Համագործակցող հոլանդահայ կազմակերպությունները նոր հանրագիր են հանձնել Նիդերլանդների խորհրդարանին

• 21 апр, 2016 в 11:23

niderlandakan

Համագործակցող հոլանդահայ կազմակերպությունները
Հայոց Ցեղասպանության 101-ամյակի նախօրեին
հանրագիր են հանձնել Նիդերլանդների խորհրդարանին

Ապրիլի 19-ի երեկոյան Համագործակցող հոլանդահայ կազմակերպությունների պատվիրակությունը (Հոլանդահայ կազմակերպությունների ֆեդերացիան (FAON), Նիդերլանդների Հայ Դատի հանձնախումբը և այլ կազմակերպություններ) հանրագիր է հանձնել Նիդերլանդների խորհրդարանի արտաքին հարաբերությունների մշտական հանձնաժողովի նախագահ տիկին Անջելին Էյսինկին: Փաստորեն խորհրդարանի բոլոր խմբակցությունները ներկա էին հանրագրի հանձնման ժամանակ:

Համագործակցող հոլանդահայ կազմակերպությունների անունից տիկին Ինգա Դրոստը երախտագիտություն հայտնեց Հանձնաժողովի անդամներին, ովքեր 2015 թվականի մայիսին այցելել են Հայաստան և ովքեր ներգրավվածություն ունեն հայերին վերաբերող հարցերում: Ինչպես նախորդ տարի, նրանցից շատերը այս տարի ևս ապրիլի 24-ին մասնակցելու են Մեծ Եղեռնի ոգեկոչման միջոցառումներին։

Հայկական կազմակերպությունների ներկայացուցիչները (Հոլանդահայ կազմակերպությունների ֆեդերացիա (FAON), Հայ Դատի հանձնախումբ, Հայ երիտասարդական «AJO» կազմակերպություն, Հայ ուսանողական «Գլաձոր» միություն և Հայ երիտասարդական «Գարեգին Նժդեհ» միություն) ներկայացրեցին հանրագրի տարբեր պահանջները` Նիդերլանդների կառավարության կողմից Հայոց ցեղասպանության լիարժեք ճանաչումը և Ռաուֆուտի բանաձևի դրույթների իրականացումը, թուրքական և ադրբեջանական կազմակերպությունների ներկայացուցիչների ընդդեմ հայերի խտրականություն և ատելություն սերմանող արտահայտությունների դատապարտումը և հոլանդական քաղաքական և հասարակական կյանքում Անկարայի թաքուն միջամտության դեմ պայքարի անհրաժեշտությունը: Առաջ քաշվեց նաև Հայոց ցեղասպանության հետևանքով հայերի կորուստների անհատական, համայնքային և համազգային իրավունքների և օրինական շահերի վերականգնման հարցը, ինչպես նշված է Հայոց ցեղասպանության 100-րդ տարելիցի համահայկական հռչակագրում։

Առաջիկա շաբաթ օրը Համագործակցող հոլանդահայ կազմակերպությունները հանրահավաք-ցույց կանցկացնեն Ամստերդամի կենտրոնում Հայոց ցեղասպանության 101-րդ տարելիցի կապակցությամբ:

Կիրակի օրը, ապրիլի 24-ին, կկայանան ոգեկոչման միջոցառումներ Նիդերլանդների հայկական հուշարձանների մոտ:

Պետք է նաև նշել, որ այսօր Հայ ուսանողական «Գլաձոր» միության պատվիրակությունը մեկնել է Հայաստան մասնակցելու Հայոց Ցեղասպանության 101-րդ տաելիցի միջոցառումներին։ Ապրիլի 24-ին, պատվիրակության անդամները կլինեն Ծիծեռնակաբերդում և Համագործակցող հոլանդահայ կազմակերպություններ անունից ծաղկեպսակ կդնեն Ցեղասպանության զոհերի հուշարձանին։

Հայոց Ցեղասպանության 101-ամյակին նվիրված միջոցառումների ցանկը

• 17 апр, 2016 в 14:31

niderlandakan

Հոլանդահայ Կազմակերպությունների Ֆեդերացիան (FAON)
հրապարակել է Հայոց Ցեղասպանության 101-ամյակին նվիրված միջոցառումների ցանկը:
Տեքստը' Նիդերլանդերեն.  անգլերեն(English)



Հոլանդահայ Կազմակերպությունների Ֆեդերացիա (FAON)
Կայքէջ` www.faon.nl
Էլ. փոստ` info@faon.nl

Մեծ Եղեռնի զոհերի ոգեկոչման միջոցառումներ
2016 թ. ապրիլ ամսվա ծրագիրը
Միջոցառումները կազմակերպել են Համագործակցող Հոլանդահայ Կազմակերպությունները

1. «Ես հետնորդն եմ Հայոց ցեղասպանության վերապրածի»
Այս համաժողովը կազմակերպել է Ամստերդամի AJO երիտասարդական խումբը` Համագործակցող Հոլանդահայ կազմակերպությունների աշխատանքների շրջանակում

Թվականը՝ Ուրբաթ 15 ապրիլի 2016, ժամը` 19.30-ին
Վայրը` Ամստերդամի Սուրբ Հոգի Հայ Առաքելական Եկեղեցի
Հասցեն` Krom Boomssloot 22 – 1011 GW Amsterdam, Նիդերլանդներ

2. Հանրագրի ներկայացում Հոլանդիայի խորհրդարանին և ցույց Plein հրապարակում

Թվականը` Երեքշաբթի 19 ապրիլի 2016, ժամը` 13-ին
Վայրը` Հոլանդիայի խորհրդարան
Հասցեն` Het Plein – Հաագա, Նիդերլանդներ

3. Հանրահավաք-ցույց Ամստերդամում


Թվականը` Շաբաթ 23 ապրիլի 2016, ժամը 13-ին
Վայրը` Museumplein հրապարակ/Beursplein Հրապարակ, Ամստերդամ
Հավաքվել Museumplein-ում – Մեկնարկ դեպի Beursplein (քայլարշավ)
Հանրահավաք Beursplein հրապարակում – Ավարտը` ժամը 16-ին
Ավտոբուսով ճամփորդելու համար խնդրում ենք զանգահարել` Ալմելո` 0624345827 0645046603 0685217721 (ՀԲԸՄ) 0655723507 (ՀՄԸՄ) 0633964887 (Հայ Դատ), Ասեն` 0640500501 Դորդրեխտ` 0652348813 Արնհեմ-Նեյմեգեն` 0684870820

4. Ջահերով երթ և մոմավառություն Ալմելոյում

Թվականը` Շաբաթ 23 ապրիլի 2016, ժամը 20-ին
Վայրը` Ալմելոյի Հայ Առաքելական Եկեղեցի
Հասցեն` Vriezenveenseweg 174 – 7602 PV Almelo
Երթի մեկնարկի վայրը և երթուղին շուտով կհրատարակվեն

5. Ոգեկոչում Մեծ Եղեռնի հուշարձանի մոտ Ասենում


Թվականը` Կիրակի 24 ապրիլի 2016, ժամը 13-ին
Վայրը` Ասենի «Դե Բոսկամպ» գերեզմանատուն
Հասցեն` Boskamp 5 – 9405 NN Assen, Նիդերլանդներ
Ծրագիր` Ծաղկեպսակների տեղադրում Մեծ Եղեռնի հուշարձանին, ոգեկոչման արարողություն, հանդիպում գերեզմանատան սրահում`ՀՀ դեսպան տիկին Ձյունիկ Աղաջանյանի, Հոլանդիայի խորհրդարանի պատգամավորներ Հարի Վան Բոմելի և Ջոել Ֆորդեվինդի և այլոց ճառերով, գեղարվեստան ելույթներով։
__________________________________

Մեր կողմից (Ն.Օ) ավելացնենք, որ  ապրիլի  24-ին բոլոր ցանկացողները կարող են այցելել նաև Ալմելոյի Հայոց Ցեղասպանության զոհերի հուշարձան' իրենց հարգանքի տուրքը մատուցելու անմեղ զոհերի հիշատակին:  Միջոցառում ժամը 13-ին:

Գրական-գեղարվեստական ցերեկույթ Նիդերլանդներում

• 15 апр, 2016 в 15:05

niderlandakan

Ապրիլի 10-ին  «Միացյալ Հայերը Հոլանդիայում» կազմակերպության նախաձեռնությամբ տեղի է ունեցել գրական-գեղարվեստական ցերեկույթ` մայրության թեմայով: Այս մասին «Հայերն այսօրին» հայտնում է կազմակերպության նախագահ Սվետա Աբրահամյանը:

«Նախապես կազմած սցենարն ու բովանդակությունը փոփոխել էինք ու միջոցառումը նվիրել  Արցախի մերօրյա հերոսների մայրերին,կանանց ու քույրերին»,-նշեց կազմակերպության նախագահը:

Համայնքում տեղի ունեցած գրական-գեղարվեստական ցերեկույթին իրենց մասնակցությունն են բերել նաև մեկօրյա դպրոցի սաները:

Նիդերլանդների խորհրդարանում քննարկվել է Արցախի շուրջ իրադրության սրումը

• 15 апр, 2016 в 14:01

niderlandakan

Առաջիկա  ապրիլի 18-ին  Եվրամիության արտաքին գործերի նախարարների համաժողովի նախապատրաստմանն ընդառաջ  Նիդերլանդների խորհրդարանի արտաքին հարաբերությունների հանձնաժողովը'  արտգործնախարար  Կունդերսի մասնակցությամբ քննարկել է  Լեռնային Ղարաբաղի հակամարտության սրման հարցը , այդ մասին Նիդերլանդական Օրագիրը տեղեկանում է Հոլանդահայ Կազմակերպությունների Ֆեդերացիայի (FAON) տարածած մամլո հաղորդագրությունից:
Տարբեր խմբակցությունների պատգամավորներ փաստել են, որ   ԵԱՀԿ Մինսկի խմբի տարիների բանակցություններն անարդյունք են մնացել:Նրանք   նախարարին խնդրել են  բացատրել` վերջին բռնությունների բռնկման պատճառները, հարևան երկրների, հատկապես Ռուսաստանի և Թուրքիայի դերակատարությունը, ինչպես նաև նոր իրավիճակը' ներկա հրադադարի ռեժիմի պայմաններում:
Իրավիճակի նկարագրմամբ և սուր հարցադրմամբ հանդես է եկել Սոցիալիստական կուսակցության պատգամավոր  Հարի վան Բոմելը: Նա  նշել է  բռնությունների կրառման հիմնական մեղավորին'  Ադրբեջանին, ընդգծել է, որ այս երկրի մեղքով  հրադադարի ռեժիմը վերահսկելու համար  22 տարի գոյություն չունի անկախ մոնիտորինգի իրականացման մեխանիզը : Անցած տարիներում դա չի նպաստել հակամարտության կարգավորմանը։ Պատգամավոր Հարի վան Բոմելը  արտգործնախարար Կունդերսից հետաքրքրվել է, թե արդյո՞ք  տեղյակ է  նա Վաշինգտոն Փոստ թերթի տեղեկությանը, համաձայն որի,  ադրբեջանական անօդաչու թռչող սարքերը ռմբակոծել են Ղարաբաղի բնակավայրերին' պատճառելով մարդկային զոհեր:
Նիդերլանդների արտաքին գերատեսչության ղեկավարն իր հերթին
 չափազանց մտահոգիչ  է համարել զարգացումների նման ընթացքը: Բռնություների կանխման ու մեղավորին  բացահայտելու համար Հաստատել է այն միտքը ,  որ  քանի դեռ գոյություն չունեն անկախ ռազմական վերահսկողություն իրականացնող մեխանիզմներ հնարավոր չէ գտնել բռնությունների վերսկսման բուն պատճառը, պարզել թե, ով է խախտել հրադադարի ռեժիմը: Այժմ այդ գործով զբաղվում է  ԵԱՀԿ փաստահավաք խումբը, որը հետաքննում է եղելությունը: Անրադառնալով հարևան երկրների դերակատարությանը  նրա կարծիքով առայժմ կոնկրետ ոչինչ հայտնի չէ'  չնայած որ Թուրքիան հստակորեն արտահայտել է իր աջակցությունն Ադրբեջանին, իսկ Ռուսաստանը, թեև դրական դեր է խաղում երկու կողմերին խաղաղության կոչելուն, հայտնի է, որ համակրանք ունի մյուս կողմի նկատմամբ։
 Կունդերսի կարծիքով  Լեռնային Ղարաբաղի խնդրի լուծման  ներկա ճգնաժամն արդյունք   է  կողմերի անպտուղ ու երկարատև դիվանագիտական բանակցությունների:
 Լեռնային Ղարաբաղի հիմնահարցի  լուծման գլխավոր դերը  ԵԱՀԿ Մինսկի խումբն է, բայց այս գործընթացում այնուհանդերձ  որոշակի աջակցող դեր է վերապահված ԵՄ-ի համար: Հատկանշական է, որ նախարարների խորհրդի առաջիկա նիստին, որին մասնակցելու են Եվրոպայի արտաքին գերատեսչության ղեկավարները նախագահելու է  Նիդերլանդները'  ի դեմս։ Կունդերսի: Համաձայն Նիդերլանդների խորհրդարանի այս նիստի հանձնարարականի  նրա ուշադրության կենտրոնում պետք է լինի, առաջին հերթին  կողմերին համաձայնության  կոչելը  շփման գծում անկողմնակալ ռազմական դիտարկումներ կազմակերպելու վերաբերյալ:
Ինչպես արդեն տեղեկացրել ենք 2016 թ. ապրիլի 5-ի  Համագործակցող հոլանդահայ կազմակերպությունները (Հոլանդահայ կազմակերպությունների ֆեդերացիան, Հոլանդիայի Հայ Դատի հանձնախումբը և այլ կազմակերպություններ) Լեռնային Ղարաբաղի հիմնահարցի մասին հանրագիր էին ներկայացրել Նիդերլանդների խորհրդարանի արտաքին գործերի մշտական հանձնաժողովի նախագահ տիկին Էյսինկին' Արցախի դեմ Ադրբեջանի  սանձազերծած ագրեսիայի կապակցությամբ, որին հաջորդել էր Համագործակցող հոլանդահայ կազմակերպությունների 2016 թ. ապրիլի 8-ի կազմակերպած բողոքի հանրահավաք-ցույցը Ամստերդամի  «Դամ»  հրապարակում:

Քաղաքական հասարակական շատ գործիչներ Արցախի կողքին են

• 13 апр, 2016 в 23:04

Շատ երկրների քաղաքական հասարակական գործիչներ ըմբռնելով Արցախի նկատմամբ Ադրբեջանի ագրեսիան, հեռուն գնացող քաղաքական ոչ հասուն , անառողջ ընկալումները' դրանից բխող հետևանքներով, պարզապես կանգնել են Արցախի կողքին' բարոյապես սատարելով ու աջակցելով Արցախի ժողովրդի ազատ ապրելու իրավունքը: Նիդերլանդներում նրանցից մեկն է հոլանդացի քաղաքական գործիչ, Սոցիալիստական կուսակցությունից խորհրդարանի պատգամավոր Հարի Վան Բոմելը, ով նախկին մանկավարժ է և այսօր մասնագիտացած է արտաքին հարաբերությունների և Եվրոպական միության հարցերով:

Բողոքի ու ցասումի միասնական երթով

"Освободитель" АРЦАХА, который не сможет держат бинокль, а с гранатомета стреляет наабарот. .

"Освободитель" АРЦАХА, который не сможет держат бинокль, а с гранатомета стреляет наабарот. .



Говорят было такое ситуация. Азербайджанский министр обороны Закир Гасанов просил стрелят из грантамёта , как он стрелял, смотрел, что сзади здания разрушился, тогда он с удивлением говорил,
 -фот это да...если он сзади так делал, представляю что делал переди. (Оказивается стрелял наабарот))
_________________
Лутче немногое у праведного, чем изобилие нечестивых.

ՀԱՄԱԳՈՐԾԱԿՑՈՒԹՅՈՒՆ

Նիդերլանդական Օրագրի հետ ամենակտիվ համագործակցող լրատվամիջոցներ




 



ՄԵՐ ԲԱՆԵՐԸ
ՄԵՐ ԲԱՆԵՐԸ
               .

Նիդերլանդական Օրագրի էջերը' /01/./02/./03/./04/./05/./06/./07/./08/./09/./10/
/11/./12././13/./14/./15/./16/./17/./18/./19/./20/./21/./22/./23/.24/./25/./26/./27/.
/28/./29/./30/./31/./32/./33/./34/./35/./36/./37/./38/./39/./40/./41/./42/./43/./44/

Մեր էջերը' facebook-ում, google+ում, mamul.am-ում   Twitter-ում «Գրական չորեքշաբթի»   Գրական հավելված       niderlandakan.blogspot.com mamul.am-Գրական չորեքշաբթի
------------------------------------------------------------------------------------------------------------

Protest held in Amsterdam (photos, video)

Protest held in Amsterdam (photos, video)

• 12 апр, 2016 в 0:32

niderlandakan

On the evening of April 8, hundreds of Dutch Armenians gathered at Dam Square of Amsterdam to condemn Azerbaijan’s military aggression against Artsakh. The protest was organized by the Cooperating Dutch Armenian Organizations, reports the Diary of the Netherlands, according to Hayern Aysor.
Yesterday, the Standing Foreign Relations Committee of the Parliament of the Netherlands had been told about the concerns about Azerbaijan’s aggression against Nagorno-Karabakh and that Azerbaijan’s aggressive and extreme actions can’t go against the ambitions of the freedom-loving people of Artsakh.
The protesters were holding signs condemning Azerbaijan’s and particularly Aliyev’s attacks, as well as photos of innocent, old and helpless people, children tortured with the brutal methods that are characteristic of ISIS and ruined settlements. The participants screamed “I am Artsakh” and “We are Artsakh”.
They gave condemning speeches and sang patriotic songs. Many protesters have expressed the desire to make financial contributions.
Those who fell for the Free Artsakh will always be glorified and remembered.
Today, the Armenian Diaspora stands with the homeland more than ever.

Демонстрация протеста в Амстердаме

На площади Дам Амстердама вечером 8 июля собрались сотни армян Нидерландов, чтобы осудить военную агрессию Азербайджана против Арцаха. Мероприятие инициировали сотрудничающие армянские организации Голландии. Редакции «Армяне сегодня» об этом стало известно из «Нидерландского дневника».

Еще накануне постоянной комиссии по внешним отношениям парламента Нидерландов была передана озабоченность действиями Азербайджана в отношении Нагорного Карабаха. Свободолюбивым устремлениям Арцаха не может противопоставляться агрессия Азербайджана. Участники акции несли плакаты, осуждающие агрессивные действия Азербайджана и Алиева, фотографии людей, детей, зверски растерзанных почерком так называемого «Исламского государства», разоренных домов. Участники акции скандировали «Я Арцах», «Мы Арцах».

Прозвучали осуждающие выступления, были исполнены патриотические песни. Многие участники изъявляют желание помочь Арцаху финансовыми средствами.

Слава и вечная память павшим за свободный Арцах. Сегодня более чем когда либо Диаспора вместе с Родиной.

Նիդերլանդահայերը դատապարտում են Ադրբեջանի աննախադեպ ագրեսիան Արցախում

• 6 апр, 2016 в 14:17

niderlandakan

Նիդերլանդների Համագործակցող Կազմակերպությունները
Արցախի դեպքերի առիթով պահանջագիր են հանձնել
Նիդերլանդների խորհրդարանին



Նիդերլանդների Համագործակցող Կազմակերպությունները երեկ ' ապրիլի 5-ին, Նիդերլանդների խորհրդարանում Լեռնային Ղարաբաղի մասին պահանջագիր են հանձնել խորհրդարանի Արտաքին Հարաբերությունների Մշտական Հանձնաժողովի նախագահ՝ տիկին Էյսինկին։ Այս մասին Նիդերլանդական օրագրին է փոխանցել  Նիդերլանդների Համագործակցող Կազմակերպությունների կազմկոմիտեն:
 Հայկական կազմակերպությունների հետ հանդիպմանը մասնակցել են նաև խորհրդարանի պատգամավորներ՝ Օմտզիխտը՝ Քրիստոնեա-Ժողովրդական Միավորում կուսակցությունից, Վան Ռոնը՝ Հանուն Ազատության կուսակցությունից, Շյորդսման՝ Ժողովրդավարներ-66 կուսակցությունից, Սերվաեսը՝ Աշխատավորական կուսակցությունից և Հարի Վան Բոմելը՝ Ընկերվար կուսակցությունից, ով բոլորովին վերջերս է գտնվել է Լեռնային Ղարաբաղում։

Հայկական պատվիրակության կազմում էին Նիդերլանդների Հայկական Կազմակերպության անվան տակ հանդես եկող տարբեր կազմակերպությունների ներկայացուցիչներ։

Ներկայացվող պահանջագրի մեջ խստորեն դատապարտվում է Ադրբեջանի կողմից բռնության կիրառումը և արտահայտվում է ծանր մտահոգություն ստեղծված իրավիճակի վերաբերյալ։ Ռազմական բռնություններին համընթաց տեղի են ունենում անմարդկային խոշտանգումներ նաև մանուկների և տարեցների նկատմամբ։ Այս առնչությամբ ցուցադրվեց մի լուսանկար՝ Թալիշ գյուղում տարեց մարդկանց հանդեպ կատարված զարհուրելի արարքներից։

Պատվիրակությունը խորհրդարանի անդամներին խնդրեց, որպեսզի նրանք բռնության կիրառումը ծանր բնորոշումներով դատապարտեն, ինչպես նաև արտգործնախարարին հանձնարարեն նույնը անելու։ Օգտվելով հանգամանքից, որ Նիդերլանդները նախագահում են Եվրամիությունում, ցանկալի է, որ արտգործնախարարը հանդես գա Եվրամիության Արտգործնախարարների Խորհրդում՝ պահանջով, որ նրանք նույնպես պատշաճ գնահատական տան այս երևույթին։ Միաժամանակ Նիդերլանդների կառավարությանը խնդրվում է աշխուժորեն աշխատել հակամարտության լուծման ուղղությամբ, այնպես ինչպես դա անում է ԵԱՀԿ-ի Մինսկի խումբը, որի նախաձեռնությունները սակայն մինչև օրս Ադրբեջանի կողմից անընդհատ մերժվում են։

Պահանջագրի հանձնման ժամանակ պատվիրակությունը ներկաների ուշադրությանն է հրավիրել մի շարք կարևոր կետեր, որոնք հաճախ մոռացվում են։ Օրինակ այն, որ ի՞նչ տարածքների գրավման մասին կարող է խոսք լինել, երբ հայ ժողովուրդն այնտեղ արդեն հազարամյակներ է, որ ապրում է։ Մյուսը հակամարտության սկզբնաղբյուրի մասին, որ Լեռնային Ղարաբաղը իր անկախությունը հռչակել է միանգամայն օրինական ճանապարհով՝ Խորհրդային Միության, այն ժամանակ դեռ ուժի մեջ գտնվող սահմանադրության հիմման վրա, իրեն օրենքով և առանց բռնության անջատելով Ադրբեջանից այն պահին, երբ վերջինս իր հերթին Խորհրդային Միությունից անկախացավ։ Եվ սակայն Ադրբեջանն այս օրինական քայլին հակադարձեց բռնության աննախընթաց կիրառությամբ։ Մեկ այլ ուշադրության արժանի կետ է այն, որ Ադրբեջանը բռնապետություն է, որն արմատական վարձկաններ է զինվորագրում։

Նիդերլանդների Համագործակցող Հայկական Կազմակերպությունները կառավարությունից պահանջում են աշխուժորեն և ուշադիր հանդես գալ՝ ընդդեմ հայ ժողովրդի նկատմամբ ատելություն սերմանելու Թուրք-ազերիական քաղաքականության դեմ, որը լայն կիրառություն ունի նաև Նիդերլանդներում։

Հանդիպման պաշտոնական մասի ավարտից հետո շարունակվել է երկկողմանի զրույցը Լեռնային Ղարաբաղի վտանգավոր վիճակի վերաբերյալ : Տեղի է ունեցել մտքերի փոխանակություն հիմնախնդրի պատճառների և լուծման հնարավորությունների վերաբերյալ։


_____________________________________

Հոլանդահայ Համագործակցող Կազմակերպությունները
միևնույն ժամանակ ուրբաթ' ապրիլի 8-ի երեկոյան,
Ամստերդամի Դամ հրապարակում, ժամը
18-ին հանրահավաք-ցույցի են  հրավիրում բոլորին:

Համագործակցող Հոլանդահայ Կազմակերպությունները դատապարտում են ադրբեջանական զինված ուժերի հարձակումը եւ կոչ են անում հոլանդահայությանը մասնակցելու այս ցույցին, որպեսզի զորավիգ կանգնենք Ղարաբաղի մեր հայրենակիցներին և մեր բողոքի ձայնը բարձրացնենք ընդդեմ ադրբեջանական ագրեսիայի։

Նիդերլանդահայերը դատապարտում են Ադրբեջանի ագրեսիվ քաղաքականությունը

• 27 фев, 2016 в 20:49

niderlandakan

Հոլանդահայ կազմակերպությունների ֆեդերացիան եւ ՀՅԴ Նիդերլանդների Հայ Դատի հանձնախումբը, Նիդերլանդների Թագավորության արտաքին գործերի նախարար Կունդերսին պահանջագիր են ներկայացրել, որում հորդորել են դատապարտել 28 տարի առաջ Ադրբեջանում իրականացված հայկական ջարդերը եւ ջանքեր գործադրել դադարեցնելու վերջինիս կողմից մինչեւ օրս շարունակվող ագրեսիան ազատ Արցախի հանդեպ, ինչպես նաեւ զինադադարի խախտումներն ու դիվերսիոն գործողությունները:

Լրացուցիչ լուսանկարներ դիտելու համար այցելեք մեր Ֆեյսբուքյան էջ




ՀԱԱԳԱ, 26-ը ՓԵՏՐՎԱՐԻ

Փետրվարի 26-ի ' այս օրերի համար սովորական ամպամած եղանակը չէր խանգարել հարյուրավոր հայերի ու այլ ազգի ներկայացուցիչների հավաքվել հենց Հաագայի կենտրոնում' Plein հրապարակում, որը բառացի թարգմանությամբ հենց հրապարակ էլ նշանակում է:

Հոլանդահայ Կազմակերպությունների Ֆեդերացիան (FAON), ՀՅԴ Նիդերլանդների Հայ Դատի հանձնախումբը համատեղ հերթական անգամ բողոքի ցույց, այնուհետև երթ կատարեցին Հաագայի կենտրոնից մինչև Ադրբեջանի դեսպանություն:

Ձեռնարկը նվիրված էր Սումգաիթում, Բաքվում, Կիրովաբադում ու Ադրբեջանի այլ քաղաքներում ազերի վանդալների իրականացրած ջարդերի արդյունքում զոհված հայ անմեղ բնակիչների հիշատակին: 28-ամյա վաղեմություն ունեցող այս դեպքերից Ադրբեջանի ռազմատենչ ղեկավարությունը այսօր էլ անհրաժեշտ հետևությունների չի հանգել: Հենց այդ մասին էլ իր բացման ելույթում հիշեցրեց Նիդերլանդների Հայ Դատի հանձնախմբի պատասխանատու Մասիս Աբրահամյանը, բացատրելով հավաքի բուն նպատակը: Իրավաբան, Հոլանդահայ Կազմակերպությունների Ֆեդերացիայի (FAON) «Ապրիլ 24 կոմիտեի» քարտուղար Ինգա Դրոստը ներկաներին տեղեկացրեց, որ Ադրբեջանի ներկայիս վարած վտանգավոր քաղաքականության մասին կառավարության շենքում րոպեներ առաջ է հուշագիր հանձնվել Նիդերլանդների արտաքին գործերի նախարար Բերտ Կունդերսին:

Այնուհետև բողոքի ցույցի մասնակիցները Ադրբեջանի վայրագությունները հաստատագրող ցուցապաստառներով, Արցախի ու Հայաստանի դրոշներով , նաև Ադրբեջանի քաղաքականությունը դատապարտող կոչերով երթ են կատարում դեպի Ադրբեջանի դեսպանատուն: Ավելի քան 3 կիլոմետր երկարություն ունեցող այս քայլարշավին հետևում, հաճախ էլ իրենց դրական վերաբերմունքն էին արտահայտում բազմաթիվ տեղացիներ ու քաղաքի հյուրեր, որոշներն էլ հարցուփորձով իրենց համար պարզում էին եղելությունը:

Խորհրդանշական է, որ երթի մասնակիցները մի պահ կանգ առան և լուսանկարվեցին Խաղաղության պալատի շենքի մոտ, որ հիմա արդարադատության միջազգային դատարանի նստավայրն է Հաագայում:
Ոստիկանների անվտանգություն ապահովող խմբի առաջնորդությամբ Երթի մասնակիցները կայանում են հենց Ադրբեջանի դեսպանության դեմ դիմաց: Այստեղ ներկաներն ականատես են լինում իսկական ադրբեջանական զավեշտի: Ըստ երևույթին ադրբեջանական դեսպանության աշխատողները նախօրոք տեղյակ լինելով երթի մասին հասցրել են բառացիորեն "զարդարել" դեսպանության շենքը' հայկական ագրեսիայի ու Խոջալուի մասին համապատասխան գրություններով:

Անշուշտ դեսպանատան աշխատողներին հայտնի է եղել հայկական կողմի այս ձեռնարկը: Դիվանագիտական կառույցը վերածելով քաղաքական պաստառի, նրանք ցուցաբերել են իրենց ճաշակը' նաև հուսահատությունն ու անճարակությունը: Ի լրացումը սրա, հավանաբար դեսպանության հրահանգով հազիվ երկու ադրբեջանցի երիտասարդներ էին եկել հարազատ դեսպանատան շենքի պաշտպանությանը' ամոթի խարազանից: : Երբ այս խեղճուկրակները վախվորած փորձեցին պարզել իրենց դրոշները, նրանց մոտեցած ոստիկանը, խուզարկեց, ապա ստիպեց ադրբեջանի այդ դրոշները պահ տալ գրպաններում:

Մինչ մեր տեսախցիկը աննկատ շատերի համար որսաց այս միջադեպը
ելույթներ ունեցան Հոլանդահայ Կազմակերպությունների Ֆեդերացիայի (FAON) նախագահ Մաթո Հախվերդյանը, ՀՅԴ Երիտասարդական Միության անդամ Սեպուհ Աբրահամյանը:
Հնչեցին հայկական հայրենասիրական ազգային երաժշտություն: Մասնակիցները լուսանկարվեցին Արցախի ու Հայաստանի մեծամասշտաբ պետական դրոշների ներքո:

Հայ-հոլանդական «Bright Future» կամավորների խումբը հյուրընկալվել էր «Կենտրոն» հեռուստաընկերությանը

• niderlandakan

Փետրվարի 26-ին, նորաստեղծ հայ-հոլանդական «Bright Future» («Լուսավոր ապագա») բարեգործական խմբի հիմնադիր Մարիամ Կիրակոսյանը և կամավոր, խմբի հայաստանյան ներկայացուցիչ Դիանա Ավետիսյանը հյուրընկալվել էին «Կենտրոն» հեռուստաընկերության «Սկսենք նորից» առավոտյան ծրագրի տաղավար: Ջերմ զրույցի շրջանակներում քննարկվեց Երևանի «Ռոսիա Մոլ»-ի նորաբաց մանկական սրճարանում փետրվարի 20-ին տեղի ունեցած «Bright Future» հայ-հոլանդական կամավորական խմբի կողմից նախաձեռնված և «Գագիկ Ծառության» բարեգործական հիմնադրամի մեծ աջակցությամբ կայացած մանկական բարեգործական միջոցառումը՝ նվիրված Հայաստանում անապահով ընտանիքների բալիկներին։ «Սկսենք նորից» հեռուստանախագծի շրջանակներում՝ քննարկվեցին «Bright Future»-ի կողմից պլանավորվող բարեգործական ուսումնական հետագա նախագծերը, ինչպես նաև՝ «Գագիկ Ծառության» բարեգործական հիմնադրամի հետ հնարավոր հետագա շարունակական համագործակցությունը։ Ամփոփվեցին փետրվարի 20-ի միջոցառմանը հաջորդած դրական արձագանքները, երեխաների հեքիաթային տպավորությունները. նրանցից շատերն առաջի անգամ էին մանկական սրճարանում, իսկ խաղային նորաոճ ատրակցիոններ տեսել էին միայն հեռուստացույցով։

«Սկսենք նորից»-ի հաղորդավարներ Սարգիսն և Մանոն անրադարձ կատարեցին «Bright Future»-ի ստեղծման գաղափարին, որն իր առաջին, սակայն հաստատուն քայլերն է այսօր անում Հայաստանում և Նիդերլանդներում:

Հիշեցնենք, որ «Bright Future» բարեգործական կամավորական խումբը նորաստեղծ է, սակայն արդեն իսկ իրականացնում է բարեգործական նախագծեր, ծրագրեր, մշակվում հատուկ մոտիվացիոն և ուսումնական ծրագիր՝ առաջիկայում անապահով հայ մանուկների կրթության հարցին առանձնակի ուշադրություն դարձնելու նպատակով։

Հ.Գ. Հաղորդման հղումը՝ (դիտեք 26:50 րոպեից)

«Bright Future» կամավորական խումբը պատրաստվում է օգնություն առաքել հայաստանաբնակ երեխաներին

• 8 янв, 2016 в 14:02

«Bright Future» կամավորական խումբը պատրաստվում է օգնություն առաքել հայաստանաբնակ երեխաներին

«Նիդերլանդական օրագիր»-ը խրախուսում և մեծ սիրով լուսաբանում է երիտասարդական յուրաքանչյուր լավ նախաձեռնություն: Վերջերս մի խումբ երիտասարդների անունից մեզ դիմեց մեր ակտիվ թղթակիցներից մեկը' Մարիշա Շիկը, խնդրելով ինֆորմացիոն աջակցություն ցուցաբերել իրենց կամավորական խմբին, ովքեր որոշել են բարեգործական ձեռնարկներով հանդես գալ Հայաստանում: Նրանց գործունեության մասին պատրաստվում են լուսաբանել նաև հայաստանյան լրատվամիջոցները' մասնավորապես «Իրավունք», «Զարուհի» և մի շարք այլ թերթեր:

Օրերս խումբը, որն ունի «Bright Future» («Լուսավոր Ապագա»)  անվանումը, հանդես է եկել հաղորդագրությամբ' մանրամասնելով իրենց գործունեության մասին տեղեկությունները: Սիրով ներկայացնում ենք այն.


«Մենք' երիտասարդ կամավորներ ենք, ովքեր Նիդերլանդներում և Հայաստանում ստեղծել են «Bright Future» («Լուսավոր Ապագա») անունը կրող բարեգործական մի խումբ: Մենք չունենք որևէ ֆինանսական հովհանավորություն. մեր բոլոր բարեգործական գաղափարները փորձում ենք իրականացնել սեփական ուժերով` բարի, սրտացավ մարդկանց օգնությամբ և աջակցությամբ:

Ավելի վաղ մենք հայտնել էինք մեր կողմից կազմակերպվող բարեգործական նախաձեռնության մասին, որը ծրագրել ենք իրականացնել 2016 թվականի փետրվար ամսին' Հայաստանում:
.

ՆՊԱՏԱԿԸ

Մենք պատրաստվում ենք աջակցություն ցուցաբերել բազմաթիվ Հայաստանաբնակ ընտանիքների, ովքեր հայտնվել են ԱՆՆԿԱՐԱԳՐԵԼԻ ծայրահեղ աղքատության մեջ:

Նախաձեռնության արդյունքը գերազանցեց մեր սպասելիքները. 2-3 շաբաթվա ընթացքում մեզ հաջողվեց հավաքել (և դեռ շարունակում ենք հավաքել) ավելի քան 160-180 կգ.-ին հասնող իրեր ու պիտույքներ: Այն նվիրաբերված է Եվրոպայում բնակվող տարբեր ազգություն ունեցող բարի մարդկանց կողմից (հագուստ, կոշկեղեն, խաղալիքներ, գրքեր, տեխնիկա և այլն): Այս կապակցությամբ ևս մեկ անգամ հայտնում ենք մեր խորին շնորհակալությունը նրանց, ովքեր սիրով ու հոժարակամ նվիրաբերել են այդչափ մեծ քանակությամբ իրեր: Դա իրո՛ք հրաշալի է, որ Եվրոպայում մենք ունենք այսքան բարի և սրտացավ մարդիկ:
.

ԽՆԴԻՐՆԵՐԸ

Սակայն այս ամենի արդյունքում մեզ մոտ առաջացել են ֆինանսական դժվարություններ՝ կապված առաքման հետ: Մենք աջակցություն ենք խնդրում ՝ անապահով ընտանիքների երեխաների համար հավաքված մեծ քանակությամբ հագուստը ՀԱՅԱՍՏԱՆ տեղափոխելու նպատակով: Քանի որ հագուստը նոր չէ, ըստ Հայաստանի Հանրապետության սահմանած նոր օրենքի (ինչը մեր՝ երիտասարդներիս համար շատ տարօրինակ և հիասթափեցնող է), մենք իրավունք չունենք այդ իրերը առաքել կոնտեյներով կամ փոստային փաթեթներով, հակառակ դեպքում ապրանքի վրա Հայաստանում մաքսատուրքեր  կդրվեն (անապահով ընտանիքներին հասցեագրված իրերի վրա մաքսատուրք դնելը պարզապես անընդունելի է մեզ համար)։ Այդ իսկ պատճառով ստիպված ենք հավաքված մեծ օգնությունն առաքել ինքնաթիռով: Հաստատ այդչափ մեծ քանակության և լավ որակի հագուստ գնելը Հայաստանում ավելի թանկ արժե, քան ինքնաթիռի ուղեբեռի արժեքն է, մանավանդ, երբ ավիաընկերությունը խոստացել է զեղչեր տրամադրել մեզ:
.

ՄԵՐ ԽՆԴՐԱՆՔԸ

Այժմ փորձում ենք հավաքել տեղափոխման համար անհրաժեշտ գումարը: Խնդրում ենք օգնություն' ով որքան կարող է: Մենք հավատում ենք` եթե յուրաքանչյուրս նվիրաբերի նույնիսկ չնչին գումար (հնարավորությունների սահմաններում), մեզ կհաջողվի հավաքել անհրաժեշտ գումարը (ինչպես նշվեց՝ առաքման գումարի մի մասը համաձայնել է տրամադրել առաջատար ավիաընկերություններից մեկը, ինչի համար մենք հայտնում ենք մեր խորին շնորհակալությունը): Մեզ մնում է հավաքել մնացած գումարը` հավաքված բարեգործությունը Հայաստան տեղափոխելու և բարեգործական ակցիան իրականացնելու համար։ (Բարեգործություն ստանալու են Հայաստանաբնակ մի շարք ԻՐԱՊԵՍ անապահով ընտանիքների երեխաներ, որոնցից շատերն ունեն առողջական լուրջ խնդիրներ: Երեխաներ, ովքեր նույնիսկ կոշիկ չունեն, որ դպրոց հաճախեն։ Կարիքավորների ցուցակագրումը դեռ շարունակվում է Երևանում, անց են կացվում ստուգւումներ՝ ընտանիքների անապահով կացության փաստը ճշտելու նպատակով)։
.

ՄԵՆՔ ՀԱՍՏԱՏԱԿԱՄ ԵՆՔ

Բարեկամներ, մենք պատրաստվում ենք իրականացնել այս բարեգործական գաղափարը և մենք ԿԱՌԱՔԵՆՔ բոլոր անհրաժեշտ իրերը նրանց, ովքեր իսկապես ունեն դրա կարիքը, ովքեր մրսում են սեփական տան մեջ և ովքեր անզոր են փոխել ստեղծված իրավիճակը: Մենք իսկապես օգնելու ենք այն երեխաներին, ովքեր ստիպված են իրենց ուսերի վրա տանել ստեղծված դժվարին իրավիճակի բեռը: Ո՛Չ ՄԻ ՖԻՆԱՆՍԱԿԱՆ ԵՎ ԱՅԼ ԴԺՎԱՐՈՒԹՅՈՒՆՆԵՐ Ի ԶՈՐՈՒ ՉԵՆ ԿԱՆԳՆԵՑՆԵԼ և ԽԱՆԳԱՐԵԼ ՄԵԶ ԻՐԱԿԱՆԱՑՆԵԼ ՄԵՐ ՄԵԾ ՑԱՆԿՈՒԹՅՈՒՆԸ՝ ՆՄԱՆ ԸՆՏԱՆԻՔՆԵՐՈՒՄ ԱՊՐՈՂ ՓՈՔՐԻԿՆԵՐԻՆ ՕԳՆՈՒԹՅԱՆ ՁԵՌՔ ՄԵԿՆԵԼՈՒ։
.

ԹԱՓԱՆՑԻԿՈՒԹՅՈՒՆԸ

Ստորև դուք կարող եք գտնել մեր հայաստանաբնակ կամավորների կողմից պատրաստված տեսանյութի հղումը, որը նկարահանվել է հերթական ցուցակագրման և ընտանիքների կենցաղային պայմանների ստուգումներ իրականացնելու ընթացքում:

Մենք հույս ունենք, որ կստանանք բավականին շատ և դրական արձագանքներ: Իսկ մեր կողմից մենք երաշխավորում ենք լիովին թափանցիկություն, ինչպես նաև՝ ակցիայի ավարտին ֆոտո-վիդեո հաշվետվության ապահովումը:

Մենք վստահ ենք՝ փոքրիկ աջակցութուն ցուցաբերելով և նման քայլեր կատարելով, կբարիացնենք մեր փոքրիկ ու մանուկների նման փխրուն Երկիր մոլորակը:

ԻՆՉՊԵՍ ՆՎԻՐԱԲԵՐԵԼ

1) https://www.gofundme.com/brightfuturenl միջոցով:

2) կամ հարցրեք բանկային քարտի տվյալները՝ ուղարկելով անձնական հաղերդագություն Marisha ShikPhotographyֆեյսբուքյան էջին.

Լրացուցիչ տեղեկությունների համար կարող եք կապվել վերոնշյալ էջի ադմինիստրատորի հետ կամ զանգահարել 0650 41 08 08 հեռախոսահամարով:

Խնդրում ենք նաև հիշյալ հաղորդագրությունը տարածել ձեր ֆեյսբուքյան էջերում : Աջակցե՛ք մեզ իրականացնել այս բարեգործական ակցիան:

ԲԱՐԵԳՈՐԾԱԿԱՆ ՆԱԽԱՁԵՌՆՈՒԹՅԱՄԲ՝ «Bright Future» («Լուսավոր Ապագա»)

ԵՐԻՏԱՍԱՐԴԱԿԱՆ ԽՈՒՄԲ»