ունի մեկ ձայն: CSP- ն ամեն տարի հանդիպում է Հաագայում:

Վերանայման կոնֆերանսը աշխատելու է  2018 թ նոյեմբերի 21-ից 30-ը: Կոնվենցիան նախատեսում է, որ Մասնակից պետությունները պետք է վերանայեն քիմիական զենքի արգելման իրականացման գործընթացը յուրաքանչյուր հինգ տարին: Այս վերանայման կոնֆերանսները ծառայում են որպես ՔՀԿ-ի իրականացման գնահատման եւ գնահատման, երկարաժամկետ հայացքների ձեւավորման համար, ռազմավարական ուղեցույցներ տրամադրելով OPCW- ին:
Մասնակից պետությունների համաժողովը բաղկացած է OPCW- ի բոլոր 193 անդամներից: Քանի որ «կազմակերպության հիմնական մարմինը» ունի ընդհանուր լիազորություն, վերահսկելու Քիմիական զենքի կոնվենցիայի (CWC) իրականացումը եւ գործելու Կոնվենցիայի նպատակը խթանելը:
Համաժողովին մասնակցում է նաև Հայաստանի պատվիրակությունը`  Քիմիական զենքի արգելման կազմակերպությունում ՀՀ մշտական ներկայացուցիչ Տիգրան Բալայանի գլխավորությամբ:

Չտարածում, ռազմավարական արտահանման վերահսկում և միջուկային անվտանգություն

Հայաստանի Հանրապետությունը մեծապես կարևորում է զանգվածային ոչնչացման զենքի (ԶՈԶ) չտարածման մասին բոլոր պայմանագրերի և ռեժիմների համապարփակ և արդյունավետ կատարումը` դրանք դիտարկելով որպես ԶՈԶ տարածումը կանխարգելող գործուն միջոցներ:

Առկա է ԶՈԶ տարածումը կանխարգելող իրավական միջոցների լայն շրջանակ` միաժամանակ միջազգային և ազգային մակարդակներում: ԶՈԶ տարածումը կանխարգելող իրավական համակարգի սյուներն են հանդիսանում.

«Միջուկային զենքը չտարածելու մասին պայմանագիրը», որին միանալու որոշումը ՀՀ Գերագույն խորհուրդն ընդունել է 1991թ. սեպտեմբերի 24-ին` ՀՀ Անկախության հռչակագիրն ընդունելուց երեք օր հետո: Հայաստանի Հանրապետության համար պայմանագիրն ուժի մեջ է մտել, երբ պայմանագրի վավերագրերն ի պահ են տրվել պայմանագրի ավանդապահներ Ռուսաստանին և ԱՄՆ-ին` համապատասխանաբար 1993 թվականի հունիսի 21-ին և 1993թ. հուլիսի 15-ին: 1995թ.` «Միջուկային զենքը չտարածելու մասին պայմանագրի» վերանայմանն ու ժամկետի երկարաձգմանը նվիրված կոնֆերանսի ժամանակ, Հայաստանը սատարեց Պայմանագիրն անժամկետ երկարացնելու մասին որոշումը:

«Քիմիական զենքի մշակման, արտադրության, կուտակման, կիրառման արգելման և դրա ոչնչացման մասին կոնվենցիան» Հայաստանի համար ուժի մեջ է մտել 1997թ. ապրիլի 29-ին: 1997թ. մայիսին Կոնվենցիայի անդամ երկրների առաջին կոնֆերանսի ժամանակ Հայաստանը վերահաստատեց իր պարտավորությունները քիմիական զենքի չտարածմանն ու դրա վերացմանն ուղղված նպատակների վերաբերյալ, թեև մինչ այդ մեր տարածաշրջանի ոչ բոլոր պետություններն էին այն վավերացրել: Կոնվենցիային նվիրված երկրորդ համաժողովի ժամանակ Հայաստանը 16 պետությունների կողմից առաջարկված Կոնվենցիայի համապարփակությունը ապահովող առաջարկությունների նախագծի համահեղինակ հանդիսացավ:

ՀՀ ԱԳՆ նախաձեռնությամբ, 2011թ. հոկտեմբերի 4-ին ՀՀ Վարչապետի որոշմամբ ՀՀ ԱԳՆ Սպառազինությունների վերահսկման և միջազգային անվտանգության վարչության պետի ղեկավարությամբ ստեղծվել է միջգերատեսչական հանձնաժողով (Ազգային մարմին) «Քիմիական զենքի մշակման, արտադրության, կուտակման, կիրառման արգելման և դրա ոչնչացման մասին» կոնվենցիայից բխող պարտավորությունների կատարման աշխատանքները կանոնակարգելու նպատակով:

«Մանրէաբանական (կենսաբանական) և թունավոր նյութեր պարունակող զենքի մշակման, արտադրության և կուտակման արգելման և դրա ոչնչացման մասին Կոնվենցիային» միանալու մասին փաստաթղթերը Հայաստանի Հանրապետության կողմից ի պահ են տրվել Կոնվենցիայի ավանդապահներ Ռուսաստանի Դաշնությանն ու Ամերիկայի Միացյալ Նահանգներին 1994թ. հունիսի 7-ին:

1996թ. հոկտեմբերի 1-ին Հայաստանի Հանրապետությունը ստորագրել և 2006թ. հուլիսի 12-ին վավերացրել է «Միջուկային փորձարկումների համապարփակ արգելման պայմանագիրը»:

1993թ.-ից ՀՀ անդամակցում է Ատոմային էներգիայի միջազգային գործակալությանը (ԱԷՄԳ): Որպես խաղաղ նպատակներով միջուկային էներգիա օգտագործող երկիր` Հայաստանը ընդունում է այն կենտրոնական դերը, որը ԱԷՄԳ պետք է ունենա միջուկային զենքի չտարածման գործում, և սերտորեն աշխատում է վերոնշյալ կազմակերպության հետ:

«Միջուկային զենքը չտարածելու մասին պայմանագրի» հետ կապված «Երաշխիքների կիրառման մասին համաձայնագիրը» Հայաստանի Հանրապետության և Ատոմային Էներգիայի Միջազգային Գործակալության միջև ստորագրվել է 1993թ. սեպտեմբերի 23-ին և ուժի մեջ է մտել 1994թ. մայիսի 5-ին: 1997թ. սեպտեմբերի 29-ին ստորագրվեց նաև Կոնվենցիայի Լրացուցիչ արձանագրությունը, որն ուժի մեջ մտավ 2004թ. հունիսի 28-ին: Հայաստանում գործող միակ միջուկային կայանի գործունեությունը վերահսկվում է Գործակալության կողմից:

«Միջուկային նյութի ֆիզիկական պաշտպանության մասին Կոնվենցիան»Հայաստանի Հանրապետության համար ուժի մեջ է մտել 1993թ. սեպտեմբերի 23-ին: Հայաստանը միացել է նաև Կոնվենցիայի 2005թ.-ի լրացմանը:

«Միջուկային անվտանգության մասին կոնվենցիան» ՀՀ համար ուժի մեջ է մտել 1998թ. դեկտեմբերի 20-ին:

Հայաստան-ԱԷՄԳ հարաբերություններին նոր խթան հաղորդեց 2012թ. ապրիլի 16-ից 18-ը գործակալության գլխավոր տնօրեն Յուկիա Ամանոյի` Հայաստան կատարած այցը:

Հայաստանը չի անդամակցում արտահանման այնպիսի միջազգային վերահսկման ռեժիմների, ինչպիսիք են Հրթիռային տեխնոլոգիաների վերահսկման ռեժիմը, Միջուկային մատակարարների խումբը, Ցանգերի կոմիտեն և Ավստրալական խումբը: Դրա առաջնային պատճառն այն է, որ Հայաստանը չի հանդիսանում վերահսկվող կամ ռազմական նշանակության ապրանքների և տեխնոլոգիաների խոշոր արտադրող երկիր, և այս ռեժիմներին անդամակցելը չի համապատասխանում երկրի տնտեսական ուղղվածությանը: Սակայն դա որևէ կերպ չի խոչընդոտում վերոնշյալ ռեժիմների նպատակներին և սկզբունքներին հավատարիմ լինելու ՀՀ դիրքորոշմանը:

Այնուամենայնիվ, Հայաստանում երկակի նշանակության ապրանքների արտահանման վերահսկման ոլորտի զարգացմանը զուգընթաց, անհրաժեշտություն առաջացավ անդամակցելու Սովորական սպառազինությունների և երկակի նշանակության ապրանքների և տեխնոլոգիաների արտահանման վերահսկման Վասենաարի համաձայնությանը: 2012թ. մայիսի 16-ին ՀՀ պաշտոնապես դիմեց Համաձայնությանն անդամակցելու համար:

Հայաստանի Հանրապետության Ազգային Ժողովի կողմից 2003թ. ապրիլի 18-ին ընդունվել է ՀՀ նոր քրեական օրենսգիրքը, իսկ 2010թ. մայիսի 15-ին ուժի մեջ է մտել «Երկակի նշանակության ապրանքների արտահանման, ՀՀ տարածքով դրանց տարանցիկ փոխադրման, ինչպես նաև երկակի նշանակության տեղեկատվության և մտավոր գործունեության արդյունքների փոխանցման նկատմամբ հսկողության մասին» ՀՕ-42-Ն օրենքը (փոխարինել է 2003թ. օրենքը): Այն նպատակաուղղված է զանգվածային ոչնչացման զենքի, դրա փոխադրման միջոցների չտարածման, ինչպես նաև ապրանքների արտահանման բնագավառում ՀՀ միջազգային պայմանագրերով ստանձնած պարտավորությունների կատարման ապահովմանը, միջազգային տնտեսության մեջ Հայաստանի Հանրապետության տնտեսության ինտեգրման համար նպաստավոր պայմանների ստեղծմանը` արտաքին առևտրի և արտասահմանյան ներդրումների խթանմանն աջակցելու միջոցով: Նոր օրենքով երկակի նշանակության ապրանքների արտահանման վերահսկման ոլորտում լիազոր մարմին է ճանաչվել ՀՀ էկոնոմիկայի նախարարությունը:

2009թ. նոյեմբերի 12-ին ընդունվել և 2009թ. դեկտեմբերի 13-ին ուժի մեջ է մտել «ՀՀ կառավարության N 1308-Ն Որոշումը ռազմական նշանակության արտադրանքի ցանկը, ռազմական նշանակության արտադրանքի ներմուծման, արտահանման, ռազմական նշանակության արտադրանքի տարանցիկ փոխադրման, այդ արտադրանքի առևտրի միջնորդական գործունեության լիցենզավորման կարգերը և անհրաժեշտ փաստաթղթերի ձևերը հաստատելու մասին»: Որոշման համաձայն` ռազմական նշանակության արտադրանքի արտահանման վերահսկման ոլորտում լիազոր մարմին է ճանաչվել ՀՀ պաշտպանության նախարարությունը:

Վերահսկվող ապրանքների ցանկը հաստատվել է ՀՀ Կառավարության 2011թ. դեկտեմբերի 15-ի որոշմամբ, և դրա համար հիմք է հանդիսացել ԵՄ վերահսկվող ապրանքների ցանկը: Այն պարբերաբար թարմացվում և համապատասխանեցվում է ԵՄ ցանկին:

Հայաստանի Հանրապետությունը 2004թ. հոկտեմբերի 12-ին ստորագրել է «Բալիստիկ հրթիռների տարածումը կանխարգելող միջազգային վարքի կանոնակարգը» (Հաագայի վարքի կանոնակարգ):

2005թ. սեպտեմբերի 15-ին Հայաստանի Հանրապետության կողմից ստորագրվել է «Միջուկային ահաբեկչության ակտերի դեմ պայքարի մասին կոնվենցիան» (ուժի մեջ է մտել 2010թ. սեպտեմբերի 22-ին):

ՀՀ իր ակտիվ մասնակցությունն է բերում ԵՄ` «Չտարածման և զինաթափման ոլորտում համագործակցության վերաբերյալ» նախաձեռնությանը:

Հայաստանը մեծ կարևորություն է տալիս նաև միջուկային անվտանգության գագաթաժողովներին: ՀՀ Նախագահը մասնակցել է 2010թ. Վաշինգտոնի և 2012թ. Սեուլի գագաթաժողովներին:

Հայաստանի Հանրապետության ազգային անվտանգության հենասյուներից մեկը միշտ եղել է չտարածման միջազգային ռեժիմների անդամ երկրների հետ համագործակցության ամրապնդումը:

1998թ. հունիսի 30-ին Հայաստանի Հանրապետության կառավարության և Արգենտինայի Հանրապետության կառավարության միջև ստորագրվեց «Միջուկային էներգիայի խաղաղ նպատակներով օգտագործման բնագավառում համագործակցության մասին» համաձայնագիր, որն ուժի մեջ է մտել 1999թ. ապրիլի 22-ին:

2000թ. սեպտեմբերի 25-ին Հայաստանի Հանրապետության կառավարության և Ռուսաստանի Դաշնության կառավարության միջև ստորագրվեց «Ատոմային Էներգիայի խաղաղ օգտագործման բնագավառում համագործակցության մասին» համաձայնագիր, որն ուժի մեջ է մտել 2001թ. հունվարի 10-ին:

Երկկողմ մակարդակով Հայաստանի Հանրապետությունը և Ամերիկայի Միացյալ Նահանգները պայմանավորվել են համագործակցել և սատարել զանգվածային ոչնչացման զենքի տարածմանը հակազդելու ուղղությամբ տարվող միջազգային ջանքերին: 2000թ. հուլիսի 24-ին երկու երկրների կառավարությունների միջև ստորագրվեց «Զանգվածային ոչնչացման զենքի տարածմանը հակազդելու բնագավառում համագործակցության մասին» համաձայնագիրը:

2006թ. մարտի 24-ին Հայաստանը հայտարարել է, որ ողջունում և ամբողջովին սատարում է Զանգվածային ոչնչացման զենքի տարածման դեմ պայքարում անվտանգությանն ուղղված ամերիկյան նախաձեռնությունը և 2003թ. սեպտեմբերի 4-ին ընդունած արգելման սկզբունքների մասին հայտարարությանը:

ՀՀ միացել է 2006թ. սկզբնավորված Միջուկային ահաբեկչության դեմ պայքարի ռուս-ամերիկյան համաշխարհային նախաձեռնությանը և ակտիվորեն մասնակցում է նախաձեռնության շրջանակներում իրականացվող միջոցառումներին:

2008թ. հուլիսի 14-ին Վաշինգտոնում ստորագրվեց «Համատեղ գործողությունների ծրագիր Հայաստանի Հանրապետության Կառավարության և Ամերիկայի Միացյալ Նահանգների Կառավարության միջև միջուկային և ռադիոակտիվ նյութերի մաքսանենգ փոխադրումների դեմ պայքարի ոլորտում»: Այս համատեղ գործողությունների ծրագրի համաձայն` մասնակիցները նախատեսում են համագործակցել միջուկային կամ ռադիոակտիվ նյութերի մաքսանենգ փոխադրումները կանխելու, հայտնաբերելու, այդպիսի միջադեպերին արձագանքելու Հայաստանի Հանրապետության հզորությունները մեծացնելու ուղղությամբ թվով վեց առաջնահերթ գործողությունների իրականացման միջոցով, որոնք ներառում են ճառագայթային աղբյուրներին վերաբերող մեկ ծրագիր, սահմանային պաշտպանության մակարդակի բարձրացմանն ուղղված մեկ ծրագիր, միջուկային մաքսանենգությանը վերաբերող օրենսդրական դաշտի բարելավման երկու ծրագիր և կոռուպցիայի դեմ պայքարին աջակցող մեկ ծրագիր:

Հայաստանը նաև ներգրավված է ԱՄՆ արտահանման վերահսկման և սահմանային վերահսկողության ծրագրում, որը նպատակաուղղված է հայկական սահմանապահների և մաքսային ծառայության աշխատակիցների` զանգվածային ոչնչացման զենքի և երկակի նշանակության ապրանքների փոխադրման բնագավառում հմտությունների բարձրացմանը:

Բոլոր գործող ծրագրերը արտացոլում են ՀՀ Կառավարության որդեգրած պարտավորվածություններն ու առաջնայնությունները:

Sinterklaas-ը նիդերլանդներում

Sinterklaas-ը Նավերով ժամանեց նիդերլանդական քաղաքներ
Լուսանկարները` Satine Ohannes-ի

Հերթական կիրակին Ամստերդամում

Արդեն նոյեմբեր ամսվա երրորդ կիրակին անընդմեջ, ՀՀ նորանշանակ արտակարգ և լիազոր դեսպան Տիգրան Բալայանը գերադասում է հանգստի  փոխարեն  այցելել  Նիդերլանդների հայաշատ համայնքներով և մոտիկից ծանոթանալ  Նիդերլանդահայ գաղթօջախներին: Մաստրիխտին, Ալմելոյին հաջորդեց  այցը Ամստերդամ: 
   Այս անգամ  դեսպանն սպասված հյուր էր  Ամստերդամի հնամենի Սուրբ Հոգի եկեղեցում: Նա այնտեղ մասնակցեց պատարագին, շփվեց հավատացյալ հոտի հետ, այցելել Գրիգոր Նարեկացի կիրակնօրյա դպրոց: Այստեղ էլ ծանոթացավ Նիդերլանդների եւ մասնավորապես Ամստերդամի հայ համայնքի խնդիրներին, քննարկումների ընթացքում  պատասխանեց ներկաներին հետաքրքրող բոլոր հարցերին:  Դեսպան Բալայանը պատմեց Հայաստանի ներկա վիճակի  մասին ու Նիդերլանդների հետ արդյունավետ համագործակցության ծրագրերի մասին, օրակարգում կարեւոր տեղ է զբաղեցնում Հոլանդիայի եւ Հայաստանի միջեւ տնտեսական կապերի ամրապնդումը:
Մեծարգո դեսպանը մասնակցեց դասապրոցեսին, զրուցեց ու լուսանկարվեց երեխաների ու համայնքի անդամների հետ: Դեսպան Բալայանին ուղեկցում էր հյուպատոս Քրիստինե Ստեփանյանը:

«Նիդերլանդական օրագրի» հյուրն է «Հայ Ձայն» պարբերականը

 Հայ Ձայն պարբերականը շուտով
 կդառնա երկու տարեկան: Շատ 
սահուն կերպով, կարճ 
ժամանակահատվածում 
էլեկտրոնային այս պարբերականը
 դարձավ պահանջված և սիրված
 ընթերցողի կողմից` հարազատ ու
 համահունչ մնալով անվանը:

Հայ Ձայնը ամենատարբեր
 բնագավառներին անդրադառնալուց
 բացի մեծ ուշադրություն է դարձնում
 Հայաստանի և սփյուռքի անցուդարձին,
 հանդես  գալիս հետաքրքիր
 հրապարակումներով: 

 Ռամկավար Ազատական կուսակցության
  պարբերականի հերթական համարի
 նյութերը մեր էջում.

Հոդվածներն ամբողջությամբ կարդալու համար
 սեղմեք հղումները

www.haydzayn.am

Իլհան Աշքինի բողոքը քննվեց. Ադրբեջանում կարծում են՝ նա «պայքարում է Ղարաբաղի համար»

armtimes.com-ը «Հայկական ժամանակ» օրաթերթի կայքն է,  թերթը վերաբացվել է Նիկոլ Փաշինյանի ջանքերով, 1999թ. եւ գրեթե երկու տասնամյակ համարվում է ՀՀ առաջատար լրագրերից մեկը: Այժմ խմբագիրն է Աննա Հակոբյանը: Կայքն Հոկտեմբերի 25-ին անդրադրձել է թուրք ազգայնամոլ Աշկինի հոկտեմբերի 17-ի Զվոլեյում կայացած  դատավարության  նիստին, որի արդյունքներին մեր ընթերցողն արդեն ծանոթ է: Անկասկած  Վլադիմիր Մարտիրոսյանի «Իլհան Աշքինի բողոքը քննվեց. Ադրբեջանում կարծում են՝ նա պայքարում է Ղարաբաղի համար» վերնագրով հրապարակումը նույնպես հետաքրքիր է:   Հոդվածում   մեջբերումներ են արված նաև «Նիդերլանդական օրագրի»  այս թեմային առնչվող գրառումներից:

Վլադիմիր Մարտիրոսյան

Հոկտեմբերի 17-ին Նիդերլանդների Զվոլե քաղաքի վերաքննիչ դատարանը քննել է Հաագայի թուրք-ադրբեջանական մշակութային միության ղեկավար Իլհան Աշքինի բողոքը 2017 թ. մարտի 17-ին Ալմելոյի առաջին ատյանի դատարանի վճռի դեմ: Ինչպես ադրբեջանական report.az կայքին տեղեկացրել է Աշքինը՝ առաջիկա երկու շաբաթների ընթացքում փաստերը կվերանայվեն եւ հոկտեմբերի 31-ին կհրապարակվի վերջնական վճիռը:

2014 թ. հունիսի 1-ին Ալմելոյում տեղի էր ունեցել հանրահավաք, որին մասնակցում էին հիմնականում թուրքեր: Այն ուղղված էր նույն քաղաքում Հայ առաքելական եկեղեցու տարածքում տեղադրված Հայոց ցեղասպանության զոհերի հուշահամալիրի դեմ։ Հանրահավաքի ընթացքում Աշքինը մի քանի անգամ վանկարկել էր «Ղարաբաղը լինելու է հայերի գերեզմանը»:

Նիդերլանդների հայկական կազմակերպությունների ֆեդերացիան (FAON) եւ Հոլանդիայի Հայ Դատի հանձնախումբը գանգատ էին ներկայացրել հանրահավաքի ընթացքում կատարված հակահայ հայտարարությունների դեմ։ Ալմելոյի դատարանը Աշքինին մեղավոր էր ճանաչել հայերի նկատմամբ զանգվածային բռնության կոչով հանդես գալու մեջ եւ դատապարտել երկու տարվա պայմանական ազատազրկման, ինչպես նաեւ 120 ժամվա հարկադիր աշխատանքների: Ընդ որում՝ դատախազը պահանջել էր 80 ժամվա աշխատանքներ, սակայն դատարանն ավելի խիստ պատիժ էր սահմանել:

Սակայն պատժի չափն այնքան էլ էական չէ, կարեւորը հենց դատապարտման փաստն է, որն, ըստ էության, նշանակում է, որ ազգային հողի վրա արված վիրավորական կամ վտանգ պարունակող հայտարարությունները անպատիժ չեն մնալու:

Ադրբեջանական կողմի մոտեցումը, բնականաբար, տարբերվում է: Ադրբեջանական haqqin.az կայքը, ներկայացնելով հոկտեմբերի 17-ի նիստը, այն որակել էր մտահոգիչ:

«Մեր հայրենակիցներից Իլհան Աշքինին աջակցելու էին եկել միայն AzNed.nl կայքի ղեկավար Նարմինա Մարդանովան եւ ադրբեջանցի գործարար Ֆիզուլի Մամեդովը, որը հայտնի է նաեւ որպես Ֆրենք Էլկապոնի», - նշել էր կայքը:

Ի դեպ, գործարար Էլկապոնին՝ նույն ինքը Մամեդովը, բավականին սկանդալային կերպար է: Նրա հարստացումը սկսվել է Հեյդար Ալիեւի վերելքին զուգահեռ եւ մեծապես դրա շնորհիվ, սակայն, հետագայում Մամեդովը հայտնվել է ռուս իրավապահների ուշադրության կենտրոնում, որոնք նրա մոտ թմրանյութ էին հայտնաբերել: Այդուհանդերձ, շուրջ երկու տարի անց Էլկապոնին արդարացվել է:

Ինչեւէ, ադրբեջանական մամուլի փոխանցմամբ, Աշքինը Նիդերլանդների հայերի նկատմամբ բռնության կոչ չի արել, այլ «իր վրդովմունքն է հայտնել հայկական զինված խմբավորումների կողմից ադրբեջանական տարածքները օկուպացնելու» հետ կապված: Ինչ վերաբերվում է հոկտեմբերի 17-ի նիստին՝ հարեւան երկրի մամուլում այն ներկայացված է որպես պարտություն, քանի որ նիստին ներկա էին «մի քանի թուրք եւ հայկական սփյուռքի մեծ թվով ներկայացուցիչներ», իսկ Ադրբեջանի սփյուռքի ներկայացուցիչներ կամ դիվանագետներ չկային: Աշքինը, ըստ ադրբեջանական կայքի, «պայքարում է Ղարաբաղի համար»:

Haqqin.az-ի հետ զրույցում նման տեսակետ է հայտնել նաեւ Նարմինա Մարդանովան:

«Սա ղարաբաղյան թեման է՝ ազգային հարց, իսկ ներկաների թվում են միայն թուրքերը: Մերոնցից ոչ ոք չկա, բացի ինձանից եւ Ֆիզուլի Մամեդովից: Ես արդեն վստահ եմ դատավճռի հարցով, որն Իլհան Աշքինի օգտին չի լինելու», - գանգատվել է Մամեդովան, կարծես ադրբեջանցիների ներկայությունը կաշկանդելու էր դատավորին եւ նա այլ որոշում էր կայացնելու:

Նրան նաեւ մտահոգել էր Աշքինի փաստաբանը: Մամեդովայի կարծիքով «նա լավ մասնագետ է, սակայն ղարաբաղյան խնդիրը նրա թեման չէ»: Այդուհանդերձ, Աշքինի պաշտպանը դեռեւս 2016 թ. դեկտեմբերի 6-ի նիստի ընթացքում անդրադարձել էր ՄԱԿ-ի՝ միայն իրեն հայտնի տեսակետին՝ դատարանում հայտարարելով, որ իր պաշտպանյալն ընդամենը կրկնել է «նաեւ ՄԱԿ-ի տեսակետը. հայերն այնտեղից վաղ թե ուշ պետք է հեռանան»:

Իսկ Աշքինի փաստարկները, թե իր խոսքերը համատեքստից դուրս են ընկալվել, ընդհանրապես չեն դիմանում որեւէ քննադատության: Բանն այն է, որ դեկտեմբերի 6-ի վերոնշյալ նիստը հետաձգվեց Ալմելոյի դատարանի կողմից մինչեւ հաջորդ տարվա մարտ հատուկ այն նպատակով, որպեսզի ցույցի տեսագրությունն ուսումնասիրելուց հետո պատրաստվեն փորձագիտական եզրակացություններ՝ արված հայտարարությունների համատեքստը պարզելու համար:

Այսպիսով, ադրբեջանական մամուլում փորձեր են կատարվում հակամարտության հետ առաջին հայացքից կապ չունեցող գործը կապել Արցախի հետ: Մինչդեռ, եթե անգամ այստեղ կա ազգամիջյան խնդիր, ապա այն ավելի շատ հայ-թուրքական է: Թուրքիան մեծ աջակցություն է ցուցաբերել 2014 թ. հունիսի 1-ի չարաբաստիկ հանրահավաքին: Այդ մասին տեղեկացրել է «Նիդերլանդական օրագիր» տեղեկատվական կայքը, դեռեւս 2016թ.: Ըստ կայքի՝ հունիսի 1-ին Նիդերլանդների տարբեր բնակավայրերից թուրքական լոբբին ավտոբուսներով մոտ 3000 թուրքերի էր բերել Ալմելո:

Այս առիթով խորհրդարանական հինգ խմբակցությունների ներկայացուցիչներ հարցեր էին հղել արտաքին գործերի, սոցիալական հարցերի ու աշխատանքի եւ անվտանգության ու արդարադատության նախարարներին: Նրանց հետաքրքրում էր՝ տեղյա՞կ են արդյոք նախարարները, որ ցույցը կազմակերպվել էր Թուրքիայի անմիջական աջակցությամբ: Խորհրդարանականները նախարարների ուշադրությունն էին հրավիրել, մասնավորապես, այն փաստերի վրա, որ անվճար ավտոբուսները տրամադրվել էին Թուրքիայի կրոնական հարցերով վարչության կողմից, Ռոտերդամում Թուրքիայի հյուպատոսը կոչ էր արել մասնակցելու հանրահավաքին, իսկ հակահայկական ցույցի կազմակերպման գործում մեծ ներդրում էր ունեցել Թուրքիայում իշխող «Արդարություն եւ զարգացում» կուսակցության ջատագով «Եվրոպայի թուրք դեմոկրատների միություն» (UETD) կազմակերպությունը:

Այսպիսով, հայ-թուրքական՝ Հայոց ցեղասպանության ճանաչման պայքարում տեղային պարտություն կրած թուրքերի լռությունը մեր արեւելյան հարեւանները յուրովի են հասկացել: Նրանք որոշել են, որ այժմ իրենց պայքարի ժամանակն է եւ փորձում են դիտարկել Իլհան Աշքինի շուրջ ստեղծված իրավիճակը որպես «պայքար Ղարաբաղի համար»:

armtimes.com 

Այս թեմայով մեր հոդվածները.

Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը

Նիդերլանդներում Ազերի ազգայնամոլ Իլհան Աշկինի դեմ ավելի խիստ մեղադրանք հնչեց

Ազգային հերոս Թաթուլ Կրպեյանի գրքի շնորհանդես Նիդերլանդներում

Ալմելոյում նոյեմբերի 11-ին տեղի է ունեցել ազգային հերոս Թաթուլ Կրպեյանի կյանքին վերաբերող գրքի և նրա երգերի շնորհանդեսը։  Հայաստանի ազգային հերոս Թաթուլ Կրպեյանի կինը՝ Իրինա Բարսեղյան-Կրպեյանը Ալմելոյի եկեղեցու շուրջ համագործակցող կազմակերպությունների անդամներին, դպրոցի աշակերտներին ու հայ հասարակայնությանը  ներկայացրել է  «Թաթուլ Կրպեյան.Հյուսիսային Արցախի Գետաշենի ենթաշրջանի ինքնապաշտպանությունը» գիրքը և Կրպեյանի  երգերի ձայնասկավառակը։ Այս հանդիպմանը ներկա է եղել նաև Նիդերլանդների Թագավորությունում Հայաստանի Հանրապետության դեսպան, Նորին Գերազանցություն Տիգրան Բալայանը:
Նիդերլանդների Հայ Դատի հանձնախմբի կազմակերպած հաջորդ միջոցառումը` նվիրված ազգային հերոս Թաթուլ Կրպեյանին, տեղի կունենա նոյեմբերի 18-ին Դորդրեխտ քաղաքում:
Նախատեսվում է գրքի ու ձայնասկավառակի շնորհանդես անցկացնել նաև Նիդերլանդների այլ հայաշատ քաղաքներում:

Gastspreker: Irina Barseghyan, de weduwe van volksheld Tatoul Krpeyan. Irina Barseghyan presenteert haar boek ''De zelfverdediging van de noordelijke regio van Artsakh, Getashen''

Tijdens de bijeenkomst wordt de cd ''Tatul Krpeyan volksheld van Armenië'' gepresenteerd, met nieuwe liederen van Krpeyan.

Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը

Լուսանկարում` Աշկինն (աջից) իր փաստաբան Պլասմանի հետ, մարզային դատարանի նիստից հետո (3-ը մարտի 2017թ)

Լուսանկար` ՆԻԴ.ՕՐԱԳՐԻ

Նիդերլանդների  Զվոլե քաղաքի վերաքննիչ դատարանը այսօր`նոյեմբերի 14-ին անփոփոխ է թողել թուրք ազգայնամոլ, Հաագայի Թուրք-ադրբեջանական մշակութային միության նախագահ Իլհան Աշկինինի դեմ 2017թ.Մարտի 17-ին Օվերեյսլի մարզային դատարանի արձակած դատավճիռը: Վերաքննիչ դատարանի նիստը կայացել է 2018 թվականի հոկտեմբերի 17-ին, իսկ որոշումը հրապարակվել է այսօր: Նիստին և դատավճռի հրապարակմանը ներկա է գտնվել «Հոլանդահայ կազմակերպությունների ֆեդերացիայի» նախագահ Մաթո Հախվերդյանը, որի հավաստմամբ Իլհան Աշկինը կրկին փորձել է քաղաքականացնել հարցը և այն ուղղորդել ադրբեջանա-հայկական հակամարտության շրջանակներ:
Ժամեր առաջ, երբ հայտնի չէր դատավճիռը Աշկինն իր ֆեյսբուքյան էջում հետևյալն էր գրել. «Եթե նույնիսկ դատարանը որոշի, որ ես ճիշտ եմ, այս պայքարը կշարունակվի: Եթե ​​մենք վախենայինք երկաթից,  չէինք նստի գնացք :  Կանգառ չունենք մինչև այն օրը, մինչև հայերը դուրս չգան գրաված հողերից... »
 Այդ կարծիքին չի եղել դատարանը և այն դիտարկել է ազգային անհանդուրժողականության  և բռնության կոչ:
Հիշեցնենք, որ 2017թ.Մարտի 17-ին Օվերեյսլի մարզային դատարանը Ալմելոյում  2014 թվականին արտաբերած «Ղարաբաղը լինելու է հայերի գերեզմանը» վիրավորական արտահայտության համար Հաագայի Թուրք-ադրբեջանական մշակութային միության նախագահ Իլհան Աշկինինի դեմ  արձակեց դատավճիռ, որով նա դատապարտվեց մեկ ամսվա պայմանական բանտարկության՝  120 ժամ պարտադիր աշխատանքի ներգրավումով: Դատախազն ավելի մեղմ պահանջ էր առաջադրել`80 ժամ տևողությամբ հարկադիր աշխատանք, պայմանական  երկշաբաթյա  բանտարկությամբ:
Ահա այս որոշումը Իլհան Աշկինը, Նիդերլանդներում հայտնի իր փաստաբան   Պլասմանի հետ բողոքարկել էր վերաքննիչ դատարանում: 
Հնարավոր է, որ այս գործընթացը երկարի, քանի որ Աշկինը իր ասածի համար չի զղջում և մտադիր է բողոքարկել գերագույն դատարան:

Նիդերլանդական օրագրի ընթերցողին ենք ներկայացնում թուրք ազգայնամոլի մասնակցությամբ ընթացած դատական մյուս նիստերի և այլ մանրամասների մասին մեր նախկին հրապարակումը:
https://niderlandakan.livejournal.com/191908.html

Առավել մանրամասը դեռ կանդրադառնանք