Նաիրա Գասպարյան, բ․գ․թ․, դոցենտ, ԵՊՀ, հատուկ ՆիդՕրագրի համար՝ Երևանից
ԱՐԴԱՐՈՒԹՅԱՆ և ՃՇՄԱՐՏՈՒԹՅԱՆ ԿԵՆՏՐՈՆԻ /CENTER FOR TRUTH AND JUSTICE/ ԱՆԴՐԱԴԱՐՁԸ
1-ԻՆ ՕՐՎԱ ԹԵՄԱՆ ԷՐ՝ «Հանցագործություն ընդդեմ խաղաղության. անդրադառնալ ագրեսիայի հանցագործությանը փոփոխվող աշխարհում»:Համաժողովի բացումը տեղի ունեցավ Երևանի պատմական Մատենադարանում՝ համախմբելով իրավաբան գիտնականներին, գործող մասնագետներին և փաստաբաններին՝ նպատակ հետապնդելով խորանալու ագրեսիայի հանցագործության բարդությունների մեջ:
Օրվա նիստերի ընթացքում ուշադրության կենտրոնում էր այս հանցագործության զարգացման ողջ ընթացքը՝ սկսծ Նյուրնբերգի դատավարությունից մինչև Կամպալայի ուղղումների ընդունումը՝ քննելով համընդհանուր ընդունման և կիրառման հասնելու մարտահրավերները: Քննարկումների ուշադրության կենտրոնում էին նաև ագրեսիվ պատերազմների իրավական և ռազմավարական չափերը, ուսումնասիրության արժանացան նաև jus ad bellum-ի / խնդրի բարձրաձայնման/ սկզբունքները և պետությունների կողմից ուժի կիրառման հիմնավորումները:
Բանախոսներն ընդգծեցին միջազգային իրավական մեխանիզմների ուժեղացման հրատապ անհրաժեշտությունը՝ մեղավորներին պատասխանատվության ենթարկելու և ապագայում մեր անընդհատ փոփոխվող գլոբալ լանդշաֆտում ագրեսիա իրականացնող գործողությունները կանխելու ուղղությամբ:
CFTJ-Ի 4-ՐԴ ՏԱՐԵԿԱՆ ՄԻՋԱԶԳԱՅԻՆ ՀԱՄԱԺՈՂՈՎԻ 2ՐԴ ՕՐԸ
Բանախոսների ուշադրությունը ուղղված էր լեզվին, լեզվահամակարգերին և խոսքային ձևակերպումներին, որոնք հսկայական դեր են խաղում ագրեսիայի դրսևորումները հնարավոր դարձնելու գործում:
Ագրեսիայի լեզվին նվիրված պանելային քննարկումն ուղղված էր նրան, թե ինչպես են բևեռացումը, ապատեղեկատվությունը և ատելության խոսքը հիմք դնում բռնությանը և օգնում արդարացնել պատերազմները ինչպես ներքին, այնպես էլ միջազգային լսարանի համար: Փորձագետները պարզեցին, թե ինչպես է, հաճախ ղեկավարության ամենաբարձր մակարդակներում քարոզվող այս հռետորաբանությունը, ունակ ապամարդկայնացնել ամբողջ բնակչությանը և օրինականացնել հանցավոր գործողությունները: Նրանք նաև անդրադարձան իրավական գործողությունների միջոցով ատելության խոսքին հակազդելու ուղիներին:
Մեկ այլ պանելային քննարկում կենտրոնացավ ագրեսիվ պատերազմը պահպանող շրջանակների հաննգամանալից ուսումնասիրության վրա՝ առաջարկելով իրավական, ռազմավարական և բնապահպանական մեխանիզմների վերլուծություն, ինչպես ֆորմալ, այնպես էլ ոչ պաշտոնական, որոնք թույլ են տալիս նման բռնությունը կազմակերպել անպատիժ:
Օրվա վերջում սթափ քննարկման արժանացավ Բաքվում հայ քաղբանտարկյալների և գերիների դեմ իրականացվող կեղծ դատավարությունների խնդիրը։ Քննության մասնակիցներն անդրադարձան ոչ միայն իրավական խախտումներին, այլ նաև այս բեմականացված դատավարությունների հոգեբանական և քաղաքական ազդեցությանը՝ դրանք կապելով չարաշահումների ավելի լայն օրինաչափությունների հետ, որոնք հաճախ հետևում են ագրեսիվ պատերազմներին:
Շեշտադրվեց այն հանգամանքը, որ ագրեսիան մարտի դաշտում չի սկսվում. այն սկսվում է ատելության խոսքի շարադրմամբ: Եզրահանգումումը մեկն էր՝ դիմակայել նմանօրինակ խոսքային դրսևորումներին ապացույցների, իրավական գործողությունների և պատասխանատվություն պահանջելու հանձնառության միջոցով:
Երկօրյա աշխատանքային քննարկումները ցույց տվեցին, թե ինչպիսի հսկայական ջանքեր են պահանջվում առաջացած մարտահրավերներին դիմակայելու և խնդիրները դրական լուծման տանելու համար։
No comments:
Post a Comment