Սուրբ Զատիկը քրիստոնեության ամենասուրբ և հույս ներշնչող տոնն է։ Այն խորհրդանշում է Հիսուս Քրիստոսի Հարությունը, հավիտենական կյանքի խոստումը և բարու հաղթանակը չարի հանդեպ։ Այս տոնը մաքրության, վերածննդի, հույսի և սիրո ուղերձ է բերում բոլորիս։
Այս օրերին մեր սրտերը լցվում են հավատքով, սերն ուժեղանում է, և ընտանիքները կրկին համախմբվում են մեկ սեղանի շուրջ՝ բաժանելու Աստծո օրհնությունը։
Սուրբ Զատիկը նաև մեր հոգևոր վերածննդի խորհրդանիշն է՝ հնարավորություն սկսելու նորից, ավելի սիրալիր, արդար և լի հավատով։
Այս սուրբ օրը, երբ Նիդերլանդների հայկական եկեղեցիներում ևս հանդիսավորորեն նշվում է Զատկի տոնը, միանանք բոլոր հայ հավատացյալներին մեր աղոթքով ու բարեմաղթանքներով
ԱՍՈՒՅԹՆԵՐ ԵՎ ՄԱՂԹԱՆՔՆԵՐ
Քրիստոս յարեաւ ի մեռելոց։
Օրհնեա՛լ է յարութիւնն Քրիստոսի։
Թող Սուրբ Զատիկի լույսն ու ջերմությունը լուսավորեն քո սիրտն ու տունը։
Զատիկը վերստին կյանքի խորհրդանիշն է՝ թող վերածնվի ամեն լավ բան քո կյանքում։
Ինչպես ձուն է փշրվում՝ բացելով կյանքի խորհուրդը, թող քո հոգին էլ բացվի նոր հույսերին։
Թող Քրիստոսի Հարության օրհնությունը պահապան լինի քեզ ողջ տարվա ընթացքում։
Ամստերդամի Սուրբ Հոգի եկեղեցի
Ալմելոյի Հայ Առաքելական Եկեղեցի
Մաստրիխտի Սբ Կարապետ Եկեղեցի
No comments:
Post a Comment