18.07.2026/Նիդ.օրագիր
Հայկական Caprae Wines գինու և պանրի գործարանի արտադրանքը շուտով կներկայացվի եվրոպական շուկայում։ Այս մասին հայտնել է Nina’s Handwork Boutique-ի հիմնադիր Narin-a B-yan (Նարինե Բարսեղյանը)՝ տեղեկացնելով, որ գործարանի հիմնադիր-տնօրեն Հակոբ Բեգլարյանի հետ ձեռք բերված պայմանավորվածության արդյունքում կողմերը պաշտոնապես հաստատել են համագործակցությունը։
Նարինե Բարսեղյանի փոխանցմամբ՝ օգոստոսից սկսած «Caprae»-ի գինիներն ու պանիրները կներկայացվեն Նիդերլանդներից՝ հետագայում հասանելի դառնալով նաև եվրոպական այլ երկրների շուկաներում։ Համագործակցության շրջանակում Nina's Handwork Boutique-ը կզբաղվի ապրանքանիշի ներկայացմամբ և տարածմամբ Եվրոպայում։
Նախաձեռնության շրջանակում նախատեսվում է համագործակցություն հաստատել Եվրոպայում գործող հայկական խանութների, ռեստորանների, սրահների և այլ գործընկերների հետ՝ հայկական արտադրանքը եվրոպացի սպառողներին հասանելի դարձնելու նպատակով։
Նարինե Բարսեղյանի խոսքով՝ նախաձեռնության հիմնական նպատակն է հայկական արտադրանքը, գինեգործական և պանրագործական ավանդույթները ներկայացնել եվրոպական շուկայում և նպաստել դրանց ճանաչելիության ընդլայնմանը։
Առաջիկայում նախատեսվում են նաև արտադրանքի համտեսներ և ներկայացումներ, որոնց ընթացքում հանրությանը կներկայացվեն «Caprae» ապրանքանիշի տեսականին և առանձնահատկությունները։
Նյութը պատրաստվել է Նարինե Բարսեղյանի հրապարակած տեղեկատվության հիման վրա։
No comments:
Post a Comment