Ժխտել՝ նշանակում է սպանել զոհերին երկրորդ անգամ։
Էլի Վիզել
Այսօր` ապրիլի 24-ին Հնդկաստանի Կալկաթա քաղաքի Սուրբ Նազարեթ հայոց եկեղեցում հիշատակվեց Հայոց ցեղասպանության 110-րդ տարելիցը, ինչի կապակցությամբ էլ մատուցվեց Սուրբ և Անմահ Պատարագ` Արժանապատիվ Տ. Պետրոս քահանա Կադեյանի կողմից և հանդիսապետությամբ Հնդկահայոց հոգևոր հովիվ Հոգեշնորհ Տ.Տաճատ վարդապետ Ծատուրյանի։ Արարողությանը հաջորդեց բարեխոսական կարգ, որի ընթացքում հոգևոր հայրերը` ճեմարանի ուսուցիչների, աշակերտների, հնդկահայ համայնքի ներկայացուցիչների ու Հայաստանից ժամանած հավատացյալ- ուխտավորների հետ միաձայն աղոթք բարձրացրեցին առ Աստված, որպեսզի Ամենակալ Տերը, Հայոց Ցեղասպանության ընթացքում հանուն Քրիստոսի և հայրենիքի նահատակված հայորդիների աղոթքների շնորհիվ և բարեխոսությամբ, Իր առատ ողորմությունն ու երկնային խաղաղությունը պարգևի հայոց աշխարհին և հայ ժողովրդին: Այնուհետև արարողության մասնակիցները ծաղիկներ խոնարհեցին Հայոց ցեղասպանության զոհերի հիշատակը հավերժացնող հուշակոթողի առջև։
Արարողությանը ներկա էր նաև Հնդկաստանում ՀՀ դեսպան Վահագն Աֆյանը։
Չե'նք ուրանում...
(Մեր թղթ.)
No comments:
Post a Comment