29ապրիլ/Նիդ.օրագիր
ԱՄՍՏԵՐԴԱՄ — Մայիսի 10-ին՝ ժամը 14:00-ին, Ամստերդամի սրտում գտնվող Սուրբ Նիկոլասի տաճարում տեղի կունենա Սուրբ Գրիգոր Նարեկացուն նվիրված բրոնզե բարձրաքանդակի հանդիսավոր բացման արարողությունը։ Սրբազան արարողությունը կնախագահեն Հոլանդիայի կաթոլիկ եպիսկոպոս Յան Հենդրիկսը և Հայ առաքելական եկեղեցու Արեւմտյան Եվրոպայի թեմի առաջնորդ Գերշ. Տ. Խաժակ արք. Պարսամյանը։
Սուրբ Գրիգոր Նարեկացին՝ հայ նշանավոր աստվածաբանն ու բանաստեղծը, համարվում է սուրբ թե՛ Հայ Առաքելական և թե՛ Հռոմի Կաթոլիկ Եկեղեցիների կողմից։ 2015 թվականին հանգուցյալ Պապ Ֆրանցիսկոսի կողմից նա հռչակվեց «Եկեղեցու Վարդապետ»։
Նրա հիշատակին նվիրված բրոնզե բարձրաքանդակը ստեղծել է ճանաչված հայ քանդակագործ Դավիթ Երեւանցին։ Այն տեղադրվել է Ամստերդամի «Սուրբ Գրիգոր Նարեկացի» հիմնադրամի և Համահայկական աշխարհագրական ընկերության նախաձեռնությամբ՝ Հռոմեակաթոլիկ Հարլեմ-Ամստերդամ թեմի և Մայր Աթոռ Սուրբ Էջմիածնի օրհնությամբ։
Նախատեսվում է, որ այս հուշարձանը կդառնա հոգևոր ու մշակութային կենտրոն հայ համայնքի, ինչպես նաև Ամստերդամ այցելող հայ զբոսաշրջիկների համար։ Բացի այդ, այն հետաքրքրություն կգործի հազարավոր այցելուների վրա, որոնք ամեն օր հիանում են պատմական տաճարով։
Առաջիկայում հուշարձանին մոտ` Սուրբ Գրիգոր Նարեկացու սրբապատկերի մոտ հնարավոր կլինի վառել մոմ՝ որպես աղոթքի ու հարգանքի խորհրդանիշ։
Տեղը՝ Սուրբ Նիկոլասի տաճար (Nicolaasbasiliek), Prins Hendrikkade 73, Ամստերդամ (Հակառակ Ամստերդամի Կենտրոնական կայարանին)
Ժամը՝ 10 մայիս, ժամը 14:00
Բոլորը` Ամստերդամի Սբ Գրիգոր Նարեկացի հիմնադրամի և Սբ Հոգի եկեղեցու կողմից սրտանց հրավիրված են մասնակցելու այս նշանակալի իրադարձությանը։
No comments:
Post a Comment