Մայրենի լեզվի օրը. լեզվի սիրո և մշակութային ինքնության պահպանում

21.02.2026/Նիդ.օրագիր

Փետրվարի 21-ը նշվում է որպես Մայրենի լեզվի միջազգային օր, որն աշխարհին հիշեցնում է լեզվական բազմազանության ու լեզուների պահպանման կարևորության մասին: Օրվա հիմքը կապվում է 1961 թվականի դեպքերի հետ՝ Շահիդների հուշարձան, որտեղ ուսանողները պայքարել են բանգլերեն լեզվի պաշտոնական ճանաչման համար, նահատակվելով իրենց պայքարում:

Հայաստանում Մայրենի լեզվի օրը

Հայաստանում այս օրը մեծ շուքով նշվում է դպրոցներում, համալսարաններում ու մշակութային կենտրոններում` հատկապես Հայաստանի ազգային գրադարանում: Աշակերտներն ու ուսանողները մասնակցում են դասախոսությունների, բանաստեղծական ընթերցումների և մրցույթների, ներկայացնում են հայ գրականության լավագույն նմուշները: Գրադարաններում և մշակութային հաստատություններում ցուցադրվում են դասական և ժամանակակից հայ գրողների ստեղծագործություններ, կազմակերպվում են գրական երեկույթներ և վիկտորինաներ:

Սոցիալական ցանցերում նույնպես ակտիվ է հայ երիտասարդության մասնակցությունը. հեշթեգներ, լուսանկարներ և տեսանյութեր հայերեն գրականության ու լեզվի գեղեցկությունը ներկայացնելու համար:

Նիդերլանդահայ համայնքում

Նիդերլանդահայերը` Հաագայում, Ամստերդամում, Ալմելոյում, Դենբոսում, Նայմեխենում, Դոտրիխտում, Ռոտերդամում, Մաստրիխտում և այլուր նույնպես կարևորում են այս օրը: Կիրակնօրյա հայկական դպրոցներում ու միություններում տարբեր տարիներին ու հիմա կազմակերպվում են դասեր, ստեղծագործական մրցույթներ, փոքր թատերական ներկայացումներ, որոնց միջոցով երեխաներն ու երիտասարդները սովորում են և զորացնում իրենց հայերեն խոսելու և գրելու հմտությունները:

Համայնքային կենտրոններում անցկացվում են ընթերցումներ, համերգներ և վարպետաց դասեր, երբ համայնքի անդամները հավաքվում են հայ մշակույթի և լեզվի պահպանման շուրջ: Նիդերլանդահայերը նաև օգտագործում են սոցիալական ցանցերն ու առցանց միջոցառումները՝ ավելի լայն համայնքին ընդգրկելու համար:

Լեզվի պահպանումը՝ որպես մշակութային ինքնության շարժիչ

Մայրենի լեզվի օրը ոչ միայն հիշատակ է նահատակների, այլև հիշեցում է, որ յուրաքանչյուր լեզու՝ փոքր կամ մեծ, կրում է մի ամբողջ մշակութային ժառանգություն: Հավատարիմ մնալով լեզվին, մենք պահպանում ենք ինքնությունը, կապում սերունդները և խթանում կրթությունը:

Հայերը, թե Հայաստանում, թե արտերկրում, տարին մեկ անգամ նշում են այս օրը՝ ընդգծելով, որ հայերենը պետք է մնա կենդանի և  օգտագործվող՝ ինչպես բանավոր, այնպես էլ գրավոր մշակույթի մեջ

Hay Azian

#Մայրենի_լեզվի_միջազգային_օր

#Պահպանենք_մայրենին

Ձնծաղիկներ` Արագածի լանջերին

Լուսանկար` Վասի (Վաչագան Ա. Սարգսյանի)