Հայերը Նիդերլանդների ավագանու ընտրություններում

Woensdag 21 maart
zijn er gemeenteraadsverkiezingen
in Nederland

2018 թ. Մարտի 21-ի չորեքշաբթի օրը Նիդերլանդներում կայանալու է տեղական  մարմինների  335 համայնքների ավագանու (Gemeenteraad) ընտրությունները։Թեկնածուների կազմում կան նաև մեր  հայրենակիցները: Հոլանդահայ Կազմակերպությունների Ֆեդերացիայի նախագահ Մաթո Հախվերդյանը  «Նիդերլանդական օրագրին»  փոխանցեց, որ այս պահին իրենց հայտնի են   ավագանու մանդատի համար պայքարող մեկ տասնյակ հայազգի թեկնածուների  անուններ:  Այս թիվը վերջնական չէ և հնարավոր է  300-ից ավելի համայնքային  կառույցների ավագանու ընտրության  համար հայազգի     էլի թեկնածուներ  ունենանք:

Առայժմ հայտնի են, որ Նիդերլանդական տարբեր կուսակցությունների կազմում՝ Ալկմարի, Ալմելոյի, Ամերսֆորտի, Ամստելվենի. Ամստերդամի, Հաագայի, Էնկհաուզենի, Մաստրիխտի քաղաքապետարանների ավագանու   կազմավորման համար իրենց թեկածությունն են առաջադրել մեր հայրենակիցներ՝ Սեպուհ Աբրահամյանը, Տալին Արժեկյանը, Ռոբին Գելիջին, Գայանե Վարդանյանը, Մարիա Թաթարյանը, Տավրոս Ասլանյանը, Նիսան Սարիքան,Արմինե Ստեփանյանը, Արշակ Մազլումյանը, Մերի Շաբոյանը:

Պետք է դիտարկել, որ  մեր  հայրենակիցները  տարեց տարի  ինտեգրվելով ավելի են ներգրավում Նիդերլանդների հասարակական քաղաքական  կյանքում: Նման ակտիվությունը դեռ աճելու տենդեցներ ունի , քանի որ հայազգի երիտասարդությունը մեծ ուշադրություն է դարձնում  իր կրթությանը և անտարբեր չէ երկրի անցուդարձին: Այսօր արդեն կարող ենք արձանագրել, որ հայերը Նիդերլանդական քաղաքական կյանքի տարբեր  բնագավառներում  դեռ իրենց դրսևորվելու են դրական բոլոր կողմերով :

«ՆԻԴԵՐԼԱՆԴԱԿԱՆ ՕՐԱԳԻՐ»

ՈՒՇԱԴՐՈՒԹՅՈՒՆ

2018 թ. Մարտի 21-ի չորեքշաբթի օրը Նիդերլանդներում տեղի են ունենալու 335 համայնքների ավագանու (Gemeenteraad) ընտրությունները։

Թեկնածուների կազմում կան նաև մեր ազգակիցները: Բացի հայազգի այս թեկնածուներից, եթե էլի գիտեք մարդիկ որոնց անուններն այստեղ չեն նշվել, խնդրում ենք որքան հնարավոր է ՝ հանրությանը ներկայացնելու համար ՇՏԱՊ ՏԵՂԵԿԱՑՐԵՔ:

ԱՅՍ ՊԱՀԻ ՏՎՅԱԼՆԵՐ ( LIVE)

Այս պահին 18 հայտնի դարձավ ևս 3 թեկնածուի անուն: Այսպիսով տեղական մարմինների ավագանու ընտրություններում հայ թեկնածուների թիվը հասավ 13: Նրանք են՝ Ջանիկ Տանիելյանը Ալկմարից (Janik Tanielian Partij: Belangen Alkmaarse Samenleving (BAS), Դալար Լազարյանը Արնեմից (Talar Lazarian (CU Arnem) և Սևակ Կասպարյանը՝ Թվենթեից (Sewak Kasparyan D66)

13 հայազգի թեկնածու 2018 թ. նիդերլանդական

համայնքների ավագանու ընտրություններում:

3 լեզուներով մանրամասը տեղեկության համար այցելել հետևյալ կայք.

http://www.abovian.nl/

ԱՅԼ ՀՂՈՒՄՆԵՐՈՒՄ

https://niderlandakan.livejournal.com/252342.html

https://niderlandakan.blogspot.nl/2018/03/blog-post_16.html

http://orer.eu/hy/holand-avagani-2018/

http://www.aravot.am/2018/03/17/943238/

https://news.am/arm/news/441537.html

http://www.lurer.com/?p=281721&l=am

http://hayernaysor.am/archives/277011

http://www.alikonline.ir/news/diaspora/item/

Շնորհակալություն մեզ հետ համագործակցող մեր կոլեգաներին:

Armine StepanyanPartij: GroenLinks (GL)Gemeente: Den Haag,: Arshak MazloumianPartij: (PvdA)Gemeente EnkhuizenNaam,,Sepouh Abrahamian (PvdA)Gemeente: Alkmaar,Gayana Helder-Vardanian (VVD)Gemeente: Almelo,Talien Arjekian (CU)Gemeente: Almelo

Meri van Efferink-Shaboyan (CDA) Gemeente: Maastricht,Nisan Sarican (PvdA)Gemeente: Amsterdam, Maria Ballast-Tatarian (CDA)Gemeente: Amersfoort,Tawros Aslanjan (D66)Gemeente: Amstelveen,Robin Gelici (CDA)Gemeente: Almelo

Մարիկեն խոստովանության ու ապաշխարանքի խորհրդանիշ

Մարիկեն մարտի 8-ին և դրանից հետո. այն, որպես Նայմեխենի խորհրդանիշ

Մարիկենը թեև Նիդերլանդներում միջնադարյան գեղարվեստական կերպար է , այնուամենայնիվ նրա հետ կապված իրական վայրեր ու շինություններ կան: Համառոտ պատմությունը այն է, աղջիկը ծանր վիճակում գտնվելով ապավինում է սատանայի օգնությանը և ավելի քան յոթ տարի ապրում է սխալ կյանքով: Պատմության բարոյականությունն այն է, որ որքան էլ որ մարդ մեղք է գործում, նա կարող է միշտ ներվել ՝ այս դեպքում Մարիամի միջնորդությամբ, պայմանով, որ անձը խոստովանություն է անում: Այսօր «Մարիկենը» այլեւս չի կարող անտեսվել Նայմեխեն քաղաքի կյանքից ու դարձել է նրա խորհրդանիշերից մեկը: Առկա է նրա անունով փողոց ու հրապարակ, արձան ու խանութներ, կազմակերպվում են փառատոններ: Մի խոսքով Մարիկենն իր պատմությամբ կենդանի խորհրդանիշ է Նիդերլանդների այս շրջանի բնակիչների համար:

ԱՄՍՏԵՐԴԱՄ. ՏԵՂԻ ՄԻԱԿ ՀԱՅԿԱԿԱՆ ԵԿԵՂԵՑԻՆ, ՀԱՅԵՐԵՆ ԽՈՍԵԼՈՒ ԽՆԴԻՐՆ ՈՒ ԽԱՌՆԱՄՈՒՍՆՈՒԹՅՈՒՆՆԵՐԻ ՎՏԱՆԳԸ

ՄԱՄՈՒԼ

06.03.2018թ. 16:20:45

Ամստերդամի միակ հայկական՝ Սուրբ Հոգի եկեղեցու պատմությունը ձգվում է մինչև 1714 թվականը: Եկեղեցու հիմնման մասին երկու վարկած է շրջանառվում՝ կա’մ հայերը հող են գնել ու կառուցել եկեղեցին, կա’մ տարածքում պահեստի շենք է եղել, որը գնել և վերածել են եկեղեցու:

1714-ին շենքն արդեն որպես եկեղեցի է ծառայել, սակայն երբ Եվրոպայում պատերազմներ են սկսվել, տեղի հայերի թիվն էլ գնալով նվազել է, և 1806-ին արդեն  ոչ մի արարողություն չի արվել եկեղեցում, թեև շենքը խնամվել ու հսկվել է: Ի վերջո, վաճառել են շինությունը, և կաթոլիկներն են այն գնել ու հանձնել  մայրապետներին, ովքեր էլ շենքը դարձրել են դպրոց: Ի դեպ, կառույցի առքուվաճառքի պայմանագրում նշված է եղել, որ եթե որևէ մեկը գնի այն, ապա կառույցի վրայի հայկական գրվածքները պետք է պահպանվեն:

Հարյուրամյակ անց, երբ հայկական երկրորդ համայնքը /1950-60-ականներին/, ովքեր հիմնականում Թուրքիայից եկողներն են եղել, շինության կողքով անցնելիս տեսել են հայկական գրություն, հետո` իմացել, որ կաթոլիկներին է տրվել շենքը, 1985-ին գաղտնի սկսել են աշխատել շենքը հետ վերադարձնելու ուղղությամբ: Եկեղեցին ձեռք բերելու և այն վերականգնելու համար կարճ ժամանակ է անհրաժեշտ եղել. ժողովուրդն է գումար հատկացրել, Մայր Աթոռը նվիրել է գումարի 1/3 մասը, 1/3-ն էլ` Հայ բարեգործական միությունը, և վերականգնել են եկեղեցին ու 1989-ին վերաօծել այն: Այդ օրվանից սկսած՝ ամեն կիրակի եկեղեցում պատարագ է մատուցվում:

Եկեղեցու հոգևոր հովիվը՝ տեր Տարոն քահանա Թադևոսյանը, 6 տարի է, ինչ Հայաստանում ձեռնադրվել է որպես քահանա ու տեղափոխվել Ամստերդամ՝ եկեղեցում ծառայելու: Yerkir.am-ի հետ զրույցում Տարոն քահանան նշեց, որ քահանա է ձեռնադրվել և իր գործունեությունը սկսել Ամստերդամից:

«Ամստերդամ գալու ընտրությունն իմը չէ, հոգևորականները չեն ընտրում՝ որտեղ պետք է ծառայեն: Ամեն մարդու մոտ հավատքից է սկսվում ամեն ինչ, և յուրաքանչյուրն իր պատճառն ունի, թե ինչը խթան հանդիսացավ, որ այս ճանապարհն ընտրի: Մենք ապրել ենք Խոր Վիրապ եկեղեցու կողքին, և անգամ կոմունիստների ժամանակ չեն կարողացել մեզ ճնշել ու արգելել եկեղեցու հետ կապը պահպանել:

Ընտանիքս էլ հավատով էր, և ես ճեմարան ընդունվեցի ուղղակի կրթություն ստանալու նպատակով: Մտածում էի՝ գուցե ճեմարանն ավարտեմ և մեկ այլ մասնագիտություն ընտրեմ, սակայն երբ ընդունվեցի ճեմարան, միտքս փոխվեց, որովհետև մեկ բան է՝ հավատք ունենաս, մեկ ուրիշ՝ գիտակցված հավատք ունենաս, մեկ ուրիշ՝  հավատալ Աստծուն, մեկ այլ բան՝ ճանաչել Աստծուն: Որքան ծանոթությունդ մտքի առումով մեծանում է, այնքան աշխարհայացքդ էլ է փոխվում, մտքի վերածնունդ է տեղի ունենում: Ինձ համար այդ վերածնունդը տեղի ունեցավ ճեմարանի տարիներին»,- ասում է հայր Տարոնը՝ հավելելով, որ երբ մարդ հոգևորականի ուղին է ընտրում և անցնում աշխատանքի, ասես վերածնվում է:

Ինչ վերաբերում է Ամստերդամի հայկական եկեղեցու՝ «ոչ հայկական» տեսքին, ապա, քահանայի խոսքով, եկեղեցու արտաքին տեսքը հարմարեցված է տեղի ճարտարապետությանը, քանի որ այն ժամանակ հավատաքննությունն ավելի խիստ է եղել, կաթոլիկները թույլ չեն տվել, որ, բացի իրենց եկեղեցուց, այլ քրիստոնեական համայնք լինի: Եթե որևէ եկեղեցի գոյություն ունենալու համաձայնություն է ստացել, ապա այն պետք է այնպիսի տեսք ունենար, որ չտարբերվեր մնացած շենքերից: Հիմա, քահանայի խոսքով, շատ բան է փոխվել, այժմ եկեղեցիներն իրար նկատմամբ ավելի հանդուրժող են:

Հայապահպանությունը, ինչպես մյուս գաղութներում, այնպես էլ Ամստերդամում, համայնքի կարևորագույն խնդիրներից մեկն է: Հոգևոր հովվի խոսքով՝  հայապահպանության համար պայքարում են հայ մշակույթի տարածմամբ, երգչախումբ, պարի խմբակ ստեղծելով, կիրակնօրյա դպրոցում դասեր անցկացնելով, որոնց ժամանակ, բացի հայերենից, սովորեցնում են նաև հայ մշակույթի, հայոց ժողովրդի, կրոնի պատմություն:

«Եկեղեցում էլ տարբեր դասախոսություններ ու միջոցառումներ ենք կազմակերպում՝ գրական, մշակութային, կրոնական թեմաներով: Այստեղ ոչ բոլորն են հայերեն խոսում, քանի որ հայկական դպրոցներ չեն եղել: Տարիներ առաջ մարդիկ եկել են ու փորձել իրենց գոյությունը պահպանել, հետո նոր սկսել հայապահպանության խնդրով էլ զբաղվել: Հայերն, ովքեր այստեղ են եկել 50-60-ականներին, փոքր խումբ են եղել, մեծ կարողություններ չեն ունեցել՝ դպրոց բացելու: Ամստերդամում ապրող հայերի մեծ մասը եկել է 1990-ականներից հետո, և նրանք նոր-նոր են ինտեգրվում ու անձնական հոգսերը կարողանում թոթափել՝ անձնագիր, ուսում ստանալ, աշխատանք գտնել: Եվ այս դեպքում մեծ ծրագրեր իրագործելը մի քիչ դժվար է»,- ասում է քահանան ու հավելում՝  4 տարի է, ինչ Ամստերդամում հայկական դպրոց է բացվել, դպրոցում 70 աշակերտ է սովորում:

Ըստ հայր Տարոնի` ամենացավալին այն է, որ հայ երիտասարդներն օտարերկրացու հետ են ամուսնանում: Պատահում է՝ աղջիկը կամ տղան ամուսնանում է օտարերկրացու հետ, հայկական եկեղեցում են պսակադրության արարողությունը կատարում, սակայն դա այնքան էլ չի գոհացնում: «Եթե ամուսնանան մեր եկեղեցում, հաջորդ կիրակի նրանց մեր եկեղեցում տեսնենք,նրանց զավակները մեր դպրոցները հաճախեն՝ այլ հարց կլինի, սակայն միայն եկեղեցով ամուսնանալը «գեղագիտական» բան է»,- ասաց նա:

Հայոց պետականության վերականգնման 100-րդ տարեդարձը, քահանայի հավաստմամբ, իրենք էլ են տոնելու Ամստերդամում: Նախատեսում են երիտասարդական տարբեր ծրագրերով Հայաստան ուխտագնացություն կազմակերպել: «Վեհափառ հայրապետն էլ հատուկ շեշտել էր, որ 2018-ը երիտասարդների տարի է: Մենք զանազան ճանապարհներով փորձում ենք Հայաստան ուղարկել երիտասարդներին, օրինակ` հուլիս ամսին Ծաղկաձորում 4-օրյա հավաք պետք է լինի, և ամբողջ աշխարհից երիտասարդներ են ներկա լինելու դրան: Մայր Աթոռի հետ միշտ կապի մեջ ենք հոգևոր առումով, մշակութային առումով էլ Հայաստանն աջակցում է մեզ` գրքեր ուղարկում: Ինչի կարիք ունեցել ենք, դիմել ենք, միշտ օգնել են, բայց այնպես չէ, որ մեր աչքերն, օգնության առումով, հառված են մեր երկրի վրա, ընդհակառակը` մենք ենք փորձում օգնել մեր երկրին»,- ասաց նա:

1500-2000 հայ համայնք ունեցող Ամստերդամում երեք հայկական երիտասարդական խմբեր կան՝ եկեղեցու երիտասարդների խումբը, ՀԲԸՄ-ի, «Գլաձոր» ուսանողների և Դաշնակցական «Գարեգին Նժդեհ» խումբը: Յուրաքանչյուրն իր հերթին տարբեր միջոցառում է իրականացնում, սակայն, հայր Տարոնի խոսքով, հայ համայնքը որքան էլ տարբեր, միաժամանակ նաև համախմբված է:

մի հայ ընտանիքի գեղեցիկ կանանց գարնանային օրվա պատմություն

Գարնան առաջին օրը թակում է դուռը և իր հետ բերում կենարար զարթոնքի ու գեղեցկության շունչը: Այսօր արդեն տոն է՝ մարտի 8-ը: Ներկայացնեմ այս գեղեցիկ ու ժպտադեմ կանանց: Նիդերլանդների Ալմելո քաղաքի Հայ Առաքելական եկեղեցու «Սուրբ Մեսրոպ Մաշտոց» կիրակնօրյա դպրոցի տնօրեն Սվետլանա-Անժելա Անդրեասյանն է (լուսանկարում՝ կենտրոնում) իր նրբագեղ ու հմայիչ դուստրերի՝ Հասմիկի (լուսանկարում՝ ձախից) և Գայանեի (լուսանկարում՝ աջից) հետ:

Գայանա Հելդեր Վարդանյանը (աջից), 36 տարեկան է, ամուսնացած, երկու աղջնակների մայր է, աշխատում է որպես Նիդերլանդների հիմնարկների ցանցի և հեռախոսների ցանկի թվային տեղեկատվության համակարգում, աշխատանքի և աշխատողների որակի, բարելավման, նոր նախագծերի զարգացումների, ֆինանսների համար պատասխանատու բաժինների տնօրեն: Նաև զբաղվում է քաղաքականությամբ, VVD կուսակցության շարքում իր թեկնածությունն է առաջադրել տեղական մարմինների ընտրություններում և գոնե տարածաշրջանի հայերը մարտի 21-ին պետք է, որ քվեարկեն իրենց հայրենակցի օգտին:


Հասմիկ Վարդանյանը (ձախից), 29 տարեկան: Ավարտել է Ամստերդամի համալսարանը, այնտեղ էլ ստացել մագիստրոսի կոչումը: Կես տարի աշխատել է Նյու Յորքում՝ ՄԱԿ-ի գրասենյակում, հետո Նիդերլանդների «Օրմետ» հիմնարկության կողմից գործուղվում է Եվրոպական հիմնարկներ, որպես տարբեր ծրագրերի ղեկավար: Այս պահին կարևոր ծրագրի ղեկավար է Nike ֆիրմայի Եվրոպայի գլխավոր գրասենյակում :

Ինչ վերաբերվում է այս գեղեցիկ ու հմայիչ աղջիկների մորը՝ Սվետլանա-Անժելա Անդրեասյանին, կարծում եմ Նրան շատերն են ճանաչում: Նիդերլանդներում՝ հայտնի է նրա հիմնադրած «Ս. Անդրեսյան թարգմանչական գրասենյակը», շատերին է օգնել թարգմանչական գործում, նաև «Հոլլանդ-Արմենիա բարեգործական միության» նախագահն է:

Ամենից շատ Սվետլանա-Անժելա Անդրեասյանին (Svetlana Andresian) գիտեն որպես մանկավարժի:
Սեփական դուստրերից ու թոռնիկներից բացի Սվետլանան առանձնակի սիրով է կապված հարազատ դպրոցի սաներին: Նա 15 երկար ու ձիգ տարիներ դասավանդում է հայաշատ Ալմելո քաղաքի Հայ Առաքելական եկեղեցու «Սուրբ Մեսրոպ Մաշտոց» կիրակնօրյա դպրոցում:
Դպրոցի նախկին տնօրեն, երջանկահիշատակ Մանուկ Մկրտչյանից հետո ստանձնել է կրթօջախի ղեկը և պատվով է կատարում իրեն վստահված աշխատանքը: Սվետլանան երջանիկ ու հպարտ է իր աշակերտներով: Առկա է առաջընթացը: Դպրոցը հիմնվել է 2003թ. նոյեմբերի 27-ին: Դպրոցի հիմնական նպատակը հայեցի դաստիարակությունն է , հայկական մշակույթը, լեզուն, պատմությունը և կրոնը ուսումնասիրելը : Սկզբնական շրջանում դպրոցում սովորել են 10-12 աշակերտ: Այժմ դպրոց են հաճախում 90-ից ավելի աշակերտ՝ 6 դասարաններով: Դպրոցը սերտորեն համագործակցում է Նիդերլանդների ու Հայաստանի դպրոցների հետ, գործում է 2012թ. ստեղծված Նիդերլանդներում գործող մեկօրյա դպրոցների հարթակի կազմում: 
«Հիմա մի դպրոց էլ մեծերի համար ենք բացել,-պատմում է Սվետլանան: 28 աշակերտ ունենք՝ 18- ից բարձր տարիքի: Ամեն երկուշաբթի՝ մեր ուսուցչուհիներից մեկի հետ, ժամը 19:00- 21:00-ը գրաճանաչության և բանավոր խոսքի զարգացման դասեր ենք պարապում : Մեծ հաճույքով գալիս և լավ սովորում են մեր տարեց աշակերտները»:

Ահա այս լուսանկարի չափ նույնքան պայծառ էր օտար ափերում ապրող մի հայ ընտանիքի գեղեցիկ կանանց գարնանային օրվա պատմությունը:
Hay Azian

Օգտվելով առիթից «Նիդերլանդական օրագիրը» շնորհավորում է Նիդերլանդներում և աշխարհում ապրող, աշխատող, արարող ու իրենց ընտանիքի հոգսերը հոգացող մեր մայրերին ու քույրերին, տատիկներին' գարնան զարթոնքի տոնի, մարտի 8-ի կապակցությամբ:

Նրանք էլ մեր դեսպանատան մոտ

ՀԱՂՈՐԴԱԳՐՈՒԹՅՈՒՆ

27.02.2018 /Նրանք   Հաագայի մեր դեսպանատան մոտ

Հաագա 27 փետրվարի:Թուրք-իսլամական մշակութային ֆոնդը Ադրբեջանաթուրքական բարեկամության միության հետ, որի հետևում է կանգնած Նիդերլանդներում հայատյացության համար դատապարտված տխրահռչակ Իլհան Աշկինը, համատեղ.  Հաագայի հայկական դեսպանատան դիմաց կազմակերպել էին ցույց, պահանջով, որ արդարադատության առջև պատասխան տան Խոջալուի կոտորածի մեղավորները:
Հենց այս նույն օրը Ամստերդամում տեղի է ունեցել Եվրոպայի ադրբեջանցիների կոնգրեսի արտահերթ համագումարը: Պատկերացնու՞մ եք ' ԱՐՏԱՀԵՐԹ, ու այդ միջոցառմանը մասնակցել են ոչ ավել, ոչ պակաս Ալիևի հանրային եւ քաղաքական հարցերի գծով օգնական Ալի Հասանովը, Սփյուռքի հետ աշխատանքի պետական կոմիտեի նախագահ Նազիմ Իբրահիմովը եւ այլ հյուրեր: Հասանովը ելույթ  է ունեցել  ծրագրային բնույթով `ընդգրկելով  իրենց սփյուռքի եւ   ԶԼՄ-ների զարգացման բոլոր ոլորտները: Եվ ահա ճիշտ պահին, ինչպես Աշկինն է իր ֆեյսբուքյան էջում գրել, ''հաջողվեց 1 ժամվա ընթացքում'' հավավաքել մարդկանց մի խմբի և դեսանտ իջեցնել Հայաստանի դեսպանատան մոտ:
Դատելով այս աղբյուրների հրապարակած լուսանկարներից, թուրքական, թուրքմենական և ադրբեջանական դրոշներով ու մի ցուցապաստառով հազիվ 15-20 հոգի տարիքով մարդիկ են հավաքվել, երևի հարկադիր բերմամբ:Նրանք մի քանի րոպե կանգնել են Հայաստանի դեսպանության հակառակ 2 փողոց այն կողմ' մայթին, միմյանց հետ զրուցել ու իրենց գործը ավարտված համարելով' թողել հեռացել են:
Ինչպես երևում է Իլհան Աշկինի Նիդերլանդների Ալմելոյի դատարանի կողմից դատապարտումը, զսպաշապիկի դեր է խաղացել ադրբեջանաթուրքական տանդեմի համար:

«Նիդերլանդական Օրագիր»

27.02.2018 /Հայերը  Հաագայի Ադրբեջանի դեսպանատան մոտ

Նկարները մեծ դիտելու  համար սլաքը հպել նկարին

Քայլերթ և բողոքի ցույց Հաագայում Ադրբեջանի դեսպանության դիմաց

Նիդերլանդական օրագրի թղթակից Dario Cramer-ի և ուղիղ ռեպորտաժը Հաագայից
1988 թվականի Սումգայիթի, Բաքվի և այլ քաղաքների զոհերի հիշատակի քայլերթ և բողոքի ցույց ԱԴՐԲԵՋԱՆԻ դեսպանատան դիմաց:

2018թ Փետրվարի 27-ին ' հերթական անգամ Հոլանդահայ Համագործակցող Կազմակերպությունները քայլերթ, ապա ցույց կազմակերպեցին Հաագայում Ադրբեջանի դեսպանության առջև՝ հիշատակելով 30 տարի առաջ 1988 թվականի Սումգայիթի, Բաքվի և այլ քաղաքների անմեղ զոհերին: Դեռ փետրվարի 20-ին մեր պատվիրակությունը միասնական հայկական Հոլանդահայ կազմակերպությունների միջնորդություն էր ներկայացրել խորհրդարանի արտաքին գործերի մշտական ​​հանձնաժողովին և ուշադրություն հրավիրել դեռեւս չլուծված Լեռնային Ղարաբաղի հակամարտությանը: Նամակ էր ուղարկվել նաեւ արտաքին գործերի նախարար Քաագին: Հայկական կազմակերպությունները կոչ են արել հոլանդացի քաղաքական գործիչներին ավելի ակտիվորեն ներգրավվել եւ աջակցել ԵՄ-ին `Մինսկի խմբի աշխատանքներին, նաև հրապարակայնորեն դատապարտել Ադրբեջանի ագրեսիան եւ բաց ռասիզմը Հայաստանի ու հայերի դեմ: Հոլանդահայության ցույցն սկսվեց «Խաղաղության պալատին» հարող հրապարակից ։ Քայլերթով և վանկարկումներով ցուցարարներն անցնելով Հաագայի փողոցներով հասան Ադրբեջանի դեսպանություն, որտեղ ելույթներ ունեցան Նիդերլանդների ՀՀԴ Հայ Դատի գրասենյակի նախագահ Մասիս Աբրահամյանը, նույն կառույցի երիտասարդական թևի ներկայացուցիչ Սեպուհ Աբրահամյանը. Հոլանդահայ կառույցների ֆեդերացիայի նախագահ Մաթո Հախվերդյանը: Հնչեց ադրբեջաներեն լեզվով ելույթ, որը մեծ իրարանցում է առաջ բերել ֆեյսբուքի ադրբեջանցի օգտատերերի շրջանում: Ցույցերթի մասնակիցները կրում էին ցուցապաստառներ, որտեղ զգաստության կոչեր էին ուղղված Ադրբեջանին' դադարեցնելու համար Արցախի նկատմամբ ագրեսիվ վերաբերմունքը: Հնչեցին ազգասիրական երգեր, հուզիչ էր դպրոցական Մասիս Դավթյանի երգի կատարումը: Այսպիսով մեկ անգամ ևս հոլանդահայությունը ապացուցեց, որ հազարավոր կիլոմետրեր հայրենիքից հեռու ևս կանգնած է հայրենիքի ու այն պաշտպանող իր զինվորի կողքին։ «Նիդերլանդական Օրագիր»

Թուրքական ծագումով հոլանդացի 5 խորհրդարանականներ են ճանաչել Հայոց Ցեղասպանությունը

Նիդերլանդական մամուլը շարունակում է բուռն կերպով արձագանքել  խորհրդարանի  Հայոց Ցեղասպանության ընդունման որոշմանը:

Քչերը գիտեն, որ ծագումով ևս 5 թուրք պատգամավորներ'  Սադեթ Կարաբուլութը,Նևին Օզութոկը.Դիլան Եսիլգոզը, Զիհնի Օզդիլը, Սոմ Լաչինը  իրենց կուսակիցների հետ կողմ են քվեարկել ցեղասպանության ճանաչմանը:

 Հենց սա էլ պատճառ է դարձել, որ մասնավորապես Թուրքիայից բազմաթիվ սպառնալիքներ հնչեն թուրք քաղաքական գործիչների  հասցեին:

Հայրենիքը ծախած 5 թուրքեր, ահա այսպիսի որակում են տվել թուրքական թերթերը ծագումով թուրք հոլանդացի պատգամավորներին:

Թուրքական իշխանամետ խոշորագույն  շատ թերթեր  նրանց  դավաճան է անվանել : «Սաբահ» պետական թերթը  սկանդալ է որակել  այն, որ թուրքական ծագումով քաղաքական գործիչները համաձայնել են ճանաչել հայերի զանգվածային սպանությունը որպես ցեղասպանություն:

Նիդերլանդական De  Gelderlander կայքը գրում է, որ այս  հինգ պատգամավորներն իրենց հասցեին  բազմաթիվ, ատելությամբ լի , սպառնալիքներով  հաղորդագրություններ են ստանում:

«Բայց ես լրջորեն հպարտանում եմ իմ քայլով , - Իր թվիթերյան էջում գրել է կանաչների կուսակցութունից խորհրդարանի անդամ Զիհնի Օզդիլը: «Ժամանակն է  վերջ դնել թուրքական ահաբեկման դիվանագիտությանը,-գրել է նա»:

VVD խմբակցության անդամներից Դիլան Եսիլգոզը Թուրքիայի պետության  այս կեցվացքը «անընդունելի  պարտադրանքը  է  համարել. «Ես  վերջիվերջո հոլանդացի եմ,-ասել է Նա»:

Ավելի առաջ է գնացել «Ահաբեր» թուրքական հեռուստաալիքը , հինգշաբթի օրվա եթերով  դեմ քվեարկած Denk կուսակցության ղեկավար Տունահան Կուզուն վատ օրինակ է ծառայել , նա այս «հինգին»կոչել է հասկանալ թե ում կողմն  են կանգնել:

Հիշեցնենք, որ Հոլանդիայում ձևավորված այս նույն Denk  կիսաթուրքական կուսակցության  մյուս անդամը' Սելչուք Օզթուրքը  քվեարկության ավարտին  այնքան  էր աղմկել, որ  խորհրդարանը հսկող անվտանգության ծառայության աշխատակիցները  նրան' համախոհների հետ  միասին դուրս են հրավիրվել շենքից:

 Արդեն հայտնել ենք նաև , որ 3 հոգանոց , ազգությամբ թուրքերով համալրված DENK կուսակցության  այս խումբն էր դեմ քվեարկել փաստաթղթին (Ֆարիդ Ազարկան, Տունահան Կուզուն և Սելչուկ Օզթուրքը):

Հավաքեց և պատրաստեց ' Hay Azian-ը

«Նիդերլանդական Օրագիր»

«Անկարայում հոլանդացի դիվանագետը ճանաչելու է Հայոց ցեղասպանությունը»

ԻՆՉ ԵՆ ԳՐՈՒՄ ՀՈԼԱՆԴԱԿԱՆ ԹԵՐԹԵՐԸ

Հոլանդացի ավագ դիվանագետը Անկարայում պետք է բացատրություն տա Ներկայացուցիչների պալատի որոշման մասին ` թե ինչու են հայերի զանգվածային սպանությունը «ճանաչել որպես ցեղասպանություն»: Այս մասին հաղորդում է թուրքական «Anadolu» լրատվական գործակալությունը:

Ներկայացուցիչների պալատը հինգշաբթի որոշում կայացրեց Օսմանյան կայսրության ժամանակ տեղի ունեցած առնվազն հարյուր հազարավոր հայերի սպանությունը, որն ավելի քան մեկ դար առաջ էր կատարվել, այսուհետ կոչել ցեղասպանություն:

Թուրքական կառավարությունը չի ժխտում, որ շատ մարդիկ մահացել են, բայց կարծում են, որ դա ցեղասպանություն չէ: Հետեւաբար Թուրքիան դատապարտում է Հոլանդիայի ճանաչումը:

Արտաքին գործերի նախարար Մեւլութ Չավուշօղլուն Անթալիայում ելույթ է ունեցել «պոպուլիստական» որոշման մասին: TRT- ի հաղորդմամբ, նախարարը նաեւ ընդգծել է, որ հոլանդական խորհրդարանի ճանաչումը «պարտադիր չէ իրենց»:

Լարվածություն

Թուրքիայի հետ դիվանագիտական լարվածության արդյունքում Նիդերլանդներն անցյալ տարվա ընթացքում երկրում դեսպան չի ունեցել: Ահա թե ինչու դիվանագետը հիմա մրցագորգի վրա է հայտնվել:

Եկող շաբաթ Թուրքիայում հոլանդացի բարձրաստիճան դիվանագետ Էրիկ Վեստստրատեն պետք է բաց տեքստով բացատրություն տա խորհրդարանի ցեղասպանության ճանաչման համար:

«Հարցը»

Նիդերլանդների կառավարությունը հրաժարվում է ներկայացուցիչների պալատի (Թվեյդը կամեր) ցանկությունից` այն ճանաչել որպես ցեղասպանություն: Փոխարենը, կառավարությունը շարունակում է խոսել «Հայոց ցեղասպանության հարցի մասին»: Գտնում են, որ իրենց կողմից կոշտ միջամտությունը չի նպաստի Հայաստանի եւ Թուրքիայի միջեւ հարցերի լուծմանն ու հաշտեցմանը: Այդ մասին կայացած մամլո ասուլիսում հայտարարել է ԱԳ պաշտոնակատար Սիգրիդ Կախը:

Ուրբաթ օրը, Կախը արձագանքեց, որ Ներկայացուցիչների պալատին Թուրքիայի արձագանքը «սպասելի էր»: Այդ հարցի ավելի սրման, նա չի ուզում գնալ :

23.02.2018
NU.NL

Նիդերլանդների խորհրդարանը կրկին ճանաչեց Հայոց Ցեղասպանությունը

 (Փաստաթուղթ 34775-V, nr.56)
Որոշմանը  կողմ են քվեարկել պատգամավորների ճնշող մեծամասնությունը' 136 կողմ, դեմ են քվեարկել Նիդերլանդների ազգությամբ թուրք երեք պատգամավորներ Ֆարիդ Ազարկան, Տունահան Կուզուն. Սելչուկ Օզթուրքը (բոլորն էլ DENK կուսակցությունից) ևս 5 պատգամավոր ձեռնպահ են մնացել:

Այսպիսով Նիդերլանդների խորհրդարանը 2-րդ  նգամ 2004 թվականից ի վեր ճանաչեց Հայոց ցեղասպանությունը:

 Լուսանկարում' քվեարկության ժամանակ

Հիշեցնենք, որ Ջոել Ֆորդևինդի առաջարկներից մեկը  Հայոց ցեղասպանությունը ճանաչելու  Նիդերլանդների խորհրդարանի 2004 թվականի որոշումը վերհաստատելն էր, մյուսը ​այս տարվա ապրիլի 24-ին, ապա  ամեն  կլոր հինգ տարին մեկ   Նիդերլանդների նախարարներից մեկի Երևան   Հայոց Եղեռնի զոհերի ոգեկոչման արարողություններին  մասնակցելն է:

Առավոտյան  Նիդերլանդների  խորհրդարանի արտաքին հարաբերությունների հանձնախմբի  նիստում, մինչ Արտաքին գործերի նախարար Սիգրիդ Կագի ելույթն  ու հարցուպատասխանը, նիստը վարեց Պիա Դայկստրան (D66), ով  ձայն տվեց Հայոց Ցեղասպանությանը վերաբերվող առաջարկությունների հեղինակ Ջոել Ֆորդևինդին (CU): Նա հստակ ներկայացրեց Հայոց Ցեղասպանությանը վերաբերող իր փաստարկները, ապա պատասխանեց իրենից աջ կողմում գտնվող ազգությամբ թուրք պատգամավորին: Առաջարկությունը սվիններով դիմավորեց Թունահան Կուզուն (DENK) ; Մյուս բոլոր պատգամավորները խոսեցին առաջարկության օգտին:

Այնուհետև Խորհրդարանի արտաքին հարաբերությունների հանձնախմբի  անդամների  և նախարարի միջև ծավալված հարց ու պատասխանը պարզաբանում էր թե, կոնֆլիկտներում «գենոցիդ» բառը որտեղ կարելի է օգտագործել: Որոշ խմբակցությունների ներկայացուցիչներ առաջարկեցին «հայոց ցեղսապանությանը» որակել «գենոցիդ» բառով , այլ ոչ թե կիրառել «Հայոց Ցեղսապանության հարց» եզրույթը։ Արտաքին գործերի նախարար Սիգրիդ Կագը Կառավարության «հայոց ցեղասպանության հարց» արտահայտության կիրառությունն արդարացրեց նրանով, որ ոչ մի պաշտոնական միջազգային արդարադատության ատյան այս որակումը դեռ չի ընդունել և կառավարությունը ևս  կաշկանդված չպետք է լինի  այս հարցում:

Առավոտյան  նիստին (Ժ.11-14-ը), որպես ունկնդիրներ մասնակցում էին հայ և թուրք համայնքի ներկայացուցիչներ, մասնավորապես Հոլանդահայ կազմակերպությունների ֆեդերացիայի նախագահ Մաթո Հախվերդյանը (Mato Hakhverdian) և Ինգա Դրոստը:

Քրիստոնեական միություն կուսակցությունը ներկայացնող Ջոել Ֆորդևինդի Հայոց Ցեղասպանությանը վերաբերվող երկու առաջարկությունները  հանձնաժողովում  քննարկելուց  հետո, խորհրդարանի մյուս հանձնաժողովների մշակած  յոթ  այլ առաջարկների թվում դրվեցին  երեկոյան խորհրդարանի լիագումար նիստի քվեարկությանը, որտեղ էլ  ձայների 136 կողմ, 3 դեմ  և 5 ձեռնպահ գերակշիռ մեծամասնությամբ այն ընդունվեց:

Ինչպես հայտնում է նիդերլանդական մամուլը, միայն  մի քանի հոգի' այն էլ ազգությամբ  թուրք պատգամավորներ են դեմ քվեարկել  այս  նախագծին: Անգամ նիստից հետո թուրք պատգամավոր Սելչուք Օզթուրքը  բարձր աղմկելու համար անվտանգության ծառայության աշխատակիցների  կողմից իր  համախոհների հետ դուրս է հրավիրվել շենքից:

Այսուհետ կառավարության ներկայացուցիչը ապրիլի 24-ին լինելու է  Երեւանում ' մասնակցելու հայերի դեմ թուրքերի կողմից ցեղասպանությունների հիշատակման արարողությանը: Առաջին անգամն է, որ կառավարության պաշտոնական ներկայացուցիչը  պարտադիր ամեն հինգ  տարին մեկ ներկա կլինի  Հայոց զոհերի հիշատակման արարողությանը:

Մյուս  բանաաձևով  վերհաստատվում է 2004 թվականին  Նիդերլանդների խորհրդարանի  ընդունած Հայոց Ցեղասպանության մասին որոշումը:

«Նիդերլանդական Օրագիր»

Հեռալուսանկարները ' Նիդ.օրագրի

Լուսանկարում' Քրիստոնեական միություն կուսակցությունը ներկայացնող Ջոել Ֆորդևինդը քվեարկության ժամանակ

ՀՀ դեսպանի և հյուպատոսի հանդիպումը հոլանդահայ կազմակերպությունների և կառույցների անդամների հետ

Տեղի ունեցավ Նիդերլանդների Թագավորությունում ՀՀ դեսպանի և հյուպատոսի հանդիպումը հոլանդահայ կազմակերպությունների և կառույցների անդամների հետ: Տարեսկզբյան ավանդական այս հանդիպմանը մեծամասամբ շոշափվեցին Հայաստան-սփյուռք
համագործակցության շրջանակներում իրականացվող ծրագրերը, ինչպես նաև երկուստեք հետաքրքրություն ներկայացնող այլ հարցեր:

Նիդերլանդական մամուլը Հայոց Ցեղասպանությանը վերաբերվող բանաձևերին

Նիդերլանդական մամուլը,Հանրային հեռուստատեսությունը հսկայական ուշադրություն
են բևեռել Հոլանդիայի պառլամենտում Հայոց Ցեղասպանությանը վերաբերվող բանաձևերին:

Het is een gevoelig onderwerp: de Armeense genocide. Ook in Nederland, omdat in Nederland veel Turken en Nederlanders van Turkse afkomst wonen die de genocide niet erkennen. Onder aanvoering van ChristenUnie-Kamerlid Joël Voordewind willen de regeringspartijen nu uitspreken dat er wel degelijk sprake was van genocide. En daarmee is er een Kamermeerderheid.

In Almelo staat het grootste genocidemonument in Europa, ter gedachtenis aan de Armeense genocide. "Hier herdenken we elk jaar. Uit heel Nederland komen ze hier", zegt Robin Gelici, CDA-raadslid in de stad. "Ik ben Nederlander van Armeense afkomst en ik ben trots dat we onze slachtoffers ook in Nederland kunnen herdenken."

Gelici wil graag dat de kwestie 'genocide' genoemd gaat worden. "Als je genocide niet erkent dan blijven zulke gruwelijkheden gebeuren. Als je het benoemt en erkent, kun je bij elkaar komen en verzoenen en er openlijk over spreken."

Armeense Nederlander Robin Gelici, CDA-raadslid in Almelo: Bij elkaar komen en verzoenen NIEUWSUUR

Turkse Nederlander Ugur Çete, gemeenteraadslid Almelo: Het typische wijsvingertje NIEUWSUUR

Maar daar ziet de Turkse Nederlander Ugur Çete het niet van komen. Hij woont ook in Almelo en is gemeenteraadslid van de eenmansfractie Lijst Çete. "Er komen weer verkiezingen aan, typisch momenten dat deze dingen telkens weer naar boven worden gehaald", zegt Çete, die twijfelt aan de intenties van de motie.

"Ik denk dat ze het meer voor de stemmen doen, dan dat ze echt daadwerkelijk een bijdrage willen leveren. Het typische wijsvingertje. Het heeft ook geen toegevoegde waarde. Ik zie niet hoe dit de cohesie moet bevorderen."

Çete vindt de discussie helemaal geen zaak voor Nederlanders en al helemaal niet voor Almeloërs. "Ik begrijp ook niet waarom Nederland telkens olie op het vuur gooit. De betrekkingen tussen Turkije en Nederland zijn al slecht en Nederland heeft er grote economische belangen. Dit is niets anders dan continu een bepaald land, een bepaald volk confronteren met iets waar je niets mee te maken hebt. Niets anders dan stemmingmakerij. Turkije pesten levert stemmen op."

In Jerevan, de hoofdstad van Armenië, herdenken mensen ieder jaar 'de Armeense genocide'. Tenminste zo noemen Armeniërs en veel wetenschappers en politici buiten Turkije het. Tussen 1915 en 1923 zouden rond de anderhalf miljoen Armeniërs in het Oosten van Turkije zijn vermoord. Turkije ontkent dat. Van genocide, planmatige moordpartijen, was volgens Ankara geen sprake. Ook ontkent de Turkse regering het aantal doden, dat zou veel lager liggen.

Maar de parlementen van Frankrijk en Duitsland trokken zich daar eerder niets van aan. Parijs maakte in 2012 het ontkennen van de Armeense genocide strafbaar. Drie jaar later woonde de voormalige Franse president François Hollande de honderdjarige herdenking van de genocide bij in Jerevan. En ook het parlement in Berlijn erkende twee jaar geleden dat er sprake is geweest van genocide. Net als de Verenigde Naties, die de gebeurtenissen al sinds 1985 aanduiden als genocide.


Tweede Kamer wil Armeense genocide erkennen

De erkenning van de Kamer komt op een moment dat de relatie tussen Nederland en Turkije op een dieptepunt zit. "Dit wordt in Turkije gezien als een westerse poging om Turkije eenzijdig te straffen. In de officiële lezing van de Turkse regering heeft in de jaren rond 1915 een burgeroorlog plaatsgevonden, waarin alle partijen slachtoffer waren. Alleen het slachtofferschap van de Armeense christenen eruit tillen, is volgens de Turken een selectieve kijk", zegt Turkije-correspondent Lucas Waagmeester.

Turkije ziet het gebruik van de term genocide als een provocatie. "Dit zal niet goed vallen en leiden tot veel emoties," zegt Waagmeester. "Maar op de lange termijn heeft het vermoedelijk weinig gevolgen."

Debat
De meerderheid in de Tweede Kamer wil volgens ChristenUnie-Kamerlid Voordewind ook dat dit jaar voor het eerst een lid van de regering bij de officiële herdenking in de Armeense hoofdstad Jerevan aanwezig is.

In het regeerakkoord maakten VVD, CDA, D66 en ChristenUnie het al mogelijk voor de regering om onder voorwaarden over te gaan tot een formele erkenning van een volkerenmoord. Maar eind vorig jaar liet het kabinet weten het in deze zaak te houden bij 'de kwestie van de Armeense genocide'. Volgende week debatteren het kabinet en de Kamer erover.

Նիդերլանդների խորհրդարանն ու կառավարությունը ուզում են ճանաչել Հայոց ցեղասպանությունը

16.02.2018
Հայկական բոլոր լրատվամիջոցներն առաջ են ընկել և լուր են տարածում, որ Նիդերլանդների խորհրդարանը ճանաչել է Հայոց Ցեղասպանությունը:

Ասեմ, որ առայժմ չեն ճանաչել, այլ ՈՒԶՈՒՄ են ճանաչել:

Դեռ 2004 թ. Նիդերլանդների խորհրդարանը մի բանաձևով ընդունել էր Հայոց Ցեղասպանությունը, բայց կառավարությունը պաշտոնապես ՑԵՂԱՍՊԱՆՈՒԹՅԱՆ փոխարեն օգտագործում էր Հայոց ցեղասպանության

ՀԱՐՑ եզրույթը ('kwestie van Armeense genocide' ):

Հիմա ընդունման դեպքում այլ է լինելու: Երեկ երեկոյան (հինգշաբթի) Նիդեռլանդների խորհրդարանի ստորին պալատը, որ այստեղ երկրորդ կամեր ենք ասում (Tweede Kamer) հավանության է արժանացրել 1915 թվականի Հայոց Ցեղասպանության մասին երկու բանաձեւ։

Բանաձեւերից առաջինը նշում է, որ Tweede Kamer-ը «ճանաչում է Հայոց Ցեղասպանությունը», մյուսը, որ Նիդեռլանդների ներկայացուցիչը պետք է ապրիլին ներկա գտնվի Հայոց Ցեղասպանության զոհերի հիշատակման արարողությանը Հայաստանում:

Հոլանդական խորհրդարանը  բացահայտորեն ճանաչում է Հայոց ցեղասպանությունը` չորս կուսակցությունների միջնորդությամբ:
Այս որոշումը կարևոր կլինի Հոլանդիայի խորհրդարանի և կառավարության միասնական ու ճիշտ դիրքորոշման համար:

Նիդերլանդների մամուլն ու հանրային հեռուստատեսությունը այս պահին ակտիվորեն են լուսաբանում 1915 թ հետ կապված միջադեպերը:
Հուսով ենք, որ բանաձևերն ընդունվելու են: Այս հարցը մշտապես իր ուշադրության կենտրոնում է պահել Նիդերլանդների Համագործակցող հայկական կազմակերպությունները:
Hay Azian