Armeens Apostolische Kerk - SURP HOKI - Amsterdam ինչպես նաև Armeens Apostolische Kerk Noordbrabant Ըստ պատշաճի նշվեց Հիսուս Քրիստոսի Սուրբ Ծննդյան ու Աստվածահայտնության տոնը: Բոլոր եկեղեցիները նախօրոք հրապարակել էին տոնացույցի օրերը ու մեծ պատիվ էր, որ Նիդերլանդներ իր այցով պատվել էր ու պատարագի արարողակարգը տեղի հոգևոր հովիվների հետ իր վրա էր վերցրել Արևմտյան Եվրոպայի Հայրապետական Պատվիրակ և Վատիկանում Մայր Աթոռի ներկայացուցիչ Գերաշնորհ Տեր Խաժակ արքեպիսկոպոս Պարսամյանը։
Ձեզ ենք ներկայացնում Սուրբ հոգի եկեղեցու գեղեցիկ մաղթանքը:
«Քրիստոս ծնավ, մեծ փառք բոլորիս։ Օրհնյալ է հայտնությունը Քրիստոսի»։
Քրիստոսը՝ Աստծո Որդին, իր ծնունդով առաջնորդում է աշխարհը դեպի նոր կյանք: Նոր կյանք է սերմանվում մեր մեջ, երբ Քրիստոսը ծնվում է մեր հոգիներում և լուսավորում մեր ողջ էությունը՝ առաջնորդելով մեզ դեպի լույսը, դեպի բարին, դեպի խաղաղություն և, ի վերջո, դեպի Արարիչ Աստված:
Հիսուս Քրիստոսի ծնունդը մարդկության պատմության հրաշքն է, որտեղ մարդ Աստծո շնորհի շնորհիվ կարող է հիանալ իր կյանքով: Մեզ կյանք է տրված, որպեսզի ստեղծենք ինչ-որ գեղեցիկ բան մեր ազատ կամքով, որը սնվում է ծառայության կրակով: Իհարկե, կյանքը հաճախ իրեն չի արդարացնում։ Այստեղ Հիսուսի ծնունդը կյանքի այդ օրինակելի ընթացքի հավասարակշռությունն է, որով վերածնվում է և՛ մարդ անհատապես, և՛ ողջ մարդկությունը։
Այսօրվա մարդկությունը հոգևոր կյանքի նորոգության է ձգտում: Հիսուսը պետք է ծնվի մեր հոգիներում, որպեսզի յուրաքանչյուրիս կյանքը հրաշք դառնա։ Մեզանից յուրաքանչյուրի կյանքը դառնում է խաղաղության ձայն աշխարհի ցավի մեջ։
Մենք Աստծո կողմից մեզ տրված կյանքի հոգևոր ճարտարապետներն ենք, և մեզ մնում է այդ կյանքը լրացնել Հիսուսով, որպեսզի նրա ծնունդը մեզ հավիտյան տանի դեպի վերածնունդ և նոր կյանք:
Մեզ համար սկսվող նոր տարին նոր է Հիսուսի ծնունդով: Հավատի և քրիստոնեական կյանքի ընթացքի գիտակցությամբ կատարենք մեր պարտականությունները աշխարհի և մարդկության հանդեպ՝ որպես մարդկության կողմից նշանակված վերակացուներ։ Առջևում նոր տարվա սկիզբը հրավեր է, որը տանում է դեպի Հիսուսի ծնունդ: Այս կյանքի ցիկլը պետք է անպայման գործնական արտահայտություն ստանա՝ գնահատելով մեր մատուցած ծառայությունների միջոցով:
Ամանորի և Սուրբ Ծննդյան տոների կապակցությամբ սրտանց մաղթում ենք ամենայն բարիք։ Թող Ամենակարող Աստված խաղաղության մեջ պահի աշխարհը։ Թող մարդիկ իրենց խնդրանքներն ուղղեն Աստծուն և իրենց մեջ գտնեն Աստծո հետ համագործակից դառնալու տեսլականը: Թող 2024 թվականը լինի ծառայության, ներողամտության ոգի ունենալու, միասնության ու ազգային կերտման տարի, սիրո և վերջապես առ Աստված հավատի զարգացման ու զորացման տարի։
«Քրիստոս ծնավ, մեծ փառք բոլորիս։ Օրհնյալ է հայտնությունը Քրիստոսի»։
Մեկ անգամ ևս շնորհավորում ենք բոլոր մեր ընթերցողների գալիք Նոր Տարին ու Սուրբ ծնունդը մաղթելով բոլորին առողջություն, խաղաղություն ու բարեկեցություն:
Ձեզ համար առանձնացրել ենք 2023թ. նիդերլանդահայ կյանքին առնչվող մի շարք հրապարակումներ:
Փետրվար
Մաստրիխտում նշվեց Սուրբ Կարապետ եկեղեցու օծման 10 ամյակը:
Այս կապակցությամբ մատուցվեց Եպիսկոպոսական Սբ. և անմահ Պատարագ , Արևմտյան Եվրոպայի Հայրապետական Պատվիրակ և Մայր Աթոռի դեսպան Վատիկանում, Գերաշնորհ Տեր Խաժակ արքեպիսկոպոս Պարսամյանի մասնակցությամբ։
Մեր հայրենակիցը՝ Խաչիկ Հովհաննիսյանը, Եվրոպայի ամենահեղինակավոր և հայտնի համալսարաններից մեկում՝ Բելգիական Լուվեն Լա Նյով կաթոլիկ համասլարանում (Université catholique de Louvain) հաջողությամբ պաշտպանեց աստվածաբանության դոկտորի գիտական աստիճանը: Նրա հետ մեր երկու հարցազրույցները:
«Խիզախում». այս վերնագիրն ունի «Ինտերկապ» բարեգործական կենտրոնի նկարահանած 25 րոպեանոց փաստագրական ֆիլմը, որը վերաբերվում է անցյալ տարի«Ինտերկապի» մի նախաձեռնությանը, որն իրագործվեց 60 օրում՝ Վրաստանի, Ռուսաստանի, Գերմանիայի, Իտալիայի, Ֆրանսիայի, Բելգիայի, Հոլանդիայի հայաշատ քաղաքներում: Ֆիլմի մասին այստեղ.
Մեր բացառիկ ու շարունակվող նախագծերից է բ.գ.թեկնածու, գրող Նաիրա Համբարձումյանի Արեւմտահայ կին գրողները եւ ժամանակը «Նիդերլանդական օրագրի» և «Օրեր» Եվրոպական ամսագիրը համատեղ նախաձեռնությունը՝ նվիրված 19-րդ դարի երկրորդ կեսին ապրած և ստեղծագործած արևմտահայ կին գրողներին:
Ամստերդամում հիմնվում է «Մաթեոս Ծարեցու» անվան գրադարան:
2023 թվականի սկզբին որոշում է կայացվում «Մաթեոս Ծարեցի» անունով հիմնել գրադարան ։ Նախաձեռնության հեղինակն է «Սուրբ Հոգի եկեղեցի» հիմնադրամի նախագահ պարոն Տիգրան Մղտեսյանը, օգնություն ստանալով թարգմանչուհի և հայագետ Աննա Մարիա Մատտաարի և Տեր Տարոն Քահանա Թադևոսյանի կողմից:
Առանձնացրել ենք նաև բելգիական Խենթ (Gent) քաղաքում բնակվող մեր հայրենակից Կարինե Մելիքսեթյանին: Նա նոր ուսումնական տարվան համընթաց, «Նոր ֆլամանական դաշինք» ( N-VA) կուսակցության կողմից` Բելգիայում ինտեգրվող օտարազգիների հետ կատարած մեծածավալ աշխատանքի համար արժանացել է «Էբոնոսե ուղի»(Ebbenhouten Spoor)` 11-րդ անգամ շնորհվող մրցանակին, շնորհավորում ենք:
Նիդերլանդների հայ իրավաբանները մասնակցեցին սփյուռքի հանձնակատարի գրասենյակի կողմից կազմակերպված Հայ իրավաբանների համագումարին: 250 իրավաբաններ 30 երկրներից:
Նիդերլանդների հայ համայնք էին այցելել սփյուռքի գործերի գլխավոր հանձնակատար Զարեհ Սինանյանը, սփյուռքի ներուժի քարտեզագրման և ներգրավման վարչության պետ Կարեն Ավանեսյանը, որոնք եղան Մաստրիխտում և Հաագայում: Այցերի մասին`
Bright Future Foundation-ը Եվրամիության հետ համատեղ, տարբեր տարիներին ու տարբեր թեմաներով արդեն մի քանի նախագծեր է իրականացրել Հայաստանում։ Հերթական նախաձեռնությունը` թվային մարքեթինգ թեման էր:
Ամստերդամի IDFA կինոփառատոնում Շողակաթ Վարդանյանի դեբյուտային «1489» ֆիլմը Վավերագրական ֆիլմերի Ամստերդամի հեղինակավոր միջազգային կինոփառատոնում ճանաչվել է «Լավագույն ֆիլմ», ու արժանացել է FIPRESCI մրցանակի:
Թբիլիսիի կինոփառատոնի շրջանակներում վրացական ժյուրիի սահմանած Terra Incognita-ի հատուկ մրցանակ է շնորհվել նիդերլանդահայ Նաիրի Հախվերդիի «Վարորդ» ֆիլմի նախագծի սցենարի համար:
Նիդերլանդների խորհրդարանի նախկին պատգամավոր Harry van Bommel֊ը շնորհավորել է բոլոր ֆեյսբուքյան ընկերների Սուրբ Ծնունդը` հրդեհված աշխարհում կոչել մի քանի օր անցկացնել խաղաղության և դրա մասին փոքր ինչ խորհելու շրջանակում: Նա նաև լուսանկար է հրապարակել, երբ 2015թ.այցելել է Գանձասար և Վանք գյուղի մոտ գտնվող 13-րդ դարի տաճարում մոմ վառել։
Նաև հիշեցրել է, որ Լեռնային Ղարաբաղը Ադրբեջանը գրավեց բիրտ ուժով , մինչդեռ աշխարհը անտարբեր էր, իսկ ԵՄ-ն նույնիսկ էժան գազ գնելու պայմանագիր էր կնքում։
Այնտեղ ապրող հայերին սպանել կամ վտարել են։ Ի՜նչ անտանելի ամոթ, գրել է քաղաքական գործիչը։
Harry vaan Bommel
Zalig Kerstfeest wens ik al mijn facebook-vrienden. In een wereld die in brand staat, is het goed om enkele dagen in kleine kring tot rust en bezinning te komen. De foto hieronder is genomen in 2015 in Gandzasar (Armeens: Գանձասար) in een 13e eeuwse cathedraal (oorspronkelijk een klooster) nabij het dorp Vank in Nagorno Karabach; de Armeense enclave die met grof geweld door Azerbeidzjan is ingenomen terwijl de wereld werkloos toekeek en de EU zelfs een overeenkomst sloot om goedkoop gas af te nemen. De Armeniërs die er woonden zijn gedood of verdreven. Wat een onverdraaglijke schande.
🎥🎬🎞️Անցնող տարին Ամստերդամի հայ համայնքի տարեգրությունում
Een overzicht van alle activiteiten van de @Stichting Sint Grigor Narekats Amsterdam in 2023…
Embassy of the Netherlands in Armenia կայքը փոխանցում է
🎄🇳🇱🇦🇲 Հայաստանում Նիդերլանդների դեսպանատան աշխատակիցների անունից մաղթում ենք ջերմ ու ուրախ Սուրբ Ծնունդ՝ լի երջանկությամբ, դրական էներգիայով և ուժով: // From the Embassy of the Netherlands in Armenia family to yours, we wish you a warm and joyous Christmas filled with happiness, positive energy, and strength!
Armeens Apostolische Kerk - SURP HOKI - Amsterdam և Armeens Apostolische Kerk Almelo Հայ Առաքելական եկեղեցիները հրապարակել են առաջիկա տոնական օրերի իրենց առաջիկա միջոցառումների ուղեցույցը , որն էլ ներկայացնում ենք։
Նիդերլանդներն Ուկրաինային 102 մլն եվրո կուղարկի որպես 2024 թվականի օգնության առաջին փաթեթ՝ ասված է Նիդերլանդների կառավարության հաղորդագրության մեջ, այդ մասին փոխանցում է 1֊ին լրատվական կայքը։
«Այդ գումարը հատկացվում է 2 մլրդ եվրոյից, որը նախատեսված է 2024 թվականի բյուջեում Ուկրաինային աջակցելու համար»,- նշել են գործադիրում, հավելել՝ միջոցները նախատեսված են նրա համար, որ օգնեն Ուկրաինային հաղթահարել ձմեռը և պատրաստվել գարնանը։
Նիդերլանդների արտաքին առևտրի և համագործակցության զարգացման նախարարի պաշտոնակատար Ջեֆրի Վան Լեուվենը հստակեցրել է, որ միջոցները կուղղվեն մարդասիրական օգնության տրամադրմանը, գյուղատնտեսական հողերի և ազատագրված տարածքների ականազերծմանը, բնակչությանը բազային ծառայությունների մատուցմանը, կարևոր ենթակառուցվածքի վերականգնմանը, բարեփոխումների անցկացմանը, ինչպես նաև էլեկտրացանցի համար սարքավորումների գնմանը:
Արդեն մի քանի տարի է ինչ Քյոլնի գործադիր իշխանությունը՝ քաղաքապետի գլխավորությամբ, դեմ է Հայոց Ցեղասպանությանը նվիրված հուշարձանի մնալուն։ Գերմանիայի թեմի առաջնորդ Սերովբե եպիսկոպոս Իսահակյանը հետևյալ պարզաբանում է արել.
***
Քյոլնի «Այս ցավը բոլորինս է» հուշարձանը չի ապամոնտաժվել
Վերջին օրերին տարբեր տեղերից, մանավանդ Հայաստանից, նաեւ ինձ եղան հարցումներ, Գերմանիայի Քյոլն քաղաքում տեղադրված «Այս ցավը բոլորինս է» հուշարձանի հետագա ճակատագրի հետ կապված։ Մամուլում նույնիսկ հրապարակումներ եղան այն մասին, թե իբր հուշարձանն արդեն իսկ ապամոնատաժված է։
Այս առնչությամբ կուզեի տեղեկացնել հետեւյալը․
Այո՛, քաղաքային իշխանությունները մտադրություն ունեն տեղադրման վայրից կրկին հեռացնել Հայոց ցեղասպանության զոհերի հիշատակը ոգեկոչող հուշարձանը։
Գրում եմ կրկին, քանի որ, ցավոք, սա առաջին անգամը չէ, որ հուշարձանը հեռացվում է տեղադրված վայրից։ Այս հարցն ունի շուրջ հինգ ու կես տարվա նախապատմություն։ Պետք է նշել, որ այս տարի հուշարձանը տեղադրված վայրում ավելի երկար մնաց, քան նախորդ տարիներին։
Այնուհանդերձ իրականությանը չեն համապատասխանում այն լուրերը, թե հուշարձանն արդեն իսկ ապամոնտաժվել է կամ կապամոնտաժվի մինչեւ տարեվերջ։ «Հիշել Ցեղասպանությունը» նախաձեռնության եւ նաեւ մեր ունեցած տվյալներով հուշարձանը մինչեւ տարեվերջ եւ գալիք տարվա սկիզբ չի հեռացվելու իր տեղադրված վայրից։
Իսկ թե ի՞նչ կլինի հուշարձանի հետագա ճակատագիրը, առայժմ վերջնականապես հստակ չէ։ «Հիշել Ցեղասպանությունը» նախաձեռնությունը, որն անմիջական նախաձեռնողն այս հուշարձանի տեղադրման, շարունակում է իր պայքարը՝ հարցին բարվոք լուծում գտնելու ուղղությամբ։ Հայ Եկեղեցու Գերմանիայի Թեմը, մանավանդ՝ Քյոլնի Հայ Համայնքը, հնարավոր եւ օրինական բոլոր միջոցներով օժանդակում է «Հիշել Ցեղասպանությունը» նախաձեռնությանն ու նրա պայքարին։
Մենք ուզում ենք հավատալ, որ քաղաքային իշխանությունների հետ երկխոսության միջոցով հնարավոր կլինի գտնել փոխադարձ ընդունելի լուծում։ Մինչ այդ, մեր ցանկությունն ու պահանջն է, որ հուշարձանը մնա տեղադրված վայրում։
***
Հուշարձանը հետևյալ նախապատմությունն ունի։ Հայոց ցեղասպանության զոհերի հիշատակը հավերժացնող հուշարձանը 2018 թվականի ապրիլի 15-ին տեղադրել են «Հիշելով ցեղասպանությունը» նախաձեռնության հեղինակները՝ առանց Քյոլնի քաղաքապետարանի թույլտվության։ Քաղաքային իշխանությունները հայտարարել էին, որ ապամոնտաժելու են հուշարձանը։ Հուշարձանի տեղադրման կազմակերպիչները վարչական դատարանում բողոքարկման դիմում են ներկայացրել։ Ապրիլի 19-ին Քյոլնի վարչական դատարանը հուշարձանն ապամոնտաժելու մասին որոշում է կայացրել։
Հուշարձանն իրենից ներկայացնում է 200 կգ կշռով, 1,5 մետրանոց մետաղյա բուրգ, որի ծայրին նուռ է տեղադրված, պատվանդանի վրա հայերեն, անգլերեն, գերմաներեն և թուրքերեն փորագրված է.
«Այս ցավը բոլորինս է»:
«ԱՄԵՐԻԿԱՑԻ» ՖԻԼՄԸ ՕՍԿԱՐԻ SHORTLIST-ՈՒՄ
ՇՆՈՐՀԱՎՈՐՈՒՄ ԵՆՔ ՄԵՐ ԳՈՐԾԸՆԿԵՐՆԵՐԻՆ
Պրոդյուսեր ԱՐՄԱՆ ՆՇԱՆՅԱՆԻ և ռեժիսոր՝ ՄԱՅՔԼ ԳՈՒՐՋՅԱՆԻ «ԱՄԵՐԻԿԱՑԻ» ֆիլմը «ՕՍԿԱՐ»-ի 96-րդ մրցանակաբաշխության SHORTLIST-ում է:
Սա, իրապես, Հայ կինոյի համար նշանակալի իրադարձություն է, մեծ նվաճում և ձեռքբերում: Առաջին անգամ է, թերևս, պատմության մեջ, որ Հայաստանից պետական Ֆինանսական աջակցություն ստացած ֆիլմն ընդգրկվում է «ՕՍԿԱՐ»-ի մրցանակաբաշխության SHORTLIST-ում:
Շնորհավորում ենք մեր բոլոր գործընկերներին, պրոդյուսեր ԱՐՄԱՆ ՆՇԱՆՅԱՆԻՆ, ռեժիսոր ՄԱՅՔԼ ԳՈՒՐՋՅԱՆԻՆ, ֆիլմի ողջ ստեղծագործական կազմին և մեր կինոհանրությանը:
ՈՒշադրություն, Մաստրիխտի և շրջակայքի հայությանը:
Բարեկամներ ( Surp Karapet- Armeens Apostolische Kerk Maastricht ) Մաստրիխտի Սուրբ Կարապետ Եկեղեցու Ծխական խորհուրդը նախապես մեծ սիրով և ուրախությամբ տեղեկացնում է, որ 2024թ. Հունվարի 6ի Շաբաթ օրը, ժամը 11-30 ին կմատուցվի, Հիսուս Քրիստոսի Սուրբ Ծննդյան ու Աստվածահայտնության տոնի առթիվ Սուրբ և անմահ Պատարագ։ Պատարագիչն է Արևմտյան Եվրոպայի Հայրապետական Պատվիրակ և Մայր Աթոռի ներկայացուցիչ Վատիկանում, (Pontifical Legation of the Western Europe ) Գերաշնորհ Տեր Խաժակ արքեպիսկոպոս Պարսամյանը։
Որից հետո կկատարվի Ջրօրհնեքի արարողություն, խաչքավորությամբ՝ Տյար Սերոբ Բաբուջյանի:
Սիրով ակնկալում ենք եւ սպասում այդ օրը բոլորի ներկայությունը:
Տոնածառ ջան, տոնածառ...
Եվ քամին ահա այսպես տապալեց Գանձակի (Ադրբեջան) կենտրոնում տեղադրված երազանքի տարվա ծառը:
Տոնածառ ջան, տոնածառ... Եվ քամին ահա այսպես տապալեց Գանձակի (Ադրբեջան) կենտրոնում տեղադրված երազանքի տարվա ծառը: | By Niderlandakan Oragir / Diary of the Netherlands/Նիդերլանդական օրագիր | Facebook
Տոնածառ ջան, տոնածառ... Եվ քամին ահա այսպես տապալեց Գանձակի (Ադրբեջան) կենտրոնում տեղադրված երազանքի տարվա ծառը:
Նիդերլանդները 18 F-16 կործանիչ կմատակարարի Ուկրաինային: Այս մասին տեղեկացրել է Նիդերլանդների վարչապետի ժամանակավոր պաշտոնակատար Մարկ Ռյուտեն X-ի իր միկրոբլոգում:
«Այսօր ես նախագահ Զելենսկիին տեղեկացրել եմ մեր կառավարության որոշման մասին՝ պատրաստելու նախնական 18 F-16 կործանիչ՝ Ուկրաինա առաքելու համար: F-16-ների մատակարարումը Ուկրաինային ռազմական աջակցության վերաբերյալ պայմանագրերի կարևորագույն տարրերից է»,-նշել է Ռյուտեն:
Նա հավելել է, որ արտահանման թույլտվությունից բացի՝ մինչ առաքումը մի շարք այլ չափանիշներ նույնպես պետք է պահպանվեն, այդ թվում անձնակազմի և ենթակառուցվածքների պահանջները:
«Այս որոշումը հաստատում է Նիդերլանդների անմնացորդ հանձնառությունը՝ տրամադրելու Ուկրաինային այն աջակցությունը, որն անհրաժեշտ է Ռուսաստանի ագրեսիային արձագանքելու համար»,-գրել է Ռյուտեն:
Ուկրաինական ռազմաօդային ուժերը հայտարարել են, որ 3 Սու-34 կործանիչ են խոցել Խերսոնի շրջանում, հայտնում է BBC-ն:
Քիչ առաջ Նիդերլանդների մարզային Omroep Gelderland թերթը ընդարձակ անդրադարձ է կատարել մեր հայրենակից Գասի Գասպարյանի նիդերլանդերեն լեզվով գրված գրքին, նրա կենսագրության ու այլ մանրամասներին։
Մենք արդեն մեր ընթերցողներին պատմել ենք Գասիի գրքի մասին։ Այն մաքառումներով լի մի կյանքի պատմություն է։
Na een jeugd in azc's werd Gasi van school gestuurd, nu staat hij voor de klas - Omroep Gelderland
WWW.GLD.NL
Merry Christmas and Happy New year!
Կաթոլիկ եկեղեցին դեկտեմբերի 25-ին նշում է քրիստոնեական տոնացույցի կենտրոնական տոներից մեկը՝ Սուրբ Ծնունդը:
Հայ Առաքելական Ս. Եկեղեցին Քրիստոսի Ծննդյան և Աստվածհայտնության տոնը նշում է հունվարի 6-ին:
Բելգիայի հայոց հոգևոր հովիվ , արևմտյան Եվրոպայի հայրապետական պատվիրակի փոխանորդ Զատիկ վրդապետ Ավետիքյանի մատուցած պատարագը հեռարձակվել է Բելգիայի RTBF հեռուստատեսության եթերով:
Որպես 2023թ «Նիդերլանդական օրագրի» լավագույն օպերատիվ աշխատանքների ամփոփում ուզում ենք առանձնացնել ԵՊՀ դոցենտ, բ․գ․թ․ Նաիրա Գասպարյանի անունը, ով անշահախնդրորեն հավատարիմ գտնվեց օրագրին ու նրա ընթերցողներին: Տիկին Նաիրան արդեն տարիներ է, որ հայտնի է իր օպերատիվ, արագ ու ինտերակտիվ թղթակցություններով` ինչպես Արցախից, այնպես էլ Հայաստանից: Ամենաառաջին ու թարմ հոդվածաշարերեր ու հարցազրույցներ տարբեր գագաթաժողովներից, գիտաժողովներից, խորհրդաժողովներից: «Ապագա Հայկականը» Համաժողովի երեք օրերի մասին, Միջազգային կրթական ու Երևանում անցկացվող մարդու իրավունքների գիտաժողով, Գիտության և գործարարության նվիրված օրեր, նաև հոդվածներ տարբեր թեմաներով՝«Բարի գալուստ մասնավոր խուզարկուի/դետեկտիվի գրասենյակ», , «Երկու ցուցահանդես նկարիչների միության տանը», «Դավթաշեն վարչական շրջանի 2-րդ փողոցն անվանակոչվեց ակադեմիկոս Պարիս Հերունու անվամբ», « Երկու միջոցառում մայր բուհում` նույն օրը»,«Տարվա լավագույները»,«Արցախի խաղաղության համար պայքարող իրական հերոսները» և այլն, բոլորն իհարկե չես թվարկի:
Մամուլի, լրագրության հանդեպ Տիկին Նաիրայի սերը նոր չէ: Դեռ 34 տարի առաջ «Հայրենիքի ձայն» թերթում, «Խաղաղ օրերի ժպիտը» խորհրդանշական վերնագրով :
Երկրորդ շարքի մեջտեղում «Նիդերլանդական օրագրի» Արցախի և Հայաստանի թղթակից, պետական համալսարանի դասախոս, բանասիրական գիտ.թեկնածու դոցենտ Նաիրա Գասպարյանն է:
«Հայրենիքի ձայն» 29 ապրիլի 1979թ.
Այդ օրվանից երկար ու ձիգ տարիներ են անցել, բայց Նաիրա Գասպարյանի սերն ու հավատարմությունը հատկապես սփյուռքի լրատվամիջոցներին ու հայրենիքին անսասան են:
Տիկին Նաիրան մեզ հետ է եղել լոբիստական աշխատանքներում, նրա օգնությամբ ու թարգմանությամբ շատ հոդվածներ են թարգմանվել ու հրապարակվել:
